اشتري ايه في رينج 50 : 65

[michohat]

مع واحد صاحبي كيا شوما وبسؤالة عن اماكن قطع الغيار قال لي من القاهره
فكده اللي بيحكمني هو وجود قطع الغيار قريب مني مكونش مضطر اني اسافر اجيبها والعربية واقفة عطلانه
والكلام ده بينطبق على الاوبل والاوكتافيا و الرينو والكيا

معرفش حسيت اني قاعد في صحرا

[mshawkys]

لو حضرتك مهتم بالنيسان . عندى عربيه للبيع موديل ٢٠٠٣ صنعت بالكامل فى اليابان مانيوال صيانه بالتوكيل تم اضافه جهاز انذار و وحدات رفع زجاج مع الانذار و سي دى بلاير mp3 + bluetooth عامله ١٠٠ الف كيلو.

[M I D O]

هيونداي اكسنت 2007 ل 2010

[michohat]

لو حضرتك مهتم بالنيسان . عندى عربيه للبيع موديل ٢٠٠٣ صنعت بالكامل فى اليابان مانيوال صيانه بالتوكيل تم اضافه جهاز انذار و وحدات رفع زجاج مع الانذار و سي دى بلاير mp3 + bluetooth عامله ١٠٠ الف كيلو.

شاكر لحضرتك النيسان مش ليها تواجد كبير برضه عندي في سوق قطع الغيار اللي اعرفهم بيجبوا من مصر

هيونداي اكسنت 2007 ل 2010

الهيونداي اكسنت جميله بسم الله ما شاء الله ولكن لاحظت ان الكنبة ورا ضيقة شوية

كنت استقريت على اوبل فكترا او استرا ولكن بالبحث عن مواردها في محافظتي مش لقيت سوق كبير لقطع الغيار ( واحد بس محتكر قطع الغيار ) وكمان ميكانيكي واحد شغال فيها
فنقلت العطا على شيفورلية اوبترا وعجبني وسع صالونها وكبر شنطتها وكل حاجه فيها حلوه بس افتقارها لعوامل الامان وصاجها اللي الناس بتقول عليه خفيف قوي

وفعلا بدئت اشوف كام عربيه وادور
واصدقائي نصحوني بالياباني واني اسبني من الكوري فبصيت على اللانسر لقيت المكوة والبومة ولقيت ان الفلوس اللي معايا(70) هتجيب موديلات اوائل ال 2000 من اللانسر زي مكوه 2003 او بومه 2004 ( والنهارده في واحد بيقول لي ع بومه 2007 ب 70 هشوفها ) وكلهم 1300 سي سي

اما الاوبترا فممكن الفلوس دي تجيب لي عربيه 2008 او 2009 يعني احدث في الموديل وهتكون طبعا 1600
فهل الكوري اثبت نفسة
هل الكوري ممكن يعمر معايا فوق ال 10 سنين قدام و يوم ما احب ابيع هيكون محتفظ بالقيمة ومش اخسر فيها ولا الاقي للكوري استمرار بعد كده
الياباني فلوسي هتجيب موتور 1300 والكوري هتجيب 1600
الياباني موديلات قديمه شوية 2002 : 2004 والكوري موديلات احدث 2008 : 2010

استعمالي خفيف ومش بفرتك العربية ولا مش هواه الشد ولا الهري
من البيت للشغل ومن الشغل للبيت بمتوسط 10 كيلو في اليوم
وغير مشوار السفر الشهري مع العائلة لزيارة الاقارب في البلد
فهل ال 1300 يكفوني ولا اخليني في الصالون الواسع والموتور الكبير

[السريع]

أنا ركبت اللوجان بتاعت واحد صاحبى
واسعة جدا
عالية عن الارض(ممتازة فى الشوارع المصرية)
شنطة واسعة جدا

دى مميزات , العيوب صاج ورق - ثبات ف غرز و مناورات مش التحفه - فرامل سيْه
كده عامل الامان مش موجود

[nasser74]

فكر فى التوليدو من 2000 / 2004 عربية تحفة عيبها الوحيد قلة قطع الغيار الخارجية لكن كهربة وعفشة متوفرة جدا

[michohat]

كنت بفكر فعلا ف التوليدو ولكن قله قطع غيارها في محافظتي وكذلك تواجد معظمها في القاهره

حاليا تم شراء هيونداي نيو اكسنت 2008 والحمد لله اديني بستكشف فيها كل يوم حاجه جديده

[ahmedteam]

مبروك ع الاكسنت ولو مايضايقكش تقول مواصفتها ايه و سعرها علشان بدور على واحده زيها

[michohat]

العربية اللي ربنا وفقني ليها
نيو اكسنت موديل 2008
اتوماتيك تكييف زجاج كهربا مرايات مش كهربا
سنتر لوك انذار باور

ماشية 62 الف
فبريكة جوه و بره رشه رفرفين امامين و حته ف الكبوت
ومغيره اكصدام امامي
خلصت ع 71 الف و غيرت زجاج امامي لانه كان مكسور والحمد لله اتكسر تاني بعدها باسبوع

[S O P H O S]

معلش يا باشا لازم فالاول كده
ربنا يباركلك فيها وتاخد خيرها ..