الافضل كعربيه عائلية .... رينو لوجان ولا البرتون ساجا

[MohammedAladel]

EIM Network And Dealers

دا لنك مراكز الصيانة والموزعين ... كلمهم

متشتريش بأوفر برايس عشان حرام تدفع فى عربية أكتر من تمنها ربنا مش هيبارك لك فيها لو دفعت فيها فلوس زيادة وانت عارف أنه مش تمنها كدا

[CarMania]

عيوب اللوجان باور تقيل قطع غيار غالية على كونها عربية اقتصادية تقفيل تعبان الى حد ما شكلها انت وذوقك صوت موتور عالي عربية خشنة مش زي الياباني والكوري والكاوتش اللي نازلة بيه ردئ

شكرا للاهتمامك يا كبير
تمام .... هوا انا كنت سمعت عن التقفيل تعبان ودى تقريبا صفة كل عربية فى الفئة دى
بس من القسم بتاع اللوجان ..... انا شفت ناس كتير بتشكر فى عفشة اللوجان وبتقول انها ناعمه جدا واحسن من اى عربية تانية فى فئتها .... فهل الكلام دا سليم و لا ايه؟؟
وبوجود العيوب دى ... هل فيه حاجة احسن منها فى نفس الفئة دى (بحد اقصى 80 الف) .... ولا اللوجان افضل بردة برغم العيوب دى؟؟

EIM Network And Dealers

دا لنك مراكز الصيانة والموزعين ... كلمهم

متشتريش بأوفر برايس عشان حرام تدفع فى عربية أكتر من تمنها ربنا مش هيبارك لك فيها لو دفعت فيها فلوس زيادة وانت عارف أنه مش تمنها كدا

تسلم يا كبير ... وربنا يبارك لك يا رب
وان شاء الله ربنا يكرمنى واشترى من فرع المهندسين .... بس هل عندك فكرة التسليم بيكون فى خلال اد ايه؟؟
انا اقصد العربية دى Renault Logan 2013 F/O - M/T

[MohammedAladel]

لأ والله للأسف معرفش

[hamaka]

[QUOTE=CarMania;3874770767]شكرا للاهتمامك يا كبير
تمام .... هوا انا كنت سمعت عن التقفيل تعبان ودى تقريبا صفة كل عربية فى الفئة دى
بس من القسم بتاع اللوجان ..... انا شفت ناس كتير بتشكر فى عفشة اللوجان وبتقول انها ناعمه جدا واحسن من اى عربية تانية فى فئتها .... فهل الكلام دا سليم و لا ايه؟؟
وبوجود العيوب دى ... هل فيه حاجة احسن منها فى نفس الفئة دى (بحد اقصى 80 الف) .... ولا اللوجان افضل بردة برغم العيوب دى؟؟
انت ممكن تقارن بشكل منظم أكتر شوية ، يعنى مثلاً بافتراض اانا بنتكلم انك أخرك 80 معنى كده اننا قدام المانوال من الاثنين (الساجا ب 79 من التوكيل تسليم بعد 10 أيام أو من المعارض بنفس السعر أو أعلى 1000 بس بتستلم تانى يوم و اللوجان من التوكيل ب 82 و الاستلام بعد شهرين أو من المعارض ب 85 و الستلام من أسبوع ل أسبوعين) ، هنمسك العربية حاجة حاجة ، أولاً : كموتور فى المانوال الغلبة من ناحية الميكانيكا و مكونات الموتور للساجا (2 كامة 16 صباب و 94 حصان) اللوجان (كامة واحدة 8 صباب و 90 حصان) من ناحية ال سى سى معروف طبعاً الغلبةة للوجان 1600 و الساجا 1300 ، أما الأداء فا دا اختلفت عليه الاراء بس معظم الناس اللى ركبو الثنين قالوا ان الساجا مانوال أقوى من اللوجان مانوال فى حين ان دا بيتعكس فى الأوتوماتيك ، و فى كذا فيديو على اليوتيوب جايب شد بين الاتنين ممكن تشوفه ، ثانياً: العفشة الغلبة للوجان كنعومة و لكن الساجا أفضل كثبات فى الملفات و التيرنات المفاجئة على السرعات العالية ، ثالثاً: التصميم الخارجى أو الشكل و دا زى ما الرجالة قالت أذواق تماماً ، رابعاً: التصميم الداخلى و دا بيصب بقوة فى مصلحة الساجا كمكان الزراير بتاعة الشبابيك و المرايات و الكلاكس ، خامساً: الوسع الداخلى قريبين من بعض بس اللوجان أكبر سنة و الشنطة نفس الكلام و الارتفاع عن الأرض نفس الكلام الاتنين عاليين بس اللوجان أعلى حاجة بسيطة ، سادساً: التوكيل الثنين غاليين بس بشكل عام الرينو أفضل كمعاملة و توافر قطع الغيار ، سابعاً: التقفيل عموماً الساجا أفضل لانها تقفيل بلدها فى حين ان اللوجان تقفيل مغربى ، هوا مش وحش بس الساجا فعلاً أفضل كتير فى التقفيل زى أماكم اللحامات و ما شابه ،ثامناً: قطع الغيار بره التوكيل زى مالرجالة قالوا فى حاجات هنا أعلى و فى هنا أعلى بس يقال ان الساجا بتقبل قطع غيار بديلة أرخص جداً و مش عارف دى فى اللوجان ولا لأ ، تاسعاً و أخيراً: اعادة البيع سيء فى الاثنين لأن الناس فى مصر لا تثق فى المستعمل غير كورى و يابانى ، حتى الألمانى بيتقل فى البيع عشان قطع غياره عالية رغم انها بتعيش ، أتمنى أكون أفدتك فى الاختيار و أهم حاجة الاستخارة و تتوكل على الله و ربنا ييسرلك الصالح بإذن الله