محتار اجيب كيا ريو 2014 ولا لانسر 2014

[Mahmoud-7ouda]

السلام عليكم يا جماعة ده اول مشاركه معاكوا ف الجروب بس لاحظت ان الناس بتساعد و بتفيد بعض
ندخل ف الموضوع على طول انا محتار ما بين كيا ريو 2014 و لانسر 2014 و مش عارف من كتر التفكير اجيب انهى واحده
وياريت لو ف عربيه احسن من الاتنين ف حدود 130 الف تقولوا عليها و شكرا

[Rsarabia]

كفاية اوى على الانسر كدا اركب دى و اركب دى
هتحس بفرق 10 سنين
الانسر بتنزل من 2003 رغم ان مفيش كلام عليها بس خلاص فى دلوقتى عربيات احسن بكتير

[mastr_n]

كنت فى نفس حيرتك فى 2010
وكنت بقارن بين الانسر والسيراتو
بس مع احترامى للانسر حسيت انى هاشترى زيرو بنكهة مستعمل اشتريت سيراتو
توكل على اللة واستخير الاول وهات اللى انت مرتاحلها

[S O P H O S]

لو الريو فئة عالية يبقي هي

[J A G U A R]

ريو من غير ما تفكر

[Dr . Mohamed]

بص العقل يقول لانسر لأنها 1600 و حرام تقارن بينها و بين الريو 1400 لان الريو فيها مشاكل سحب مع التكييف و استهلاك بنزين عالى شوية بسبب ضعف الموتور

لكن العقل يقول زود شوية و خد سيراتو الشكل الجديد كدا انت جمعت بين شكل جبار و قوة موتور أحسن من اللانسر و محدش يجرؤ يعيب السيراتو الشكل الجديد بصراحة عربية حلوة أنا نفسى خلال أيام هجيبها بإذن الله

[saddam]

صديقي المواطن
قولا واحدا ريو
وبالتوفيق وإلى اﻷمام ودمتم للنضال

[2CODE]

ريو طبعاً عارف لو كانت شارك كنا قولنا ماشي انما لانسر لايمكن تعمل مقارنة بينها وبين الريو !!!!!!!!

[georgedada82]

جرب ادخل اقرا شوية عن بيجو 301

[برنس الليالي]

ممكن تجيب ريو او اكسنت فول اوبشنز اوتوماتيك وممكن بيجو 301 او سي إليزيه او ريح نفسك وهات اوبترا اوتوماتيك

[mohbasyouni]

ليه أجيب سياره زيرو نفس الشكل من عشر سنين لو عايز لانسر بومه هاتها مستعمل حاله نظيغه ووفر 50 الف
أنا رايى ريو

[Basem emam]

لو هتجيب الريو هاي لاين يبقي الريو طبعا مفيش وجه مقارنه بينها وبين اللانسر . واي سوال عن الريو انا معاك .

[Mahmoud-7ouda]

لو هتجيب الريو هاي لاين يبقي الريو طبعا مفيش وجه مقارنه بينها وبين اللانسر . واي سوال عن الريو انا معاك .

شكرا على المشاركه بس الريو مشكلها كتير السحب الضعيف و كمان ضعف الموتور ولا نت ايه رايك

[Mahmoud-7ouda]

كنت فى نفس حيرتك فى 2010
وكنت بقارن بين الانسر والسيراتو
بس مع احترامى للانسر حسيت انى هاشترى زيرو بنكهة مستعمل اشتريت سيراتو
توكل على الله واستخير الاول وهات اللى انت مرتاحلها

طب السيراتو عامله معاك ايه على الطريق و السحب و استهلاك بنزين

[Mahmoud-7ouda]

لو الريو فئة عالية يبقي هي

شكرا على المشاركه بس استفسار هتفرق ايه ريو فئة هاى لاين من ريو اول فئة ف الاوتوماتيك غير شويه اوبشن فتحه سقف و تاره مالتى فنكشن و كده بس اعتقد هتكون السحب واحد و الموتور واحد