محتار بين اوبل استرا كوزمو 2015 وتويوتا كورولا هاي لاين 2015

[nagy wassef]

اوبل استرا لو مش هتبيع قريب و لو هتعرف تتعامل مع منصور

[speed_magnum]

توكيل تويوتا من افضل التوكيلات في مصر ودي حقيقه
توكيل منصور ما عجبنيش (عن فرع رابعه وجسر السويس )
يعني مثلا تلاقي اللي شغال في عربيتك بيحدف الفردة بعد ما يفكها وهو شغال يرمي المسدس والعده على الجنط وبهدلتهم لما شفت الموضوع دا ..
توكيل منصور تحس ان كل اللي شغالين فيه اخرهم الشيفروليه

اما كمقارنه بين عربيتين فالاسترا طبعا احلى كعربيه واداء
بس الكورولا مش وحشه ابدا وشيك جدا

[drcobra]

اوبل استرا طبعا كفخامة وجودة خامات وثبات وعوامل امان وتصميم ساحر كل سم مدروس الالمان ما بيهزروش خصوصا في معيار الجودة حتى لو هايخسروا مقابل تواجدهم في سوق العالمي الجودة والتكنولوجيا هي رأس مال الالمان سعرها متوافق مع سعرها في أوروبا
واضيف راحة الركاب ومتعة القيادة والاداء علي الطرق ااسترا تكتسح متور ecotech 115 حصان موتور عالي التقنية وعزم اقوي من موتور كورولا وفتيس اوتو 6 سرعات رائع واكثر ما يميز اوبل استرا
توكيل منصور اقل من االفطيم في الاداء ولكنه ملتزم بالضمان وللعلم توكيلات مصر كلها سيءة لضعف جهاز حماية المستهلك امام الشركات الكبيرة

الكورولا عربية لا تساوي سعرها واغلى من الدول الاخري وبها عيوب ولكن شعبيتها وثقافة الناس تجعل المشتري لا يري هذه العيوب الا من يعرف معنى كلمة سيارة
موتور الكورولا ذو 122 حصان لا غبار عليه ومجرب في موديلها السابق بدون مشاكل ولكن اقل تكنولوجي من استرا
فتيس cvvt موفر واقتصادي ويجعل السيارة اقل استهلاكا للوقود وهذا هو هدف تويوتا في موديل كورولا معيار الاقتصاد
قطع الغيار والصيانة السيارتين متساويين
عيوب
1- السيارة ضعيفة من الخارج وحساسة جدا كصاج ودهان ضعيف وده هيؤثر على رونقها بعد سنتين او ثلاثة
2- تم تعديل ارتفاع السيارة لكي يناسب شوارعنا (اول مره اشوف هكذا تعديل في تاريخ السيارات في العالم) حسابات الثبات والتعليق للسيارة اختلفت وشكل السيارة اختلف من الخلف ومن الجانب وزي ما يكون وشها في الأرض، وده حصل لأن موضوع الأرتفاع حرج وهيكون مسمار في نعش هذه السيارة ذات الشعبية الواسعة يعني إرضاء لذوق المستهلك وده في رأيي خطأ فادح ولم يحدث في دولة أخري لنفس الموديل
3- الخامات الداخلية للتابلوه والفرش ما بين متوسطة ورديئة واقل من مستوي تويوتا المعروف وهذا بسبب التقفيل التركي ونسبة المكونات التركية (اليبان هزروا في الموضوع ده) ولي رأيي ان تركيا فاشلة في صناعة السيارات والصناعات المغذية لها
فيه شكاوي من الفرامل واصوات من التابلوه والعزل والتكييف اقل كفأة من موديلات كورولا السابقة
وانا بعتذر اني قارنت اليباني بالألماني على رغم من جودة اليباني لكن احنا بنتكلم على معقل وبلد السيارات في العالم

+1
فعلا المانيا فى السيارات كوكب تانى

[ahmzd]

+1
فعلا المانيا فى السيارات كوكب تانى

+1 وألمانيا في كوكب تاني ف كل حاجة مش في العربيات بس!

[hossam elbaz]

معظم الاراء بتقول استرا ..والعقل بيقول كده وان كان اعاده بيعها هيبقى اتقل شويه من تويوتا .. بس واللهى الموضوع ده راحه نفسيه واذواق.. شوف انت مرتاح فين واتوكل على الله .. ربنا يقدملك مافيه الخير ليك

[محمد ابراهيم 9]

انا مايل للاسترا كتييير بس موضوع البنزين 92 دا قالقنى بصراحة ....... وياريت اى حد من اخواتنا اللى موجودين فمصر وعارف رينج الاسترا بفئاتها يقولى الكماليات الموجودة وسعر السوق الزيرو لانى برة مصر وكنت عاوز اشترى واحدة لما انزل بس مش عارف الاسعار

[ضابط جيش 106]

يا جماعة انا جديد هنا وف نفس الحيرة بين العربيتين والله من كتر الحيرة بقيت مش عارف اعمل اي ساعدوني والنبي

[midostarmody]

Opel Astra طبعا بدون تردد شياكة وفخامة وانا كنت ناوى عليها كمان شوية بسم الله ماشاء الله عليها بجد عربية خطيرة

[kfarouk]

أنا بقول الكورولا بقالها سنه ما حدش اشتكى منها و ممكن الهوندا لانها دلوقتي اعلى من الكورولا ارتفاعها تقريبا ١٦.٥

[Wael salahudin]

رغم ان انا مبحبش الكورولا وبميل للاوروبي عامة، الا ان الكورولا هي اللي تكسب في المقارنة دي.. الاسترا فيها عيب لا يجعلها سيارة عائلية باقتدار وده لانها ضيقة من ورا. انما الكورولا الجديدة واسعة من ورا بشكل ملحوظ واللي يقعد فيها يشعر بالراحة. بعدين الاسترا لو ركنتها وعديت الشارع وبصيت عليها من بعيد هتلاقيها فيها شبه كبير اوي من هيونداي النترا البومباي القديمة، وبصراحة دي اكتر حاجة فصلتني منها.

[Omar Sarray]

كورولا احلا واعاده بيع حلو زى الكورى

[K.Ossama]

كورولا احلا واعاده بيع حلو زى الكورى

اعادة بيع موافق
إنما احلى .... !! انا عارف ان الشكل أذواق إنما الاسترا معظم الناس عاجبها شكلها خصوصاً من جوة

[Omar Sarray]

اوبل عامه مجربتهاش بس شكل أزواق ومتنساش كورولا عندنا شكل خليجى مش شكلها الحقيقى

[K.Ossama]

اوبل عامه مجربتهاش بس شكل أزواق ومتنساش كورولا عندنا شكل خليجى مش شكلها الحقيقى

ماهو انا كلامى على اللى عندنا من العربيتين
وعموماً زى ما قلت.....الشكل أذواق طبعاً ;-)

[Omar Sarray]

انت شوف ايه الى انسبلك انا من راى كورولا يمكن انت تحب استرا انت شوف ايه الى انسبلك وصلى صلاه الاستخاره وربنا يوفقك يارب