أيهما افضل السيارة الدفع الامامى ام السيارة الدفع الخلفى ؟

[mostafa_9128]

تمام كدة
أضف كمان نوع القوة اللى بتأثر على شاسيه العربية فى الحالتين ، فى حالة الخلفى بتبقا قوة إنضغاط compressive strength وفى حالة الأمامى بتبقا قوة شد tensile force ، ومعروف إن معظم المواد اللى فى الدنيا بما فيها الحديد المكون لشاسيه العربية بتكون قوة تحملها للإنضغاط أضعاف قوة تحملها للشد ، وبالتالى إحتمالية تعرض الشاسيه للكسر أو الشرخ بعد فترة طويلة من الخدمة أو ما يعرف بالكلل المعدنى ....l fatigue (ميتال فاتيج مش عارف مش عايزة تتكتب ليه) هيكون إحتمال حدوثه أكبر فى الجر الأمامى عن الدفع الخلفى
(لأن الشاسيه فى الخلفى هيعمل تحت تأثير قوة فى مدى تحمله بعامل أمان محترم ، أما فى حالة الأمامى برضه هيكون متماسك طبعاً مش هيتكسر وانت ماشى إنما مش بعامل أمان مماثل للخلفى)

كلام تمام

[mostafa_9128]

عفوا لخطأ المثال
انا فكرت اكتر في المثال ولقيته فعلا غلط وده لان العضلات المستخدمة في الشد غير المستخدم في الدفع وبكدة يبقي المثال خاطئ (ارجوا ان تتقبلوا اعتزاري )
انما فكرة ان الخلفي ولا الامامي فهي برده الخلفي افضل
اما بالنسبة لفكرة ليه الحصان بيبقي في الامام مش في الخلف : فده مش راجعة لان الشد افضل ولكن الفكرة في ان الحصان فيه القوة اللي بتمشي العربة وفيه التوجيه اللي بيوجه بيه والخاصيتين لا يمكن الفصل بينهم فعشان التوجيه ييقي لازم يكون الحصان قدام ماينفعش يكون ورا
شكرا ليكم

مظبووووط

[samcar]

انا افضل الدفع الخلفي وانا شايف انه الافضل
وفكرة انه الامامي اكثر انتشارا مش عشان الافضل ولكن اوفركتير في الانتاج فالمصانع بتحاول توفر
اما بالنسبة لمن هو الاقوي في السحب فهو الخلفي وفي مثال
تخيل انك طالع كوبري وعايز تتطلع حاجة بتزقها ياتري انهي افضل طريقة عشان تطلعها لو شدتها من قدام هتبذل مجهود جبار اما لو زقتها من الخلف فهتتحرك بمجهود اقل
والدليل علي كدة انك لما تكون بتزق عربية حتي مش بتشتغل فبتزقها من الخلف مش بتشدها

لو الكلام ده صحيح كانوا خلوا جرار القطر يدفع من الخلف مش يشد من الامام

[mostafa_9128]

يا جماعه ما احنا اتفقنا المشكلة مش قدام ولا ورا طالما نفس القوة اللي بتاثر مافيش مشاكل المشكله في الweight transfer
و بعدين كل واحد بيجيب امثلة غريبة و بتخرج عن الموضوع الاساسي و كل مثال له حالته الخاصة و حساباته

[ahmed_h_g]

لو أحمال يبقى خلفى لكن لو سرعات يبقى أمامى
يعنى لو معاك عربيه وحبل وقلتلك حركها من مكانها
العربيه لو تقيله من الصعب انك تشدها من مقدمتها ولكن ممكن تدفعها من الخلف والعكس .

