لانسر ولاااااا .....

[MohammedAladel]

لو ثبات وغرز بغباء وجري وفرامل يبقي مازدا
كفاية اسمها بي ام اليباني
الانسر البومة تكنولوجيا قديمة من ٢٠٠٤ وهي اصلا استكمالا للمكوه ال ٢٠٠١ فخلاص راحت عليها المازدا هيا اقرب حاحة وهتكيفك لانها اعلي من الوبل اللي كانت معاك وعن تجربة
لكن شيل التويوتا عشان مش بتاعت ثبات واصحابي بيصوتوا منها في الشد رغم موتور الجنوب الافريقي الفاجر بس فرامل جيدة وثبات سئ في الغرز
وده كلامي وانا قده وهتحاسب عليه ياكبير

مازدا 3 حلوة لكن فيكترا لا تقل عنها فى شئ جايز يكون فيكترا سى تسارعها مش عالى مقارنة بفيكترا بى مانيوال ولكن ثباتها رائع وفخمة من برا وفتيس إيزى ترونيك مانيوال بدبرياج كهرباء يعنى كتكنولوجى أعلى من مازدا 3 وتقريبا محرك بيطلع 105 حصان لكل منهما ... بغض النظر عن نتشة الفتيس اللى بيقولوا عنها

بس أعتقد إن فيكترا سى تقيلة شوية زى الأوكتافيا كدا

[MohammedAladel]

شوف يا باشا لو هتتكلم عن لانسر بالمبلغ دا يبقى شارك مايفيك 1500 سى سى العربية سحبها أعلى من بومة ال 1600وموتورها بيطلع 109 حصان تقريبا
شكلها جديد طبعا فى الهاى لاين منها تقريبا بينزل الفانوس البروجيكتور اللى بيديك أضاءة لف الدركسيون بزاوية عشان تشوف كويس
عفشة مالتى لنك Multi link يعنى الثبات الأعلى شكلها رياضى أكثر بينزل فى الهاى لاين منها عربية بيتسقطلها مواتير وبتقبل تعديلات محترمة

وعايزك تدخل معاك فى المقارنة هوندا سيفيك الجيل التامن دى فاكهة اليابانى بالنسبة لى بصراحة بس عيبها انخفاضها ع الارض

[medokassem]

شوف يا باشا لو هتتكلم عن لانسر بالمبلغ دا يبقى شارك مايفيك 1500 سى سى العربية سحبها أعلى من بومة ال 1600وموتورها بيطلع 109 حصان تقريبا
شكلها جديد طبعا فى الهاى لاين منها تقريبا بينزل الفانوس البروجيكتور اللى بيديك أضاءة لف الدركسيون بزاوية عشان تشوف كويس
عفشة مالتى لنك multi link يعنى الثبات الأعلى شكلها رياضى أكثر بينزل فى الهاى لاين منها عربية بيتسقطلها مواتير وبتقبل تعديلات محترمة

وعايزك تدخل معاك فى المقارنة هوندا سيفيك الجيل التامن دى فاكهة اليابانى بالنسبة لى بصراحة بس عيبها انخفاضها ع الارض

بقلك ايه الله يسترك الراجل محدد ٣ انواع
شوية تقوله تويوتا مانيوال وهو عايز حاحة فيها ثبات ازاي بعد مركب الاوبل هيركب التويوتا وشوية وتقوله القرش وهو مكنش طارحها اصلا الراجل عايز يشتري ومش ناقص لخبطة الله يسترك ههههههههههههههه
لو كل واحد دخل وقاله اشتري كذا احسن غير اللي هوا كاتبه مش هنشوفه علي المنتدي تاني. ^_^
تحياتي

[MohammedAladel]

بقلك ايه الله يسترك الراجل محدد ٣ انواع
شوية تقوله تويوتا مانيوال وهو عايز حاحة فيها ثبات ازاي بعد مركب الاوبل هيركب التويوتا وشوية وتقوله القرش وهو مكنش طارحها اصلا الراجل عايز يشتري ومش ناقص لخبطة الله يسترك ههههههههههههههه
لو كل واحد دخل وقاله اشتري كذا احسن غير اللي هوا كاتبه مش هنشوفه علي المنتدي تاني. ^_^
تحياتي

هو حضرتك محسسنى أنى هيتجوز 3 وبيستشيرنا دى عربيات أوبشن يا باشا مش حاجة أساسية

انا بحط نفسى مكانه كل واحد فينا بيبقى عايز يجيب الأحسن بأحسن سعر

وبعدين يعرف أكتر عشان يبقى مختار وهو مرتاح فى العجلة الندامة والصابرين بخير

يعنى بذمتك ينفع نحط لانسر بومة مع لانسر شارك مايفيك 1500 وبنفس السعر ممكن أجيب الاتنين ؟؟ حلال يا عمرى ولا حرام ؟؟

