أكسنت rb أم ريو

[Khaled9498]

أهم حاجه تصلى صلاه استخارة وتعرف انت عايز ايه من العربيه وايه احتياجاتك
انا معايا اكسنت 2015 فتحه سقف والعربيه ممتازة معايا لحد دلوقتى
ومفيش حاجه اسمها ماتور 1400 سى سى بقوة 107 حصان احسن من ماتور 1600 سى سى بقوة 124 حصان...بلاش فكاكه وفتى على الفاضى عشان احنا بنتكلم على كورى مش واحده كورى وواحده المانى مثلا والا يمكن الريو 1400 تربو وانا مش عارف
كل واحد وليه رائيه الشخصى وهو حر فيه
عموما عن تجربه شخصيه الاكسنت معايا لحد دلوقتى ممتازة وكمان التوكيل مشفتش منه اى حاجه وحشه لحد دلوقتى...العربيه عامله دلوقتى تقريبا 3000 كيلو ومن فترة كنت سمعت صوت فى العربيه وعملت شكوى من على صفحه هيونداى فى الفيس بوك مش الموقع كمان
واتصلوا بيا بعدها باربع ايام ورحت زى الباشا وقابلت المهندس وقولتله على المشكله ويعدها بساعتين استلمت العربيه ومدفعتش ولا جنيه والعربيه بقت تمام وزى الفل
عموما انا باتكلم عن تجربه شخصيه عشان فى ناس كتير بتقول العربيه وحشه وناس تانيه بتشتم فى التوكيل وغيره وغيره بس والله انا بحكى اللى حصل معايا بالظبط

زى ماقولتلك صلى استخارة وربنا ان شاء الله يكرمك باللى فيه الخير ليك
ولو فى اى استفسار انا تحت امرك

طبعاً متشكر جداً وسعيد بالحوار المجدى والمفيد ده وزى ماقولت لحضراتكم أنا كنت ناوى على الأكسنت فتحة سقف وكنت مقتنع بيها وكان نفسى لو أجيب العربيه فيها ABS , A BAG وكان الحل إنى أطلع لل 142000 تقريباً لكن لما كيا عملت خصم 4000 على الريو سعرها بقى قريب وفيها الأوبشنين دول اللى المفروض يبقوا أساسين مش أوبشن ... لما الخصم نزل حسيت إن الفرق قرب غير إنى من وجهة نظرى تقفيل وتابلوه الريو أفضل من الأكسنت .... تقريباً اللى خسرته فتحة السقف بس فى المقابل أخدت ABS , A Bag وجنوط سبور اللى هيونداى مصرة ماتنزلهمش حتى مع الهاي لاين. وموضوع الموتور بصراحة شايف إن الموتور مناسب على حجمها خصوصتً إن اللى هيركب العربية زوجتى ولاأنا ولا هى غاويين جرى ولا طبعاً حرق وشد وكده .
وطبعاً مابنساش صلاة الإستخارة الحمد لله

[ahmedgamal2285]

انا قولت رايي فالعربيتين اللى استاز خالد عرضهم فى بداية الكلام اكسنت 130000 و ريو 137500 ولو كان المقارنة فى فئة 140000 اكسنت و137500 ريو كنت هختار ريو برضة لان المتور ال1400 من وجهة نظرى نقطة تميز مش عيب لسببين

الاول - انا مش عارف 124 حصان على عربية خفيفة زى الاكسنت لية يعنى طب انا افهم الكلام دة عندى مثلا فالكارينز الشكل القديم 124 حصان برضة بس اتقل من الاكسنت ب300 الى 400 كيلو تقريبا فانا اصرف فلوس على حاجة مش لزمانى ليية

التانى ان متور الريو احدث من متور الاكسنت من وجة نظرى والدليل :انا كان عندى ماتركس 1600 ماتورها بتدى حوالى 104 حصان وماتور الريو 1400 بتدى 107 حصان وماتور الاكسنت 1600 بيدى 124 وماتور الكارينز الشكل القديم اللى عندى دلوقتى بيدى 124 حصان زى الكارنز القديم والكارينز الجديد 1600 بيدى 135 والسبورتاج 1600 بيدى 140 حصان يبقى نفهم من كدا ايييية :
ان متور الماتركس قديم جدا جدا فالتكنولوجيا وماتور الكارينز الشكل القديم والاكسنت زى بعض بس احدث من الماتركس و ماتور الريو والكارينز الشكل الجديد والاسبورتاج احدث منهم يعنى كل حاجات كيا الجديدة نزلة احدث ودة مجرد استنباط فقط بمجرد التفكير يعنى

