فلونس 2014 والا نيو سيراتو 2014

[memo_zezo]

السلام عليكم
انا مغترب في السعوديه وناوى باذن الله اشترى عربيه قسط وبعدين ابقى انزل بيها وبفكر في الفلونس او النيو سيراتو الاتنين هاى لاين بس عايز اعرف هل الفلونس في السعوديه بتختلف عن اللى بتنزل مصر؟؟ وايهما افضل فلونس والا سيراتو؟؟ وفى حاجه اخيره هنا وكيل مازدا عامل عرض ممتاز على مازدا 3 2013 عشان الشكل الجديدهينزل خلاص رايكم ايه في المازدا 3 موديل 2013؟؟
شكرا

[saddam]

صديقي المواطن
خليك ماشي صح وسيبك من مازدا وقولا واحدا تجيب فلوانس وتريح نفسك وتشتري برستيجك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[atshe]

قولا واحدا فلوانس

[J A G U A R]

العربيتين محترمين

[memo_zezo]

مشكلة الفلوانس ان الشكل من ادام مختلف عن الفيس ليفت الجديد او بمعني اصح متغيرش

[atshe]

مشكلة الفلوانس ان الشكل من ادام مختلف عن الفيس ليفت الجديد او بمعني اصح متغيرش

طيب ليه مش اوبل ؟

[Gamal.Eid]

انا معاك هنا فى الرياض ومعايا فلوانس 2013 وانصحك تمشى مع اللى ماشى فى البلد هنا السيراتو او الهيونداى لاننا هنا مش ضامنين نفسنا نروح فى اى وقت فتقدر تبيع العربية بسهولة لان الفلوانس مش منتشرة اوى هنا
اما لو كنت حابب تركب فلوانس فهى متختلفش عن اللى فى مصر سوى المقدمة او بمعنى اصح الاكصدام فقط لكنها نفس الابعاد وكل شىء وكمان الخليجى ننازل من 2010 الماتور الجديد حاليا فى مصر موتور النيسان وفتيسها اللى لسه نازل فى موديل 2014 بمصر فمتقلقش ونصيحة اخرى لو مصمم عليها يبقى تجيب الكاملة انا معايا النص وندمت انى مجبتش الكاملة

[Ahmed TRAVCO]

العربيتين حلوين ولو اني بشوف السيراتو اشيك بمراحل (من الداخل والخارج) وخصوصا انها هايلاين... ولو المازدا دخلت في المقارنة يبقى هي افضلهم كعربية ولكن اسوأهم كوكيل في مصر... عايز تمسك العصاية من النص يبقى سيراتو لو متخوف من غبور مع المازدا... وفي نفس الوقت تبقى اخدت عربية شكلها تحفة زي ما قلتلك وافضل في نظري من الفلوانس اجمالا...

[atshe]

انا شايف تشوف بيجو 508 او تويوتا كرولا

[essam assem]

من وجة نظرى هما افضل عربيتن حاليا فى السوق المصرى فىئاتهم طبعا
انا بعد بحث وتحرى ودراسة عميقة اختارت النيو سيراتو واختيارى ليها كان بفرق بسيط جدااااا عن الفلونس واهم الاسباب بالنسبة لى كان اعادة البيع خصوصا انى بغير بسرعة والحاجة التانية توافر قطع الغيار ومراكز الصيانة كان لصالح السيراتو بصراحة
راى اصحاب المعارض ذات نفسهم من خلال حجم المبيعات كان لصالح السيراتو
وبردو حضرتك لازم تاخذ كلام الزميل اللى مع حضرتك فى السعوية راية فى الصميم بصراحة
وربنا يوفقك الى الخير

[borio1704]

أنا عايش في جده دلوقتي.. ولسه جايب سيراتو 2014

يصراحة ماكنتش حاطط الفلوينس في اختياراتي من أساسه لسببين..

أولا.. أنا ما بحبش الأوروبي بشكل عام.

