اشتري ايه في رينج 50 : 65

[michohat]

السلام عليكم ورحمه الله وبركاته

اشتري ايه في رينج 50 : 65
عاوز عربيه تكون مريحه و اعتمادية وعاليه عن الارض بمعنى انها مش تحك ف المطبات
وقطع غيارها متوفرة واعطالها قليلة
استعمالي اليومي تقريبا 10 كيلو داخل المدينه
ولا توجد نيه لبيع العربية مدام مريحاني

غير ميال لل لانوس والفيرنا

فكرت ف
البيجو 406 موديل 2000 موتور 1600 سي سي مانيوال
كتير حسسوني اني بقول حاجه صعبه وسمعت كتير ان البيجو كل كحه فيها بفلوس وان قطع غيارها بالشئ الفلاني وهتتعب في تصليحها و هتخسر في بيعها

الاوبل فيكترا بي 2
برضه نفس الحكاية وقطع الغيار والصيانه

متسوبيشي كرستالة
مشوفتش حد بيبيع عربيه حلوه ومريحاه منها وكل اللي بيبيع بيكون علشان تعب منها ومعرفش هل واطية وبتحط ف المطبات ولا لأ

عمال بدور والف وفي الاخر بلاقي اني لو مشيت مع كلام الناس هركب فيرنا او لانوس علشان تفكير الناس رايح انهم الحصان الاسود بتاع السوق واحتلوا مكانه ال 128 زمان عند الشعب المصري
ومش هخسر فلوس في اعاده البيع ولا في الصيانه ولا في قطع الغيار لانها موجوده عند البقال زي ما بيقولوا

[mohamed76]

بعيد عن الرأى الفني عن البجو عشان ما مجربتهاش و ما اعرفش افيدك عنها
بس انصحك ما تشتريش عربية غير و انت مقتنع بيها 100% لان ما فيش عربية من غيرعيوب وعشان تستحملها لازم تكون مقتنع
واكيد قطع البيجو هتكون و عربيات تانية كتير زيها اوربى و يبانى و كورى اغلى من الفيرنا و الانوس عشان الانتشار
فأنت لو لقيت عربية مقتنع بيها وحالتها حلوة اعرف بس رنج قطعها و اهم متوفرة عند مين و اتكل على الله فيها لو هى مناسبة

[Sehsss]

شوف لانسر أو نيسان صني

[michohat]

بعيد عن الرأى الفني عن البجو عشان ما مجربتهاش و ما اعرفش افيدك عنها
بس انصحك ما تشتريش عربية غير و انت مقتنع بيها 100% لان ما فيش عربية من غيرعيوب وعشان تستحملها لازم تكون مقتنع
واكيد قطع البيجو هتكون و عربيات تانية كتير زيها اوربى و يبانى و كورى اغلى من الفيرنا و الانوس عشان الانتشار
فأنت لو لقيت عربية مقتنع بيها وحالتها حلوة اعرف بس رنج قطعها و اهم متوفرة عند مين و اتكل على الله فيها لو هى مناسبة

شاكر لحضرتك جدا

شوف لانسر أو نيسان صني

المبلغ ده يخليني اشوف عربيات موديلات سنه كام؟

تفكير الناس علشان العربيات الكوري بياعه وشغالة فيجيبوها علشان مش يخسروا فيها
وعندهم حق لانها لما نزلت كان سعرها زيرو 39 الف جنيه واعتمدت علي سرعه الانتشار للدرجه اللي خلتها زي ال 128
وبعد ما مسكت السوق رفعت الاسعار بعد ما بقت عربيات بياعه

فانا هشتري عربية علشان لما اجي ابيعها بعد كده مش اخسر فيها
ولا اشتري عربية وقت لا قدر الله يحصل حادثة تساهم ولو بنسبة بسيطه في حمايتي واسرتي؟

[S O P H O S]

ياريس مانيوال ..؟

[holomox]

أنا ركبت اللوجان بتاعت واحد صاحبى
واسعة جدا
عالية عن الارض(ممتازة فى الشوارع المصرية)
شنطة واسعة جدا

[ahmedteam]

عندك كمان اوبترا او نيو اكسنت مانيوال(2006) مثلا

[mohammed dodda]

يابانى (ياريس-لانسر2006-صنى2007-كورولا2002)... أوروبى (ستروين c4-فيكترا b -أودى A4)...اسيوى(بروتون جين 2)....ومليش فى الكورى....وانا لو من حضرتك اختار واحدة من 3 ماركات ( أودى A4 مانوال 1998 -بومة 2007 مانوال-سيفيك 2004 مانوال)

[chatty]

اوكتافيا a4 موديل من 1998 الى موديل 2001 هتبقى فى الحدود ديه انا معايا واحده عربيه محترمه جدا وطبعا الموضوع ده مش محتاج كلام بس اهم حاجه تكون العربيه سليمه ومش متهانه

[blazer]

لو كورى افضل اختيار نوبيرا 2007 مانيوال حدود 55 الف
سيفيك من موديل 2000 ممتازه بس شرط الحاله تكون كويسه
لو لاقيت لانسر 2006 بس اعتقد صعب تلاقيها مش متهانةاو مكانتش بتتأجر
نيسان صنى 2007

[meshoo_mk]

رينو ميجان 2 2006 بس يكون صاحبها بيصونها في التوكيل و تكشف عليها في التوكيل
و علي فكرة فيها كل الحاجات اللي بتفكر فيها و اكتر

[michohat]

حاليا اتفقت ع اوبترا 2006 مانيوال فبريكه جوه وبره وان شاء الله هستلمها اخر الاسبوع ده
بيقول 63 وربنا يسهل احاول انزلها شوية علشان مش فاضل في رخصتها الا شهر واحد

[أحمد عبدالله]

رينو ميجان

[michohat]

كانت في عربيات كتير قدامي منهم البورا والبي ام والرينو
بس اللي حددني هو مكان اقامتي
مفيش حد كتير ( ان كان موجود ) شغال في العربيات دي في الشرقية وقطع غيارهم برضه
كله موجود في القاهره

فانحسرت الخيارات عندي بالعربيات اللي ليها قطع غيار عندي والصنايعية فاهمين فيها ( علشان معطلش )

[Mr_SelvesteR]

في عربية اسمها كيا سبكترا
العربية دي معايا وبجد فلتة كدا في وسط الكيا
انصحك بيها وبشدة