الافضل كعربيه عائلية .... رينو لوجان ولا البرتون ساجا

[CarMania]

السلام عليكم و رحمة الله و بركاته
مبدئيا احب اوجه التحية لكل اعضاء المنتدي الكرام و القائمين عليه

انا كنت ناوي اشتري عربيه جديدة مانويل موديل 2013
وكنت ناوي علي افيو او لوجان
وبعد ماسالت كتير و اتحيريت كتير. الحمد لله ربنا هداني اني اجيب اللوجان نظرا للمشاكل الكتير اللي في الافيو.

لكن بعد كدا سمعت من ناس عن الساجا وانها منافس قوي للوجان.
وبتتميز عنها في بعض الحاجات. زي مثلا تصميم التابلوة.

فقلت اكتر ناس ممكن تساعدني في الموضوع دا هما ملاك الساجا نفسهم
فكنت عايز اسمع منكم تقيم موضوعي للساجا و هل هيا فعلا افضل من اللوجان وايه اللي بيميزها عنها و ايه عيوبها

وشمر نقدما لاعضاء المنتدي الكرام

[eng.m7md.ali]

انا مش من ملاك العربية بس اقدر افيد حضرتك

اللوجان اوسع من الساجا في المساحة الداخلية والشنطة فااعتقد هتفيد حضرتك اكتر من الساجا

اما المميزات والعيوب تقريبا واحد

نفس التقفيل
نفس الخامات
نفس اسعار قطع الغيار او اختلاف بسيط في بعض القطع بأسعار متفاوتة
نفس التسارع تقريبا
نفس الثبات ان لم تكن الساجا احسن طبعا
التوكيل احسن بكتيييييييييير جدا للرينو

الفيصل هيكون لحضرتك من ناحية الشكل مثلا والتصميم الداخلي

[Mohab555]

اكييييييييد اللوجان .... طبعا فى كل حاجة احسن
و اهم ميزة التوكيل احسن من توكيل بروتون 100 مرة

[MohammedAladel]

زى ما قال العضو الكريم بالضبطeng f3lix

مع مراعاة فروق أحجام المواتير بين ال 3 عربيات

[zkralla]

نفس اسعار قطع الغيار او اختلاف بسيط في بعض القطع بأسعار متفاوتة

انا مركبتش الساجا و لغاية دلوقتى مش شايفها فى الشارع الى قليل جدا فى حين اللوجان انتشارها اكبر
معتقدش فرق الانتشار الصارخ ده هيخلى توافر قطع الغيار واحد للعربيتن واسعار قطع الغيار برضه مش هتكون متقاربة ( باتلكم على الاسعار فى السوق مش التوكيل واعتقد الاهم هو الاسعار فى السوق )
الساجا شكلها شبابى اكتر

سمعت فى المنتدى أن استهلالكها فى البنزين اعلى من اللوجان رغم انها 1300 واللوجان 1600

معرفش موضوع دعم البنزين هيكون أيه تاثيرة على اختيارك وهل دعم العربيات 1300 هيختلف عن 1600

[MohammedAladel]

بالنسبة لقطع غيار رينو بشكل عام متوفرة ومناسبة جدا برا التوكيل

بالنسبة للى أنا سمعته عن الساجا فى المنتدى هنا برغم أن محركها صغير لكن أستهلاكها عالى للبنزين ولكن ما سمعتش إنها أستهلاكها أعلى من اللوجان

اللوجان بينزل منها محركين واحد 8 صباب بيطلع 90 حصان ودا قديم وبينزل مع الفتيس المانيوال

والتانى 110 حصان 16 صباب ودا الأفضل طبعا والأقوى وبينزل مع الفتيس الأوتو

[eng.m7md.ali]

انا مركبتش الساجا و لغاية دلوقتى مش شايفها فى الشارع الى قليل جدا فى حين اللوجان انتشارها اكبر
معتقدش فرق الانتشار الصارخ ده هيخلى توافر قطع الغيار واحد للعربيتن واسعار قطع الغيار برضه مش هتكون متقاربة ( باتلكم على الاسعار فى السوق مش التوكيل واعتقد الاهم هو الاسعار فى السوق )
الساجا شكلها شبابى اكتر

سمعت فى المنتدى أن استهلالكها فى البنزين اعلى من اللوجان رغم انها 1300 واللوجان 1600

معرفش موضوع دعم البنزين هيكون أيه تاثيرة على اختيارك وهل دعم العربيات 1300 هيختلف عن 1600