وبما إن صاحب الموضوع كان راكب أوروبى وواتكلم بشكل عام وقال برضه إنه عايز الثبات والجرى

أنا ممكن أقول لحضرته

ليه متفكرش فى فيات برافو تى جيت T-jet أوو فيات لينيا تربو T-jet لو بيحب السيدان
أظن دى عربيات من الآخر يعنى
لما فيات بتطلعلى من موتور 1400 سى سى مع فتيس مانيوال 150 حصان وعزم جبار أصحابها بيشدوا مع الفئة الخامسة وكفاية إنها مبتنزلش فتيسات أوتو ..... بتنزل الإيزى ترونيك والدوال كلتش وما شابه ذلك عشان الأداء الرياضى اللى معظم الشباب عايزينه
دا لو هنتكلم عن متطلبات صاحب الموضوع يعنى

فلنفرض إن واحد قال لك عايز عربية ثابتة وقوية وكذا وكذا وقال لك بفكر فى فيرنا ولانوس هتقوله إيه ؟؟ هنقول مينفعش نخرج برا الاتنين ... ننسى الجزء المهم من السؤال ؟؟

[medokassem]

هو حضرتك محسسنى أنى هيتجوز 3 وبيستشيرنا دى عربيات أوبشن يا باشا مش حاجة أساسية

انا بحط نفسى مكانه كل واحد فينا بيبقى عايز يجيب الأحسن بأحسن سعر

وبعدين يعرف أكتر عشان يبقى مختار وهو مرتاح فى العجلة الندامة والصابرين بخير

يعنى بذمتك ينفع نحط لانسر بومة مع لانسر شارك مايفيك 1500 وبنفس السعر ممكن أجيب الاتنين ؟؟ حلال يا عمرى ولا حرام ؟؟

وبما إن صاحب الموضوع كان راكب أوروبى وواتكلم بشكل عام وقال برضه إنه عايز الثبات والجرى

أنا ممكن أقول لحضرته

ليه متفكرش فى فيات برافو تى جيت t-jet أوو فيات لينيا تربو t-jet لو بيحب السيدان
أظن دى عربيات من الآخر يعنى
لما فيات بتطلعلى من موتور 1400 سى سى مع فتيس مانيوال 150 حصان وعزم جبار أصحابها بيشدوا مع الفئة الخامسة وكفاية إنها مبتنزلش فتيسات أوتو ..... بتنزل الإيزى ترونيك والدوال كلتش وما شابه ذلك عشان الأداء الرياضى اللى معظم الشباب عايزينه
دا لو هنتكلم عن متطلبات صاحب الموضوع يعنى

فلنفرض إن واحد قال لك عايز عربية ثابتة وقوية وكذا وكذا وقال لك بفكر فى فيرنا ولانوس هتقوله إيه ؟؟ هنقول مينفعش نخرج برا الاتنين ... ننسى الجزء المهم من السؤال ؟؟

وماله يكبير بس متخدش الكلام علي سدرك كدا احنا هنا بنتناقش ونتعلم من بعض
الانسان لو مقتنع بلانوس وركب فيراري بسببك وبسبب كلامك مش هيبقي مقتنع بيها وهو بردوا مقلش عايز مقارنه يا كان حطها في قسم المقارنات هو اه انصحه بس مش تقوله كرولا بعدين تقوله قرش بعدين تقوله سيفيك بعدين تقوله الفيات انتا كده هتشوش تفكيره خااااااالص ده انا نفسي اتشوشت
بعدين القرش ال ١٥٠٠ ينساها مع صاحب وبطة في طلعتها وش جراية زي ال١٦٠٠ وفتيسها مش ستب ترونك زي المازدا
انا الفيات هليه الاول يسال علي فانوسها بكام ولا اكصدام ولا توكيلها الزبااااالة بشهادة الكل التوكيل ده بيدفن فيات حرام يحط فلوسه في عربية معدومة في السوق ده لقدر الله لو عاز نص ولا فخدة هيلاقي وفين ؟؟؟
تحياتي

[buddha]

لو الموضوع شمل اختارات اكثر
لو قلنا ان الراجل عايز يبانى يقارن بالوروبى فى الثبات
اقولك على طول هوندا سيفيك ثبات مينفعش يقارن بالاوروبى لانة يتفوق عليها بفارق كبير حتى مع السرعات السوبر
كمان مواتير هوندا قوية بما يكفى
المشكلة ال تخليها برة الاختيارات انها منخفضة جدا
العربية دى لما تترفع وتشوفها من تحت بتبقى مفيهاس حتة مستوية بتبقى معجونة من تحت


