فلونس 2014 والا نيو سيراتو 2014

[borio1704]

ربنا يجزاك كل خير انا فعلا تقريبا اقتنعت بالسيراتو انا بس كنترخايف من قصة الكوري لاني بصراحه مركبتش كوري قبل كده طيب حضرتك واخد اي فئه في السيراتو وتنصحني بالهاي لاين والا النص فل??

بالنسبة للكوري.. ما تقلقش من موضوع الجودة ده نهائي... الكيا والهيونداي واخدة دلوقتي جوايز في الجودة على مستوى العالم... ما تقلقش خالص

عايز اقولك إنك تقدر تعتمد عليها أكتر من عربيات أوروبية كتير

بالنسبة لفئات السيراتو... فالموجود كتير لدرجة إنك ممكن تحتار وانت بتختارها...

الأسعار بداية من 56 ألف للعربية البيزك أوتوماتيك.. هتلاقيها عربية حلوة ومريحة بكل الكماليات الأساسية... بس ناقصها أنظمة سلامة إلكترونية زي الـABS والـESC


والهاي لاين ممكن توصل حوالي 78 ألف أو 80 ... بس بصراحة... فيها حاجات خيالية لعربية في حجمها وفئتها... خصوصا لو جبتها 2000 cc بالفوانيس الليدات والاسبويلر الخلفي


ممكن تروح على النص أوبشن ... ودي كويسة جدا وسعرها حوالي 65 أو 68 ألف... وأعتقد إنها تقل عن الهايلاين في التالي:
- مفيهاش مقاعد مكيفة
- مفيهاش تغيير النقلات من الدركسيون
- مفيهاش نيكل في الأبواب
- مفيهاش فوانيس ليدات
- مفيهاش فتحة سقف
- مفيهاش كاميرا خلفية
- مفيهاش شاشة تتش (دي مش متأكد منها بصراحة)
- مفيهاش ESC (بردو مش متأكد)


ودي أصلا فيها حاجات كتيييير هتستغرب إنها موجودة في عربية زيها وبالسعر ده !!! زي موضوع تغيير قوة الباورستيرنج أو الكراسي الجلد مثلا.


أنا جايب الفئة التانية بعد البيزك... ثمنا كاش 59 ألف ريال.. وتزيد عن البيزك في التالي:
- جنوط اسبور 16 بوصة
- مقابض الأبواب والمرايات بلون السيارة
- بلوتوث
- تحكم من الطارة بالراديو والتليفون
- ريموت وإنذار


أحلى حاجة عاجباني في العربية فعلا... الجيربوكس بتاعها 6 سرعات أوتوماتيك... مش محسسك إنك سايق 1600 أبدا.. بتحس إن العربية بتستجيب ولا كإنها 2000 cc من العربيات العادية التانية.

كان نفسي فعلا أجيب الهايلاين... ولو كان في مقدرتي كنت جبتها بدون تردد.. حتى لو كان سعرها = تقريبا سعر الأوبتيما البيزك... بس تستاهل.



...

[ALshahba]

الفلوانس فى السعوديه تقفيل شركة سامسونج الكوريه
الفلوانس المصري تقفيل تركي
الفارق بينهم فى الشكل الخارجي فقط

انا النهارده كنت سايق عربيت واحد صاحبي سيراتو الشكل الجديد .............ز عربيه جميله من الداخل وشكلها جميل من الخارج
تسارعها كويس ...... المنحنيات سيئه ............ العزل مش كويس , يعني بتسمع الصوت الخارجي بوضوح

الفلوانس حاجه تانيه
لكن لو انت قاعد عندك شويه .......... هات الحاجه الماشيه عندك ووكيلها يكون كويس

[ahmzd]

أنا رأيي إن حضرتك تركب في السعودية من السعودية، وفي مصر من مصر.. بس خلاص.. والله أعلم.

[memo_zezo]

بالنسبة للكوري.. ما تقلقش من موضوع الجودة ده نهائي... الكيا والهيونداي واخدة دلوقتي جوايز في الجودة على مستوى العالم... ما تقلقش خالص

عايز اقولك إنك تقدر تعتمد عليها أكتر من عربيات أوروبية كتير

بالنسبة لفئات السيراتو... فالموجود كتير لدرجة إنك ممكن تحتار وانت بتختارها...

