محتار جدا بين الهوندا سيفك 2013 و الكورولا 2014

[swimmer25]

في فرق كبير مبين الهوندا في الخليج و في مصر لصالح الخليج
وفي فرق كبير مبين الكورولا في الخليج و في مصر لصالح مصر
فحضرتك لازم نوحد البلد للمقارنة الموضوعية الدقيقة لنفيد صاحب الموضوع .
وفي مصر عفشة الهوندا مش مالتي لينك حسب كلام السيلز في التوكيل .
اتمني حضرتك تجرب كورولا 2014 لانها فرق كبير عن الكورولا القديم (الكورولا المصري مش الخليجي عشان تفرق كتير) و ده بالتجربة و حضرتك هتحس فعلا بالهاندلينج و التطور الرهيب للكورولا .
اشكرك علي المعلومات القيمة يا فندم.



كورولا 2014 مختلفة تماما لو جربتها هتعرف جمالها و ثباتها و الهاندليج بتاعها بقي عامل ازاي.
تحياتي لحضرتك

فعلا إنت صح...بس أنا مش بقارن أنا بس بدي فكرة عن الفروق
السيفيك عفشتها مالتي لينك دايما مفيش اختلاف عليها ايا كانت في مصر او الخليج
وبالتالي الثبات والراحة دايما للهوندا
بالنسبة للهاندلنج فدا بردو دايما في صالح السيفيك ...هو اتحسن في الكورولا 2014 بس موصلش للسيفيك

[Mohamed.Hany]

فعلا إنت صح...بس أنا مش بقارن أنا بس بدي فكرة عن الفروق
السيفيك عفشتها مالتي لينك دايما مفيش اختلاف عليها ايا كانت في مصر او الخليج
وبالتالي الثبات والراحة دايما للهوندا
بالنسبة للهاندلنج فدا بردو دايما في صالح السيفيك ...هو اتحسن في الكورولا 2014 بس موصلش للسيفيك

اشكرك علي التوضيح.
بس كلام الوكيل معايا كان غير كدة و اكدلي ان القديم كان مالتي لينك اما الجديد اللي بينزل مصر فتقفيل تركي و عفشة تورشن بيم !

[Ahmed TRAVCO]

العربيتين محترمتين جدا خصوصا بعد التعديلات الجذرية في كورولا 2014... بس لا زلت أميل للسيفيك خصوصا مع العفشة الدبل ويشبون + اني بحب العربية متكونش منتشرة قوي، وطبعا الكورولا كلها فترة بسيطة وهتغرق البلد (ودي ميزة رهيبة عن ناس كتير انا مش منهم)...

الخلاصة ان الكورولا لو كانت الشكل السابق مكنش حد تقريبا هيفضلها على السيفيك، وده معناه ان الجديدة طفرة بصراحة بالنسبة لتويوتا... واعتقد الراحة النفسية هي اللي هتحدد الاختيار لأن الفروق لو موجودة فهي بسيطة جدا...

[swimmer25]

اشكرك علي التوضيح.
بس كلام الوكيل معايا كان غير كدة و اكدلي ان القديم كان مالتي لينك اما الجديد اللي بينزل مصر فتقفيل تركي و عفشة تورشن بيم !

مش عارف السيفيك في مصر تقفيل ايه
بس اللي اعرفه ان نوع العفشة حتي مع اختلاف التقفيل مش بيتغير
يعني مينفعش نلاقي كورولا مالتي لينك وتانية تورشن
لان العفشة مكون أساسي في التصميم
لكن ممكن نلاقي نفس العربية فرامل خلفية ديسكات في بلد او في موديل وتانية طبلة
وممكن يغيروا المواتير والفتيس والاوبشن

[Mohamed.Hany]

مش عارف السيفيك في مصر تقفيل ايه
بس اللي اعرفه ان نوع العفشة حتي مع اختلاف التقفيل مش بيتغير
يعني مينفعش نلاقي كورولا مالتي لينك وتانية تورشن
لان العفشة مكون أساسي في التصميم
لكن ممكن نلاقي نفس العربية فرامل خلفية ديسكات في بلد او في موديل وتانية طبلة
وممكن يغيروا المواتير والفتيس والاوبشن

انا بنقلك كلام الوكيل بالمللي انها مش مالتي لينك.
لو حضرتك عاوز تتأكد كلمه برضو او حد من ملاك موديل ٢٠١٣ يقولنا

[swimmer25]

انا بنقلك كلام الوكيل بالمللي انها مش مالتي لينك.
لو حضرتك عاوز تتأكد كلمه برضو او حد من ملاك موديل ٢٠١٣ يقولنا

أنا مش بشكك فيك خالص
اللي قالك الكلام دا بس هو اللي غلطان

[amgomaa]