يا سيدى الفاضل انا معنديش اى اعتراض على كلام حضرتك
نقطه قوة الماتور انا اتكلمت فيها زى ماوضحت لحضرتك سابقا عشان فى ناس اتكلمت ان ماتور الريو اقوى من ماتور الاكسنت فا بالتالى انا قولت راى شخصى فى النقطه دى
لكن موضوع ان تكنولوجيا الماتور اللى موجوده فى الريو او الكارينز الجديده ان هى احدث من تكنولوجيا ماتور الاكسنت فانا باعترف ان انا ماعنديش خلفيه خالص عن الموضوع ده
وعشان كده انا استفدت من كلام حضرتك لان دى بصراحه معلومه اول مرة اعرفها
عموما انا كان لى الشرف ان انا اتناقش مع حضرتك

[ahmedgamal2285]

طبعاً متشكر جداً وسعيد بالحوار المجدى والمفيد ده وزى ماقولت لحضراتكم أنا كنت ناوى على الأكسنت فتحة سقف وكنت مقتنع بيها وكان نفسى لو أجيب العربيه فيها ABS , A BAG وكان الحل إنى أطلع لل 142000 تقريباً لكن لما كيا عملت خصم 4000 على الريو سعرها بقى قريب وفيها الأوبشنين دول اللى المفروض يبقوا أساسين مش أوبشن ... لما الخصم نزل حسيت إن الفرق قرب غير إنى من وجهة نظرى تقفيل وتابلوه الريو أفضل من الأكسنت .... تقريباً اللى خسرته فتحة السقف بس فى المقابل أخدت ABS , A Bag وجنوط سبور اللى هيونداى مصرة ماتنزلهمش حتى مع الهاي لاين. وموضوع الموتور بصراحة شايف إن الموتور مناسب على حجمها خصوصتً إن اللى هيركب العربية زوجتى ولاأنا ولا هى غاويين جرى ولا طبعاً حرق وشد وكده .
وطبعاً مابنساش صلاة الإستخارة الحمد لله

يا استاذ خالد ..
خلينى اوضح لحضرتك شويه امور بكل حياديه
الاكسنت اللى معايا 2015 تانى فئه وفيها فتحه سقف
العربيه ممتازة وجميله وبصراحه فيها كل حاجه انا محتاجها وزياده كمان...بس
موضوع ان انت تخسر فتحه السقف مقابل الجنوط والوسائد الهوائيه وال abs
اسمحلى اقولك ان انت غلطان جداااا...مفيش وجه مقارنه بينهم خالص...فتحه السقف جميله وممتعه وبتخلى شكل العربيه جميل اووى بس كل ده مالوش اى لزمه بالمقارنه مع وسائل الامان
انا عربيتى مفهاش airbag ولا abs...ولو الوقت رجع تانى هاشترى اللى فيها وسائل الامان وبعدين ابقى افكر فى فتحه السقف...وان شاء الله لما اغير العربيه مش هاشترى عربيه من abs ولا airbag
انا كمان زى حضرتك ماليش فى الشد ولا الحرق والجرى وباركب العربيه انا والمدام بس (لسه متجوز من 6 شهور )
انما موضوع تقفيل التابلوه فى الريو احسن من الاكسنت انا ماقدرش احكم عشان انا ماعرفش او بمعنى ادق مش بافهم فى الحاجات دى خالص
وطبعا من المناقشات السابقه اكيد حضرتك عرفت الفرق فى تكنولوجيا الماتور وقوته فى العربيتين وتقدر تحدد ايه المناسب
نصيحه اخيرة...ماتحاولش تتنازل عن وسائل الامان لاى سبب او فى سبيل اوبشنز تانيه
والف مبروك مقدما وربنا يكفيك شرها ويديك خيرها