الأسعار بداية من 56 ألف للعربية البيزك أوتوماتيك.. هتلاقيها عربية حلوة ومريحة بكل الكماليات الأساسية... بس ناقصها أنظمة سلامة إلكترونية زي الـabs والـesc


والهاي لاين ممكن توصل حوالي 78 ألف أو 80 ... بس بصراحة... فيها حاجات خيالية لعربية في حجمها وفئتها... خصوصا لو جبتها 2000 cc بالفوانيس الليدات والاسبويلر الخلفي


ممكن تروح على النص أوبشن ... ودي كويسة جدا وسعرها حوالي 65 أو 68 ألف... وأعتقد إنها تقل عن الهايلاين في التالي:
- مفيهاش مقاعد مكيفة
- مفيهاش تغيير النقلات من الدركسيون
- مفيهاش نيكل في الأبواب
- مفيهاش فوانيس ليدات
- مفيهاش فتحة سقف
- مفيهاش كاميرا خلفية
- مفيهاش شاشة تتش (دي مش متأكد منها بصراحة)
- مفيهاش esc (بردو مش متأكد)


ودي أصلا فيها حاجات كتيييير هتستغرب إنها موجودة في عربية زيها وبالسعر ده !!! زي موضوع تغيير قوة الباورستيرنج أو الكراسي الجلد مثلا.


أنا جايب الفئة التانية بعد البيزك... ثمنا كاش 59 ألف ريال.. وتزيد عن البيزك في التالي:
- جنوط اسبور 16 بوصة
- مقابض الأبواب والمرايات بلون السيارة
- بلوتوث
- تحكم من الطارة بالراديو والتليفون
- ريموت وإنذار


أحلى حاجة عاجباني في العربية فعلا... الجيربوكس بتاعها 6 سرعات أوتوماتيك... مش محسسك إنك سايق 1600 أبدا.. بتحس إن العربية بتستجيب ولا كإنها 2000 cc من العربيات العادية التانية.

كان نفسي فعلا أجيب الهايلاين... ولو كان في مقدرتي كنت جبتها بدون تردد.. حتى لو كان سعرها = تقريبا سعر الأوبتيما البيزك... بس تستاهل.



...

والله الواحد مش عارف يقول لحضرتك ايه بس بجد ربنا يجزاك كل خير يارب حضرتك كتبتلى كل حاجه ممكن اسال فيها ناقص انى اروح ع الطبيعه واشوف اى فئه هقدر عليها باذن الله واقنعتنى تماما بالسيراتو وخصوصا انى ركبت كتير النترا فى شركات التاجير وبصراحه معجبتنيش من جوه ومرتحتلهاش هبقى اروح واشوف فى شركة الجبر وارجع اقولك ايه اللى انا رسيت عليها اى فئه فيهم باذن الله وكتر الف خيرك مره تانيه

[memo_zezo]

الفلوانس فى السعوديه تقفيل شركة سامسونج الكوريه
الفلوانس المصري تقفيل تركي
الفارق بينهم فى الشكل الخارجي فقط

انا النهارده كنت سايق عربيت واحد صاحبي سيراتو الشكل الجديد .............ز عربيه جميله من الداخل وشكلها جميل من الخارج
تسارعها كويس ...... المنحنيات سيئه ............ العزل مش كويس , يعني بتسمع الصوت الخارجي بوضوح

الفلوانس حاجه تانيه
لكن لو انت قاعد عندك شويه .......... هات الحاجه الماشيه عندك ووكيلها يكون كويس

والله انا فعلا قررت اخد بالنصيحه واشترى اللى ماشي هنا بالرغم من الملاحظات اللى قلقتنى اللى حضرتك ذكرتها بس افضل من لما اجيب حاجه ولو حبيت ابيعها تخسر كتير او ملاقيش حد ياخدها متشكر جدا ع المشاركه ربنا يجزاك كل خير

[memo_zezo]

أنا رأيي إن حضرتك تركب في السعودية من السعودية، وفي مصر من مصر.. بس خلاص.. والله أعلم.

