محتار اجيب كيا ريو 2014 ولا لانسر 2014

[Salah_sr]

طب السيراتو عامله معاك ايه على الطريق و السحب و استهلاك بنزين

أنا معايا السيراتو الجديدة و بصراحة رائعة رغم لسه في 1000 و يقال إت=ن الأداء يتحسن في خلال 5000 الأولى و لكن العربية حاليا ممتازة و مليانه أوبشن و ناعمة غير الموديل السابق

[monamize4]

ريو
بشرط ان يكون فيها abs و airbags و ان مايكونش فارق معاك المساحة الخلفية

[kariemelsayed]

العقل بيقول لانسر لكن القلب مع ريو طبعا =d

[engwms]

بيجو 301 اعلى فئة Allure AT | 134.900

[2CODE]

شكرا على المشاركه بس الريو مشكلها كتير السحب الضعيف و كمان ضعف الموتور ولا نت ايه رايك

مين قال مشاكلها كتير ؟؟؟؟ ما تجيب لنا شويه مواضيع فيهم مشاكل عن الريو ؟؟؟؟

ولا مشاكل سحب ولاغيره انا معايا العربية ليها 20 الف كيلو يا محمود ومع الكل هنا وبلا مشاكل نهائياً

ده موتور طيب قوي على انه يكون 1400 سي سي اساساً

[Basem emam]

شكرا على المشاركه بس الريو مشكلها كتير السحب الضعيف و كمان ضعف الموتور ولا نت ايه رايك

لا منا معايا ريو مفيش اي حاجه من اللي انت بتقول عليها .. انا شديت مع فانتازيا لحد ١٨٠ مجمع معاه من ١٠٠ وفضلت ماشي جمبه .. ايه رايك ؟؟!

[AmericanMuscle]

لو بتتكلم على لانسر الشكل الجديد اللي هو "Shark" يبقى طبعا ريو بدون مقارنة. عربية كحيانة جدا في مصر و موتورها زي الزفت و عشان كده نزلوا عليها الشكل القديم تاني. لكن لو هتجيب الشكل القديم موديل جديد يبقى أحسن.

اللانسر الشكل القديم من جوه فقيرة و مفيهاش كماليات تقريبا, لكن الريو شبابي و كمالياتها كتير و لكن الصاج ضعيف اوي, أنا شخصيا بفضل الاكسنت عليها. بس كل واحد طبعا و اللي يريحه و ربنا يوفقك :)

[ah-elgendy]

ما تستنى وتشوف تويوتا يارس 2014 هتنزل بعد العيد

[AmericanMuscle]

ما تستنى وتشوف تويوتا يارس 2014 هتنزل بعد العيد

ياريس الجديدة هتشباك نزلت في السعودية من فترة و سقتها و الهاندلينج بتاعها زي الزفت. معجبتنيش نهائي صراحة.

[Batman372]

لو شارك يبقى لانسر ...

لو قصدك بوما يبقى ريو وش :)

[MoNeIm AmIn]

طب ازاي؟

لو بتتكلم على لانسر الشكل الجديد اللي هو "shark" يبقى طبعا ريو بدون مقارنة. عربية كحيانة جدا في مصر و موتورها زي الزفت و عشان كده نزلوا عليها الشكل القديم تاني. لكن لو هتجيب الشكل القديم موديل جديد يبقى أحسن.

اللانسر الشكل القديم من جوه فقيرة و مفيهاش كماليات تقريبا, لكن الريو شبابي و كمالياتها كتير و لكن الصاج ضعيف اوي, أنا شخصيا بفضل الاكسنت عليها. بس كل واحد طبعا و اللي يريحه و ربنا يوفقك :)

انا اسف علي المداخله بعد فتره كبيره من نشر الموضوع بس هوه سؤال واحد للأستاذ أميريكان...حضرتك بتتكلم علي الشارك بجد ولا دي غلطه املائيه؟؟!!!!
أتمني طبعا ان حضرتك تكون كوننت رأيك ده علي أساس تجربه مش من السمع فقط
وأتمني من كل أعضاء المنتدي المشاركين الدائمين ان الجميع يبني رأيه في أي عربيه عن تجربه شخصيه وبكل مصداقيه وليس السمع فقط ....علشان نقدر نستفيد بجد

[FAR!D]

اللانسر قتلت بحثا الشارك اه البومه لأ

[shaaban2008]

اللانسر قتلت بحثا الشارك اه البومه لأ

كلام تمام

[ahmzd]

رأيي أفضل سيارة في الفئة السعرية 130 إلى 140 ألف وبدون أدنى منازع ( وأكرر أن هذا رأيي الشخصي ) هي:
بيجو 301 أعلى فئة .. والله أعلم.

[essam assem]

بصراحة انا جربت الريو بصراحة عربية محترمة وركوبة هايلة وبعدين سيادتك فى مصر دائما السوق هو الحكم ممكن حضرتك تنظر لحجم المبيعات بتاع العربيتين فى اى من المعارض الكبيرة هتلاقى حضرتك فرق شاسع لصالح الريو
وعموما ربنا يوفقك للخير