بيجو بيجو301 هاي لاين ولا تويوتا ياريس الفئة الاولى اوتوماتيك ؟

[Mohamed-Omar]

انا محتار بين العربيتين دول جدا في ناس بتقولي الاوروبي يغلب
وفي ناس بتقول الياباني اعتمادي اكتر بس انا استقريت انشاء الله على واحدة من
الياريس فئة اولى اوتوماتيك 131,900 ج او بيجو 301 هاي لاين 135,950 ج
وانا كنت عاوز استفسر عن الوسع الداخلي لكل واحده و هل ارتفاعهم عن الارض كويس
لاني بصراحة انا بدور على عربية يكون ارتفاعها كويس ( مش اقل من 15 سم ) عشان مطابتنا الجميلة
وهل مع التحميل بتنزل جامد؟ وهل في الياريس باركنج سينسور لاني اعرف ان ال 301 فيها باركنج سينسور؟.......
معلش بقى انا عارف اني طولت عليكم و اي حد عنده اي اقتراح تاني ارجو انو يقول عليه وتنتاقش
وشكرا مقدما

[Marwan yahya]

بيجوا 301 لانها حتبقى كماليتها اكتر من اليارس

[برنس الليالي]

الياريس الفئة الاولى مافيهاش حساسات ودي حتلاقيها في الفل اوبشنز بس موجود في البيجو 301 اعلى فئة

[J A G U A R]

الياريس سعرها مبالغ فيه جدا واوبشن اقل من 301 وماتورها اضعف والسوق هايبقى ل 301..

[fares_311]

السلام عليكم
البيجو هاي لاين يا باشا
أتوكل على الله

[heshammosaad]

بيجو ٣٠١ هاى لاين

[smsm2004w]

يبجو 301 طبعآ

[ahmedz310]

بيجو 301 أفضل ،، ماتور اقوي و كماليات أكتر وفرق السعر بين الاتنين لايذكر

[eslam.maghawry]

سعر الياريس مبالغ فيه جدا للأسف وموتور أصغر وقدرة حصانية أقل واوبشن أقل وحجم أصغر
إنما البيجو هايلاين جنوط وحساسات ركن واستبترونيك مريات كهربا وموتور أكبر وقدرة حصانية أعلى قطع غيار اعتقد غالية نسبيا وشكل أفضل

[Yousef.Kamel]

البيجو افضل سعرا واعاده البيع

[ابو هنا]

البيجو افضل في كل شئ
على فكرة اليارس اول فئة اوتوماتيك 140 الف جنيه ( فشلة )

[amrelsaqqa]

الياريس الجديدة فاشلة جدا وفقيرة جدا و غالية جدا وضعيفة جدا و خفيفة جدا !

وبالنسبة للسعر واعادة البيع الياريس محدش اشتراها اصلا لحد دلوقتى مقارنة بالنجاح المنقطع النظير للبيجو

الاجابة طبعا البيجو بدون تفكير وخلى بالك سعر البيجو ده مش هيستنى كتير كدة ، ده اللى مخليك بتقارن الاتنين ببعض اصلا

[Mohamed-Omar]

انا بشكر الساده الاعضاء على الاهتمام و سرعة الرد ....
بس كان عاندي كذا اسفسار كمان بخصوص ال 301
انا كنت عايز حد يأكدلي ان ارتفاع العربية عن الارض 16.6 cm
وبخصوص النتشة اللي الناس بتقول عليها في النقلات هل اتعالجت في الدفعات الجديدة ؟
و انا سمعت فعلا ان اسعار ال 301 هتزيد ف انا كنت عايز اعرف هتبقى الزيادة كام و هل فئات محددة ولا كله
(معلش انا عارف اني تعبتكم معايا )
بس دي انشاء الله هتبقى اول عربية ليا في مصر وانا معنديش خبرة قوي يعني
في مجال السيارات ف لازم ابقى متاكد 100% قبل ما آخد اي خطوة

[heshammosaad]

حتى الان مفيش تأكيد على الزيادة

[Gamal.Eid]

الياريس الجديدة فاشلة جدا وفقيرة جدا و غالية جدا وضعيفة جدا و خفيفة جدا !

وبالنسبة للسعر واعادة البيع الياريس محدش اشتراها اصلا لحد دلوقتى مقارنة بالنجاح المنقطع النظير للبيجو

الاجابة طبعا البيجو بدون تفكير وخلى بالك سعر البيجو ده مش هيستنى كتير كدة ، ده اللى مخليك بتقارن الاتنين ببعض اصلا

الياريس هنا فى السعودية = 128فى مصر (مع احترامى لملاكها وانا كنت واحدمنهم واول سيارة اجيبها فى حياتى كانت 128) عربية فقيرة وضعيفة ومتستهلش المبلغ ده كان كبيرها فى الفل اوبشن يبقى سعرها100000جنيه