كورولا 2015 ولا اوكتافيا a7 1600cc بفتيس ستيبترونيك

[Welsherif]

بعد نزول الاوكتفيا بموتور 1600 و فتيس زى الفنتازيا الفئة التانية ب 214000ج ولا كورولا الهاى لاين ب 217000 تفتكروا مين فيهم يعتبر قيمة اعلى بالنسبة للسعر

[D.Ahmed Ismail]

هوه اكيد خلاص ان فتيس الفانتازيا هايرجع تاني و dsg خلاص بح و موتور1600

[Welsherif]

هوه اكيد خلاص ان فتيس الفانتازيا هايرجع تاني و dsg خلاص بح و موتور1600

اول دفعة فى المعارض فعلا

[Amr.Fathy]

فئ رأى كورولا عشان. هائ لاين

[yasser100]

ايه الاوبشنز و الامكانيات اللى فى اول فئه اوكتافيا ؟

[D.Ahmed Ismail]

لو كده يبقي الموضوع محيييير
بس اميل للاوكتافيا بعيدا عن المميزات و الثبات ووو
عشان مش بيعجبني شكل الكورولا الجديدة وبذات من الخلف

[ahmzd]

الأوكتافيا الجديدة أوسع وأكبر وأجمل من القديمة، بس مش عارف موتور وفتيس القديمة عليها هيبقوا عاملين إيه؟

[برنس الليالي]

يا معلم هي الاوكتافيا a7 بقت بفتيس عادي دلوقتي ؟
لا كدا انت في الجون ... انا ركبت العربية دي بالـdsg وكانت بتنفض بيا
عربية قمة في الفخامة والجمال وعزل روعة وكونسول تحفة وشكلها رائع حتى لو مش هايلاين
بس ايه نظام التسارع بتاعها بالفتيس العادي دلوقتي ؟؟

[Mo3taz mostafa]

يا معلم هي الاوكتافيا a7 بقت بفتيس عادي دلوقتي ؟
لا كدا انت في الجون ... انا ركبت العربية دي بالـdsg وكانت بتنفض بيا
عربية قمة في الفخامة والجمال وعزل روعة وكونسول تحفة وشكلها رائع حتى لو مش هايلاين
بس ايه نظام التسارع بتاعها بالفتيس العادي دلوقتي ؟؟

يعني ايه بتنفض بيا؟

[Mo3taz mostafa]

معني تغيير الفتيس هو اعتراف بفش
ل الفتيس

[برنس الليالي]

يعني ايه بتنفض بيا؟

كان التسارع بتعها ممتاز يعني بس دا كان شغل الـdsg
معرفش بالفتيس العادي دا حيبقى نظامها ايه

[omaranes77]

ﻷ كدة a777777
بس ياريت بعض المعلومات عن الامكنايات هل نفس امكنايات السابقة عدا فتيس وموتور

[Welsherif]

ﻷ كدة a777777
بس ياريت بعض المعلومات عن الامكنايات هل نفس امكنايات السابقة عدا فتيس وموتور

نفس الاوبشن ماعدا الموتور 1600 عادى 110حصان و فتيس ستيبترونيك

[omaranes77]

هما هما بظبط
يعني فتحة السقف بانوراما والشاشة الي في التابلوة واحساس الجمال في العربية من جوة

[Mohamed.Hany]

الخبر مؤكد خلاص ال a7 بقت ١٦٠٠ و ١١٠ حصان بعد ما كانت تربو ١٤٠ حصان وبدون فتيس dsg و دي خطوة ايجابية من التوكيل عشان يحسن المبيعات و لكن علي حجم ضخم ووزن كبير جدا هتبقي تقيلة بصراحة و استهلاك البنزين هيبقي مرتفع بدرجة ملحوظة.
العربية هتنزل ب ٣ فئات ١٩٠ الف ، ٢٢٤ الف تاني فئة و هاي لاين ٢٦٥ الف .

لو حضرتك هتقارن تاني فئة سكودا ب ٢٢٤ الف مع هاي لاين كورولا ب ٢١٦ الف الكورولا هتزيد في :

١. عدد ٦ سماعات نظام صوتي ٤ اتجاهات
٢. مرايات داخلية اوتوماتيكية تعتيم
٣. نظام الدخول الذكي
٣. Start stop engine
٤. عدد ٧ ايرباج مقابل ٢ في السكودا
٥. اماكن تثبيت اطفال بنظام ISOFIX
٦. حساسات ركن امامية و جانبية و خلفية في السكودا خلفي فقط
٧. فوانيس ليد امامية
٨. نظام الركن التلقائي AUTO PARK
٩. كراسي جلد
١٠. مقبض الدركسيون و الفتيس من الجلد
١١. كاسيت تاتش مع كاميرا خلفية

لو حضرتك هتقارن تاني فئة سكودا ب ٢٢٤ الف مع هاي لاين كورولا ب ٢١٦ الف السكودا هتزيد في :

١. درج تبريد للمشروبات
٢. مؤشر لمراقبة ضغط الهواء بالكاوتش
٣. مصابيح امامية زينون
٤. مصابيح ليد خلفية

لو حضرتك هتقارن اول فئة سكودا ب ١٩٠ الف مع تاني فئة كورولا ب ١٩٠ الف الكورولا هتزيد في :

١.تكييف اوتوماتيك تاتش ديوال زوون
٢. عدد ٦ سماعات
٣. اماكن تثبيت اطفال بنظام ISOFIX
٤. تجهيزات نيكل كروم خارجية
٥. حساسات ركن امامية و جانبية و خلفية في السكودا خلفي فقط
٦. نظام اركن التلقائي AUTO PARK
٧. دركسيون و فتيس من الجلد
٨. فوانيس ليد امامية

لو حضرتك هتقارن اول فئة سكودا ب ١٩٠ الف مع تاني فئة كورولا ب ١٩٠ الف السكودا هتزيد في :

١.درج تبريد للمشروبات
٢. مؤشر لمراقبة ضغط الهواء بالكاوتش
٣. مصابيح ليد خلفية

تحياتي للجميع