محتار اجيب ايه ب 190000 كحد اقصى

[diedeck]

انا بدور على عربه تكون كويسه بالنسبه للسنادى 2013
الختيارات الى معجب بيها
Peugeot 208 Full option , Opel Astra Cosmo , Ford Focus
البيجو عاجبانى بس لسه محتار لانى ممكن ازود و اجيب الاسترا

لو فىه اي نوع تانى ياريت تذكره

ولكم جزيل الشكر.

[AlGazar2]

البيجو ما تتقارنش مع العربيات دى لان دول سيدان و البيجو هاتش باك او مينى هاتش كمان

الاختيارات فى دول يبقى الفورد عربيه جميله جدا
و ممكن تزود كمان سوبارو امبريزا سبيشيال ( الكامله ) ب 185 الف

و كل العربيات دى بتجتمع ان اعاده بيعها ضعيفه و انها عربيات ممتازه و قطع غيار معمره و عربيات مظلومه من التوكيل

[diedeck]

شكرا للافاده

[Waleed_Fathy]

انا بدور على عربه تكون كويسه بالنسبه للسنادى 2013
الختيارات الى معجب بيها
peugeot 208 full option , opel astra cosmo , ford focus
البيجو عاجبانى بس لسه محتار لانى ممكن ازود و اجيب الاسترا

لو فىه اي نوع تانى ياريت تذكره

ولكم جزيل الشكر.

اوكتافيا لو يهمك سعر اعادة البيع

و لو مش بتفكر تبيع دلوقتي
يبقا قدامك اختيارات كتيره
سوبارو امبريزا اعلي فئه
رينو فلوانس اعلي فئه الجديدة
اوبل استرا كوزمو
سيتروين c4 لو عايز هاتش باك

انا تقريبا مرتبهم حسب قناعتي الشخصيه
كل حاجه فيهم ليها ميزة و عيب
و خليك واخد بالك من قصة قطع الغيار و مدي احترام التوكيل ليك كعميل
و افضلهم رينو فى القصة دي

[Hossam_hassan4]

بيجوو 208 :)

[Hossam_hassan4]

هتوفر فلوس بفارق مش قليل و في نفس الوقت مش فارقه كتير عن العربيات اللي في المقارنه بالعكس

هتتفوق علي الفورد في خامات الصناعه و الانتريور احسن كتير و التسارع بتاعها ده غير ان فورد كان فيه كلام عليها انها 95

و هتتفوق علي الاسترا في التوكيل و التسارع برضه بفارق محترم

[diedeck]

هتوفر فلوس بفارق مش قليل و في نفس الوقت مش فارقه كتير عن العربيات اللي في المقارنه بالعكس

هتتفوق علي الفورد في خامات الصناعه و الانتريور احسن كتير و التسارع بتاعها ده غير ان فورد كان فيه كلام عليها انها 95

و هتتفوق علي الاسترا في التوكيل و التسارع برضه بفارق محترم

انا ممكن انزل احجز البيجو 208 بس لسه بفكر فى الخيارات التانيه
برضو لو ممكن تفيدونى ايه ينافس لبيجو 208 (155 الف جنيه) ويكون فى نفس الفئه السعريه
شكرا

[AlGazar2]

انا ممكن انزل احجز البيجو 208 بس لسه بفكر فى الخيارات التانيه
برضو لو ممكن تفيدونى ايه ينافس لبيجو 208 (155 الف جنيه) ويكون فى نفس الفئه السعريه
شكرا

من حيث الحجم يبقى
فورد فيستا - اوبل كورسا هاتش - استرا هاتش بس دى اكبر و اغلى - ميجان 3 - سى 4 بس اغلى

من حيث السعر 155
سوبارو امبريزا اول فئه - ميجان 3 بس اقل شويه تقريبا - فلوانس بس معرفش الفئه الكام - هوندا سيتى ( حاسسهم مبالغين فى سعرها بطريقه مستفزه )

لو مش فارق معاك اعاده البيع اوى هات السوبارو امبريزا اعلى فئه او سوبارو xv اول فئه عربيات متينه و بتستحمل و دفع رباعى و توكيل محترم و عمر طويل للعربيه و قطع الغيار

