محتار جدا بين الهوندا سيفك 2013 و الكورولا 2014

[هشام عبد اللطي]

السلام عليكم ورحمة الله وبركاته

ياريت يا جماعة لو حد يقدر يفيدنى
انا محتار جدا بين الهوندا سيفك 2013 الفئة الهالى لاين هى عليها عرض دلوقتى عاملة 205 الف بدلا من 215 وبين الكورولا الفئة الثانية
بصراحة الاتنين حلوين قوى بس انا حاسس ان الهوندا اشيك من ناحية الطبلوه بتاعها بس مش عارف اختار بينهم لان الكورولا الجديدة حلوة جدا ايضا يا ريت لو حد جرب الاتنين يقولى ضرورى
بس من غير تعصب للكورولا او الهوندا انا عايز مقارنة تكون محترمة بين الفئتين


بصراحة موضوع شراء عربية جديدة وتكون غالية موضوع مرهق جدا جدا وصعب اوى
ادعولى ان ربنا يرزقنى الخير فى الاختيار الصعب ده

[Mohamed.Hany]

السلام عليكم ورحمة الله وبركاته

ياريت يا جماعة لو حد يقدر يفيدنى
انا محتار جدا بين الهوندا سيفك 2013 الفئة الهالى لاين هى عليها عرض دلوقتى عاملة 205 الف بدلا من 215 وبين الكورولا الفئة الثانية
بصراحة الاتنين حلوين قوى بس انا حاسس ان الهوندا اشيك من ناحية الطبلوه بتاعها بس مش عارف اختار بينهم لان الكورولا الجديدة حلوة جدا ايضا يا ريت لو حد جرب الاتنين يقولى ضرورى
بس من غير تعصب للكورولا او الهوندا انا عايز مقارنة تكون محترمة بين الفئتين
بصراحة موضوع شراء عربية جديدة وتكون غالية موضوع مرهق جدا جدا وصعب اوى
ادعولى ان ربنا يرزقنى الخير فى الاختيار الصعب ده

استاذ هشام منورنا في قسم تويوتا ,,,,

بدون تعصب او انحياذ شكل تابلوه الهوندا في رأي اشيك من الكورولا لكن الشكل الخارجي للهوندا مش متقبله بالمرة مش عارف ليه و ناس كتيرة ليهم نفس الرأي بس هي في الاخر ازواق .

لو هنتكلم بالورقة و القلم و مقارنة تفصيلية مملة لأن العربيتين متقاربتين جدا هنقول :


** الهوندا هاي لاين تتفوق علي الكورولا الفئة التانية في :

1.عدد 4 ايرباج مقابل 2
2. كاميرا خلفية
3. فتحة سقف كهربا قابلة للامالة
4. نظام الدخول الذكي
5. شياكة التابوله الداخلي
6. Start/Stop Engine


** الكورولا الفئة التانية تتفوق علي الهوندا هاي لاين في :

1. فرق السعر 15 الف
2. الابعاد عموما
3. طول قاعدة العجلات
4. الوزن الكلي
5. سعة خزان الوقود 55 مقابل 50 لتر
6. حجم الشنطة 470 مقابل 353 لتر
7. ضبط مستوى الاضاءة الامامية يدوى
8. نظام اضاءة نهارى (ليد)
9. حساسات ركن امامية وخلفية و جانبية
10. خاصية الركن التلقائي Auto Park
11. نظام HAC
12. نظام EBS
13. نظام Follow me Home
14. الانتشار

[هشام عبد اللطي]

استاذ :Mohamed.Hany

اولا شكرا لك على اهتمامك بالرد عليا وتشرفت بالانضمام لقسم التويوتا واذا حصل نصيب واشتريتها هيكون الضل ليكم وكثرة المواضيع الخاصة بالقسم بصراحة انا استفدت منها كتير جدا

ثانيا بحكم انى من بورسعيد فنحن نقدر الهوندا جدا عندنا فى بورسعيد
بس بصراحة الاختيار صعب جدا الاثنين فيهم مميزات عالية وامكانيات رهيبة
بس كنت طالب من حضرتك خدمة لو عندك تقرير محترم للهوندا استاذن حضرتك انك تبعتهولى
بصراحة كنت عايز اعمل مقارنة بينهم دقيقة full details
وان شاء الله هستخير ربنا والى فيه الخير ربنا يقدمه

[omaranes77]

اعتقد ان المقارنة بين هوندا الهاي لاين تبقي مع تويوتا هاي لاين ومن الناحية دي يبقي كورلا تكسب

