ايه الافضل فى حدود 150 الف !؟

[tefafathy1]

محتاج نصيحتكم ترشحولى عربيه ايه زيرو فى حدود 150 الف ؟؟
انا فكرت بصراحه فى بيجو 301 اعلى فئة و فلوانس اول اوتوماتيك و مازدا 2013 اول اتوماتيك ( بس الشكل القديم) و سيتيروين سيليزيه و شيفورليه اوبترا ( بس طلعت صينى )
رايكم ايه و ليه !!؟
مساعدتكم باه .. ربنا يوفق للى فيه الخير يارب.

[max13]

لانسر شارك أو مازدا

[PORSCHE-Z]

شيفروليه كرووووووووووووووووووووووووووووووز :d

[Ayman_Amer]

فيات لينيا
تويوتا ياريس

[tefafathy1]

لانسر شارك أو مازدا

قلقان شوية من وكيل لانسر و ضعف هيكل الشارب حسب ما الناس قالت..
و المازدا لما شكلها اتغير 2015 حاسس انى هبقى راكب عربية قديمه..

مش عارف ..

[tefafathy1]

شيفروليه كرووووووووووووووووووووووووووووووز :d

كان فيه عيوب كتير فى القديمة منها ضعف الموتور و عدم تصفيح العربية من تحت و ان الموتور كان ساقط لتحت اوى و استهلاك عالى للبنزين و ضيق فى الكنبة الخلفية.. مش عارف الجديدة اتغيرت وللا لا؟؟
و اسعارها ايه ؟ وهل هيا الافضل فى الفئة السعرية دى ؟؟

[tefafathy1]

فيات لينيا
تويوتا ياريس

هيا فيات لينيا اوتوماتيك ؟؟؟ و مين وكيلها ؟؟ كنت اسمع ان قطع غيار فيات و صيانتها غالية اوى..
ياريس كويسة بس مستكتر سعرها عليها و خصوصا تركى، صغيرة...

[YahiaAshraf]

برليانس v5 أوتوماتيك

[speranz]

بلاش بيجو لانها فئة اقل دي تتقارن بالريو
الفلوانس عربية كويسة او كروز على الاقل

[PORSCHE-Z]

كان فيه عيوب كتير فى القديمة منها ضعف الموتور و عدم تصفيح العربية من تحت و ان الموتور كان ساقط لتحت اوى و استهلاك عالى للبنزين و ضيق فى الكنبة الخلفية.. مش عارف الجديدة اتغيرت وللا لا؟؟
و اسعارها ايه ؟ وهل هيا الافضل فى الفئة السعرية دى ؟؟

بص يا باشا كل المشاكل دي اتحلت في الفيس لفت لأن العربية دلوقتي بموتور و فتيس نفس الموجود في اوبل استرا بس الوسع الكنبة الخلفية أعتقد برضو مش في وسع السيراتو مثلا
رأي إنك طالما اخرك 150 الف يبقى مش قدامك غير السيراتو متنفضة من الكماليات و هو حال الفلونس برضو في الفئة دي او الشارك وهي سيارة جيدة بس للأمانة فيه ناس قالوا قبل كده إن الخامات مابقش زي الأول أما بالنسبة للكروز فهي أكثرهم في وسائل الأمان و فيها esp اللي مش موجود في أي واحدة من السيارات المذكورة و عربية زي ما قلتلك بنكهة الألماني

[PORSCHE-Z]

بس برضو حط في اعتبارك ان منصور وكيل شيفروليه زي الزفت و لك الموضوع ده مثال

http://www.nilemotors.net/Nile/426183-a.html

علشان أبقى حطيتل كل اللي أقدر أفيدك بيه و دي مجرد وجهة نظري التي لا قيمة لها :D

[tefafathy1]

بس برضو حط في اعتبارك ان منصور وكيل شيفروليه زي الزفت و لك الموضوع ده مثال

http://www.nilemotors.net/nile/426183-a.html

علشان أبقى حطيتل كل اللي أقدر أفيدك بيه و دي مجرد وجهة نظري التي لا قيمة لها :d

ربنا يكرمك و متشكر لاهتمامك و ردك ... انا هنزل و اتفرج على الكروز ان شاء الله بس مش عارف بصراحه حاسس ان كتير عليها 150 و أول فئة .. يعنى دى افضل من الفلوانس مثلا ؟؟

[tefafathy1]

برليانس v5 أوتوماتيك

ناس كتير قالتلى بلاش صينى و صيانتها غالية و ماتستاهلش سعرها بس بصراحه ماركبتهاش و مقدرش احكم عليها..

[tefafathy1]

بلاش بيجو لانها فئة اقل دي تتقارن بالريو
الفلوانس عربية كويسة او كروز على الاقل

يعنى انت رأيك فلوانس افضل من الكروز و المازدا و اللانسر ؟؟ حتى لو فاضية خالص ؟

[PORSCHE-Z]

ربنا يكرمك و متشكر لاهتمامك و ردك ... انا هنزل و اتفرج على الكروز ان شاء الله بس مش عارف بصراحه حاسس ان كتير عليها 150 و أول فئة .. يعنى دى افضل من الفلوانس مثلا ؟؟

العربية فئة واحدة يا باشا و الفئة دي أعتقد موجود فيها كل اللي ممكن تحتاجه من العربية زي ثبات جيد ووسائل الأمان جيدة و ربنا يوفقك للأفضل ليك