أكسنت rb أم ريو

[Khaled9498]

أرجو الإفادة من خبراء المنتدى
ناوى إن شاء الله أشترى rb سيدان فتحة سقف وطبعاً عارفين أوبشناتها وسعرها 130000
ومحتار بينها دلوقتى وبين ريو سيدان abs - abg بدون فتحة سقف اللى سعرها بعد خصم الوكيل أصبح 137500
نرجو الإفادة.

[hesham fawzy h]

ريو

[Khaled9498]

ايه ياجماعة محدش عاوز يفيدنى بالرأى والا أيه

[Omar Mahmoud]

اصلا الريو و الاكسنت نفس الفتيس و الشاسيه
الفرق إن الموتور 1400 و التاني 1600 و الشكل و التوكيل

[J A G U A R]

ريو طبعا وماتورها ميفرقش عن 1600

[Khaled9498]

ريو طبعا وماتورها ميفرقش عن 1600

لكن الأكسنت 125 حصان والريو 107 حصان

[m7md basiouny]

bos nasi7a mn wa7d 3ndo eletnen go for the rio a7san bkteer ta2feel w 5amat w 3afsha w sabat

[J A G U A R]

لكن الأكسنت 125 حصان والريو 107 حصان

جرب الريو هتلاقيها قويه واحسن من عربيات 1600

[ahmedz310]

بص يا صاحبي اخوك كان في حيره امر من حيرتك ورسيت علي الريو سيدان dab&abs والسبب هو تقفيلها الجيد وتوكيلها الجيد والأهم انها توافقت مع احتياجاتي بس لو نويت عليها نصيحه الحق العرض تخيل فرق 2000 جنيه عن موديل 2014 نفس الفئه وكمان زياده جنوط اسبور وفوجات وطاره مالتي ، اما بخصوص الماتور اللي انت خايف منه فمش هفتي لأني لسه في فتره التليين بس بصراحه متفائل بيه ، وفي النهايه ربنا يوفقك للأصلح

[Khaled9498]

تقريباً كده استقريت على ريو سيدان abs - dab

[ahmedgamal2285]

تقريباً كده استقريت على ريو سيدان abs - dab

أهم حاجه تصلى صلاه استخارة وتعرف انت عايز ايه من العربيه وايه احتياجاتك
انا معايا اكسنت 2015 فتحه سقف والعربيه ممتازة معايا لحد دلوقتى
ومفيش حاجه اسمها ماتور 1400 سى سى بقوة 107 حصان احسن من ماتور 1600 سى سى بقوة 124 حصان...بلاش فكاكه وفتى على الفاضى عشان احنا بنتكلم على كورى مش واحده كورى وواحده المانى مثلا والا يمكن الريو 1400 تربو وانا مش عارف
كل واحد وليه رائيه الشخصى وهو حر فيه
عموما عن تجربه شخصيه الاكسنت معايا لحد دلوقتى ممتازة وكمان التوكيل مشفتش منه اى حاجه وحشه لحد دلوقتى...العربيه عامله دلوقتى تقريبا 3000 كيلو ومن فترة كنت سمعت صوت فى العربيه وعملت شكوى من على صفحه هيونداى فى الفيس بوك مش الموقع كمان
واتصلوا بيا بعدها باربع ايام ورحت زى الباشا وقابلت المهندس وقولتله على المشكله ويعدها بساعتين استلمت العربيه ومدفعتش ولا جنيه والعربيه بقت تمام وزى الفل
عموما انا باتكلم عن تجربه شخصيه عشان فى ناس كتير بتقول العربيه وحشه وناس تانيه بتشتم فى التوكيل وغيره وغيره بس والله انا بحكى اللى حصل معايا بالظبط

زى ماقولتلك صلى استخارة وربنا ان شاء الله يكرمك باللى فيه الخير ليك
ولو فى اى استفسار انا تحت امرك

[D.R.Mahmoud]

فعلا اكيد ال 1600 افضل من 1400 وال124 افضل من ال107 وماينفعش نقول مافيش فرق لاكن الانسب نقول ان ال107 حصان كافية جدا جدا وال17 حصان الفرق اكيد بيدوا قوة بس مش ملموسة اوى والمتعة فى القيادة والاحساس بالامان فالريو (كفاية ان طريقة سوقتك نفسها هتختلف مع الabs ,abd يعنى هتباى طاير بالعربية وانت عارف ان فاى لحظة هتدوس فرامل العربية هتوقف فورا بس انت جمد قلبك) هتحس بية بشكل كبيييييييييير جدا عن اللى هتحسة من ال17 حصان فالار بى

[D.R.Mahmoud]

وبعدين زمان كنت الناس بتقارن الاكسنت بالجين2 ,,وكانت الجين2 بيقتنعوا بيها علشان وسائل الامان فقط لاغير ,نيجى دلوقتى لما تنزل حاجة كورى فى نفس الفئة السعرية نتردد!!!!

