جين 2 اوتو ولا بيجو 301 مانيوال

[salah_8080]

السلام عليكم

محتار بين جين 2 اوتو full options و بيجو 301 مانيوال baseline

ياريت تساعدوني

[amrelsaqqa]

لو واخد على الاوتوماتيك قبل كدة ومش غاوى المانيوال وكل طريقك زحمة يبقى خليك في الاوتوماتيك

انما لو متعود ع المانيوال او بتحبه او ما سقتش اوتوماتيك قبل كدة او متفرقش معاك او طريقك مش زحمة يبقى الـ 301 كعربية افضل من البروتون

[salah_8080]

لو واخد على الاوتوماتيك قبل كدة ومش غاوى المانيوال وكل طريقك زحمة يبقى خليك في الاوتوماتيك

انما لو متعود ع المانيوال او بتحبه او ما سقتش اوتوماتيك قبل كدة او متفرقش معاك او طريقك مش زحمة يبقى الـ 301 كعربية افضل من البروتون

بس البروتون بالاوبشن بتاعها واوتوماتيك ب 110 البيجو ماينوال ومفهاش اوبشنش ب 109 !!

[abou-yahia]

الجين عربيه محترمه وقتلت بحث
عيبها الوحيد من وجهه نظري استهلاك البنزين عالي سنه
لاكن يقابله اداء
لو طريقك سفر كتير توكل علي الله
اما لو عادي ال 301 اختيار موفق

[salah_8080]

الجين عربيه محترمه وقتلت بحث
عيبها الوحيد من وجهه نظري استهلاك البنزين عالي سنه
لاكن يقابله اداء
لو طريقك سفر كتير توكل علي الله
اما لو عادي ال 301 اختيار موفق

انا طريقي مفهوش سفر في نفسي في عربية اوتوماتيك لاني تعبت من المانيوال وفي نفس الوقت محتاج عربية فيها اوبشنز علشان دي عربية العمر مش عاوز كمان شوية عيني تزغلل علي حاجة تانية بس فرق السعر بين البيجو المانيوال البيزلاين والاوتوماتيك الهاي لاين 30 الف فهل فرق السعر ده يستاهل ولا اخليني في البروتون بسعرها بكماليتها ؟؟

[abou-yahia]

انا طريقي مفهوش سفر في نفسي في عربية اوتوماتيك لاني تعبت من المانيوال وفي نفس الوقت محتاج عربية فيها اوبشنز علشان دي عربية العمر مش عاوز كمان شوية عيني تزغلل علي حاجة تانية بس فرق السعر بين البيجو المانيوال البيزلاين والاوتوماتيك الهاي لاين 30 الف فهل فرق السعر ده يستاهل ولا اخليني في البروتون بسعرها بكماليتها ؟؟

لو اختيار سعر مقابل قيمه خليك في الجين

[amrelsaqqa]

بس البروتون بالاوبشن بتاعها واوتوماتيك ب 110 البيجو ماينوال ومفهاش اوبشنش ب 109 !!

انا ماعرفش الاوبشن بتاع الجين تو بالظبط ايه
انا بتكلم من ناحية مانيوال واتوماتيك لان دى اهم حاجة واول حاجة هتلمسها في العربية

لو واخد على اوتوماتيك مش هتقدر تركب مانيوال تانى ابدا حتى لو المانيوال هى اللى اعلى في الاوبشن

فعشان كدة لازم تبقى مقتنع ببيجو ومقتنع بالمانيوال عشان تجيبها وتسيب بروتون

يعنى انا جبت البيجو مانيوال وشايف مميزاتها عن البروتون :
-- التقفيل اكيد افضل ، رغم ان خامات البيجو بلاستيك والتابلوه بلاستيك بس التقفيل نضيف وبرضه تحس فيها بدرجة فخامة ، سحر الاوروبى ما تفهمش ليه ..

-- ثبات البيجو كويس جدا والجين تو برضه كويس واحتمال الجين تو احسن بس البيجو ثباتها جميل جدا
-- العفشة اعتقد البيجو افضل
-- الفرامل ما جربتش الجين تو ، بس بجد اكتر حاجة عاجبانى في البيجو الفرامل بتاعتها


مشكلة الجين تو توكيلها سيء وقطع غيار واعادة بيع مش حلوة ومش متناسقة مع سعر وفئة العربية ، رغم ان بقالها كذا سنة في السوق ، ولكن الصيانة وقطع الغيار والتوكيل واعادة البيع ما زالوا سيئين

-- نفسيا انا واثق في بيجو وفي الصناعة الاوروبى اكتر وحاسس ان العربية تستاهل سعرها