[mazharsafwat]

طبعا كلام حضرتك مظبوط بس انا اتكلمت على موضوع قوة الماتور لان فى اعضاء اثاروا النقطه دى
نيجى للاوبشن التانى اللى هو abd وال abs طبعا مفيش نقاش على ان الحاجات دى ليها عامل مهم فى امان وثبات العربيه بشكل كبير جداا

بس لو هانقارن مابين العربيتين ..حضرتك الاكسنت 2015 الهاى لاين ب 140 الف وفيها ايرباج و abs وكل حاجه
والكيا ريو فئه الهاى لاين تقريبا سعرها 150 الف جنيه
وغالبا هى نفس المميزات فى العربيتين مع الاعتبار فرق قوة الماتور لصالح الاكسنت
وكمان الاكسنت من الداخل اكبر شويه من الكيا ريو وباحس ان الريو عربيه صغيرة وتمنها مبالغ فيه ( ده راى شخصى )
عموما صاحب الموضوع لازم يشوف امكانيات كل فئه والسعر اللى يناسبه وان شاء الله ربنا يوفقه للى فيه الخير

تحياتــــى

حضرتك متاكد من ان الاكسنت ار بى الهاى لاين فيها ايرباج وabs ؟؟ ؟؟؟؟؟؟؟؟؟؟؟؟؟؟؟

[mazharsafwat]

بالبحث وجدت انه فعلا الاكسنت هاى لاين فيها ايرباج وabs وسعرها 140900 لكنها جنط اسبور 14 http://www.nilemotors.net/Nile/437085-2015.html
ولابد ان ندخل فى الحسبان الاتساع الداخلى للسيارتين والارتفاع لانى من خلال المتابعة وجدت ان الاتساع فى صالح الاكسنت وكذلك الارتفاع خاصة فى الهاى لاين مع ان الريو جنط 17 الا ان الشكوى من الارتفاع شكوى متكررة , فياريت من جرب السيارتين يحكى عن تجربته ويصحح او يؤكد ذلك

[ahmedrb]

دلوقتى من حيث امتلاكنا لاكسنت اربى , هقول لحضرتك شويت فروقات بين اكسنت اربى و ريو .
الاكسنت اللى ب 140500 تتفوق على الريو فى 1- فتحة سقف , موتور 1600 , بلوتوث , مريات باشارات , ارتفاع كرسى السائق , مؤشر حرارة , شكل التبلوه اشيك من وجهو نظرى
الريو تتفوق عن الاكسنت فى 1- 2 ايرباج , فتح الشنطة عن طريق الريموت , ضبط الطارة

دى الفروقات بينهم من برشور الوكلاء ليهم . من وجهة نظرى قوة الموتور مش لشد و الجرى و لكن قوتها فى السحب و ان الموتور يقدر ينقذك فى مواقف خطيرة , يعنى حضرتك ماشى فى طريق فى اتجاهين و فجأة لقيت عربية فى وشك و محتاج تعدى من اللى جمبك فأكيد تحتاج قوة الموتور
اما بالنسبة للاستاذ اللى بيقول ان ريو موتورها احدث احب اوضح خطأ فى الموضوع , اكسنت نزلت قبل ريو بسنة و نزلت فى الخليج بموتور 1400 و هو موتور كيا ريو و لو حضرتك عاوز تتأكد حضرت شوف موقع هيونداى world wide

اما بالنسبة انا لو مكان حضرتك هجرب الاتنين و اعملهم تيست درايف و اصلى صلاة استخارة و اشوف انهى يناسبنى انا بصراحة شايف الريو شكلها الخارجى شبه كلاسيك يعنى سيارة فيها وقار اكتر من العصرية و ده اللى واضح فى اكسنت , و فى الاحر العربية تبقى عربيتك , اشترى اللى يفرحك و يبسطك مش اللى يفرح الناس و شكرا

[D.R.Mahmoud]

