ايه الافضل فى حدود 150 الف !؟

[YahiaAshraf]

ناس كتير قالتلى بلاش صينى و صيانتها غالية و ماتستاهلش سعرها بس بصراحه ماركبتهاش و مقدرش احكم عليها..

والدى يا باشا كان راكب فولكس فاجن موديل 2009 ولسه شارى البرليانس امبارح هاى لاين

تخيل لما واحد ينزل من المانى لصينى العربية ما شاء الله جميلة وتستاهل تمنها

[mostafa magdy]

الفلوينس في الفئه دي في رأيي المتواضع هي الأفضل ..
كفخامه و ثبات ..

و ربنا يكرمك لإختيار موفق

[tefafathy1]

شكرا لردودكم و ربنا يسهل ان شاء الله :)

[mariachi]

مازدا

[S O P H O S]

المازدا

[ahmzd]

بيجو 301 أعلى فئة.. والله أعلم.

[J A G U A R]

كان فيه عيوب كتير فى القديمة منها ضعف الموتور و عدم تصفيح العربية من تحت و ان الموتور كان ساقط لتحت اوى و استهلاك عالى للبنزين و ضيق فى الكنبة الخلفية.. مش عارف الجديدة اتغيرت وللا لا؟؟
و اسعارها ايه ؟ وهل هيا الافضل فى الفئة السعرية دى ؟؟

الكلام ده كان فى 2010 و 11 .. دلوقتى بتنزل بماتور 115 حصان وفتيس وشاسيه استرا وده المهم .

[devil_storm]

في سعر ١٥٠ الف افضل عربيه كروز و سيراتو و النترا
هات الكروز

[عماد الدين عزت]

ياريت حضرتك تقول لنا اخترت ايه لانى واقع فى نفس الحيرة عايز عربية فى حدود 150 الف وهذا مبلغ ليس بالقليل لا استطيع المغامرة به بشراء سيارة ليست جيدة الريو هاي لاين سيدان فكرت بها واعتقد انها سيارة صغيرة بالرغم ان ضمانها 5سنوات ولست ميال للفلوانس بسبب صعوبة ببعها بالرغم من اننى امتلك لوجان وهى عربية ممتازة وتوكيلها محترم وبالنسبة للتوليدو فما زالت جديدة بالسوق ولست ميال ايضا للشارك وفكرت جديا فى النيوصنى ولكن وجدت مشاكل كثير على صفحات المنتدى والحقيقة انا ميال للكروز ولكن لا اعرف مستقبلها بعد ان قرات اته سيتم تغيير شكلها من العام القادم لكن السيارة جميلة وسعرها مناسب جدا لامكانياتها واكثر من عضو بالمنتدى عبروا عن سعادتهم بعد شرائهم للسيارة ولكن توجد بعض الردود السلبية عن التعامل مع وكيل السيارة عند الصيانات او اجراء الاصلاحات المطلوبة ياريت حضرتك تقول لنا اخترت ايه واسباب الاختيار اوتكون زهقت من التفكير والمقارنات وقررت عدم الشراء مؤقتا مع خالص تحياتى

[ahmeddija]

كيا ريو يا برنس

[drcobra]

فلوينس