مقارنة لعربية حماله قسية

[aelkassaby]

السلام عليكم ،،

انا محتاج مقارنة بين العربيات دي رينو فلوانس 2014 (الفئة الأولى أوتوماتك ب 155 ألف) و شيفروليه كروز 2014 وميتسوبيشي شارك الفئة الثالثة 2014

فيه بعض التفاصيل مهمه ليها علاقة بظروف استهلاكي للعربيات (دي تالت مره أغير عربيىة في 6سنين) .. انا بمشي يوميا حوالي 250 كم (يعني حوالي 5000 كم شهريا على أقل تقدير) كلهم على الدائري والصحراوي .. فيهمني جدا الآتي:

1. ثبات العربية و اتزانها و قوة الفرامل - لأني بجري على 120-160 كم
2. اعتماديه العربية لأني هجيبها قسط لمدة 5-6 سنوات .. يعني هتعيش شوية ومش ناوي أبيعها قريب
3. اسعار الصيانات و قطع الغيار لأني بروح للتوكيل صيانه كل شهر تقريبا (كل 5000كم)
4. قوة التكييف لأني معايا فيرنا وهي من العربيات اللي تكييفها فريزر بمعنى الكلمة
5. استهلاك البنزين لأني كل يومين لازم ازور محطة البنزين
6. نعومة العفشة لأن برضة الفيرنا عفشتها مريحة جدا وانا بسوق يوميا حوالي 4 ساعات

لو فيه أي اقراحات لعربيات في فئة 150-160 ألف متبخلوش عليا بالنصيحة ..

شكرا مقدما على المساعدة .. وأي استفسار عن العربيات اللي ركبتها انا موجود (ركبت اسبرانزا 80 ألف كم و فيرنا 110 ألف كم) في 6 سنين

[hugan]

ايه تقييمك ﻻسبرانزا في 80الف كيلو
اي موديل كان معاك

[denjouan83]

Think shark is a heavy duty car

[Ahmed abdkarim]

اللانسر الشارك اعتقد\ ان هى افضل اختيار فيهم عربية يابانى تكيفها ممتاز جدا احسن من الرينو ومفيش فيها المشاكل الالكترونية بتاعة الفرنساوى و ثابته جدا على الطريق اكتر من الكروز . وسحبها معقول جدا . واسعة ومريحة

[mohamed_rhem]

الفلونس افضل اختيار

ارتفاع عن الارض فرامل وثبات الاوربي

قاعده مريحة جدا وطبعا متنساش الكروز كنترول

قطع الغيار معقوله جدا راجع اسعار قطع الغيار

الفتيس الجديد والموتور الجديد بيديك عزم واستهلاك بنزين معقول

عيبها تكييف مش بجوده الياباني زي الاوربي كله وفي بعض العربيات ظهر بها مشاكل

[م.أحمد الدسوقي]

سكودا رابيد

[تامر.محمد]

1. ثبات العربية و اتزانها و قوة الفرامل - لأني بجري على 120-160 كم

بالنسبة للفرامل اظن الفلوينس افضلهم
بالنسبة للثبات , الكروز هاتتفوق عشان عفشتها double wish bone و فيها esp , يليها في رأيي الفلوينس ثم الشارك , و التلاتة عموما كويسين

2. اعتماديه العربية لأني هجيبها قسط لمدة 5-6 سنوات .. يعني هتعيش شوية ومش ناوي أبيعها قريب

مش عارف ايه تعريفك للاعتمادية , بس مافيش اي عربية من دول بتعطل و تقف مثلا

3. اسعار الصيانات و قطع الغيار لأني بروح للتوكيل صيانه كل شهر تقريبا (كل 5000كم)

الفلوينس اقل من الشارك على حد علمي , و مش عارف الكروز نظامها ايه , و كتوكيل رينو احسن من شيفروليه و ميتسوبيشي

4. قوة التكييف لأني معايا فيرنا وهي من العربيات اللي تكييفها فريزر بمعنى الكلمة

الشارك و الكروز غالبا افضل من الفلوينس بحكم انها اوروبي , بس ده عن تقدير شخصي مش عن تجربة, ماعرفش ايهم افضل , و عموما التلاتة كويسين

5. استهلاك البنزين لأني كل يومين لازم ازور محطة البنزين

الفلوينس كويسة جدا , ماعرفش ايه نظام الكروز و الشارك

6. نعومة العفشة لأن برضة الفيرنا عفشتها مريحة جدا وانا بسوق يوميا حوالي 4 ساعات

الفلوينس ممتازة في حتة الراحة , و برده ماعرفش نظام الكروز و الشارك و ان كنت اظن الكروز هاتبقى احسن

هاضيف لك عامل , عزل الصوت , برده كويس جدا في الفلوينس , نعومة الباور , برده ممتاز فيها


عموما لو فكرت في الفلوينس , اعمل حسابك ان ظهر فيها بعض المشاكل عند نسبة من الناس , تحديدا مشكلة نقص زيت عند البعض , و ان كان عدد قليل , و تم تغيير مواتيرهم في الضمان , و مشكلة في عمود الدركسيون و تم تغييرها في الضمان برده

[zangry]

عربية حمالة قسية خليك في الكروز عربية كويسة جدا وسعرها حلو

[max13]

شارك بلا تردد

[elpasha1]

كروز او شارك

[D.Ahmed Ismail]

كروز بس اظن اعلي استهلاك بنزين

[max13]

يعنى الراجل يسيب الفلوينس والشارك ويروح يشترى شيفرولية اكيد بتهزر

[D.Ahmed Ismail]

يعنى الراجل يسيب الفلوينس والشارك ويروح يشترى شيفرولية اكيد بتهزر

وجهات نظر
الكروز اولا ب 150.000 جنيه
شبه هاي لاين
ثااابته جدا
موتور و عفشة تمام
بلا مشاكل تقريبا

في رايي افضل من الفلوانس عشان
بعض الكماليات زي الجنط و الفوجات و بعض مشاكل الفلونس و اعادة البيع

وافضل من الشارك عشان
الشكل وده ازواق
الشبكة و الفوانيس اللي بتقول للتكاتك اكسروني
العزززززل و اسعار قطع الغيار
وبرده اعادة البيع
و ربنا يوفقه لما فية الخير له

[omaranes77]

احب اني اقول رائي
خليك في شارك
عفشة مالتي لينك تديك ثبات ممتاز اكيد زي الكروز الي فيها esp
اعتمادية وتكييف شارك
الرينو ثابتة لكن الاعتمادية بعد 5.6 ستين اللة اعلم لكن الشارك موجودة من 2008 ومعروفة
والكروز الجديدة ممتازة
فتيس ومتور شاسية استرا

[S O P H O S]

كلامك كله فالكورولا
بس المشكلة انها اغلي