هموت من الحيرة - الاتراج ولا الديزاير ولا الجراند أي تن

[Mahmoud.Fathy]

بعد ما بعت عربيتي الجوليت حبيبة قلبي بدأت رحلة البحث الحقيقية عن البديل الجديد

انا عاوز عربية اوتوماتيك لاسرة صغيرة ومش بتاع سفر كتر كل مشوايري جوا المدينة ... السفر مش هيكون اكتر من مرتين في السنة للساحل الشمالي واسكندرية مثلا ... والميزانية لا تتعدى 110 الف ... ومحتار جدا بين ال 3 عربيات دول كل واحدة فيها ميزة وعيب

الاتراج: الاسم محترم والتوكيل كويس والسيارة فيها وسائل امان وكل حاجة بس ضعيفة نسبيا (3سلندر)
الديزاير: عربية ممتازة بكل المقاييس شكلا وعوامل امان واداء لكن توكيل زبالة وقطع غيار نادرة واعادة بيع سيئة.
الجراند اى تن: اسم هيوانداى كويس في السوق المصري وقطع الغيار اكيد هتكون موجودة كتير والتوكيل مش ممتاز يعني بس شغال ... لكن العربية نفسها مفيهاش اى عوامل امان عربية عادية جدا زيها زي اللانوس اللى كانت معايا

افيدوني افادكم الله

[Mohamed_Ayman]

حاسس ان الجراند i10 هتكون كويسة ، شكلها حلو وجديد.
ربنا يوفقك للى فيه الخير

[El Prince]

يا باشا الموضوع ابسط من كده كتير و هى فى النهاية و سيلة انتقال و مش هاتكون آخر عربية تجيبها - بعد كام سنة تجيب المرسيدس بأذن الله :)
اقعد فى ال 3 عربيات و دقق كويس و مفيش مانع تاخد المدام معاك و تاخد رأيها و العربية اللى انت مرتاحلها توكل على الله و هاتها

[gamal fouad]

مادام 110 يبقى تزود الفين وتجيب نيسان صنى اوتوماتيك ب 112 او بروتون جين تو او بيرسونا 112 وهتبقى افضل من ال3 خيارات دول!!

[shiko85]

ومحتار جدا بين ال 3 عربيات دول كل واحدة فيها ميزة وعيب

الاتراج: الاسم محترم والتوكيل كويس والسيارة فيها وسائل امان وكل حاجة بس ضعيفة نسبيا (3سلندر)
اسأل اللى اشترى العربيه و شوف
انا كان عندى عربيه 3 سلندر و كانت تكنولوجيا قديمه و رغم كده كانت كويسه سحب و توفير بنزين عيبها الوحيد بدايه الحركه لو التكييف شغال يعنى لو كنت واقف فأشاره مثلا

الديزاير: عربية ممتازة بكل المقاييس شكلا وعوامل امان واداء لكن توكيل زبالة وقطع غيار نادرة واعادة بيع سيئة.
ممكن لما العربيه تنتشر الموضوع يختلف
الجراند اى تن: اسم هيوانداى كويس في السوق المصري وقطع الغيار اكيد هتكون موجودة كتير والتوكيل مش ممتاز يعني بس شغال ... لكن العربية نفسها مفيهاش اى عوامل امان عربية عادية جدا زيها زي اللانوس اللى كانت معايا
اهم حاجه عوامل الأمان و مش علشان الجراند i10 هيونداى يبقى هتلاقى قطع غيار متوفره و رخيصه
مثال على كده الـ i10 هاتش باك و الـ i30
افيدوني افادكم الله

[abdulkhaleq]

طلع الهيونداي بره المقارنه

[gozo]

طلع الهيونداي بره المقارنه

اتفق معاك مفيش اي عوامل اماااان

راي خليك بين الاتراج و الديزاير
انا معايا اتراج و العربية بالرغم من 3 سليندر مش ضعيفة خالص
انزل شوف العربتين بنفسك ووكل على الله في اللي ترتاحله اكتر الاتراج هتتميز بشنطة اكبر و اتساع داخلي اكبر من الديزاير
الديزار خاماتها و التقفيل الداخلي تحس انه انضف من الاتراج بس برده الاتراج مش سيء
السويفت عموما في انتظار او اوفر بريس فلو مش هتقدر تستنى يبقى غالبا هتكون الاتراج
وده موضوع كنت عامله عنها

http://www.nilemotors.net/Nile/439375-600.html

وده موضوع واحد من ملاك الديزاير

http://www.nilemotors.net/Nile/439246-2015.html

وربنا يوفقك للاختيار الاصلح ليك

[Mahmoud.Fathy]

اتفق معاك مفيش اي عوامل اماااان

راي خليك بين الاتراج و الديزاير
انا معايا اتراج و العربية بالرغم من 3 سليندر مش ضعيفة خالص
انزل شوف العربتين بنفسك ووكل على الله في اللي ترتاحله اكتر الاتراج هتتميز بشنطة اكبر و اتساع داخلي اكبر من الديزاير
الديزار خاماتها و التقفيل الداخلي تحس انه انضف من الاتراج بس برده الاتراج مش سيء
السويفت عموما في انتظار او اوفر بريس فلو مش هتقدر تستنى يبقى غالبا هتكون الاتراج
وده موضوع كنت عامله عنها

http://www.nilemotors.net/nile/439375-600.html

وده موضوع واحد من ملاك الديزاير

http://www.nilemotors.net/nile/439246-2015.html

وربنا يوفقك للاختيار الاصلح ليك

السويفت هي اللى فيها انتظار واوفر برايس ... الديزاير متوفرة الى حد ما

[Mahmoud.Fathy]

مادام 110 يبقى تزود الفين وتجيب نيسان صنى اوتوماتيك ب 112 او بروتون جين تو او بيرسونا 112 وهتبقى افضل من ال3 خيارات دول!!

