ليون و لا فانتازيا ولا مازدا 3 و كرورلا

[ser3a_0]

بعد ما طلعت النترا من المقارنه

ايه الافضل من رايكو في دول

مازدا 3 اعلي فئه

تويتا كرولا تاني فئه

اسكودا اعلي فئه بدون فتحت سقف و جنط

ليون اعلي فئه

[AlGazar2]

بصراحة ليون او مازدا عربيات شبابى و جراية و ثبات عالى

الاسكودا فخامه طبعا و ثبات عالى بس ماتور قديم و شكل هيتغير غير انها مش موجوده حاليا فى السوق

التويوتا عربيه عواجيزى من الطراز الاول و مينفعش تتحط مع العربيات دى

[fares_311]

ليون

[S O P H O S]

مازدا
كرأي فقط ..

[inspiron]

بصراحة ليون او مازدا عربيات شبابى و جراية و ثبات عالى

كلام سليم :)

الاسكودا فخامه طبعا و ثبات عالى بس ماتور قديم و شكل هيتغير غير انها مش موجوده حاليا فى السوق

كلام غير سليم بالمرة....بكل بساطة الفانتازيا هي الليون في كل شئ ( موتور - فتيس - شاسيه )
وموجودة 2013 في السوق عادي جداً :)

التويوتا عربيه عواجيزى من الطراز الاول و مينفعش تتحط مع العربيات دى

may be

[Ahmod]

هو اهم حاجة انك طلعت الالنترا من المقارنة !!!

بالنسبة للعربيات المذكورة فكل عربية ليها مميزاتها وفي نفس الوقت ليها عيوبها فلازم حضرتك تكون عارف متطلباتك ايه من العربية عشان تقدر على اساسه تختار !!!!

لو حضرتك عايز عربية تشتريها وتنساها / استهلاك بنزين قليل / عزل ونعومة وراحة هتلاقي الحجات في الكورولا !! وعلى فكرة برضوا الكورولا كشد مواتير تعتبر الاقوى فيهم لكنها الاضعف في الثبات

لو حضرتك عايز عربية شبابي ماتور معقول وثبات عالي جري غرز ويمين وشمال يبقى المزادا

اما لو حضرتك عايز فخامة وشياكة الالماني وفي نفس الوقت ثبات عالي جدا وعوامل امان يبقى الاسكودا

بالنسبة لليون فماعنديش معلومات كافية عنها بس اعتقد ان ماتورها مش نفس ماتور الفانتزيا !! لان الابيزا 115 حصان وعزم 157 نيوتن كمان dsg !! ؟ فاعتقد الليون مش هتبقى اقل منها

[the_first_knight]

من وجهة نظري الشخصية (لو العربية بالنسبة لك صفقة، يعني يكون سعرها فيها ومتنزلش كتير عند البيع يبقى أوكتافيا أو كورولا)
أنا بحب الأوكتافيا دي بجنون (ورأي الشخصي هي أنسب سيارة لمصر في حدود 200 ألف)
وربنا يوفقك في اختيارك

[ser3a_0]

شكرا لكل الردووووووووووووووووووووووووووووووود

[medokassem]

mazda 3 more power full than fantazia
toyota more powerfull engine than all
reseal (fantazia ,corolla ,mazda seat ) j
mazda more stable then fantazia then leon then crolla
mazda saftey 2airbags , abs ,ebd ,+high stability
spare parts from the higest to lowesest
leaon
fantazia
mazda
corolla
mazda and corolla not big range in spare parts
i recomaned mazda for u ^_^

[ser3a_0]

thxxxxxxxxxxxxxxxxxxxxxxxxx

[MOstafa Hashem]

بص

لو عايز ثبات وامان وغرز يبقى الأوروبى طبعا .. الفانتازيا نفس موتور الليون بس الليون فتيس dsg بـ 7 غيار انما الفانتازيا ستيبترونك 6 غيار .. بس الليون تكسب فى السحب عشان اخف وزنا طبعا وهتعجبك اوى فى الغرز والشد ولو عايز حاجه شبابى يبقى الليون انسب حاجه .. انما الفانتازيا ثبات خرااااااااافى وشيااااااكه وامااان ونعومه واركبها وانتا حاطط فى بطنك بطيخه

عيوب العربيتين دول .. الخامات بتاعة الليون مش أد كده والتقفيل بتاعها مش ممتاز او على غير المتوقع من عربيه بـ 170000 ده غير المشكله الكبرى بتاعة الفتيس الفاشل فى مصر الـ dsg ده غير ان العفشه ناشفه حبتين ..

