الافضل بين ( بيجو 301 , سيتروين اليزيه , اوبترا , صنى الجديده )

[Moustafa Nabih]

ياجماعة انا عايز رأيكوا فى الافضل بين السيارات الاتية مانيوال جديده حيث ان ميزانيتى 110 الف فقط
بيجو 301
سيتروين اليزيه
اوبترا
نيسان صنى الشكل الجديد

[mosboss]

بيجو 301 طبعا

[احمد عبد الغني]

نصيحة من مجرب بلاش مانيوال فكر في حاجة اوتوماتيك لاو مش فارق يبقى بيجو301 لاان الااوتوماتيك في كل العربيات الي انت كتبها اعلى من 110الف

[Moustafa Nabih]

نصيحة من مجرب بلاش مانيوال فكر في حاجة اوتوماتيك لاو مش فارق يبقى بيجو301 لاان الااوتوماتيك في كل العربيات الي انت كتبها اعلى من 110الف

يا استاذ احمد متشكرين على الرد بس انا اخرى 110 الف بس ومش عايز تقسيط فالرانج ده كله مانيول مش اتوماتيك وبصراحة انا سمعت ان فى مشاكل فى الاتوماتيك وانا عايز العربية متعملش مشاكل ان شاء الله

[احمد عبد الغني]

يبقا حضرتك تنزل تشوف البيجو301 والسيتروين سي اليزيه لان العربيتين نفس بعض فى كل حاجة فرق شكل فقط ودي طبعان ازواق بس شوف انتا هتستريح في انهي ركوبة فيهم وصرحة العربيتين كل ملكيها بيشكرو فيها سواء البيجو301 او الستروين سي اليزيه واحنا مع حضرتك

[speranz]

دلع نفسك وخدلك العربية الجميلة بيجو

[Moustafa Nabih]

دلع نفسك وخدلك العربية الجميلة بيجو

انا شايف فعلا ان البيجو احلى شكلا بالنسبة بقى للموتور والكلام ده معرفش علشان انا مبفهمش فى الحاجات دى بصراحة بس كذا واحد قالى لو هتبيع بعد كده هتخسر جامد وكمان قطع غيارها غاليه

[speranz]

لو عربية تانية من بيجو غير ال 301 هقلك اه قطع الغيار غالية
انما العربية دى بالذات عملت مبيعات محصلتش فى فئتها
وانتشار اكتر يعنى قطع غيار ارخص
وفى اعادة البيع هتكون مطلوبة عشان سمعتها
وماتورها 1600 سى سى 16 صباب 115 حصان يعنى لوز اللوز متقلقش

[شاهين - بنز]

لو أنا حجيب إليزيه عشان شايف إن شكلها أحلى من البيجو ، متناسق أكتر
لكن حجيبها مانيوال عشان أسمع إن شي مشاكل في الفتيس الأوتو ده غير إن سعر المانيوال مغري جدا ( أرخص من الأوتو ب ١٥ ألف جنيه)

[محمد اسلام]

لو أنا حجيب إليزيه عشان شايف إن شكلها أحلى من البيجو ، متناسق أكتر
لكن حجيبها مانيوال عشان أسمع إن شي مشاكل في الفتيس الأوتو ده غير إن سعر المانيوال مغري جدا ( أرخص من الأوتو ب ١٥ ألف جنيه)

يا اخى حرام عليك ... حد يسيب راحه الاوتوماتيك ويجيب المانيوال ... وعايز اصحح لحضرتك معلومة السى اليزية اوتوماتيك اول فئة ب 120.000 فقط

[J A G U A R]

بيجو 301 مانيوال

[Ahmed_m7md_A5]

انا اخترت الاليزيه لان الاوبترا و الصنى دول مينفعش يدخلوا المقارنة دول معفنيين
البيجو و الستروين واحد , فرق الشكل فقط طبعا الاليزية احلى

[Moustafa Nabih]

انا اخترت الاليزيه لان الاوبترا و الصنى دول مينفعش يدخلوا المقارنة دول معفنيين
البيجو و الستروين واحد , فرق الشكل فقط طبعا الاليزية احلى

انا متفق معاك فعلا ان الاليزيه احلى شوية من البيجو
بس على ماأعتقد ان اليجو لو فكرت بعد كده تبيع هتبقى اعلى من السيتروين علشان فى مصر هنا مش بيجبوا الستروين زي البيجو مع انى العربيتين واحد بالظبط وكمان حاسس ان انتشار البيجو اكتر اما التوكيل بقى معرفش انهى الاحسن ... والله اعلم

[ah-elgendy]

301 عربيه اوربى ممتازه وممكن تجيب صنى شكل قديم اتو ب 100 الف وتوفر انت 10 الاف جنيه ويبقى ركبت اتو

[Moustafa Nabih]

301 عربيه اوربى ممتازه وممكن تجيب صنى شكل قديم اتو ب 100 الف وتوفر انت 10 الاف جنيه ويبقى ركبت اتو

انا معاك بس بصراحة شكل النيسان صنى القديم شكلها مش حلو من وجهة نظري وعربية قديمه كشكلا
هو فيه منها موديل 2014 ؟