محتار اختار مين فيهم (فيرنا ولا اسبيرنزا) ...........

[M.Osman]

فيرنا و انت مطمن ... انا معايا فيرنا و برضه لا اتعدى الــ120 .. مش فاهم اية صوت موسير التكيف .. بس اكيد برضه الفيرنا مش احسن عربية فى العالم ..لكنها افضل عربية فى فئتها ..
لا للصينى و الكماليات التافهة ..

لا للأفيو ..لأن بكل بساطة الأفيو هى دايو لانوس من ناحية المحرك + اسم و تصميم شيفروليه...لا انصح بها ..

[gade2]

انا شايف من خلال متابعتى للمنتدى ان الاسبيرانزا عربيه كويسه وكماليات وعاليه ومع احترامى للجميع مفيش حاجه اسمها لا علشان هى صينى بس اولا اركب العربيتين وشوف نفسك مرتاح لايه بعد استخاره ربنا وعاوزين نقولك مبروك قريب

[muslem]

انا ارشحلك BYD F3 صيني بس انضف من اسبرانزا حيث المتور يابانى و ب70000 بس و ثابتة على الطريق و كل الكماليات كمان و التقفيل ما شاء الله لا قوة الا بالله
اصلى كنت فى نفس حرتك دى لكن مكنتش بفكر فى صيني اصلا علشان المتور بيكون صيني لكن لما لقيته يابانى فضلتها على الفيرنااللى سمعت كتير ان متورها مش اد كده
واذا اصريت على الاختيارين اللى بتقول عليهم انا ارشح لك الفيرنالان متورها على الاقل مش صيني و التقفيل اظن حيكون احسن من الاسبرانزا

[abou_ruqi]

فيرنا و انت مطمن ... انا معايا فيرنا و برضه لا اتعدى الــ120 .. مش فاهم اية صوت موسير التكيف .. بس اكيد برضه الفيرنا مش احسن عربية فى العالم ..لكنها افضل عربية فى فئتها ..
لا للصينى و الكماليات التافهة ..

لا للأفيو ..لأن بكل بساطة الأفيو هى دايو لانوس من ناحية المحرك + اسم و تصميم شيفروليه...لا انصح بها ..

كأن اللانوس عربية وحشة ؟؟
دي أكتر عربية مناسبة للمواطن المصري نزلت في العشر سنين اللي فاتوا !

ولو مش مصدقني انزل تمن عربيتك في السوق و شوف اللانوس المستعملة لنفس الموديل و العداد تعمل كام ؟

أزيدك من الشعر بيتاً

إن لو كان حد شاف عيب من اللانوس ده علشان تقفيلها مصري
فلما يعملوا الأفيو لانوس بس متقفلة برة يبقى المعادلة إتحلت

يبقى الأفيو أحسن والا الفيرنا بقـــــه ؟؟؟

[menamakram2003]

طالما بتقول ان سواقتك هادية ومش هتعدى ال 120 يبقى مش هتحس بمشكلة الثبات اللى فى الفيرنا وهى غير كده ممتازة

[M.Osman]

كأن اللانوس عربية وحشة ؟؟
دي أكتر عربية مناسبة للمواطن المصري نزلت في العشر سنين اللي فاتوا !

ولو مش مصدقني انزل تمن عربيتك في السوق و شوف اللانوس المستعملة لنفس الموديل و العداد تعمل كام ؟

أزيدك من الشعر بيتاً

إن لو كان حد شاف عيب من اللانوس ده علشان تقفيلها مصري
فلما يعملوا الأفيو لانوس بس متقفلة برة يبقى المعادلة إتحلت

يبقى الأفيو أحسن والا الفيرنا بقـــــه ؟؟؟

انا مقولتش ان اللانوس وحشة ... انا بقول ان هي هى ...يعنى من الأخر يشترى لانوس اوفر له .. و شوية و هتبقى شيفروليه .

و بعدين هى الأفيو تقفيل خارجى ؟ انا بجد كنت فاكر انها مصري ...

[lolita]

ب\الفرننننننننننننننننننننننا طبعا احسن و هاتندم لو ماجبتش فرنا

[merosss]

حضرتك انا معايا دايو نوبيرا 2008 ورحت بيها اعمل صيانة 1000 فى ابو الرواش وهو شغال اسبرنزا كمان ونتيجة ان انا قعد عندهم 5 ساعات فشوفت العجب كان فى واحدة ست معاها اسبرنزا والتكيف مش شغال سخن لية مش عارفين طيب تصلحوة بردة مش عارفين كان فى مهازل تانية كتير ودلوقتى ابو الفتوح سئ جدا جدا فى خدمة ما بعد البيع والصيانة(وكمان العربية صينى ) تكفيك زيارة واحدة لابو الرواش وتعرف كلامى انا قررت مش رايح تانى التوكيل وهشوف اى مكانيكى كويس

[Karim_Mohy]

fe el brilliance el hatchback el gededa we de fe hodod 70 alf we fe link fe el montada el 3am liha....bs lsa mantsharetsh...es2al 3anha momkn tetla3 kwaysa

[moshax]

بلاش الاسبيرانزا ... خليك فى الفيرنا اوا الافيو او الانوس ..... حتى لو حبيت تبيع بعد فترة هتلاقى سعر كويس
الاسبيرانزا كماليات وتوكيل كويس فقط

[EslaM_NagY]

شيفورليه افيو
وبعديها الاسبيرانزا
الفيرنا متفكرش وادخل منتدي الهيونداي وشوف كمية عيوب الصناعة اللي فيها

اظن انك مركبتش فيرنا

[analyzer]

هقولك رئى الشخصى من خلال خبرتى من مكتب الايجار يعنى استخدام شاق لمعظم انواع العربيات

فى الفئه دى
1- الفيرنا
2- افيو
3- لانوس

وصلى استخارة

[M.Osman]

من الحاجات اللى تثبت ان الفيرنا افضل سيارة فى فئتها هى انتشارها كتاكسي حالياً

[abou_ruqi]

اظن انك مركبتش فيرنا

لا اظن انك متعرفش غبور

[abou_ruqi]

من الحاجات اللى تثبت ان الفيرنا افضل سيارة فى فئتها هى انتشارها كتاكسي حالياً

وكذلك الـ ١٢٤ ٩٠٪ من تاكسيات اسكندرية ١٢٤
علي اساس ان معايير التاكساجية هي المقياس بلا انترنت بلا هم يا راجل
يالا نركب ١٢٤