وكثبات افضل بمراحل من ماذدا
نهاية القول ربنا يوفق صاحب الموضوع فى ما يحبة

[MohammedAladel]

وماله يكبير بس متخدش الكلام علي سدرك كدا احنا هنا بنتناقش ونتعلم من بعض
الانسان لو مقتنع بلانوس وركب فيراري بسببك وبسبب كلامك مش هيبقي مقتنع بيها وهو بردوا مقلش عايز مقارنه يا كان حطها في قسم المقارنات هو اه انصحه بس مش تقوله كرولا بعدين تقوله قرش بعدين تقوله سيفيك بعدين تقوله الفيات انتا كده هتشوش تفكيره خااااااالص ده انا نفسي اتشوشت
بعدين القرش ال ١٥٠٠ ينساها مع صاحب وبطة في طلعتها وش جراية زي ال١٦٠٠ وفتيسها مش ستب ترونك زي المازدا
انا الفيات هليه الاول يسال علي فانوسها بكام ولا اكصدام ولا توكيلها الزبااااالة بشهادة الكل التوكيل ده بيدفن فيات حرام يحط فلوسه في عربية معدومة في السوق ده لقدر الله لو عاز نص ولا فخدة هيلاقي وفين ؟؟؟
تحياتي

شوف يا باشا من الواضح إنك مش فاهمنى

لأ هو قال عايز مقارنة بس هو حط الموضوع فى المكان الخطأ الموضوع

مفيش حاجة اسمها هشوش تفكيره هى فيزياء ولا كيمياء نووية

أنا بقوله دخل معاك فى المقارنة مش بختارله يا باشا ياريت حضرتك تقرأ كلامى كويس يعنى بوريله كل العربيات المحترمة فى الفئة دى وهو يختار براحته

وحضرتك بتتكلم عن مازدا كما لوكان توكيلها مفيش بعده ... معروف توكيل مازدا إنه بطيخ برضه زى فيات
بس على الأقل فيات عربية تمنها فيها قوى قوى قوى .. مش بقلل من مازدا ولا حاجة لأحسن حضرتك تفهمنى غلط أنا بحبها قوى والله

وبعدين حكاية قطع الغيار مازدا أو فيات الاتنين متوفرين فى أماكن معينة مش مرطرطين فى السوق

وبالنسبة للانسر يا باشا الشارك سحبها على الأقل أفضل من لانسر بومة 1600
وممكن للى بيحب المانيوال هيبقى سحبها أشد بالتأكيد

وبعدين مازدا 3 مش عفية قوى كدا هههههههه دا أغلب الأعضاء بيقولوا لو بس موتور أقوى شوية كانت تبقى فل الفل

يعنى سحبها على قده برضه

[medokassem]

لو الموضوع شمل اختارات اكثر
لو قلنا ان الراجل عايز يبانى يقارن بالوروبى فى الثبات
اقولك على طول هوندا سيفيك ثبات مينفعش يقارن بالاوروبى لانة يتفوق عليها بفارق كبير حتى مع السرعات السوبر
كمان مواتير هوندا قوية بما يكفى
المشكلة ال تخليها برة الاختيارات انها منخفضة جدا
العربية دى لما تترفع وتشوفها من تحت بتبقى مفيهاس حتة مستوية بتبقى معجونة من تحت


وكثبات افضل بمراحل من ماذدا
نهاية القول ربنا يوفق صاحب الموضوع فى ما يحبة

هههههههه الثبات ولا لفضل بمراحل ولا حاجة الهوندا ارتفاعها عن الارض ١٥ سم المازدا ١٤.٥ سم بس عشان الهوندا قاعدة عجلتها اكبر فيتهيا ليك انها اوطي من المازدا علي فكرة والله غي ناس ساقت الهوندا والمازدا وتقولك المازدا تمسك الارض زيعا مش اقل منها الشي الوحيد اللي تتفوق فيه الهوندا الموتور فرق مش كبير من تجربة واقعية + معامل الةبات الالكتروني للهوندا وده مش موجود في المازدا شيله كده وسوقها وانت تعرف المازدا باشا بي ام اليباني اسال اي حد عليخ وشوف هيقولك مازدا ولا هوندا
تحياتي ياكبير ^_^

[medokassem]

شوف يا باشا من الواضح إنك مش فاهمنى

لأ هو قال عايز مقارنة بس هو حط الموضوع فى المكان الخطأ الموضوع

مفيش حاجة اسمها هشوش تفكيره هى فيزياء ولا كيمياء نووية

أنا بقوله دخل معاك فى المقارنة مش بختارله يا باشا ياريت حضرتك تقرأ كلامى كويس يعنى بوريله كل العربيات المحترمة فى الفئة دى وهو يختار براحته