انا بالفعل راكب حاليا شيفروليه لومينا 2007 3600 سي سي ويمكن دى مشكلتى انى لما بجرب عربيه 1600 بحس انها مفيهاش اى عزم بس مشكلة عربيتى ان مشاكلها كتير واعطالها ممله لما خنقتنى بصراحه وف نفس الوقت قولت اشوف حاجه تكون قسطها كويس واحاول اخلصها على سنتين باذن الله يعنى تكون فوايد بسيطه احسن من الفلوس اللى بضيعها كتير على اصلاح عربيتى واهو احط تمنها مقدمه واريح دماغى شكرا جزيلا على مشاكرة حضرتك وبصراحه نصيحتك فى محلها بس انا تقريبا مش بتحرك كتير بالعربيه لان اغلب سفريات شغلى عن طريق شركات ايجار او عربيات الشركه ف لو جبت حاجه جديده ليا وانا نازل هتكون تقريبا مش ماشيه كتير ومتحافظ عليها ووقتها جماركها بقى اعتبر انى اشتريتها بيها بس هكون مرتاح انها عربيتى وعارفها كويس ومحافظ عليها واهو طول منا قاعد مش خسران حاجه اهو كله بيقلل من جماركها وكمان مريح دماغى ان معايا عربيه تخدمنى 5 سنين من غير وجع دماغ الميكانيكيه الحراميه اللى هنا

[Gamal.Eid]

والله بعد راي حضرتك وراي الاستاذ اللس ساكت في جدة تقريبا اقتنعت بالسيراتو باذن الله وهنزل بكره اسال علي اسععر الفئات بتاعتها واتوكل علي الله فيها باذن الله ربنا يبارك لحضرتك وانا فعلا من كام يوم لقيت واحد من الرياض عارض الفلوينس بتاعته للتتازل بعد مادفع منها حوالي سنه والعربيه بحالتها تماما ومش لاقي حد ياخدها منه بسعر التراب ودي حاجه قلقتني لاني مضمنش هنزل بيها والا لا وكمان فلسفة حرامية الجمارك وقتها هيكون الله اعلم بيها

العفو يا فندم احنا فى الخدمة ههههههههههههه والراجل اللى عارض عربيته هو انا شوف الصدف بس لقيت كتير والله عايزها بس للاسف البنك معندهوش تنازل عايز يحسب المتبقى عليه ويعمل مع الاخر عقد جديد بالمبلغ المتبقى

[borio1704]

انا بالفعل راكب حاليا شيفروليه لومينا 2007 3600 سي سي ويمكن دى مشكلتى انى لما بجرب عربيه 1600 بحس انها مفيهاش اى عزم بس مشكلة عربيتى ان مشاكلها كتير واعطالها ممله لما خنقتنى بصراحه وف نفس الوقت قولت اشوف حاجه تكون قسطها كويس واحاول اخلصها على سنتين باذن الله يعنى تكون فوايد بسيطه احسن من الفلوس اللى بضيعها كتير على اصلاح عربيتى واهو احط تمنها مقدمه واريح دماغى شكرا جزيلا على مشاكرة حضرتك وبصراحه نصيحتك فى محلها بس انا تقريبا مش بتحرك كتير بالعربيه لان اغلب سفريات شغلى عن طريق شركات ايجار او عربيات الشركه ف لو جبت حاجه جديده ليا وانا نازل هتكون تقريبا مش ماشيه كتير ومتحافظ عليها ووقتها جماركها بقى اعتبر انى اشتريتها بيها بس هكون مرتاح انها عربيتى وعارفها كويس ومحافظ عليها واهو طول منا قاعد مش خسران حاجه اهو كله بيقلل من جماركها وكمان مريح دماغى ان معايا عربيه تخدمنى 5 سنين من غير وجع دماغ الميكانيكيه الحراميه اللى هنا

لو رحت شركة الجبر اطلب منهم تعمل "تست درايف".. وجرب تسوق العربية عشان تبقى مقتنع فعلا.

متهيألي لو جبت السيراتو الـ2000 هتلاقيها فيها عزم كويس.. أكيد طبعا مش زي اللومينا.. بس مع الجيربوكس الـ6 سرعات هتحس بيه.