عربيات بروتون كلها اللي في مصر تقريبا اقل من اللوجان اللي في مصر

بمعنى ان شركة بروتون انتاجها مش كبير زي شركة رينو .. و كمان حصة السوق المصري من عربيات بروتون في السنة حوالي 3300 عربية بس .. بعكس طبعا اللوجان اللي ممكن تكون حصة السوق المصري منها اكبر من الرقم ده

وده سبب عدم انتشارها زي اللوجان .. والله اعلم بردو

وفعلا في قطع غيار للساجا ارخص من اللوجان .. وبردو في قطع غيار للوجان ارخص من الساجا

يعني الاسعار تقريبا متفاوتة

بالنسبة لاستهلاك البنزين عمرها ماهتكون اكتر من اللوجان لانها 1300 سي سي بس .. هيا طبعا بتشرب كتير بالنسبة لعربية 1300 بس عمرها ماهتوصل لاستهلاك ال 1600 سي سي + ان مواتير بروتون كلها غير موفرة للبنزين زي مثلا التويوتا والنيسان

[MohammedAladel]

وإيه السر فى كدا يا باشا أنا أعرف إن أصعب حاجة فى تصميم الموتور نظام حقن الوقود أو الرشاشات ؟ هل النظام دا غير متطور بما فيه الكفاية إنه يجعل است هلاك عربيات بروتون معقول ؟

[walidzakzok]

انا معايا لوجان بس ما انصحكش باللوجان او الساجا زود شوية وهات حاجة احسن

[NaderNabil]

بعد زيادة أسعار اللوجان بالشكل ده...أرشحلك النيسان صني الشكل القديم.. 90000 مانيوال و 95000 أوتوماتيك و الإستلام بعد شهر من التوكيل

[CarMania]

الف شكر على الرد يا رجاله .... وان شاء الله ربنا يجازيكم خير
وانا كان عندى استفسار كمان
هوا طبعا بعد زيادة الاسعار اللوجان وصلت فى التوكيل ل 82 الف
و بالنسبة للافر برايس بـ 85 الف (اعتقد ان دا سعر المعارض ... يا ريت حد يصحح لى لو غلط لأنى مش عارف مصطلح اوفر برايس بيطلق على ايه بالظبط)
السؤال بقة .... لو انا هجبها من الوكيل نفسه بالسعر الرسمى هستلم فى خلال اد ايه تقريبا
لو من المعرض هيبقى بعد اد ايه ؟؟

انا معايا لوجان بس ما انصحكش باللوجان او الساجا زود شوية وهات حاجة احسن

يا ريت لو حضرتك توضح لى اكتر .... ايه هيا عيوب اللوجان؟؟؟

[S O P H O S]

بعد زيادة أسعار اللوجان بالشكل ده...أرشحلك النيسان صني الشكل القديم.. 90000 مانيوال و 95000 أوتوماتيك و الإستلام بعد شهر من التوكيل

+1111111

[MohammedAladel]

صنى الشكل القديم أحسن من ال 3 دول بصراحة .... بس هل معقول مش هيزودوا سعرها دا أحنا فى مصر

[CarMania]

شكرا على التفاعل يا رجاله

طبعا النيسان صنى لا غبار عليها .... وعربية محترمة جدا
بس المشكلة انى متحجم بمزانية محدودة واخرها 80 الف او اكتر حاجة بسيطة

فعشان كدا كنت بفاضل بين اللوجان و الساجا
وعلى كلامكم خلاص ان شاء الله هتوكل على الله واجيب اللوجان
فيارت لو حد يقدر يقلى لو اشتريتها من الوكيل بالسعر الرسمى هستلمها فى خلال اد ايه كدا
ولو من المعرض بأفور برايس هستلم فى خلال اد ايه؟؟

[walidzakzok]

الف شكر على الرد يا رجاله .... وان شاء الله ربنا يجازيكم خير
وانا كان عندى استفسار كمان
هوا طبعا بعد زيادة الاسعار اللوجان وصلت فى التوكيل ل 82 الف
و بالنسبة للافر برايس بـ 85 الف (اعتقد ان دا سعر المعارض ... يا ريت حد يصحح لى لو غلط لأنى مش عارف مصطلح اوفر برايس بيطلق على ايه بالظبط)
السؤال بقة .... لو انا هجبها من الوكيل نفسه بالسعر الرسمى هستلم فى خلال اد ايه تقريبا
لو من المعرض هيبقى بعد اد ايه ؟؟





يا ريت لو حضرتك توضح لى اكتر .... ايه هيا عيوب اللوجان؟؟؟

عيوب اللوجان باور تقيل قطع غيار غالية على كونها عربية اقتصادية تقفيل تعبان الى حد ما شكلها انت وذوقك صوت موتور عالي عربية خشنة مش زي الياباني والكوري والكاوتش اللي نازلة بيه ردئ