مرسيدس قديم ( 1979_1990) ام فيرنا زيرو

[mahmoud_afifi]

والدي كان معاه مرسيدس 300se موديل 87 في السعوديه. العربيه كانت بسم الله ما شاء الله قوية وحاله نضيفه مع انه شاريها مستعمل. لو حالة العربيات في مصر زي السعوديه كنت قولتلك هاتها انما في مصر مع احترامي للناس كلها الاستعمال مابيبقاش قد كده ومفيش عربيه مابتسلمش من الطرق. بالتالي عربيه بقالها 25-30 سنه في الظروف بتاعت شوارعنا مش هنصحك تجيبها خالص. الا لو لقيت استعمال سفاره او حاجه نضيفه. ساعتها هاتها

بس اجمالا العربيه دي كلاسيك ولما تركبها والله ما بتبقى عاوز تطلع منها حتى لو مش سايق. بجد راااااحه مش ممكن.
انا كنت مسافر مع والدي من مصر للسعوديه من8 سنين تقريبا قضيت 3/4 الرجله نايم من كتر راحة الكرسي بتاعها :d

[M I D O]

قرد بصحته احسن من اسد عجوز...
تحياتي

sent from my xperia arc s using forum runner

اتفق معا حضرتك تماما يا دكتور

[mohammadrashee]

قرد بصحته احسن من اسد عجوز...
تحياتي

sent from my xperia arc s using forum runner

تشبيه عشره على عشره فعلا الفرينا قرد عشان كده بتتنطط بعد ال120
وخلي بالك القرد ميقدرش يشيل ولا يعمل 10% من اللي الأسد العجوز يعرف يشيله او يعمله
يعني اعمل ايه بقرد مش هيفيدني
خليني في الأسد هيحميني ويستحمل
اتكلم عن الأمان في السيارتين

[dr.hazem]

تشبيه عشره على عشره فعلا الفرينا قرد عشان كده بتتنطط بعد ال120
وخلي بالك القرد ميقدرش يشيل ولا يعمل 10% من اللي الأسد العجوز يعرف يشيله او يعمله
يعني اعمل ايه بقرد مش هيفيدني
خليني في الأسد هيحميني ويستحمل
اتكلم عن الأمان في السيارتين

يا غالي انا ركيب مرسيدس وكان عندي تحت ايدي من اول ماعرفت يعني ايه عربيه...
كان عندنا 300e جير عادي م 86 جايبينها من ألمانيا جبناها سنة 90 وبعناها لصاحب ابويا في 2007 :-D
اول مرة فتحنا ماتورها في 2004 بعد ماكان عدادها كاتب 650الف كيلو وكان بايظ من قبلها بتلات 4 سنين!!!
لكن بعد المدة دي ابتدت مشاكلها لا تنتهي واتباعت ب 1000 ريال سعودي :-D
وبالتالي الاسد العجوز اصبح في اسوا احواله وبقا بيموت من اقل دور برد!!!
فاللي انا بقوله ينطبق تماماً على اللي الاخ عايزه...
هو عايز الاسد بعد اما خيره راح...
القرد هيفضل بصحته برضو...
تحياتي

Sent from my Xperia Arc S using Forum Runner

[dr.hazem]

وطبعا مش هقارن لا الامان ولا اي مواصفات تانية لان ميتقارنوش وده مش محتاج شهادتي....
تحياتي

Sent from my Xperia Arc S using Forum Runner

[M I D O]

يا غالي انا ركيب مرسيدس وكان عندي تحت ايدي من اول ماعرفت يعني ايه عربيه...
كان عندنا 300e جير عادي م 86 جايبينها من ألمانيا جبناها سنة 90 وبعناها لصاحب ابويا في 2007 :-d
اول مرة فتحنا ماتورها في 2004 بعد ماكان عدادها كاتب 650الف كيلو وكان بايظ من قبلها بتلات 4 سنين!!!
لكن بعد المدة دي ابتدت مشاكلها لا تنتهي واتباعت ب 1000 ريال سعودي :-d
وبالتالي الاسد العجوز اصبح في اسوا احواله وبقا بيموت من اقل دور برد!!!
فاللي انا بقوله ينطبق تماماً على اللي الاخ عايزه...
هو عايز الاسد بعد اما خيره راح...
القرد هيفضل بصحته برضو...
تحياتي

sent from my xperia arc s using forum runner

كلام سليم يا دكتور

[mada6680]

معلش برده انا من وجهة نظرى ان العربيات دى سواء فيرنا او مرسيدس دى اﻻت ومش كائنات حية عشان تعيش او تموت وكل حاجة بيتعملها صيانة واحلال وبترجع زى ما كانت
يعنى اكيد عربية والد حضرتك يا دكتور لو كان فى دماغو يرجعها زى الاول كان رجعها وخاصة معا توافر قطع غيار اى موديل اى كان حتى الفرينا بتتبهدل من اى خبطة جامدة على الطريق وبيرجعوها جديدة تانى