[zkralla]

والله على طول الناس بتشكر فى الدفع الخلفى عن الجر الامامى ويقولوا عشان الكرونه احسن من الكبالن الى كل شويه بتبوظ
عاوزين حد يقولنا مميزات وعيوب كلا منهم ؟

[mostafa_9128]

لو أحمال يبقى خلفى لكن لو سرعات يبقى أمامى
يعنى لو معاك عربيه وحبل وقلتلك حركها من مكانها
العربيه لو تقيله من الصعب انك تشدها من مقدمتها ولكن ممكن تدفعها من الخلف والعكس .

no comment

[Horsepower]

وضع الموتور : فى الأمامى وضعه عرضى بالفتيس بالكبالن وده يخلى العربية من قدام أتقل بكتير من ورا ، فى حين فى الخلفى الموتور وضعه طولى وبيبقا الفتيس تقريبا فى نص العربية غير الكورونا اللى ورا بوصلاتها ، بيكون توزيع الوزن على العجلات الأربعة أفضل بكتير من الأمامى وده يعزز الثبات فى الملفات وفى الفرامل الشديدة
.

طيب ماهو كدة فرق توزيع الوزن الكامل للسيارة بين الأمامي و الخلفي هيعادل قوة ربط الكاوتش بالأسفلت, يعني:
لو الأول كان أمامي و الوزن متركز قدام عن ورا فا ده هيزود إلتصاق الكاوتش الأمامي بالأسفلت عن الخلفي.
وفي الخلفي الوزن متوزع بالتساوي قدام زي ورا يبقى مع التسارع (ووزن السيارة بيترمي لقدام) يوصلك لنفس توزيعة الوزن للأمامي أثناء الثبات (بدون تسارع).
و بكدة يبقى الأمامي أثناء التسارع أفضل من الخلفي.
بس محتاجين نعرفة نسب توزيع الوزن للأمامي و الخلفي عند الثبات و أثناء التسارع علشان الكلام يبقى مظبوط.
في الفرامل و مع وجود ال abs و ال ebd في كل السيارات يبقى مفيش فرق بين الإثنين (أمامي و خلفي)... و الله أعلم.
أحمد سامي

[Sameh]

طيب ماهو كدة فرق توزيع الوزن الكامل للسيارة بين الأمامي و الخلفي هيعادل قوة ربط الكاوتش بالأسفلت, يعني:
لو الأول كان أمامي و الوزن متركز قدام عن ورا فا ده هيزود إلتصاق الكاوتش الأمامي بالأسفلت عن الخلفي.
وفي الخلفي الوزن متوزع بالتساوي قدام زي ورا يبقى مع التسارع (ووزن السيارة بيترمي لقدام) يوصلك لنفس توزيعة الوزن للأمامي أثناء الثبات (بدون تسارع).
و بكدة يبقى الأمامي أثناء التسارع أفضل من الخلفي.
بس محتاجين نعرفة نسب توزيع الوزن للأمامي و الخلفي عند الثبات و أثناء التسارع علشان الكلام يبقى مظبوط.
في الفرامل و مع وجود ال abs و ال ebd في كل السيارات يبقى مفيش فرق بين الإثنين (أمامي و خلفي)... و الله أعلم.
أحمد سامي

هو الإستنتاج مبنى على فرضية مش مظبوطة - أثناء التسارع وزن العربية بيترمى لورا مش لقدام حتى إنك بتلاحظ إن بوز العربية بيترفع شوية مش كدة ، إنما الوزن بيزيد قدام فى حالة الفرامل مش التسارع وبتلاقى بوز العربية بينزل لتحت كأن حد دايس عليه أو كأنك حطيت عليه وزن تقيل

فى حاجة تانية ودى للتوضيح بس إن التوزيع فى الخلفى مش متساوى قدام زى ورا فى كل العربيات ، صعب أوى يكون كدة لأن هتجيب منين وزن فى الخلف يساوى وزن الموتور والتكييف والرادياتير والبطارية و ... ، إنما المقصود إن الفروق بين ورا وقدام بتبقا أقل من الفروق فى الأمامى (عشان آلات الجر كلها اتشالت من قدام وباقت ورا + الوضع الطولى للموتور بيخلى الفتيس تقريباً فى نص العربية) وطبعاً دى ميزة إن الإختلاف يبقا أقل وعلى حد علمى الشركة الوحيدة اللى بتحرص على ده جداً هى بى إم دبليو ودايماً يقولوا فى الدعايا بتاعتهم إنهم محققين نسبة 50% ل 50% لتوزيع الوزن بين قدام وورا عشان ده بيعزز الثبات ، فأكيد هم مش صارفين أبحاث وتصميمات وبيفتخروا بنقطة مش ذات أهمية

