مرسيدس قديم ( 1979_1990) ام فيرنا زيرو

[mada6680]

والدى معاة مرسيدس 200 موديل 81 من الزيرو جاب عليها عربيات من كل لون وحاليا معانا المرسيدس وصنى 2010 وباجيرو 2005وداستر 2014 وعايز اقولك المرسيدس ركوبة تانى خالص خالص خالص
الاعطال شبة معدومة ان شاء الله لو هاتمشى وتصون العربية
الثبات ممتاز لابعد الحدود
التكييف عندنا يعمل من 31 سنة وبدون اى مشاكل ( مش قوى زى الجديد بس ممتاز والله )
قطع الغيار موجودة كلها جديد واستيراد
ميكانيكا سهلة جداا ومتوفرة
واسعة جداااااا
امان وراحة موجودين (العربية فيها abs )
لو انت عايز عربية للزمن وليك يبقى المرسيدس لو حاجة للسوق ووقت ما تحب تبيعها تلاقى 99999999 واحد هايخدها يبقى الفيرنا

طيب حضرتك متعرفش مين التجار الكبار سواء فى القاهرة او الاسكندريه الى الاقى عندهم مرسيدس قديم بس حالات شاذة ويكون عندهم ضمير وامانة
وشكرا لردك ياباشا واهتمامك

[kar!m]

من الاخر

a living dog is better than a dead lion

[M I D O]

صديقي المواطن
مهزلة تضع المقارنة مع عربية رديئة زي الفيرنا بمرسيدس مهما كانت قديمة إحنه مستحملين الفيرنا وأصحابها على دماغنا من فوق وكلهم ناس أحسن مننا بس إنت برضو لا تستفز الناس وتقول فيرنا ولا مرسيدس
خلاصة.القول الفيرنا عربية الشعب تبيعها بسرعة وقطع غيار متوفرة وتقضي مصالحك على الحركرك
أما المرسيدس حتصرف بنزين أكتر بنسبة 25% وأساسا المرد لا يعطل ولكنه لما بيعطل مبيتلزقش لازم يتعمل صح ونصيحة.مني أرجوك خليك في الفيرنا ﻷن ما.دام وصلت تقارن فيرنا في مرسيدس فقدرك حيفضل مع العربيات اللي في الفئة دي أما لو ركبت مرسيدس نظرتك للسواقة حتتغير وحتبقه صاحب مزاج وحتبقه دايما تدور وتجيب موديلات تانية برضو.مرسيدس ومش حترتاح بغيرها ثم أفشل مرسيدس حتى اللي متصنعة بعداد 140 لما نركب مكن كبير نجيب ال 220 والعربية متزنة جدا ومرتاحة من غير تعديلات في عفشة أرجوك تسامحني بس كلامك أي مواطن عادي من الشعب وفي المنتدى يقبله منك وعادي أما إحنه الناس اللي بنظن نفسنا من عشاق العربيات والتعديل والماركات فكده إنت دخلت فينا دخلة مش وطنية خالص ودمتم للنضال

انا لا اتفق معا حضرتك وحضرتك اسلوبك غريب اوي حسستني انة بيقارن بين مصري و اسرائيلي .. هية الفيرنا دي مش عربية و المرسيدس عربية و الفيراري عربية و البي ام عربية ؟؟ يبقي من حق كل واحد يقارن براحتة لان المقارنة هنا مالهاش علاقة بماركات المقارنة هنا بالسعر مش اكثر واي انسان لية الحق يقارن بين اي عربية حتي لو هيقارن فيراري بال 128 دة حقة وهوة حر ممكن يفضل ال 128 عن الفيراري كل شخص لية راي هوة حر فية و الفيرنا عربية محترمة جدا وانا لو مكانة هشتري فيرنا جديد ولا اشتري فيراري مستعمل

[M I D O]

اولا يا جماعة انا بتاسف ليكو انى طرحت الموضوع بالطريقة دى بس انا عمرى ما قصدت انى اقارن مرسيدس بيفرنا حتى لو قديمة
انا اصلا من عشاق المرسيدس وخاصة القديم منه وكان قرارى انى اجيب مرسيدس قبل الفيرنا ولكن انا كنت حبيت ادى لنفسى فرصة اعرف المرسيدس فترة
والفرق بين موديلاته وانواعه وخاصة القديم منه الى بعشقه
بالنسبة لمصاريف البنزين او الصيانة معنديش اى مشكله فى زيادتها لكن الى بس خايف منه الاعطال المفجاة والمتكررة
وهل لما اركب عربية قديمة ممكن احس بفرق نعومية الموتور والسحب ولا المرسيدس هتلبيلى طلبى طبعا التوازن بالنسبة للمرسيدس مافيهوش كلام
من الاخر ياجماعة انا نفسى اركب مرسيدس بس فى نفس الوقت عاوز عربية متكسفنيش

بتتأسف علية اية بس يا باشا انت ماغلطش في حاجة انت بتقارن بين عربيتين في فئة سعرية معينة ودة حقك حتي ولو هتقارن فيراري ب 128 مادام قدامك عربيتين متساويين في السعر يبقي قارن براحتك وبعدين معا احترامي للمرسيدس معلش هتجيب عربية مستعملة بقالها 30 سنة عشان بس هية الماني وتسيب الجديد ؟؟ تجيب القديم الي متوقع لية مشاكل بحكم انة مستعمل وعدي علية 3 عقود وتسيب الجديد حتي ولو كان تياواني وهيريحك علي الاقل 3 سنين من المصاريف ؟؟ وعموما انا رايي الشخصي فيرنا وتوكل علي الله