ممكن افكر في البروتون لكن الصني لا والف لا .... مش مرتحلها خالص

[dr_a7mad]

الاتراج مش ضعيفة ابدا .. جربها بالتكييف مع 4 اصحابك وشوف السحب

[Mahmoud.Fathy]

بدأت اشوف الاتراج في الشارع الى حد ما ... الديزاير مشفتهاش غير مرة واحدة من اسبوع ومشفتهاش تاني ... الهيواندي لسة مسلمتش اول دفعة عشان نحكم على الانتشار .... الايام القادمة فاصلة في المقارنة ... في انتظار المزيد من الردود :)

[scientist9508]

بسم الله الرحمن الرحيم

الأخ الفاضل محمود

أعجب من حيرتك كثيرآ. . لا لأنها غير منطقيه بل لأنك ذكرت من تفاصيل حيرتك ما يقتلها و إليك ما يعينك فى نقاط قليله قصيره.

1 - أنت خائف من محرك الأتراج لأنه 3 إسطوانات . . فكيف يمكنك أن تدفع مالك فى سياره أنت خائف منها . . مجرد خوفك من المحرك يخرج هذه السياره من المنافسه سريعآ

2 - الهيونداى i10 أنت أيضآ خائف منها لأنها بلا وسائل أمان . . و لك الحق فى ذلك . . و هذا أيضآ يخرجها من المنافسه

3 - السوزوكى أنت خائف من وكيلها و من إعادة البيع . . و أنا أرى أن هذه المشاكل تجابه كل من إشتروا هذه السياره و كل من يفكرون فى شرائها . . و لكننى كنت قد نشرت مراكز صيانه للسوزوكى خارج الوكيل لحل هذه المشكله و أنا لا أنسب لنفسى الفضل فى ذلك و لكن كثير من الناس قد وجدوا بدائل لمودرن موتورز . . أما عن مشكلة إعادة البيع فذلك غيب لا يعلمه إلا الله فلا تشغل بالك به.

هداك الله لأرشد أمرك و أقومه

السلام عليكم و رحمة الله و بركاته

[Mahmoud.Fathy]

بسم الله الرحمن الرحيم

الأخ الفاضل محمود

أعجب من حيرتك كثيرآ. . لا لأنها غير منطقيه بل لأنك ذكرت من تفاصيل حيرتك ما يقتلها و إليك ما يعينك فى نقاط قليله قصيره.

1 - أنت خائف من محرك الأتراج لأنه 3 إسطوانات . . فكيف يمكنك أن تدفع مالك فى سياره أنت خائف منها . . مجرد خوفك من المحرك يخرج هذه السياره من المنافسه سريعآ

2 - الهيونداى i10 أنت أيضآ خائف منها لأنها بلا وسائل أمان . . و لك الحق فى ذلك . . و هذا أيضآ يخرجها من المنافسه

3 - السوزوكى أنت خائف من وكيلها و من إعادة البيع . . و أنا أرى أن هذه المشاكل تجابه كل من إشتروا هذه السياره و كل من يفكرون فى شرائها . . و لكننى كنت قد نشرت مراكز صيانه للسوزوكى خارج الوكيل لحل هذه المشكله و أنا لا أنسب لنفسى الفضل فى ذلك و لكن كثير من الناس قد وجدوا بدائل لمودرن موتورز . . أما عن مشكلة إعادة البيع فذلك غيب لا يعلمه إلا الله فلا تشغل بالك به.

هداك الله لأرشد أمرك و أقومه

السلام عليكم و رحمة الله و بركاته

بس ملاك الاتراج بيشكروا جدا في اداء العربية ...... مش عارف بقي هل فعلا اداءها قوي ولا بيحللو فلوسها :) .... لكن فعلا بدات الاحظ انتشار الاتراج ومشفتش الديزاير

[Hosam_Optrawy]

أهم فرق يميز الأتراج عنهم إنها أكبر وأوسع , غير كدا ملهاش نقاط تفوق تانيه , فلو حجم الديزاير والi10 مناسب ليك , إستبعد الأتراج

لو عوامل الأمان تهمك , يبقى إستبعد ال i10

كدا مفيش غير الديزاير

ولو إن في الأخر هاتلاقى البلد كلها راكبه i10 أضعاف أضعاف الأتراج والديزاير :)

هيونداى + غبور = سحر لا يمكن مقاومته :)

[Mahmoud.Fathy]

مكنوش نزلوا ام الجراند اى تن بايرباج واي بي اس كنا خلصنا من الموال ده