اكتب على جوجل BMW 50:50 weight distribution واتفرج على الشغل العالى بتاع الشركات الكبيرة

وتقبل تحياتى

[Horsepower]

هو الإستنتاج مبنى على فرضية مش مظبوطة - أثناء التسارع وزن العربية بيترمى لورا مش لقدام حتى إنك بتلاحظ إن بوز العربية بيترفع شوية مش كدة ، إنما الوزن بيزيد قدام فى حالة الفرامل مش التسارع وبتلاقى بوز العربية بينزل لتحت كأن حد دايس عليه أو كأنك حطيت عليه وزن تقيل

فى حاجة تانية ودى للتوضيح بس إن التوزيع فى الخلفى مش متساوى قدام زى ورا فى كل العربيات ، صعب أوى يكون كدة لأن هتجيب منين وزن فى الخلف يساوى وزن الموتور والتكييف والرادياتير والبطارية و ... ، إنما المقصود إن الفروق بين ورا وقدام بتبقا أقل من الفروق فى الأمامى (عشان آلات الجر كلها اتشالت من قدام وباقت ورا + الوضع الطولى للموتور بيخلى الفتيس تقريباً فى نص العربية) وطبعاً دى ميزة إن الإختلاف يبقا أقل وعلى حد علمى الشركة الوحيدة اللى بتحرص على ده جداً هى بى إم دبليو ودايماً يقولوا فى الدعايا بتاعتهم إنهم محققين نسبة 50% ل 50% لتوزيع الوزن بين قدام وورا عشان ده بيعزز الثبات ، فأكيد هم مش صارفين أبحاث وتصميمات وبيفتخروا بنقطة مش ذات أهمية

اكتب على جوجل bmw 50:50 weight distribution واتفرج على الشغل العالى بتاع الشركات الكبيرة

وتقبل تحياتى

صحيح أنا عكست إتجاه رمي الوزن أثناء التسارع بس برضو الفرض سليم لأنه مبني على إن وزن الجزء الأمامي للسيارة أكبر بكتير عن الخلفي (في الدفع الأمامي).
و على أي حال أنا رأيي إن كل نظام ليه مميزاته و عيوبه و على حسب متطلبات كل واحد أثناء القيادة:

مميزات الدفع الأمامي:

• يوفر مساحة داخل السيارة أكبر من الخلفي.
• الوزن الكلي للسيارة أخف عن الخلفي.
• أقل في تكلفة التصنيع عن الخلفي.
• كفاءة نظام الدفع أفضل نظرا لصغر نسبة إهدار العزم الخارج من المحرك في الأمامي عن الخلفي.
• وجود مركز الثقل بالأمام يحسن أداء الجر عن الخلفي.
• الأفضل في المناورات السريعة عن الخلفي على الإطلاق (الغُرَز).

عيوب الدفع الأمامي:

• أقل عزم أثناء الإتجاه يمين أو يسار أثناء التسارع عن دفع الخلفي.
• حجم المحرك مقيد عن الخلفي (محركات صغيرة).
• عزم الجر أقل عند تسلق منحدرات زلقة عن الخلفي.

مميزات الدفع الخلفي:

• أفضل توزيع لوزن السيارة عن الأمامي.
• أفضل قدرة على توجيه السيارة في المنعطفات عن الأمامي.
• أفضل أداء للفرامل من الأمامي (في حالة عدم وجود abs & ebd).
• يمكن إستيعاب محركات أكبر عن الأمامي.

عيوب الدفع الخلفي:

• المساحة الداخلية للسيارة أقل عن الأمامي.
• أضعف أداءاً عن الأمامي على الطرق الزلقة و الرمال.
• الوزن الكلي للسيارة أكبر عن الأمامي.
• إرتفاع تكلفة السيارة عن الأمامي.
• نسبة أكبر من عزم المحرك تهدر في الخلفي عن الأمامي.

و شكراً...
أحمد سامي