[Mohamed.Hany]

استاذ :mohamed.hany

اولا شكرا لك على اهتمامك بالرد عليا وتشرفت بالانضمام لقسم التويوتا واذا حصل نصيب واشتريتها هيكون الضل ليكم وكثرة المواضيع الخاصة بالقسم بصراحة انا استفدت منها كتير جدا

ثانيا بحكم انى من بورسعيد فنحن نقدر الهوندا جدا عندنا فى بورسعيد
بس بصراحة الاختيار صعب جدا الاثنين فيهم مميزات عالية وامكانيات رهيبة
بس كنت طالب من حضرتك خدمة لو عندك تقرير محترم للهوندا استاذن حضرتك انك تبعتهولى
بصراحة كنت عايز اعمل مقارنة بينهم دقيقة full details
وان شاء الله هستخير ربنا والى فيه الخير ربنا يقدمه

كل النقاط اللي قلتها لحضرتك دي هي المقارنة التفصيلية و معتقدش في تفصيل اكتر كدة.
بقية الحاجات التانية مشتركة مبين العربيتين فمذكرتهاش.
بس عموما لو في تفاصيل غيرة عاوز تعرفها ممكن تقولها و ان شاء الله افيدك .
مستني اسئلة حضرتك .

[هشام عبد اللطي]

الف شكر لحضرتك يا استاذ محمد

بس كنت حابب اسئلك عن الاتى

1.هل الهوندا الهاى لاين فعلا start stop engine
2.حضرتك متاكد ان الهوندا مفيهاش EPS
3.هل هى ايضا مفيهاش حساسات للركن امال ايه فايدة الكاميرا الخلفية بدون حساسات للركن
4.هل المرايات بتاعة الهوندا مرايات ضم ام لا

[Astra Lovers]

الاسترا احسن مالتنين بمراحل

[Mohamed.Hany]

الف شكر لحضرتك يا استاذ محمد

بس كنت حابب اسئلك عن الاتى

1.هل الهوندا الهاى لاين فعلا start stop engine
2.حضرتك متاكد ان الهوندا مفيهاش EPS
3.هل هى ايضا مفيهاش حساسات للركن امال ايه فايدة الكاميرا الخلفية بدون حساسات للركن
4.هل المرايات بتاعة الهوندا مرايات ضم ام لا

انا اسف في غلطة عندي و في حاجات ممكن مكنش موضحها كويس :

1.هل الهوندا الهاى لاين فعلا start stop engine مفيهاش ولا حتي في الهاي لاين اسف جي غلطة من عندي
2.حضرتك متاكد ان الهوندا مفيهاش EPS هو EBS مش ESP ولا EPS انا اقصد بال EBS نظام التنبيه بالانوار الخلفية في حالة الفرملة المفاجئة وده مش موجود في الهوندا حتي الهاي لاين . لكن لو تقصد ال ESP نظام الثبات الالكتروني فهو موجود
3.هل هى ايضا مفيهاش حساسات للركن امال ايه فايدة الكاميرا الخلفية بدون حساسات للركن ايوة يافندم مفيهاش حساسات ركن خالص ولا حتي في الهاي لاين و الاعتماد علي الكاميرا الخلفية فقط .
4.هل المرايات بتاعة الهوندا مرايات ضم ام لا مفيهاش مرايات ضم ولا حتي في الهاي لاين و اقصد بالضم انك تدوس علي زرار من جوة العربية او تدوس علي الريموت تقفل , الاتنين غير متاحين حضرتك بتقفلهم بايدك .

[Mohamed.Hany]

الاسترا احسن مالتنين بمراحل

هو الكلام هنا عن كورولا و سيفيك محدش جاب سيرة اي عربية تانية بس عموما وجهة نظر تحترم ,
بس ايه هي المراحل اللي بتتفوق فيها الاسترا عن الكورولا حابب اعرفها من حضرتك ؟ لنستفيد من خبرة حضرتك

[Mustafa_Zain]

أولا: ربنا يرزقك الخير فى الاختيار الصعب ده.
ثانيا: سبحان الله إنها الأذواق، أنا على عكسكم، عاجبني شكلها الخارجي جدا ومش عاجبني التابلوه.
ثالثا: رغم إني مدرستش السيفك بس بيتهئ لي إن الكورولا تكسب في الانتشار والاوبشنز خصوصا السينسور بارك عشان بجد فارق جدا انه بيبان في كمبيوتر العربية بالتفصيل الممل ومش مجرد صوت أو شاشة ثانوية.
رابعا: أضم صوتي لصوت omaranes77 والمفروض نقارن الهاي لاين بالهاي لاين.

