مقارنة لعربية حماله قسية

[J A G U A R]

يعنى الراجل يسيب الفلوينس والشارك ويروح يشترى شيفرولية اكيد بتهزر

ليه مالها الكروز ..

انا رأيي كروز

[aelkassaby]

ايه تقييمك ﻻسبرانزا في 80الف كيلو
اي موديل كان معاك

كان معايا اسبرانزا A113 ورأيي ده ملوش اي علاقة بكونها صيني ولا اي صناعة لكن عن اني بعتبر نفسي مفتري في استهلاك العربيات بسبب مشواري و طبيعة سواقتي

العربية دي من احب العربيات لقلبي لمميزات كتير بالمقارنة بفئتها السعرية زي:
قعدتها مريحه جدا وواسعه اكتر من الفيرنا اللي معايا دلوقتي .. ارتفاعها عن الأرض كخلوص ارضي او كمان كقعده صالون .. كمالياتها اللي كانت مخلاني مش ناقصني كتير و يمكن فيها اكتر بكتير من فئات أعلى منها (زي وحدات رفع مثلا) و الكاسيت كان محترم جدا وعزل مقبول (برضه افضل من الفيرنا) .. استجابه موتورها و الفتيس لأني كنت دائما بجري على 140-160 وكتير فراملها سندتني (افضل من الفيرنا برضه) .. سافرت بيها اكتر من مرة وراكب 5 افراد كبار (متوسط 90 كجم للفرد) ومقالتش لأ .. وتوكيلها برغم ان ناس كانت بتشتكي منه، انا كنت شايفه طبيعي بالعكس كمان خدمني كتير (مثلا غيرولي اتنين مساعدين فالضمان وانا عامل 75000كم برغم اني متأكد انه بسبب سواقتي)

عيوبها بقى بالنسبة ليا:
خفيفة على الطريق بسبب حجمها و كونها 1300 cc .. عيوب تقفيل في رأيي عادية جدا ومش مأساوية في عربية ب 50 ألف في مقابل كماليات لطيفة جدا .. توكيل كان زحمة و بيتأخر في انه يخلص الصيانه (ده على ايامي معرفش دلقوتي عامل ايه)

الخلاصة عربية محترمة جدا في فئتها ولحد دلوقتي بندم اني بعتها و اهلي مازال عندهم نفس الأحساس .. بعتها بس لأني كنت عايز عربية أوتوماتيك تريحني فالسواقة

لو عندك اي استفسار تاني انا موجود

[aelkassaby]

think shark is a heavy duty car

شارك بلا تردد

شكرا جزيلا على الرد .. حد منكم معاه شارك؟
و ايه اخبار اسعار الصيانات لأني بعمل 5000كم فالشهر ودي مصاريف تانيه شهريا تهمني وانا مقدرش أهمل الصيانات لأني مليش في قرف الصنايعية و الورش و من الناس اللي عايزة تنزل تدور العربية و تنطلق

وأيه أغلى قطعة غيار اي حد فيكم عدت عليه سعرها او حتى اشتراها

[aelkassaby]

شكرا على الرد .. نزلت وشوفتها و حسيت سعرها كتير عليها خصوصا انها في أوروبا تعتبر فئة منافسة لرينو لوجان و بيجو 301

واحد ملاكها عامل تقييم مفصل و رائع ليها فأكدلي رأيي فيها

[aelkassaby]

شكرا على الرد .. نزلت وشوفتها و حسيت سعرها كتير عليها خصوصا انها في أوروبا تعتبر فئة منافسة لرينو لوجان و بيجو 301

واحد ملاكها عامل تقييم مفصل و رائع ليها فأكدلي رأيي فيها

ده بخصوص السكودا رابيد

[aelkassaby]

هاضيف لك عامل , عزل الصوت , برده كويس جدا في الفلوينس , نعومة الباور , برده ممتاز فيها


عموما لو فكرت في الفلوينس , اعمل حسابك ان ظهر فيها بعض المشاكل عند نسبة من الناس , تحديدا مشكلة نقص زيت عند البعض , و ان كان عدد قليل , و تم تغيير مواتيرهم في الضمان , و مشكلة في عمود الدركسيون و تم تغييرها في الضمان برده

