بيجوا 508 2013 ام فلوينس 2014

[Hosam_Optrawy]

هو كلام حضرتك مظبوط بس انا مش بحسبها كده انا بحسبها اولا بالنسبه للبيجو مثلا هنا كمالياتها اكتر من مصر زى النافيجاشن والاى درايف وتكييف افضل ثانيا بحسبها من ناحية انى هاخدها بالتقسيط يعنى مش هحس بتمنها وخصوصا انى عارف نفسي مسرف شويه وقيمة القسط هتخليني اشتغل اكتر لتوفير قيمة القسط من خارج راتب العمل يعني كبدلات سفر والامور دى ف وقتها بعد اربع سنين هلاقى انى معايا عربيه محافظ عليها ومش ماشي بيها كتير ووتمنها دفعته من غير مااحس بيه ووقتها كل اللى هحس انى هدفعه قيمة الجمارك اللى هتكون بالنسبالى ده تمن العربيه وثالثا بحسبها من ناحية انى كده كده هجيب عربيه هنا ف بدل مااجيب عربيه وممكن اى وقت تصرف ف خلال اربع سنين ف هيكون معايا عربيه معاها ضمان 3 سنين وكيلو متر مفتوح يعنى مش هصرف عليها حاجه تقريبا طول فترة تواجدى هنا بس اللى انا بتكلم فيه هل فعلا في فرق ين الفلوينس والبيجو يستاهل انى ادفع فرق 30 الف ريال والا اخلينى ف الفلوينس بحكم انها هتكفينى وزياده ؟

بالتوفيق إن شاء الله

لو الفلوونس هاتقضى الغرض معاك ومش محتاج الحجم الأكبر والأوبشنز والتربو , خليك فى الفلوونس عشان ماتتزنقش فى الأقساط

[memo_zezo]

بالتوفيق إن شاء الله

لو الفلوونس هاتقضى الغرض معاك ومش محتاج الحجم الأكبر والأوبشنز والتربو , خليك فى الفلوونس عشان ماتتزنقش فى الأقساط

متشكر جدا على مرور حضرتك وباذن الله في الغالب شكلها فلونس ماشاء الله العربيه شكلها الخارجى رائع وحجمها ممتاز وانا اسرتى مكونه من زوجتى وابنى لم يكمل العام يعنى باذن الله هتكون كافيه لفتره جيده وانا مش من هواة السرعة والتربو واغلب سفرى عموما بالسعوديه بيكون عن طريق سيارات الشركة شيروكى 2013 يعنى العربيه هتكون للمشاوير الداخليه ومش عايز اقوللك انى ف اخر 10 شهور عامل فقط 5000 كيلو

[Haitham Basha]

نصيحة من أخ خليك في الكورولا الجديدة ...

[Silent~Dream]

والله كلام حضرتك ممتاز انا بس مشكلتى مع الفلونس لما دخلتها محستش بالفخامه من جوه زى البيجو طابلوه وصالون ومستوى جامد . طب رايك استنى التويوتا هى هتنزل كمان اقل من شهر باذن الله وقتها ادخلها معاهم ف الاختيار لما يبان سعرها وكمالياتها هنا؟

بالنسبه لتويوتا كورولا الجديده فانا شايف ان المقارنه مقتوله لصالح رينو فلوانس و البيجو 508 افخم من رينو فلوانس و موتور اقوى و بصراحه تستاهل الفرق لكن الرينو بردو عربيه محترمه و شيك وفخمه لكن ال 508 افضل وافخم و دى مقارنه بين كورولا 2014 و فلوانس 2014

http://www.nilemotors.net/Nile/380381-2014-2014-a.html

[memo_zezo]

المشكله انى سمعت هنا من مواقع ومن ناس بتقول ان الكورولا هتنزل بموتور 1800 سى سي فقط ومش هتنزل بنفس الموتور اللى نزل ف مصر ووقتها هتبقى الموضوع انتهى لان مش هتنفع تنزل مصر بسبب الجمارك . عموما هما قالوا ان بعد العيد باذن الله هيبداو بيعها انا هنتظر الاسبوعين دول واشوف هيكون ايه الوضع مش هخسر حاجه من الانتظار شويه اسبوعين تلاته باذن الله ووقتها اكون قررت بشكل نهائي وان كنت بصراحه ميال اوى للبيجو اهو حتى بعد سنين الغربه يبقى الواحد نازل بعربيه ترضي طموحه

[Silent~Dream]

المشكله انى سمعت هنا من مواقع ومن ناس بتقول ان الكورولا هتنزل بموتور 1800 سى سي فقط ومش هتنزل بنفس الموتور اللى نزل ف مصر ووقتها هتبقى الموضوع انتهى لان مش هتنفع تنزل مصر بسبب الجمارك . عموما هما قالوا ان بعد العيد باذن الله هيبداو بيعها انا هنتظر الاسبوعين دول واشوف هيكون ايه الوضع مش هخسر حاجه من الانتظار شويه اسبوعين تلاته باذن الله ووقتها اكون قررت بشكل نهائي وان كنت بصراحه ميال اوى للبيجو اهو حتى بعد سنين الغربه يبقى الواحد نازل بعربيه ترضي طموحه

يا باشا 1800 - 2000 مش هتفرق اوى البيجو 508 بجد تحفه بكل المقاييس و افضل من الكورولا بكثير ياباشا ده الرينو فلوانس افضل من الكورولا بكثير والبيجو بقى خامات و تقفييل و جوده و الانتريور فخم جدا و موتور 1600 تيربو يعنى حاجه تحفه و افضل من الكورولا حتى لو الكورولا 1800 او الرينو فلوانس الى هى افضل من الكورولا اصلا

[Haitham G]

بيجو 508 بالتاكيد
البيجو فئة و الرينو فئة وبالتاكيد ال 508 تستاهل فرق المبلغ

[S O P H O S]

راي بصراحة البيجو 508
والله اعلم ..