[swimmer25]

أحب أضيف
تتفوق الهوندا في:
1- متعة القيادة
2- دقة التوجيه
3- العفشة المنفصلة
4- جودة الخامات


تتفوق الكورولا في:
1- أسعار قطع غيار أرخص
2- إعتمادية أكتر وبتستحمل الإهانة

مش عايز أوصفلك بقي الفرق بين الكورولا المصري والسيفيك اللي في الخليج 2013
بغض النظر عن الأوبشن السيفيك تكتسح في كل حاجة

إتفرج




2013 Honda Civic Review - YouTube

[hany63]

انا عندي الهوندا الجيل التامن و الكورولا ٢٠٠٦ و طبعا سقت الهوندا ٢٠١٣ و الكرولا الشيب القديم
الكورولا عربيه يعتمد عليها بمعنى الكلمه السيفيك كسواقه و هايندلج احلى على رائي واحد صاحبي مره قال لي انه بيتلكك عشان يسوقها

[Mohamed.Hany]

أحب أضيف
تتفوق الهوندا في:
1- متعة القيادة
2- دقة التوجيه
3- العفشة المنفصلة
4- جودة الخامات

تتفوق الكورولا في:
1- أسعار قطع غيار أرخص
2- إعتمادية أكتر وبتستحمل الإهانة

مش عايز أوصفلك بقي الفرق بين الكورولا المصري والسيفيك اللي في الخليج 2013
بغض النظر عن الأوبشن السيفيك تكتسح في كل حاجة

2013 honda civic review - youtube

في فرق كبير مبين الهوندا في الخليج و في مصر لصالح الخليج
وفي فرق كبير مبين الكورولا في الخليج و في مصر لصالح مصر
فحضرتك لازم نوحد البلد للمقارنة الموضوعية الدقيقة لنفيد صاحب الموضوع .
وفي مصر عفشة الهوندا مش مالتي لينك حسب كلام السيلز في التوكيل .
اتمني حضرتك تجرب كورولا 2014 لانها فرق كبير عن الكورولا القديم (الكورولا المصري مش الخليجي عشان تفرق كتير) و ده بالتجربة و حضرتك هتحس فعلا بالهاندلينج و التطور الرهيب للكورولا .
اشكرك علي المعلومات القيمة يا فندم.

انا عندي الهوندا الجيل التامن و الكورولا ٢٠٠٦ و طبعا سقت الهوندا ٢٠١٣ و الكرولا الشيب القديم
الكورولا عربيه يعتمد عليها بمعنى الكلمه السيفيك كسواقه و هايندلج احلى على رائي واحد صاحبي مره قال لي انه بيتلكك عشان يسوقها

كورولا 2014 مختلفة تماما لو جربتها هتعرف جمالها و ثباتها و الهاندليج بتاعها بقي عامل ازاي.
تحياتي لحضرتك

[bassem.naguib]

مقارنة صعبة بين عربيتين محترمتين .. الهوندا ممتازة طبعاً .. وكانت من ضمن اختياراتي قبل الكرولا هي والفلوانس .. ولكن اللي رجح وحسم الأمر بالنسبة ليا الراحة النفسية أولاً واختلاف الكرولا 2014 تماماً شكلاً وكيفاً عن موديلاتها السابقة .

[karim gamal]

بص حضرتك يا فندم ،، زمان الهوندا تكتسح التويوتا بمراحل لسببين الاول النظام الثبات الالكتروني ونظام تعليق المالتي لينك اللي بينزل في السيارات الاوروبي زي الاوبل والمرسيدس والبي ام وهنستثني الاوكتافيا الجديده ،، مجددا التويوتا اقتربت جدا بعد منزلت نظام الثبات الالكتروني مع اوبشن محترمه جدا ،، هيفضل نظام التعليق المالتي لينك هو الفيصل مع حضرتك ،، لازال الثبات في صالح الهوندا بسبب العفشه المالتي لينك وده هيفرق بس مع حضرتك لو بتجري او بتشد ،، النعومه في صالح التويوتا بفرق ملحوظ ،،، العزل مقدرش اقارن لاني معرفش ،، الفتيس تقريبا الاتنين cvt ,, المواتير هوندا تتفوق طول عمرها حتي علي الالماني اللي في نفس السعر