ربنا يكرمك .. ردك هو أكتر تعليق مفصل و واخد التفاصيل اللي تهمني في الأعتبار .. انا شايل هم موضوع اسعار الصيانات جدا لأني زي ماقلت كل شهر هيكون عليا تكاليف صيانه غير البنزين

عندك اي فكر عن اسعار الصيانات؟

[aelkassaby]

احب اني اقول رائي
خليك في شارك
عفشة مالتي لينك تديك ثبات ممتاز اكيد زي الكروز الي فيها esp
اعتمادية وتكييف شارك
الرينو ثابتة لكن الاعتمادية بعد 5.6 ستين اللة اعلم لكن الشارك موجودة من 2008 ومعروفة
والكروز الجديدة ممتازة
فتيس ومتور شاسية استرا

شكرا جزيلا على الرد

الشارك انا خايف من اسعار صياناتها لأني هروح للتوكيل كل شهر تقريبا بسبب اني بعمل حوالي 5000كم شهريا بجانب ان فيتيسها الاوتوماتيك 4 نقلات و خايف ده يخلي استهلاكها فالبنزين عالي او تسارعها يقل على السرعات اللي فوق 100 .. كمان عايز اي معلومات عن قطع غيارها

الكروز وجود ال esp فيها مخليها مغرية جدا جدا بالنسبة ليا بسبب طبيعة سواقتي و الطرق اللي بمشي فيها .. لكن برضه معرفش ايه نظام اسعار صياناتها و قطع غيارها

الرينو شيك جدا و فيها كماليات كتير جدا وتتفوق عليهم حتى في فئتها دي و سمعت ان سير الكاتينة جنزير يعني هيوفر عليا صيانات السيور اللي بتقطم الوسط .. لكن الناس بتخوفنا من تكييفها وانا التكييف مهم جدا جدا بشغله صيف و شتا بجانب موضوع الثبات مقارنة بالاتنين التانيين

لو عندك معلومات اكتر يا ريت تفيدني

[ENG.MaRk]

الفلوانس تتفوق في كل حاجة تقريبا إلا أسعار قطع الغيار و الشارك مرضية جدا و أعتقد تتوافر فيها كل اللي انت عايزه ماعدا نعومة العفشة و الكروز عربية جميلة جدا و لكن توكيلها (منصور) كفيل بإنه يكرهك فيها و لكن أنا شايف إنها جميلة جدا و خصوصا إنها أرخص عربية في مصر فيها ESP و كمان ليها نفس الشاسيه بتاع الأسترا يعني من الأخر هي أسترا بس الversion الياباني .... باختصار أنا لو هختار يبقي الكروز هي الأفضل لأنها تقريبا كاملة و لا ينقصها غير الإنذار و الكاميرا و السينسور و الكلام ده أنا ماعرفش هو ناقص من موديل 2015 و لا 2014 بس .... ملحوظة مهمة ... كل الناس بما فيهم أنا هيقولولك إن الفلوانس ماينفعش تتركب فئة أولي (علي الأقل التانية) لأن كماليات أول فئة فلوانس مش قوي و خصوصا إن جنوطها عادية مش سبور .... لو حضرتك عرفت تجيب تاني فئة يبقي أفضل و خصوصا إنك هتجيب قسط يعني الفرق مش هيفرق معاك قوي في الفلوس بس هيفرق في الكماليات و بكدة تبقي كسبت أحسن عربية تحت ال200000 بغض النظر عن الكورولا و الأسترا كوزمو و أسف علي الإطالة و أسف لو قلت معلومة خطأ

[Omar Mahmoud]

كروز

[memo823000]

بص ياريس
بما انك كنت راكب فيرنا وشكوتك حك المطبات وضعف الفرامل
يبقى تتوكل على الله فى السيراتو الخليجى 2015 وتنقى فئه فيها جنط 16 وايرباج و abs وبلوتوث بدل متفضل ماسك التليفون بايد وسايق بايد
اقوى موتور 130 حصان يعنى اقوى من الكروز والشارك والفلوانس
التكييف الثلاجه والعفشه الممتازه وخدمه شاقه فى نفس الوقت ومشهتخزلك وهتدعيلى
وطبعا استهلاك بنزين ممتاز وصيانه وقطع غيار وتوكيل مدورش