ثانيا.. فكرت بمنطق إني لو هجيب عربية في مصر فالأحسن إني أشتريها من مصر.. وخليني أستمتع بالعربية اللي تريحني طول ما أنا قاعد هنا وأبقى أبيعها بعد كده.. ده أنا حتى ما عملتش موضوع المالك الأول ده


انت عارف إن الرينو والأوروبي عموما مش ماشي في السعودية وتوكيلاتهم عموما تعبانة .. طيب ليه تجيب عربية تتعب معاها وكمان لما تبيعها تخسر فيها جامد؟؟؟ انت عارف إن سعر اعادة البيع للرينو في مصر كمان واقع؟؟؟ يعني خسرانة من جميع الجهات

اتكل على الله وهات السيراتو.. مش هتندم .. ولو حبيت اي معلومات عنها انا جاهز

[memo_zezo]

أنا عايش في جده دلوقتي.. ولسه جايب سيراتو 2014

يصراحة ماكنتش حاطط الفلوينس في اختياراتي من أساسه لسببين..

أولا.. أنا ما بحبش الأوروبي بشكل عام.

ثانيا.. فكرت بمنطق إني لو هجيب عربية في مصر فالأحسن إني أشتريها من مصر.. وخليني أستمتع بالعربية اللي تريحني طول ما أنا قاعد هنا وأبقى أبيعها بعد كده.. ده أنا حتى ما عملتش موضوع المالك الأول ده


انت عارف إن الرينو والأوروبي عموما مش ماشي في السعودية وتوكيلاتهم عموما تعبانة .. طيب ليه تجيب عربية تتعب معاها وكمان لما تبيعها تخسر فيها جامد؟؟؟ انت عارف إن سعر اعادة البيع للرينو في مصر كمان واقع؟؟؟ يعني خسرانة من جميع الجهات

اتكل على الله وهات السيراتو.. مش هتندم .. ولو حبيت اي معلومات عنها انا جاهز

ربنا يجزاك كل خير انا فعلا تقريبا اقتنعت بالسيراتو انا بس كنترخايف من قصة الكوري لاني بصراحه مركبتش كوري قبل كده طيب حضرتك واخد اي فئه في السيراتو وتنصحني بالهاي لاين والا النص فل??

[memo_zezo]

طيب ليه مش اوبل ؟

مفيش اوبل في السعوديه مع الاسف

[memo_zezo]

انا معاك هنا فى الرياض ومعايا فلوانس 2013 وانصحك تمشى مع اللى ماشى فى البلد هنا السيراتو او الهيونداى لاننا هنا مش ضامنين نفسنا نروح فى اى وقت فتقدر تبيع العربية بسهولة لان الفلوانس مش منتشرة اوى هنا
اما لو كنت حابب تركب فلوانس فهى متختلفش عن اللى فى مصر سوى المقدمة او بمعنى اصح الاكصدام فقط لكنها نفس الابعاد وكل شىء وكمان الخليجى ننازل من 2010 الماتور الجديد حاليا فى مصر موتور النيسان وفتيسها اللى لسه نازل فى موديل 2014 بمصر فمتقلقش ونصيحة اخرى لو مصمم عليها يبقى تجيب الكاملة انا معايا النص وندمت انى مجبتش الكاملة

والله بعد راي حضرتك وراي الاستاذ اللس ساكت في جدة تقريبا اقتنعت بالسيراتو باذن الله وهنزل بكره اسال علي اسععر الفئات بتاعتها واتوكل علي الله فيها باذن الله ربنا يبارك لحضرتك وانا فعلا من كام يوم لقيت واحد من الرياض عارض الفلوينس بتاعته للتتازل بعد مادفع منها حوالي سنه والعربيه بحالتها تماما ومش لاقي حد ياخدها منه بسعر التراب ودي حاجه قلقتني لاني مضمنش هنزل بيها والا لا وكمان فلسفة حرامية الجمارك وقتها هيكون الله اعلم بيها

[memo_zezo]

انا شايف تشوف بيجو 508 او تويوتا كرولا

والله بخصوص الكورولا انا نزلت بالفعل اتفرجت عليها امبارح ومع الاسف السياره فاضيه وغييير مغريه بالنسبالي عن اللي بتنزل مصر وسعرها المبالغ فيه بس انا قولت اشوفها عشان اريح ضميري بس وبخصوص البيجو انا بامانه مش شايف ولامقتنع غير بيها ولكن زي ماقال الزملاء هنا الاوروبي واقع جدا ولو فكرت ابيعها هخسر جامد جدددارده غيرران سعرها غالي للفئه الفل اوبشن 100 الف ريال والفئه الاقل ب 75 الف وفاضيه خالص دي حته طاسات تخيل الوساخه ف طبعا شيلتها من دماغي خاااالص