العفشه مالتى لينك اكيد لان العربيه معايا بس 2012 اول الشكل الجديد واخر اليابانى ولسه زي ما هى فى التركى واتاكد من موقع هوندا تركيا والعربية بقالها معايا سنتين ممتازه مفيش فيها اي مشاكل والحمد لله بالنسبة للمقارنه معرفش الاتنين كويسين بالتوفيق

Sent from my GT-S5282 using Forum Runner

[amgomaa]

اللى معلم عليه مواصفات العفشة من هوندا تركيا اعملها traslate ب google هتلاقيها مالتى لينك

[وائل محمد نبيل]

بص يا سعادة الباشا انا معايا العربيتين طبعا الهوندا تابلوها اشيك بمراحل عن التويوتا وكمان تعامل الناس جوة التوكيا اكثر احتراما وتقديرا للعميل بس عيوبها السحب بعد سرعه 140 بطئ جدا والعزل لصوت الموتور وحش وكمان العربيه ضيقه فى الكنبه الخلفيه اما التويوتا موتورها احسن وصالونها اوسع وناعمه جدااا بصراحه انا بافضل التويوتا عن الهوندا بدون تحيز

[وائل محمد نبيل]

نسيت اقول لحضرتك تقفيل التويوتا فى الصالون والخامات المستخدمه فيه احسن بكتير من الهوندا

[amgomaa]

بص يا سعادة الباشا انا معايا العربيتين طبعا الهوندا تابلوها اشيك بمراحل عن التويوتا وكمان تعامل الناس جوة التوكيا اكثر احتراما وتقديرا للعميل بس عيوبها السحب بعد سرعه 140 بطئ جدا والعزل لصوت الموتور وحش وكمان العربيه ضيقه فى الكنبه الخلفيه اما التويوتا موتورها احسن وصالونها اوسع وناعمه جدااا بصراحه انا بافضل التويوتا عن الهوندا بدون تحيز

مع احترامي الكامل والتام لكلام حضرتك اكيد كان عندك حاجه غلط فى الهوندا موتور الهوندا اضعف من الكورولا اعتقد موتور الهوندا vtec غنى عن التعريف واكيد فيه حاجه غلط فى موضوع بعد 140 سحبها تقيل انا مش من هواة السرعة واخرى 140 بس العربيه لما بتكون معايا علي 140 ببقى مش جايب حتى ربع مشوار دواسة البنزين اما بالنسبه لموضوع التقفيل مركبتش الكورولا عشان اقول مين احسن بس الهوندا فوق الممتاز وارجوك تقبل كلامى وده مش هجوم على كلامك بس علشان افيد صاحب الموضوع فقط

Sent from my GT-S5282 using Forum Runner

[hany63]

أحب أضيف
تتفوق الهوندا في:
1- متعة القيادة
2- دقة التوجيه
3- العفشة المنفصلة
4- جودة الخامات


تتفوق الكورولا في:
1- أسعار قطع غيار أرخص
2- إعتمادية أكتر وبتستحمل الإهانة

مش عايز أوصفلك بقي الفرق بين الكورولا المصري والسيفيك اللي في الخليج 2013
بغض النظر عن الأوبشن السيفيك تكتسح في كل حاجة

إتفرج




2013 honda civic review - youtube

بص يا سعادة الباشا انا معايا العربيتين طبعا الهوندا تابلوها اشيك بمراحل عن التويوتا وكمان تعامل الناس جوة التوكيا اكثر احتراما وتقديرا للعميل بس عيوبها السحب بعد سرعه 140 بطئ جدا والعزل لصوت الموتور وحش وكمان العربيه ضيقه فى الكنبه الخلفيه اما التويوتا موتورها احسن وصالونها اوسع وناعمه جدااا بصراحه انا بافضل التويوتا عن الهوندا بدون تحيز

بالنسبه لموضوع السحب ضعيف بعد ال ١٤٠ كم اكيد عند حضرتك حاجه عايزه تتظبط دي اهم ميزه في الهوندا
ده انا كنت عامل موضوع زمان عن تجربتي للسيفيك للشد بيها على الصحراوي و مفيش عربيه بلا مبالغه سدت معاها بما فيها باسات تربو و خصوصا ان المرحله التانيه من الفيتك بتكون شغاله
انما للامانه في الاول لغاية ٣٥٠٠ لفه المستويات متقاربه بينها و بين فئتها بعد كده بتقلب تربو
بس عموما سحبها ممتع حتى لو ماشي براحتك

[S O P H O S]

الكورولا حاليا ثفقة فرأي
مع التقدير لمكانة السيفيك الافضل

[هشام عبد اللطي]

اخوانى الاعزاء اعضاء هذا المنتدى الرائع
انا خلاص استخرت ربنا عز وجل وقررت اشترى الكورولا الفئة الثانية
ارجو منكم الدعاء ويارب يكون اختيار صحيح باذن الله تعالى