دلوقتى من حيث امتلاكنا لاكسنت اربى , هقول لحضرتك شويت فروقات بين اكسنت اربى و ريو .
الاكسنت اللى ب 140500 تتفوق على الريو فى 1- فتحة سقف , موتور 1600 , بلوتوث , مريات باشارات , ارتفاع كرسى السائق , مؤشر حرارة , شكل التبلوه اشيك من وجهو نظرى
الريو تتفوق عن الاكسنت فى 1- 2 ايرباج , فتح الشنطة عن طريق الريموت , ضبط الطارة

دى الفروقات بينهم من برشور الوكلاء ليهم . من وجهة نظرى قوة الموتور مش لشد و الجرى و لكن قوتها فى السحب و ان الموتور يقدر ينقذك فى مواقف خطيرة , يعنى حضرتك ماشى فى طريق فى اتجاهين و فجأة لقيت عربية فى وشك و محتاج تعدى من اللى جمبك فأكيد تحتاج قوة الموتور
اما بالنسبة للاستاذ اللى بيقول ان ريو موتورها احدث احب اوضح خطأ فى الموضوع , اكسنت نزلت قبل ريو بسنة و نزلت فى الخليج بموتور 1400 و هو موتور كيا ريو و لو حضرتك عاوز تتأكد حضرت شوف موقع هيونداى world wide

اما بالنسبة انا لو مكان حضرتك هجرب الاتنين و اعملهم تيست درايف و اصلى صلاة استخارة و اشوف انهى يناسبنى انا بصراحة شايف الريو شكلها الخارجى شبه كلاسيك يعنى سيارة فيها وقار اكتر من العصرية و ده اللى واضح فى اكسنت , و فى الاحر العربية تبقى عربيتك , اشترى اللى يفرحك و يبسطك مش اللى يفرح الناس و شكرا

اولا بالنسبة لموضوع المتور الاحدث انا اولت دة مجرد استنباط او استنتاج ومااولتش انة معلومة مؤكدة
ثانيا بالنسبة لموضوع ان قوة المتور فى قوة السحب فدة كلام خطا لان متور الكارينز الشكل القديم هو هو متور السيراتو وتم تعديل المتور ليعطى عزم اكبر من عزم السيراتو بسبب الوزن الاعلى للكارينز ودة اثر على السرعة القصوى للكارينز يعنى زودو العزم وقللوا السرعة القصوى ,يعنى العزم هو اللى بياثر فى السحب

[S O P H O S]

بميل للريو

[Khaled9498]

أنا وضحت فى البداية إنى فى البداية كنت محدد 130000 للسيارة وكان نفسى تبقى بوسائد هوائية وABS لان زى ماحضراتكم ذكرتم الأمان مهم وخصوصاً إنى قلت إن دى عربية المدام .... فتحة السقف أنا من عشاقها بس زى ماقلنا الأمان أهم... الخصم اللى على ريو شجعنى أجيب الفئه اللى فيها وسائل الأمان...
على فكرة موتور ريو هو موتور هيونداى وممكن حد يراجع اللينك ده
Hyundai Gamma engine - Wikipedia, the free encyclopedia
لكن طبعاً أقل من موتور الأكسنت اللى هو 1600 ومن الآخر أعتقد لو هيونداى كانوا عملوا خصم على الهاى لاين زى خصم الريو كان اتجاهى إتغير.
ومبروك الجواز ياابوحميد

[mazharsafwat]

الحقيقة حوار ممتع جدا ومفيد جدا تحياتى للجميع : الاستاذ خالد والدكتور محمود والاستاذ احمد وشكرا يا وحوش

[Khaled9498]