[ahmedamr]

هى كلمة واحدة اللى مركبش مرسيدس مركبش عربيات

[Dr/ P.K.Sh]

يا راجل وحد الله
حد يروح لوجع الدماغ بنفسه

[mada6680]

يا راجل وحد الله
حد يروح لوجع الدماغ بنفسه

والله دا الى انا خايف منه وبسالكوا عليه
طيب مش ممكن المرسيدس تبقى راحة بال بالنسبالى لو حاجة نضيفة اوى

[mada6680]

بتتأسف علية اية بس يا باشا انت ماغلطش في حاجة انت بتقارن بين عربيتين في فئة سعرية معينة ودة حقك حتي ولو هتقارن فيراري ب 128 مادام قدامك عربيتين متساويين في السعر يبقي قارن براحتك وبعدين معا احترامي للمرسيدس معلش هتجيب عربية مستعملة بقالها 30 سنة عشان بس هية الماني وتسيب الجديد ؟؟ تجيب القديم الي متوقع لية مشاكل بحكم انة مستعمل وعدي علية 3 عقود وتسيب الجديد حتي ولو كان تياواني وهيريحك علي الاقل 3 سنين من المصاريف ؟؟ وعموما انا رايي الشخصي فيرنا وتوكل علي الله

شكرا استاذ ميدو لردك ووجهة نظر تستحق الاحترام
انا بتاسف بس عشان محدش من الناس الجميلة دى تزعل

[besso]

ياجماعه العربيات دى ليها ناسها وبعدين مافيش حاجه اسمها اعطال مفاجئه طالما انت بتعمل صيانه للعربيه ومش بتنطش فى اى حاجه ما انت ممكن تشترى عربيه موديل 1930 وبردو تبقى ماشيه زى الفل طالما قطع غيارها موجوده وانت مش بتهملها عادى فكره بقى انك تجيب عربيه زيرو ولا عربيه شغاله من 30 سنه

الراجل مش هايروح يشتريها هلكانه يعنى فيه عربيات بتبقى حالتها نظيفه جداااااااا فوق ما تتخيل وده بيرجع لصاحبها
ومعاملته ليها وبعدين السيارات من السلع المعمره يعنى مافيش مشكله ان العربيه تقعد 30 و40 سنه ايه المشكله مافى عربيات شغاله من القرن 18 طالما بتصين العربيه وقطع غيارها موجوده واللى بيشتغل فيها فاهم بيعمل ايه

الخلاصه المرسيدس ليها ملاكها اللى ستحملوا مصاريفها لكن فى نفس الوقت معه فى السواقه

[mohammadrashee]

يا جماعه لو سمحتوا اللي يقول رأي يكون ركب الاتنين عشان منقولش اي كلام
انا كان معايا بي ام 318 مو 82 كانت بعشرين الف
بعتها لظروف وبعد كده جبت تويوتا ياريس زيرو ب 90 الف وفي النصف ركبت عربيات كتيييييير
الخلاصه
مسمار العجل بتاع البي ام مو82 يساوي العربيه الزيرو كلها
وطبعا الياريس احسن من الفيرنا
بس شرط لما تشتري تجيب حاله كويسه او معدومه وتشد صح
وانا مكانك بعتذر لشركة مرسيدس عن هذه المقارنه

[wawamoha]

ياراجل اسمحلي .... ما قل و دل

مرسيدس و كفى .................. حتى لو الشمامه

دور عل مرسيدس كويسه و ولو لقيت عربن عليها - بس ماتنساش تفحصها كويس

بعد كده روح بيع الفيرنا لاي عيل يتنطط بيها - و بعدين اركب عربيتك و ربنا يباركلك
مع احترامي لاي حد محترم راكب فيرنا ,,,,,,,

[buddha]

المرسيدس طبعا خرافة
بس انت راكب زيرو يدوبك بنزين وزيت

المستعمل محتاج يبقى معاك فلوس تشد بيها العربية صاج وموتور وعفشة وصالون وبعدين تركبها رايقة
لو فيك دماغ لصنايعية ماشى الحال
ولو البنزين مش هيفرق معاك ماشى

غير كدة يبقى الفيرنا افضل ليك وبعدين فى تعديلات بالنسبة للفرامل والتعليق بتتعمل للفيرنا بتخليها معقولة عن الاول


انا ببقى ساعات مسافر على الطريق ناس بفيرنا بيبقى عايز يشد معايا بعد الــ 120 مبيكملش العربية فعلا بتغربل


نهايتة المرسيدس حتى لو هى اية ثباتها وقوة موتورها ممتاز

[M I D O]

شكرا استاذ ميدو لردك ووجهة نظر تستحق الاحترام
انا بتاسف بس عشان محدش من الناس الجميلة دى تزعل

لا يا باشا ان شاء الله محدش يزعل مادام النقاش باسلوب حضاري اية الي يزعل

[dr.hazem]

قرد بصحته احسن من اسد عجوز...
تحياتي

Sent from my Xperia Arc S using Forum Runner

[samyyousef]

السلام عليكم
ميزة الفيرنا في سهولة بيعها في اي وقت..لذلك انصحك تبحث عن المرسيدس لكن موديل قديم حتى لا تكون غالية...لكن طبعا لازم تكون حالتها كويسة..و لا تبيع الفيرنا الا بعد اقتناء المرسيدس و استعمالها فترة معقولة..ليكون امامك احد الاختيارات..اما بيع المرسيدس مرة اخرى و ابقاء الفيرنا او العكس او ابقاء السياراتين معك...واحدة للسفر ...واواحدة داخل البلد