بيكانتو/سانديرو/ اي 10/سبارك .. اي؟؟

[sajeda]

[gdwl]كيا ..... 1200 cc بيكانتو ب 84.500 [/gdwl]
[gdwl]رينو ...... 1600 cc سانديرو ب 87.500[/gdwl]
[gdwl]هيونداي ..... 1100 cc اي 10 ب 88000[/gdwl]
[gdwl]شيفروليه ....... 1000 cc سبارك ب 73000[/gdwl]

ضرووووووووووري .. ممكن تضعوا اسهاماتكم في اختيار افضل عربيه فيهم وشرح السبب .. ؟؟


مع توضيح اي معلومة عن ..قطع الغيار وصاج العربية متين ولا زي الصيني ورق و توفيرها للبنزين وارتفاعها عن الارض والعفشه لو مريحه ..

[ENG.MaRk]

بيكانتو ... لأنها أكثرهم انتشارا و اعتمادية و 90 حصان (يعني سحبها معقول) و بصراحة تكييفها ممتاز !!!
-الi10 شكلها قديم و بصراحة البيكانتو أوسع
-السبارك منعدمة الانتشار و سحبها ضعيف جدا و عن تجربة
-السانديرو جميلة جدا و كمالياتها ممتازة بس لو تبقي ستيب واي هتبقي جميلة !!!
-أحييك علي اختيار المانيوال لأن العربيات اللي مواتيرها صغيرة بيبقي الأوتو بتاعها سحبه مش قد كدة

[J A G U A R]

السانديرو اقوى و امتن وفيها ايرباج عن الباقى وشايفها تستاهل سعرها بس هاتكون اعلى استهلاك بنزين

[lenasam]

بيكانتو

[sajeda]

بيكانتو ... لأنها أكثرهم انتشارا و اعتمادية و 90 حصان (يعني سحبها معقول) و بصراحة تكييفها ممتاز !!!
-الi10 شكلها قديم و بصراحة البيكانتو أوسع
-السبارك منعدمة الانتشار و سحبها ضعيف جدا و عن تجربة
-السانديرو جميلة جدا و كمالياتها ممتازة بس لو تبقي ستيب واي هتبقي جميلة !!!
-أحييك علي اختيار المانيوال لأن العربيات اللي مواتيرها صغيرة بيبقي الأوتو بتاعها سحبه مش قد كدة

رائع .. لكن هل في مشكلة في سانديرو العاديه مش ستب واي ؟

[sajeda]

السانديرو اقوى و امتن وفيها ايرباج عن الباقى وشايفها تستاهل سعرها بس هاتكون اعلى استهلاك بنزين

تمام فعلا ..
طيب هل استهلاك البنزين هيكون مسرف جدا ؟ بالمقارنه بالبيكانتو 1200 cc ؟

[sajeda]

بيكانتو

اشكرك

[ahmed1981]

أرخص عربية فيهم مقارنة بقيمتها الحقيقية هي السانديرو
أفضل قيمة مقابل المال
best value for money

تمشي شبابي وبناتي
وواسعه كمان تشيل عيله

لكن دركسيونها تقيل شوية
وناشفه شوية على الأرض

ومبينزلش منها أوتوماتيك حالياً للأسف

ـ

[J A G U A R]

تمام فعلا ..
طيب هل استهلاك البنزين هيكون مسرف جدا ؟ بالمقارنه بالبيكانتو 1200 cc ؟

لا مش مسرف ولا حاجه
زيها زى اى عربيه 1600

[sajeda]

لا مش مسرف ولا حاجه
زيها زى اى عربيه 1600

تمام .. معلش اسئلتي كتير لكن انا ما بين البيكانتو والسانديرو بعد استبعاد الباقي ولسه محتارة فاي خي الحاجه المهمه او المقنعه اللي ممكن تخليني اميل لاختيار احدهما ؟
زي نقطه التوفير في البنزين او انها ناشفه او تقيله ...