[devil_storm]

من تجريتي للاتنين في فرق كبير في التسارع لصالح السيراتو فبما انك معاك لومينا مش حتستحمل بطء و خنقه الفلوينس
بعد تجربه معظم عربيات الفئه دي ذي الالنترا - الفلوينس - الفوكس - السيراتو - الكروز انصحك بالسيراتو بس هاتها الكامله بالبصمه و بالليدات و فتحه السقف والفلكس ستيرنج و عيش

[memo_zezo]

العفو يا فندم احنا فى الخدمة ههههههههههههه والراجل اللى عارض عربيته هو انا شوف الصدف بس لقيت كتير والله عايزها بس للاسف البنك معندهوش تنازل عايز يحسب المتبقى عليه ويعمل مع الاخر عقد جديد بالمبلغ المتبقى

هههههههههههه يااااااااااااااه ع الصدفه انا شوفتك كاتب تقريبا دافع مقدم 20 الف وعايزهم ومتنازل عن أقساط سنه اللى انت دفعتهم ولقيت شوية ناس بيبخسوها واللى يقوللك هديلك 10 بس واللى يقول 11 والله انا قولت ف نفسى لو الراجل ده كان في جدة كنت خدتها منه وشششش من غير تفكير بس فعلا الدنيا ضيقه اوى ههههههههههههه الف شكر ياغالى ع النصايح الجميله وربنا يكتبلك اللى فيه الخير يارب

[memo_zezo]

من تجريتي للاتنين في فرق كبير في التسارع لصالح السيراتو فبما انك معاك لومينا مش حتستحمل بطء و خنقه الفلوينس
بعد تجربه معظم عربيات الفئه دي ذي الالنترا - الفلوينس - الفوكس - السيراتو - الكروز انصحك بالسيراتو بس هاتها الكامله بالبصمه و بالليدات و فتحه السقف والفلكس ستيرنج و عيش

معاك حق انا امبارح كنت ف ابها وخدت النترا من شركة ايجار كنت حاسس انى راكب عربيه 100 سي سي من كتر منا مش حاسس فيها اى عزم لدرجة انى كنت مستغرب انتشارها الرهيب هنا بس يمكن زى ماقولت انى متعود على اللومينا ف ده اللى خلانى شايفها ضعيفه

[memo_zezo]

لو رحت شركة الجبر اطلب منهم تعمل "تست درايف".. وجرب تسوق العربية عشان تبقى مقتنع فعلا.

متهيألي لو جبت السيراتو الـ2000 هتلاقيها فيها عزم كويس.. أكيد طبعا مش زي اللومينا.. بس مع الجيربوكس الـ6 سرعات هتحس بيه.

انا فعلا هعمل بنصيحة حضرتك وهعمل تيست درايف لان السيراتو تقريبا العربيه الوحيده اللى مجربتهاش في شركات التاجير خالص بس بالنسبه لل 2000 سي سي مع الأسف كان نفسي فيها بس عشان قولت بما انى هدفع تمنها هنا ابقى اخدها معايا مصر احسن وادفعلها جماركها بقى مهما كانت بدل ماابيعها هنا برخص التراب وابقي استفدت بعربيه انا عارفها كويس ومحافظ عليها وخدتها معايا مصر وكانى اشتريتها بقى بالجمارك وخلاص عشان كده لازم مع الأسف تبقى 1600 سي سي تبقا لقوانين المحروسه اللى قربت تجيب الشلل لكل الشعب

[M.ABDEEN]

انا بحب كيا ومعايا كيا بس النهارده شوفت الفلوانس لا فعلا الفلوانس تكسب ....شفتها النهارده عند اباظه الكاتيجوري التاني في الاوتو بصراحة فعلا وحش كاسر والتقفيل ممتاز جدا والخامات الداخلية ممتازة وصالون وشنطة ماشاء الله ....بس مسقتهاش

[esam_ayad]

باشا لو انت لسه بتفكر وماأخدتش قرار يبقي روح جرب السيراتو
أنا لسه منزل تقرير عن تجربة قيادة السيراتو 2014 وياريت تدخل وتقراه لأني بفكر أشتريها وكنت بقارن بينها وبين الكورولا والفليونس والالنترا والسيراتو وعايز أقولك ان السيراتو الجديده جاااااامده.
وده رابط التقرير اللي انا عامله ولما تقراه كله هاتعرف أنا بقول كده ليه:

http://www.nilemotors.net/Nile/399642-2014.html

[ALshahba]

يا جماعه مين اللي قال ان السيراتو مش كويسه !!! انا بقول اني ركبتها وكانت قاعدتها جميله جدا وتسارعها الاولي كويس اوي وفاخمه من جوه بس ثباتها مش قوي وتقفيلها مش قوي وسحب بنزينها (من صاحبها) يعتبر عالي
بس الفلوانس افضل منها فى حاجات صغيره مش اكتر ........ ولو مش عاجباك الفلوانس , خلاص خليك فى السيراتو بدام مريحاك وبالتوفيق ان شاء الله