فبالنسبة ليك لو شايف ان البراند ولا حاجة وان الاوتوماتيك والاوبشنز في البروتون يخليك تختار بروتون ، خلاص خليك في البروتون والا لو جبت بيجو هتقول انا ايه اللى خلانى اجيب عربية مانيوال فاضية ؟!! وكان قدامى الاوتوماتيك !
فاهمنى ؟

يعنى شوف هل البيجو فيها مميزات تخليك تختارها مانيوال فاضية وتفضلها عن البروتون ولا لا

دور كويس على الفروق بين العربيتين بنفسك عشان تجاوب على نفسك وتاخد قرارك بنفسك
وما تخليش حد يقولك بيجو ، لا بروتون ، لا بيجو ، لا بروتون ، م الاخر هتحتار اكتر لو اعتمدت على الرأي المجرد للناس ، ادرس كل عربية بنفسك من كل النواحى وقرر في الاخر

[abou-yahia]

فبالنسبة ليك لو شايف ان البراند ولا حاجة وان الاوتوماتيك والاوبشنز في البروتون يخليك تختار بروتون ، خلاص خليك في البروتون والا لو جبت بيجو هتقول انا ايه اللى خلانى اجيب عربية مانيوال فاضية ؟!! وكان قدامى الاوتوماتيك !
فاهمنى ؟

يعنى شوف هل البيجو فيها مميزات تخليك تختارها مانيوال فاضية وتفضلها عن البروتون ولا لا

دور كويس على الفروق بين العربيتين بنفسك عشان تجاوب على نفسك وتاخد قرارك بنفسك
وما تخليش حد يقولك بيجو ، لا بروتون ، لا بيجو ، لا بروتون ، م الاخر هتحتار اكتر لو اعتمدت على الرأي المجرد للناس ، ادرس كل عربية بنفسك من كل النواحى وقرر في الاخر

++++++1

[salah_8080]

انا ماعرفش الاوبشن بتاع الجين تو بالظبط ايه
انا بتكلم من ناحية مانيوال واتوماتيك لان دى اهم حاجة واول حاجة هتلمسها في العربية

لو واخد على اوتوماتيك مش هتقدر تركب مانيوال تانى ابدا حتى لو المانيوال هى اللى اعلى في الاوبشن

فعشان كدة لازم تبقى مقتنع ببيجو ومقتنع بالمانيوال عشان تجيبها وتسيب بروتون

يعنى انا جبت البيجو مانيوال وشايف مميزاتها عن البروتون :
-- التقفيل اكيد افضل ، رغم ان خامات البيجو بلاستيك والتابلوه بلاستيك بس التقفيل نضيف وبرضه تحس فيها بدرجة فخامة ، سحر الاوروبى ما تفهمش ليه ..

-- ثبات البيجو كويس جدا والجين تو برضه كويس واحتمال الجين تو احسن بس البيجو ثباتها جميل جدا
-- العفشة اعتقد البيجو افضل
-- الفرامل ما جربتش الجين تو ، بس بجد اكتر حاجة عاجبانى في البيجو الفرامل بتاعتها


مشكلة الجين تو توكيلها سيء وقطع غيار واعادة بيع مش حلوة ومش متناسقة مع سعر وفئة العربية ، رغم ان بقالها كذا سنة في السوق ، ولكن الصيانة وقطع الغيار والتوكيل واعادة البيع ما زالوا سيئين

-- نفسيا انا واثق في بيجو وفي الصناعة الاوروبى اكتر وحاسس ان العربية تستاهل سعرها

فبالنسبة ليك لو شايف ان البراند ولا حاجة وان الاوتوماتيك والاوبشنز في البروتون يخليك تختار بروتون ، خلاص خليك في البروتون والا لو جبت بيجو هتقول انا ايه اللى خلانى اجيب عربية مانيوال فاضية ؟!! وكان قدامى الاوتوماتيك !
فاهمنى ؟

يعنى شوف هل البيجو فيها مميزات تخليك تختارها مانيوال فاضية وتفضلها عن البروتون ولا لا

دور كويس على الفروق بين العربيتين بنفسك عشان تجاوب على نفسك وتاخد قرارك بنفسك
وما تخليش حد يقولك بيجو ، لا بروتون ، لا بيجو ، لا بروتون ، م الاخر هتحتار اكتر لو اعتمدت على الرأي المجرد للناس ، ادرس كل عربية بنفسك من كل النواحى وقرر في الاخر

شكرا جزيلا علي الرد الجميل
بصراحة انا كنت ناوي علي البيجو المانيوال في الاول وكنت مقتنع بيها بس قولت محتاج اتوماتيك اهو الواحد يغير خاصة اني عارف نفسي لو جيبتها مانويال بعد سنة هزهق وهقول نفسي في الوتوماتيك مع اني عمر ما سوقت اوتوماتيك بس النفس بقي علشان كده قولت ازود شوية واجيب البيجو هاي لاين وتبقي فيها كل حاجة بس كنت مستكتر عليها السعر بصراحة 138 الف ساعتها بقي وقعت ادامي البروتون بسعرها وفيها كل حاجة .