اشكرك حضرتك جدا

[sajeda]

أرخص عربية فيهم مقارنة بقيمتها الحقيقية هي السانديرو
أفضل قيمة مقابل المال
best value for money

تمشي شبابي وبناتي
وواسعه كمان تشيل عيله

لكن دركسيونها تقيل شوية
وناشفه شوية على الأرض

ومبينزلش منها أوتوماتيك حالياً للأسف

ـ

تمام .. ربنا يكرمك على التفصيل
لكن مع ذلك هي افضل من البيكانتو تمام ؟

[carrier]

طبعا السوزوكى السويفت الجديدة هاتش باك مفيش كلام

كل اللى افتناها مبسوط عالاخر

مجرد راى
http://www.nilemotors.net/Nile/429598-2015-2015-a.html

[J A G U A R]

تمام .. معلش اسئلتي كتير لكن انا ما بين البيكانتو والسانديرو بعد استبعاد الباقي ولسه محتارة فاي خي الحاجه المهمه او المقنعه اللي ممكن تخليني اميل لاختيار احدهما ؟
زي نقطه التوفير في البنزين او انها ناشفه او تقيله ...

اشكرك حضرتك جدا

السانديرو الافضليه ليها

اقوى . . امتن .. اثبت .. قطع غيارها ارخص .. فيها ايرباج واحد او اتنين مش متأكد كام بالظبط .. اوسع .. وتستاهل سعرها

الميزه فى البيكانتو

شكلها .. واستهلاك البنزين اقل


وفى البيع الاتنين مطلوبين

[D.R.Mahmoud]

اوعا تجيب سنديرو.
انا كان معايا ماتركس 2006 من شهرين وكانت عايزة يتغيرلها كوبلن وادتها لصنايعى و قاللى تعالى بكرة قولتله مارحش اشتريلك حاجة قاللى لا يا باشا هجيب الكوبلن دة من عند اى بقال جانبى وبعد ماخلصت كلفتنى 200جنية الكوبن+التركيب ولا رحت ادور على حاجة ولا جييت
وبعد كدة فكرت اغير العربيه لحاجة موديل احدث,,وبعد تدوير لقيت السنديرو موديل السنة لو جبتها هدفع فرق 20 الف بس (انا بعت الماتركس على 74الف ) وخصوصا انها كشكل متفرقش كتير عن الماتركس (يعنى هى مش سيدان اوى وانا مابحبش السيدان)
بس قولت ابص على قطع الغيار بتاعتها كدا ولقيت كارثة,,الكوبلن بتاعها بالفين جنية ومن غير تركيب كمان يعنى اكتر من 10اضعاف الماتركس و تلف كمان فالمحلات وعلى النت لحد ماتلاقية
ودلوقتى انا معايا كارينز ربنا يباركلى فيها موديل 2013 كسر زيرو قطع غيارها نفس الماتركس رخيصة والناس هى اللى تجيبهالك وانت باشا لاتتعب ولا تروح ولا تيجى
نصيحة لوجة اللة دور على ماتركس او كارينز على حسب فلوسك ولو هتصلح فيهم حاجة لاقدر اللة هتبقى بملاليم

[ahmed1981]

تمام .. ربنا يكرمك على التفصيل
لكن مع ذلك هي افضل من البيكانتو تمام ؟

البيكانتو تعتبر غالية مقابل قيمتها
لكن تتميز عن السانديرو بإن حجمها صغير
والحجم الصغير بيبقى أحياناً مطلب رئيسي ومهم وبالتالي وقتها يبقى البيكانتو هي المطلوبة

قصدي إن المتطلبات للشخص اللي هيشتري هي اللي هتحدد في النهاية الأفضل

إحنا مجرد بنوضح وجهات نظرنا

وبرضه هذا لا يغني أبداً عن اللف على المعارض وركوب السيارات والجلوس فيها والراحة النفسية ومقارنة كل الأنواع

ـ