الحمد لله استلمت الريو سيدان ABS +DAB بالأمس لكن للأسف لما روحت استلم السيارة لقيت الطارة مش مالتى أو بالأخص مافيهاش تحكم فى الصوت أنا طبعاً قبل ماروح المعرض كنت طالب المواصفة دى واللى هى نازله على موقع كيا مصر وكان اللون أحمر ... فى الأول البائع اللى فى المعرض قاللى هو انت كنت طالبها أصلاً بطارة مالتى قولتله طبعاً وكده كده هى دى مواصفات الفئة دي المهم وكانت معايا ورقة المواصفات مصبوعة من على موقع كيا مصر ... قعد يقوللى يمكن مش كيا مصر لقينا الورقة من تحت مطبوع فيها Kia Egypt المهم راح لمدير المعرض ورجعلى كنت أنا اتصلت بالوكيل وسألت على مواصفات الفئة قاللولى فيها طارة ملتى رجع البائع وقاللى فعلاً فيه حاجة غريبة مش عارفين ايه العربية دى فيه ألوان تانية وحددلى 3 ألوان اختار بينهم او اخد العربية اللى عندهم بخصم 1000 جنيه الأول رفضت ومشيت واتصلت بكيا تانى سألت على اللون الأحمر قاللى مش موجود ولو عاوزه أحجزلك بالسعر العادى يعن بدون خصم الــ 4000 جنيه ... اتصلت بمعرض سيارات كبير قاللى اللون موجود لو عاوزها قوللى أجهزهالك مطولش عليكم قولت ممكن أروح الاقى برضه حاجة مش مضبوطة فقررت أخد اللون الأبيض اللى مواصفاتها زى مانا عاوز وأدعولنا بقى ربنا يبارك ويدينا خيرها ويكفينا شرها.

[D.R.Mahmoud]

الف الف مبروك يا استاذ خالد وربنا يكرمك فيها ويديك خيرها ويكفيك شرها والون الابيض من احلى الوانها بردة و ماتزعلش ربنا عايز كدة

[Khaled9498]

الف الف مبروك يا استاذ خالد وربنا يكرمك فيها ويديك خيرها ويكفيك شرها والون الابيض من احلى الوانها بردة و ماتزعلش ربنا عايز كدة

ربنا يبارك فى حضرتك ومتشكر جداً على مشاركتك ومشاركة كل الأعضاء اللى شاركوا وطبعاً لازم نشكر إدارة المنتدى الرائع ده

[ahmedz310]

الحمد لله استلمت الريو سيدان abs +dab بالأمس لكن للأسف لما روحت استلم السيارة لقيت الطارة مش مالتى أو بالأخص مافيهاش تحكم فى الصوت أنا طبعاً قبل ماروح المعرض كنت طالب المواصفة دى واللى هى نازله على موقع كيا مصر وكان اللون أحمر ... فى الأول البائع اللى فى المعرض قاللى هو انت كنت طالبها أصلاً بطارة مالتى قولتله طبعاً وكده كده هى دى مواصفات الفئة دي المهم وكانت معايا ورقة المواصفات مصبوعة من على موقع كيا مصر ... قعد يقوللى يمكن مش كيا مصر لقينا الورقة من تحت مطبوع فيها kia egypt المهم راح لمدير المعرض ورجعلى كنت أنا اتصلت بالوكيل وسألت على مواصفات الفئة قاللولى فيها طارة ملتى رجع البائع وقاللى فعلاً فيه حاجة غريبة مش عارفين ايه العربية دى فيه ألوان تانية وحددلى 3 ألوان اختار بينهم او اخد العربية اللى عندهم بخصم 1000 جنيه الأول رفضت ومشيت واتصلت بكيا تانى سألت على اللون الأحمر قاللى مش موجود ولو عاوزه أحجزلك بالسعر العادى يعن بدون خصم الــ 4000 جنيه ... اتصلت بمعرض سيارات كبير قاللى اللون موجود لو عاوزها قوللى أجهزهالك مطولش عليكم قولت ممكن أروح الاقى برضه حاجة مش مضبوطة فقررت أخد اللون الأبيض اللى مواصفاتها زى مانا عاوز وأدعولنا بقى ربنا يبارك ويدينا خيرها ويكفينا شرها.

الف مليون مبروك ياباشا وربنا يديك خيرها و يكفيك شرها انا لسه جايب نفس الفئه من اسبوع لون موكا وفيها طاره مالتي

[Khaled9498]

الف مليون مبروك ياباشا وربنا يديك خيرها و يكفيك شرها انا لسه جايب نفس الفئه من اسبوع لون موكا وفيها طاره مالتي

الله يبارك فيك ياأحمد بيه وربنا يباركلك فى العربية الجديدة... أنا مش عارف العربية اللى شوفتها مافيهاش طارة مالتى جابوها منين