[ahmedgamal2285]

فعلا اكيد ال 1600 افضل من 1400 وال124 افضل من ال107 وماينفعش نقول مافيش فرق لاكن الانسب نقول ان ال107 حصان كافية جدا جدا وال17 حصان الفرق اكيد بيدوا قوة بس مش ملموسة اوى والمتعة فى القيادة والاحساس بالامان فالريو (كفاية ان طريقة سوقتك نفسها هتختلف مع الabs ,abd يعنى هتباى طاير بالعربية وانت عارف ان فاى لحظة هتدوس فرامل العربية هتوقف فورا بس انت جمد قلبك) هتحس بية بشكل كبيييييييييير جدا عن اللى هتحسة من ال17 حصان فالار بى

طبعا كلام حضرتك مظبوط بس انا اتكلمت على موضوع قوة الماتور لان فى اعضاء اثاروا النقطه دى
نيجى للاوبشن التانى اللى هو abd وال abs طبعا مفيش نقاش على ان الحاجات دى ليها عامل مهم فى امان وثبات العربيه بشكل كبير جداا

بس لو هانقارن مابين العربيتين ..حضرتك الاكسنت 2015 الهاى لاين ب 140 الف وفيها ايرباج و abs وكل حاجه
والكيا ريو فئه الهاى لاين تقريبا سعرها 150 الف جنيه
وغالبا هى نفس المميزات فى العربيتين مع الاعتبار فرق قوة الماتور لصالح الاكسنت
وكمان الاكسنت من الداخل اكبر شويه من الكيا ريو وباحس ان الريو عربيه صغيرة وتمنها مبالغ فيه ( ده راى شخصى )
عموما صاحب الموضوع لازم يشوف امكانيات كل فئه والسعر اللى يناسبه وان شاء الله ربنا يوفقه للى فيه الخير

تحياتــــى

[D.R.Mahmoud]

طبعا كلام حضرتك مظبوط بس انا اتكلمت على موضوع قوة الماتور لان فى اعضاء اثاروا النقطه دى
نيجى للاوبشن التانى اللى هو abd وال abs طبعا مفيش نقاش على ان الحاجات دى ليها عامل مهم فى امان وثبات العربيه بشكل كبير جداا

بس لو هانقارن مابين العربيتين ..حضرتك الاكسنت 2015 الهاى لاين ب 140 الف وفيها ايرباج و abs وكل حاجه
والكيا ريو فئه الهاى لاين تقريبا سعرها 150 الف جنيه
وغالبا هى نفس المميزات فى العربيتين مع الاعتبار فرق قوة الماتور لصالح الاكسنت
وكمان الاكسنت من الداخل اكبر شويه من الكيا ريو وباحس ان الريو عربيه صغيرة وتمنها مبالغ فيه ( ده راى شخصى )
عموما صاحب الموضوع لازم يشوف امكانيات كل فئه والسعر اللى يناسبه وان شاء الله ربنا يوفقه للى فيه الخير

تحياتــــى

انا قولت رايي فالعربيتين اللى استاز خالد عرضهم فى بداية الكلام اكسنت 130000 و ريو 137500 ولو كان المقارنة فى فئة 140000 اكسنت و137500 ريو كنت هختار ريو برضة لان المتور ال1400 من وجهة نظرى نقطة تميز مش عيب لسببين

الاول - انا مش عارف 124 حصان على عربية خفيفة زى الاكسنت لية يعنى طب انا افهم الكلام دة عندى مثلا فالكارينز الشكل القديم 124 حصان برضة بس اتقل من الاكسنت ب300 الى 400 كيلو تقريبا فانا اصرف فلوس على حاجة مش لزمانى ليية

التانى ان متور الريو احدث من متور الاكسنت من وجة نظرى والدليل :انا كان عندى ماتركس 1600 ماتورها بتدى حوالى 104 حصان وماتور الريو 1400 بتدى 107 حصان وماتور الاكسنت 1600 بيدى 124 وماتور الكارينز الشكل القديم اللى عندى دلوقتى بيدى 124 حصان زى الكارنز القديم والكارينز الجديد 1600 بيدى 135 والسبورتاج 1600 بيدى 140 حصان يبقى نفهم من كدا ايييية :
ان متور الماتركس قديم جدا جدا فالتكنولوجيا وماتور الكارينز الشكل القديم والاكسنت زى بعض بس احدث من الماتركس و ماتور الريو والكارينز الشكل الجديد والاسبورتاج احدث منهم يعنى كل حاجات كيا الجديدة نزلة احدث ودة مجرد استنباط فقط بمجرد التفكير يعنى