محتار اجيب ايه ب 190000 كحد اقصى

[elshrpeny]

هو خيار عايز بنزين 95 و معاه فتيس dsg من الاخر حاجة كده للى غاوى جولف عشان لو مش غاوى هاتتعب معاها لو حصل فيها حاجة
بس طبعا عربيه جميله جدا جدا

ليه هى مينفعش معاها 92 ولا إية , طيب خلاص لو كدا فعلاً يبقى الأودى a3 sport back عضونا الكريم هنا بيقول إنها أفضل من الجولف 6 فى حاجات كتير من ضمنها موضوع البنزين دا , بس للأسف هتعدى ال 200 فلو ممكن يصبر شوية لغاية ما يدبر الباقى أو يقسط الباقى يبقى كدا ميه مية

[AlGazar2]

الاودى هيه الجولف بس بعلامه اودى

الاودى طبعا افضل من الجولف 6 - بس الجولف 7 افضل من الاودى الى موجوده حاليا

طبعا الاتنين الافضل معاهم بنزين 95 لانهم مواتير 1.4 تربو - ممكن يشتغلوا ب 92 بس مش اداء كامل و ممكن يبوظ حاجة فى الموتور ( اسأل فورميلاتور على الموضوع ده هو يفيدك فيه اكتر منى )

[elshrpeny]

أنت معاك حق أكيد
بس بتكلم بناءاً على تجربة العضو الى جاب ال a3 و بيشكر فيها اكتر من الجولف 6 عشان اولاً كانت معاه قبل الأودى يعنى مجرب و ثانياً عشان كان بيقول إنها بتاخد 92 عادى عن الجولف و الله أعلم
فعلى الأساس دا بحاول أرشح بدائل أنا بالتالى بشوفها أفضل بس مش اكتر
و بعدين كفاية على فورميلاتور الى عملة و زيادة فى موضوع المقارنة إلى كنت عملتها بين الجولف 7 و الاودى a3 , كتر خير الراجل بصراحة تعبناه كتير معانا :):)

تحياتى

[diedeck]

انا بعد تفكير نزلت حجزت النيو فورد فيستا وانشاء الله هستلمها بكره
السعر 150 الف
شكرا تعبتكم معايا

[elshrpeny]

يا راااااااجل , لا حول ولا قوة إلا بالله
إنت على فكرة من ردك علينا و كلامك , فكنت حاسس إنك ميال للفورد فيستا , و سبحان الله رست عليها فعلاً , على العموم ألف ألف مبروك عليك و ربنا يوفقك وتستلمها على خير و يباركلك فيها و يفيدك بخيرها و يبعد عنك شرها

تحياتى

[diedeck]

استلمت الحمد لله :)

[AlGazar2]

مبروك يا باشا و ربنا يباركلك فيها

[elshrpeny]

ألف ألف ألف مبروك
ربنا يديمها عليك نعمة ويحفظهالك من الزوال و يباركلك فيها أمين يا ربالعالمين

بالتوفيق :):):)

[K.Ossama]

استلمت الحمد لله :)

ربنا يباركلك فيها ويكفيك شرها

[ahmadm]

ارجو البعد عن اى سيارة بها الفتيس ال DSG حيث مازالت بة مشاكل لم تحل حتى الان

http://www.nilemotors.net/Nile/344857-dsg-transmission.html

ارشح الاوكتافيا ثم الفلوانس

http://www.nilemotors.net/Nile/330841-2012.html

[مصطفى متولي]

شوف النيسان القاشقاي .... ياباني تقفيل انجليزي
سقف بانوراما .. زينون ... فاميه