اللي مخوفني من البروتون هي خامتها والمشاكل اللي في التوكيل

ويبقي السؤال هلي 28 الف فرق بين الاتنين يخليني اقبل عيوب البروتون مقبال مميزاتها ولا ادفع ال 20 الف مقابل عربية اوروبي يقال ان تقفيلها وخامتها نضيفة ؟؟؟؟

[amrelsaqqa]

على فكرة برضه عشان تبقى واخد بالك اعتقد فرق الاوبشن في الجين تو مش الفرق الجامد ، يعنى البيجو مش فاضية اوى عنها

الجين تو هتزيد جنوط ومرايات كهربة وفوجات وطارة مالتى وتقريبا حساسات ركن

والاسبويلر والمساحة الخلفية وفوانيس ليدات ورا ده ما يعتبرش اوبشن دى حاجة تبع تصميم العربية نفسها

والبيجو البيزلاين هتزيد عن الجين تو الكاملة كمبيوتر رحلات وده بقى يعتبر حاجة اساسية دلوقتى ومش موجودة في الجين تو على حد علمى

والبيجو هايلاين تزيد عن الاتنين بلوتوث وده اللى فعلا يحسسك بفرق في الاوبشن

والمواتير متقاربة جدا بس ارقام البيجو اعلى واستهلاكها للبنزين افضل

عشان كدة خليك مركز اكتر في فكرة مانيوال ولا اوتوماتيك وفي الاخر في اغلب استعمالك للعربية ولا هتحس اصلا بالاوبشنز دى غير مثلا المرايات الكهربة والفوجات ودول بيتركبوا بسهولة في اي عربية


انما تعالى قوللى الباركينج سنسور ايه لزمته ، ولا حاجة انت عمال تحافظ على عربيات الناس وخلاص
وتيجى راكن ركنة افقية واللى قدامك ولا اللى وراك يطلع ، يجرحلك الاكصدام ، يبقى انت عملت ايه بالباركنج سنسور ؟

[amrelsaqqa]

انا بحاول اقارن معاك بموضوعية شديدة وحيادية رغم انى معايا البيجو المانيوال وعربية ممتازة انما مش بقولك هاتها وانت مغمض زي ما اللى معاه عربية بيتحيز لها ..

[amrelsaqqa]

على فكرة لو ما سوقتش اوتوماتيك قبل كدة ، جرب تسوق اي عربية اوتوماتيك ، يمكن ما يعجبكش ! ومش بهزر ..

[fineart607]

انا احب الأثنين بس اعتقد انا لو مكانك هختار 301 الأتوماتيك بس لو غاليه على يبقى جين تو اوتوماتيك

[amrelsaqqa]

بالنسبة للفرق بين فئات ال301

بين الاوتوماتيك بيزلاين والهايلاين 12 الف ، ده يستاهل

انما المشكلة في الـ 16 الف فرق بين مانيوال واوتوماتيك نفس العربية بالظبط
ده اللى اوفر اوى ، 16 الف عشان الفتيس !

عشان كدة جبت المانيوال ولو كان في مانيوال كاملة كنت جبتها او لو كان الفرق بين المانيوال واول فئة اوتوماتيك مش كبير كنت جبت اوتوماتيك بيزلاين او هايلاين

انما انا كنت كل ما اجى احسبها ، الـ 16 الف يستفزونى وارجع للمانيوال تانى :d

[eng.m7md.ali]

انا سوقت ال 2 خصوصاً الجين2 سافرت بيها كتير

والبيجو لسة مسافر بيها اسكندرية رايح جاي يعني تقريباً اختبرت ال2 وحفظتهم

الفرق في الاداء واضح لصالح الجين2 كثبات وتسارع لكن الفرامل لصالح البيجو

القاعدة في البيجو مريحة جداً ومكنتش متخيلها كدة والخامات احسن من الجين والتقفيل كمان

طبعاً الاوبشانز مبصتش فيها عشان كانت الفئة التانية من بيجو "متعمقتش اوي في الاوبشانز"

النعومة في العفشة والموتور لصالح البيجو .. العزل متقارب بين ال 2

التكييف في الجين2 احسن بكتييييييييير

قطع الغيار معرفش عنها حاجة

بأختصار .. وبما اني بحب الاداء اكتر من الراحة والرفاهية يبقى هختار "جين2 مانوال" .. اما لو هبص على الاوتو يبقى هختار بيجو وعربية تحفة جداً