عايز اشترى عربية ومش عارف اختارر

[hazemhassan]

عايز اشترى عربية صغيرة هاتشباك ومحتار بين
بولو
ابيزا
بونتو
اونو
بس يكون الموديل مش اقل من 1994
وتكون قطع الغيار متوفرة وبتعيش

تم نقلة للقسم المقارنات .

[wahba87]

واحد صاحبى اشترى بونتو 2004 , العربية تاعباه علشان فيها مشاكل فى السنسورز و ساعات بتزود بنزين لوحدها و حاجات غريبة , يمكن دى حالة فردية بس انا قفلت منها و من كل الفيات

الاونو مش وحشة و انا معايا اونو , بس غالبا مش هتلاقى فيها تكييف و لو فيها هيكون ضعيف , و كمان الموتور ال 1000 سى سى هيخنقك لو العربية فيها 4 لان الموتور الى حد ما ضعيف

البولو و الابيزا معرفش عنهم حاجة

[ahmedalaahosny]

في نفس حيرتك دي وبدور علي حاجة قطع غيارها موجودة http://www.nilemotors.net/Nile/355745-a.html

[mohamed878]

الابيزا لو حالتها حلوه

[ahmed legend]

ابيزا

[dr.hazem]

الميزانيه كام؟؟

تحياتي

[aw2100]

عايز اشترى عربية صغيرة هاتشباك ومحتار بين
بولو
ابيزا
بونتو
اونو
بس يكون الموديل مش اقل من 1994
وتكون قطع الغيار متوفرة وبتعيش

انصحك تخليك فى الالمانى افضل عربيات قوية ومصفحة وتبعد عن الفيات الحديث قطع غيار غالية ومحتاج ميكانيكى مخصوص والبولو والأبيزا والجولف تقريبا واحد فى الموتور والعفشة ومبروك مقدما !!

[M I D O]

خليك في الالماني افضل وربنا يوفقك في الشراء

[طارق _عبد السلام]

بولو

[hazemhassan]

شكراا يا جماعة على تعاونكم معايا
وانا ميال فعلا للالمانى بس خايف من قطع الغيار فى الاسعار وسمعت ان قطع غيار البولو مش بتعيش الكلام دة صح ولا لا؟
وياترا يعملو فى رنج كام وانا عارف طبعا الحالة تفرق فى الاسعار

[hazemhassan]

الميزانيه كام؟؟

تحياتي

يعنى قول 30 الف

[ahmmedbingo]

البولو عربيه محترمه قطع غيارها اغلى نسبيا اكيد من الكورى لكن بتعيش ومشاكلها قليله

[dr.hazem]

يعنى قول 30 الف

مفكرتش في الماروتي؟؟

Sent from my LT18i using Forum Runner

[طارق _عبد السلام]

شكراا يا جماعة على تعاونكم معايا
وانا ميال فعلا للالمانى بس خايف من قطع الغيار فى الاسعار وسمعت ان قطع غيار البولو مش بتعيش الكلام دة صح ولا لا؟
وياترا يعملو فى رنج كام وانا عارف طبعا الحالة تفرق فى الاسعار

استا>ى الفاضل ازاى بس قطعه غيار المانى مش بتعيش
على فكره انا كان معايا بولو لمده ست سنين شغاله اشغال شاقه ومش عايز اقول لك انها مش بتحتاج قطع غيار كتير للأسف مش عايز احس ان حد بيفتكرنى ببالغ
والله يا اخى ارخص عربيه ركبتها فى حياتى من ناحيه المصاريف وقله الاعطال مكنتش بتعطل اصلا هو بس الصيانه

والمره الوحيده اللى عطلت معايا ووقفتنى كان بسبب حساس كوعه المياه (الثرموستات) وفكيته ومشيت بالعربيه وبعد كام اسبوع ركبته

وعلى فكره قطع غيارها رخيصه مش غاليه واقتصاديه جدا جدا فى البنزين

انا انصحك بشده بالبولو بس على شرط .... لااااااااااازم العربيه تكون نضيفه يعنى مش مشرحه علشان تحبها
دى عشره 6 سنين مع عربيه لازلت اشكر فيها للآن بس كنت شاريها وهى عامله 55 الف كيلو وعربيه فبريكه بجد

[hazemhassan]

مفكرتش في الماروتي؟؟

sent from my lt18i using forum runner

مفكرتش عشان هركب معايا مش اقل من اتين او تلاتة وهسافر بيها فا هتكون ضعيفة شوية

استا>ى الفاضل ازاى بس قطعه غيار المانى مش بتعيش
على فكره انا كان معايا بولو لمده ست سنين شغاله اشغال شاقه ومش عايز اقول لك انها مش بتحتاج قطع غيار كتير للأسف مش عايز احس ان حد بيفتكرنى ببالغ
والله يا اخى ارخص عربيه ركبتها فى حياتى من ناحيه المصاريف وقله الاعطال مكنتش بتعطل اصلا هو بس الصيانه

والمره الوحيده اللى عطلت معايا ووقفتنى كان بسبب حساس كوعه المياه (الثرموستات) وفكيته ومشيت بالعربيه وبعد كام اسبوع ركبته

وعلى فكره قطع غيارها رخيصه مش غاليه واقتصاديه جدا جدا فى البنزين

انا انصحك بشده بالبولو بس على شرط .... لااااااااااازم العربيه تكون نضيفه يعنى مش مشرحه علشان تحبها
دى عشره 6 سنين مع عربيه لازلت اشكر فيها للآن بس كنت شاريها وهى عامله 55 الف كيلو وعربيه فبريكه بجد

والله ياباشا انا بردو كنت حاسس ان اللى بيقولى على القطع الغيار انها مش بتعيش كلامة مش مظبوط بس حبيت اتاكدة وانا عارف الالمانى عربيات محترمة وانا ركبيت جيتا 2008 وفنتازيا 2012
طيب ياترى المبلغ دة يجيب بولو او ابيزا عشان انا شوفت اسعار متفاوتة ما بين 27 الى 37
ولو حد قدامة حاجة ياريت يعرفنى
لانى مش ناوى انزل السوق خالصصصصصصصصصصصصصص