[buddha]

واحد صاحبى فى مصر كان معاة اوبل استرا موديل 2001 باعها واشترى مرسيدس 200 موديل 79
انا كان معايا فى وقتها نيسان 2000 لما كنا نحب نسافر كنت اركن عربيتى عندة ونسافر بالمرسيدس ولا تحس بالطريق اصلا وتحفة وقمة الراحة فى السفر وثبات رائع مشكلتها كانت فى استهلاك البنزين فقط لا غير وكان بيحطلها 80
هو دلوقتى من غير عربية ومش ناوى يركب حاجة غير لما يكون معاة فلوس تركبة مرسيدس موديلات التسعينات ومستهين باى ماركة تانية حتى لو زيرو

[dr.hazem]

معلش برده انا من وجهة نظرى ان العربيات دى سواء فيرنا او مرسيدس دى اﻻت ومش كائنات حية عشان تعيش او تموت وكل حاجة بيتعملها صيانة واحلال وبترجع زى ما كانت
يعنى اكيد عربية والد حضرتك يا دكتور لو كان فى دماغو يرجعها زى الاول كان رجعها وخاصة معا توافر قطع غيار اى موديل اى كان حتى الفرينا بتتبهدل من اى خبطة جامدة على الطريق وبيرجعوها جديدة تانى

بقولك العربية بعناها بالف ريال نصلحها بالفين ليه؟؟
ههههههه
هنكسب ايه يعني؟؟؟
ابويا لسا قافل معايا حالا بيقولي عايز اجيب عربية بدل الاكسنت...
معاه من 2005 لحد دلوقتي وماشيه 250 الف والعربية فبريكا بس خلاص ابتدت تزيق من كل مكان وتعبت وكحكحت وده الفرق بين القرد والاسد.... العمر
تحياتي

Sent from my Xperia Arc S using Forum Runner

[janagabr]

يا جماعة هو حد جاب سيرة المرسيدس بحاجة وحشة الراجل عايز حاجة توفر فلوس معاه وتريحة في قطع الغيار وتوفر وقت ومجهود مش يتعسف بيها فاحنا بنقارن ما يناسب الراجل من ناحية الحالة المادية ومش قصدنا نقارن الهيونداي بالمرسيدس وياباشا عقلك في راسك تعرف خلاصك والفلوس فلوسك انت وانت اللي هتنزل تلف علي الميكانيكية مش احنا اللي ايده في الماية غير اللي ايده في النار

[asas2]

بعيدا عن أى حاجة .. راحة البال بالدنيا .. مع الفيرنا هتشرتى راحة بالك بنزين وزيت ودمتم .. مع المرسيدس دة مش هيحصل

[mada6680]

بعيدا عن أى حاجة .. راحة البال بالدنيا .. مع الفيرنا هتشرتى راحة بالك بنزين وزيت ودمتم .. مع المرسيدس دة مش هيحصل

طيب حتى لو حالة شاذة بردو ممكن تتعبنى؟

[hugan]

طيب حتى لو حالة شاذة بردو ممكن تتعبنى؟

الموضوع كله في الاول والاخير
مقدره وهوايه

لو غاوي المرسيدس وحاببها وعندك الوقت والمجهود لصيانتها هاتكون افضل
بخلاف الفيرنا اي حد يشتغل فيها وقطع غيار مرميه في كل المحلات

[mada6680]

والله يا جماعة انا محتار
ناس تقولى الجديد جديد وابعد عن المرسيدس ومشاكله وناس تقولى كان معانا مرسيدس موديلات سابعينات ومكنتش بتصرف غير بنزين وبس
ومفيش اعطال خالص

[hugan]

والله يا جماعة انا محتار
ناس تقولى الجديد جديد وابعد عن المرسيدس ومشاكله وناس تقولى كان معانا مرسيدس موديلات سابعينات ومكنتش بتصرف غير بنزين وبس
ومفيش اعطال خالص

طبعا غلط مفيش عربيه في الدنيا مالهاش اعطال ومصاريف صيانه
الكلام ده من توابع الدعوي الباطله اللي ملت المنتدي ان العربيات الاوروبي
ما بتعطلش ومافيهاش مشاكل
مع ان اكبر نسبه مشاركات اعطال العربيا ت في المنتدي
كلها من الاوروبي
واصحابها اغلب وقتهم مقضينه في ورش الصيانه
لكن
اي عربيه في الدنيا سواء قديمه او جديده
اهملت صيانتها هاتقع بسرعه
ما الجديد نفسه ليه صيانه زي زي القديم