الافضل بين ( بيجو 301 , سيتروين اليزيه , اوبترا , صنى الجديده )

[hugan]

الاوتو افضل
حسب المبلغ المتاح

[ah-elgendy]

انا معاك بس بصراحة شكل النيسان صنى القديم شكلها مش حلو من وجهة نظري وعربية قديمه كشكلا
هو فيه منها موديل 2014 ؟

اللى اعرفه ان التوكيل فاتح الحجز عليها بس مش عارف 2013 ولا 2014 بس اعتقد مش فارقه 2013 من 2014 روح بص عليها اللون الاسود و الذهبى جميل جدا فيها

[Ahmed_m7md_A5]

انا متفق معاك فعلا ان الاليزيه احلى شوية من البيجو
بس على ماأعتقد ان اليجو لو فكرت بعد كده تبيع هتبقى اعلى من السيتروين علشان فى مصر هنا مش بيجبوا الستروين زي البيجو مع انى العربيتين واحد بالظبط وكمان حاسس ان انتشار البيجو اكتر اما التوكيل بقى معرفش انهى الاحسن ... والله اعلم

بالنسبالى انا مش عامل حساب اعادة البيع انما بالنسبلك شوف انت بقى.......
طبعا البيجو سوقها احسن من السيتروين , يمكن فى ناس اصلا متعرفش ان فى شركة اسمها سيتروين من اساسه
( سوق مصر غررررررررررررررررررررررررررررررريب)
يقال ان توكيل الاتنين كويسين هو بس عزب العرب كان عامل مشاكل مع البروتون فقط لكن السيتروين كويس وقطع الغيار الستروين ارخص بسنبة بسيطة عن البيجو 10% يمكن

[smsm2004w]

البيجو و الستروين الأثنين واحد شركة بيجو اشترت ستيروين من زمان العربيتين تقفيل اسبانى نفس المصنع نيجى بأه للمهم
هنا فى مصر انت اللى يهمك الأنتشار وقطع الغيار بالنسبة للبيجو الأنتشار اوسع وده هيفيد فى انتشار و رخص قطع الغيار واعادة البيع هتقولى طيب ما ده هينطبق على السيتروين بما انها هى هى البيجو هقولك لأ ليه الشكل الخارجى مختلف يعنى لو محتاج فانوس او اشارة او اكصدام او كابوت بعد سنه او اثنين ممكن تلاقى للبيجو بس صعب تلاقى للسيتروين علشان انتشارها ضعيف غير ان الجيش اخد من البيجو اكثر من 2000 عربية وكمان شركات كبيرة متعاقده عليها فأكيد تجار قطع الغيار هيبدأو يستوردو قطع غيار ليها وخصوصآ ان الصين بتنتج 301 فهيكون فى قطع غيار ارخص . بعد كده توكيل بيجو افضل من توكيل عز العرب اللى بيشتغل فى اكتر من نوع وده واضح من فرق الحجز بين بيجو وسيتروين البيجو بتحجز وتستلم بعد 3 شهور ويمكن اكثر السيتروين ارخص واستلام فورى . بالنسبة للمعارض البيجو وصل الأوفر برايس لأرقام فلكية وبتستنى برده على ما يوفرها لك السيتروين 1000 جنية وعلى حسب اللون . اعادة البيع البيجو طبعآ مش هتخسر بعد الأنتشار ده . بالنسبة لباقى العربيات اللى انت سألت عليهم مينفعش يدخلوا مقارنة مع العربيتين دول من الأساس يعنى متفكرش فيهم

[Moustafa Nabih]

البيجو و الستروين الأثنين واحد شركة بيجو اشترت ستيروين من زمان العربيتين تقفيل اسبانى نفس المصنع نيجى بأه للمهم
هنا فى مصر انت اللى يهمك الأنتشار وقطع الغيار بالنسبة للبيجو الأنتشار اوسع وده هيفيد فى انتشار و رخص قطع الغيار واعادة البيع هتقولى طيب ما ده هينطبق على السيتروين بما انها هى هى البيجو هقولك لأ ليه الشكل الخارجى مختلف يعنى لو محتاج فانوس او اشارة او اكصدام او كابوت بعد سنه او اثنين ممكن تلاقى للبيجو بس صعب تلاقى للسيتروين علشان انتشارها ضعيف غير ان الجيش اخد من البيجو اكثر من 2000 عربية وكمان شركات كبيرة متعاقده عليها فأكيد تجار قطع الغيار هيبدأو يستوردو قطع غيار ليها وخصوصآ ان الصين بتنتج 301 فهيكون فى قطع غيار ارخص . بعد كده توكيل بيجو افضل من توكيل عز العرب اللى بيشتغل فى اكتر من نوع وده واضح من فرق الحجز بين بيجو وسيتروين البيجو بتحجز وتستلم بعد 3 شهور ويمكن اكثر السيتروين ارخص واستلام فورى . بالنسبة للمعارض البيجو وصل الأوفر برايس لأرقام فلكية وبتستنى برده على ما يوفرها لك السيتروين 1000 جنية وعلى حسب اللون . اعادة البيع البيجو طبعآ مش هتخسر بعد الأنتشار ده . بالنسبة لباقى العربيات اللى انت سألت عليهم مينفعش يدخلوا مقارنة مع العربيتين دول من الأساس يعنى متفكرش فيهم

كلام جميل جدا ومتفق مع حضرتك فى كل الكلام وفعلا البيجو هى الافضل بينهم

[ahmzd]

الاختيار الأول وبلا منازع : بيجو 301 أوتوماتيك
أما في حالة عدم توافر ثمنها فالسيتروين سي إليزيه أوتوماتيك
غير كده .. مفيييييييييييييش!! والله أعلم.