الفانتازيا سحب مش قوى لحد 100 كم\س بس بعد كده بتفتح معاك .. وده يتعوض بأنك تسوق على s بس استهلاك بنزين اعلى حبه .. وصوت موتور عالى حاجه بسيطه تكاد تكون لا تذكر وده من وجهة نظرى

الكلام ده عن تجربه شخصيه


نيجى لليابانى ..
المازدا تكسب فى الأوبشن والثبات طبعا بس سحبها بطئ بالنسبه لعربيه شبابى ده غير ان الفتيس ال 4 غيار ده بردو قديم شويه ..
الكورولا سعر مبالغ فيه ثبات مش أد كده بالنسبه لتمنها .. لكن الباقى مش هافتى فيه

[ser3a_0]

شكرا جدا يا باشا

وفييييييييييييت

[medokassem]

بص

لو عايز ثبات وامان وغرز يبقى الأوروبى طبعا .. الفانتازيا نفس موتور الليون بس الليون فتيس dsg بـ 7 غيار انما الفانتازيا ستيبترونك 6 غيار .. بس الليون تكسب فى السحب عشان اخف وزنا طبعا وهتعجبك اوى فى الغرز والشد ولو عايز حاجه شبابى يبقى الليون انسب حاجه .. انما الفانتازيا ثبات خرااااااااافى وشيااااااكه وامااان ونعومه واركبها وانتا حاطط فى بطنك بطيخه

عيوب العربيتين دول .. الخامات بتاعة الليون مش أد كده والتقفيل بتاعها مش ممتاز او على غير المتوقع من عربيه بـ 170000 ده غير المشكله الكبرى بتاعة الفتيس الفاشل فى مصر الـ dsg ده غير ان العفشه ناشفه حبتين ..

الفانتازيا سحب مش قوى لحد 100 كم\س بس بعد كده بتفتح معاك .. وده يتعوض بأنك تسوق على s بس استهلاك بنزين اعلى حبه .. وصوت موتور عالى حاجه بسيطه تكاد تكون لا تذكر وده من وجهة نظرى

الكلام ده عن تجربه شخصيه


نيجى لليابانى ..
المازدا تكسب فى الأوبشن والثبات طبعا بس سحبها بطئ بالنسبه لعربيه شبابى ده غير ان الفتيس ال 4 غيار ده بردو قديم شويه ..
الكورولا سعر مبالغ فيه ثبات مش أد كده بالنسبه لتمنها .. لكن الباقى مش هافتى فيه

باشا انتي اكيد مش بتتكلم عن المازدا اللي هيا المازدا زي اللي معايا صح ؟؟؟
باشا اقسم بالله انا قبل مغير طرمبة البنزين القيمة عشان كانت صعبت عليا ومتحمصة لانها من الفابريكة لحد ٢٤٠ الف كيلو هيا اللي في العربية
فجربت اجري بالطرمبة المتحمصة دي مع فانتازيا اكتر من مره اقسم بالله غرز وشد وطوالي ولا كان عارف يجيبني واخره عمال يقلبلي نور في المرايا دي حاجة
انا بقي لما غيرت الطرمبة البنزين بواحدة جديدة والله القربية تحوووولت انا مكنتش مصدق
والله معلم علي جولف ٤ ٢٠٠٠ سي سي اي نعم فتيسه كان فيه مشكلة بس ١٦٠ حصان يعني فرق كبييير بيني وبينه رغم كده اتعملت علييه النمرة المتينة
وكمان شديت مع بي ام ٣١٨ اي موديل ٢٠٠٢ مكنتها ٢٠٠٠ علي ابوها كان راكب فيها اربعة شديت معاه من ٤٠-١٧٠
تتخيل ان انا كنت متوقع انه هيترقعلي فوق ال١٠٠ لقيت نفسي انا اللي بفرق عنه لحد ١٧٠ باشت دي المازدا اللي انتا بتتكلم عليها وماشية ٢٥٠ الف مشاء الله تبارك الله تخيل لو كانت بشوكتها تحب اعرفك حاجة ناس كانو جايبنها من الزيرو من ال٠-١٠٠ في ١٠ثواني علي الdوالعربية فيها ٢ تخيل لو واحد بس اللي فيها وجابها علي الاستبترونك m
عزيزي لاتظلم المازدا بكلامك عنها حربها وانتا هتحبها وعلي فكرة ثباتها الله واكبر عليه
والفتيس الاربع نقلات اختراااع فاجر احسن من ابو سته اللي كله مشاكل ودي اقصي سرعة لكل غيار من غير متخش في الرد زوون
١-٦٠
٢-١٢٠
٣-١٧٠
٤-مع نفسك
لو هتخش في الرد زون
٣-١٨٠
٢-١٣٠
ادعي بقي لعربيتي عشان هتغير فتيس اه علي فكرة اسعار فتيس المازدا الاوتو من اول ٢٠٠٠-٣٠٠٠
ممكن تقولي سعر فتيس الفانتازيا ؟؟
او السيات؟؟
او التيوتا ؟؟
دعواتك للعربية بتاعتي تقوم بالسلامة والسلام ختام

[ahmed legend]

مازدا

[Land_Cruiser]

من الردود بتاعه الزملاء حضرتك اكيد لاحظت ان كل رد حسب أولويات كل واحد و اعتقد ان حضرتك محتاج تحدد و ترتب متطلباتك ايه من العربيه و بناء عليه تعرف اى منهم اللى تناسبك اكتر منهم او حتى ممكن تلاقى التلاته مش هيناسبوا اولوياتك فالناس تنصحك بحاجات تانيه و هكذا . يعنى مفيش " الأحسن "لكن هناك "الانسب" لى ايه