[Hossam_hassan4]

انا ممكن انزل احجز البيجو 208 بس لسه بفكر فى الخيارات التانيه
برضو لو ممكن تفيدونى ايه ينافس لبيجو 208 (155 الف جنيه) ويكون فى نفس الفئه السعريه
شكرا

اقتنعت بكل سهوله كده :D انا بصراحه شايف مالهاش منافس بالسعر ده

انا معايا ds3 شايفها ماتفرقش كتير بالعكس دي فيها nav. ماعتقدش موجود في عربيه اقل من 200 الف و interior lighting حلو اوي. و الموتور و الفتيس نفس ال ds3

ده غير الشكل المميز و التوكيل الجيد

[elshrpeny]

بما إنى فلوكساوى :)
لية حضرتك مفكرتش خااااااالص ماااااااالص فى الجولف 7 الجديدة , عربية بسم الله ما شاء الله عليها تحفة , بس هيه مشكلتها الوحيدة إنها أكتر من 200 بشوية , يعنى لو تستنى شوية و تجمع الفرق فدى من وجهة نظرى أفضل من كل العربيات إلى حضرتك كتبتها فى الخيارات , بدون إنحيازية بجد , دى كمان نازلة بالشاسية الألمونيوم الجديد و الماتور الجديد
أو عندك الأودى ال a3 الشكل الحالى إمكانياتها أعلى شوية ممكن من الجولف لكن الجولف تتميز عنها الشاسية والماتور الجديد , و بنفس سعر الجولف 7 تقريباً برده ( لأن الأودى لما تنزل بالشكل الجديد فى مصر بنفس مزايا الجولف تمنها هيعدى شوية فهتبقى مش مناسبة ليك )

و بالتوفيق إن شاء الله
تحياتى

[Mohyeldin1974]

كفاءه بدون اعادة بيع
1- امبريزا او xv
2- استرا
3- فوكس

كفاءه واعادة بيع
1- اوكتافيا (اخر 2013 ان شاء الله بس لو مش dsg )

بس انت شكلك رايح للبيجو وبالتوفيق ان شاء الله

[diedeck]

اقتنعت بكل سهوله كده :d انا بصراحه شايف مالهاش منافس بالسعر ده

انا معايا ds3 شايفها ماتفرقش كتير بالعكس دي فيها nav. ماعتقدش موجود في عربيه اقل من 200 الف و interior lighting حلو اوي. و الموتور و الفتيس نفس ال ds3

ده غير الشكل المميز و التوكيل الجيد

انا شفت ال ds3 بس حاسس انها شكل حلو مش اكتر
و بردو شفت الفورد فستيا الى لسه نازله من كام يوم وبضمها للاختيارات ومحتار =)

[El Prince]

سوبارو اكس فى يا باشا

[diedeck]

سوبارو اكس فى يا باشا

فى ناس كتير بتشكر فى ال xv بس انا مش من هواة ال SUV

[Formulator]

فـ رينج الـ160/170 لحـــــــــد الـ190/200 ألف جنيه:

انت عايز أيـــــــــه؟؟

- سرعة: الجيتا TSI - السيفيك
- ثبات وهاندلينج: الإمبريزا - الفوكاس
- وسع: الفلوينس
- resale وإنتشار: الأوكتافيا
- عايز ألش وإعاقة : الإلنترا والسيراتو الجديدة

عايز عربية compromise مابين حاجات كتيييييييييييير:
الأسترا طبعا
موتور فوق المتوسط (ولو تربو يبقى عديت)
فتيس متطور وproven مفيهوش مشاكل!
ثبات وأمان وتجهيزات وتقفيل!

ومن أكثر العربيات إنتشارا فـ الفئة دى -بعد الأوكتافيا والفلوينس؟!!
(اللى يراجع التقرير السنوى بتاع أميك شوف باعت فـ 2012 قد أيه)!!
فـ رأيى: أنها أفضل سيارة فـ فئتها؛ والسيدان تحديدا بدأت تنتشر جامد يارجالة -فـ م.نصر ومصر الجديدة كمثال!

btw: وكيل بيجو CDCM مش أفضل من منصور (دا بالنسبة للـ 208)؟؟!!!