وحضرتك بتتكلم عن مازدا كما لوكان توكيلها مفيش بعده ... معروف توكيل مازدا إنه بطيخ برضه زى فيات
بس على الأقل فيات عربية تمنها فيها قوى قوى قوى .. مش بقلل من مازدا ولا حاجة لأحسن حضرتك تفهمنى غلط أنا بحبها قوى والله

وبعدين حكاية قطع الغيار مازدا أو فيات الاتنين متوفرين فى أماكن معينة مش مرطرطين فى السوق

وبالنسبة للانسر يا باشا الشارك سحبها على الأقل أفضل من لانسر بومة 1600
وممكن للى بيحب المانيوال هيبقى سحبها أشد بالتأكيد

وبعدين مازدا 3 مش عفية قوى كدا هههههههه دا أغلب الأعضاء بيقولوا لو بس موتور أقوى شوية كانت تبقى فل الفل

يعنى سحبها على قده برضه

هركبك مازدا ٣ مانيوال بتاعت واخد حبيبي استوك من ٠-١٠٠ ٨ ثواني اه ٨ بس والاوتو في ١٠ ثواني واسال ال عضو level power من قسم مازدا قوله عربتك لما جبتها من ٠-١٠٠ في اد ايه
اه المازدا المانيوال والله واكله جولف ٤ مكنه ٢٠٠٠ وهبقي افرجك عل مازدا المانيوال وهخليك تغير فكوك عنها ^_^

[MohammedAladel]

خلى بالك برضه الثبات الألكترونى مش موجود غير فى ال vti ودى هتبقى غالية شوية

[MohammedAladel]

لو الموضوع شمل اختارات اكثر
لو قلنا ان الراجل عايز يبانى يقارن بالوروبى فى الثبات
اقولك على طول هوندا سيفيك ثبات مينفعش يقارن بالاوروبى لانة يتفوق عليها بفارق كبير حتى مع السرعات السوبر
كمان مواتير هوندا قوية بما يكفى
المشكلة ال تخليها برة الاختيارات انها منخفضة جدا
العربية دى لما تترفع وتشوفها من تحت بتبقى مفيهاس حتة مستوية بتبقى معجونة من تحت


وكثبات افضل بمراحل من ماذدا
نهاية القول ربنا يوفق صاحب الموضوع فى ما يحبة

هههههههههههه مش قوى كدا ياباشا

[medokassem]

لاطبعا الاوروبي يتفوق زي الجتا والباسات ناهيك عن الب ام والمرسيدس والاودي
لكن
الفانتازيا و الرينو والستروين دي فيئة تتقارن بالمازدا والهوندا لكن التانين دول عالم تاني تحياتي

[MOstafa Hashem]

يا حماعه انا لما عملت الموضوع ده كنت عايز رأى ملاك اليابانى والعربيات عامله ايه معاهم وليه فضلوا انهم يجبوها عن باقى العربيات

انا سوقت يابانى كتير كورولا من 98 لحد 2011 ولانسر من 99 لحد 2012 وسوقت المازدا 3 بس الشكل الجديد .. بس انا مقدرش احكم على عربيه سوقتها مره او 2 وهاتقعد معايا سنييين ..

انا فعلا مقتنع بان المازدا 3 هى الاقرب لاحتياجاتى والاستاذ medokassem اقنعنى بكده .. لو حد عنده رأى تانى يقدر يقنعنى بيه يقولو

وانا مدخلتش الاوروبى فى المقارنه عشان فى عربيه فانتازيا تانيه فى البيت .. مع انى هابييييض على فيكترا سى .. بس مينفعش يكون عندك عربيتين كبار زى بعض فى بيت واحد

وبالنسبه للسيفيك انا شايف انها غاليه وانا مش قد تمنها وكمان انا لو ركبتها هاركب ال vti

متابع ردوكم

[Mamoud salah H]

يا باشا انت نازل من اوروبي واوبل يعني يا تركب اوبل يا تركب اوروبي اعلي ممنه
انا رايي تتفرج علي الاوبل استرا 2007 ايزي ترونيك عربية ملهاش حل وثبات مش هكلم عليه
وشوف برضوا جولف 4 او جولف 5 بس بصراحة مش عارف سعرها كام عربيات مش محتاجة كلام
وبالنسبة للي بيقول ان السيفيك ثباتها يتفوق علي الاوروبي اظن وسعت منه شوية هو اه ثباتها محترم بس ميوصلش للاوروبي او الالماني بشكل خاص

[MohammedAladel]

أنا غلطان أنى شاركت فى الموضوع دا ..... تحياتى