سيارة أوروبية ام أمريكية أم يابانية

[ENG.MaRk]

كان امامى العربيتين واخترت الباسات عشان اوسع سنة ومريحة اكتر و سواقتى هادية ومشويرى مش كتير والتبترونيك بتاعها ممتع وطالما انت ماشى تيبترونيك فى السواقة البطيئة داخا المدن ودة بيطول عمر الفتيس الى الكﻻم الكتير علية هز نسبة انتشار العربية فى مصر . والفرنسيين بيقولو فى المقارنة بين السيارتين الفخامة الفرنسية فى مواجهة التكنولوجيا اﻻلمانية.. العربيات الفرنساوى ميكانيكتها صعبة برة التوكيل وقطع غيارها اتوقع انها اغلى من اﻻلمانى بس مش متأكد من دى ..البيجو ممكن تحصلها مشاكل للكونتروﻻت ووحدة الكمببوتر فى الحر الشديد بس الموديل دة بالذات ثابت نفسة والشكل الجديد منة فخم.. الباسات سوقها رائج فى اوروبا بالرغم من انك ممكن تحتاج تغير وحدة ميكاترونيكس اول 30 الف كيلو لكن الضمان بيغطيها ولو احتجت تغير حاجة وانت خارج الضمان هتﻻقى قطع غيارها اﻻصلية فى مصر الجديدة ش دمشق وبعدين لما تفتح الكبود بتﻻقى اﻻجزاء الميكانيكية بعيدة عن بعضها وسهل التعامل معاه انا لما جبتها كان عن قناعة ان الفرنسيين مش اذكى من اﻻلمان دة غير ان زمايلى من الفرنسيين فى الشغل بيقولولى وش كدة احنا بنركب اﻻلمانى ونفضلة على الفرنسى وعلى فكرة البيجو ملهاش تواجد ملموس فى فرنسا ومستحيل تﻻقى متﻻ البيجوا 301 بتجرى فشوارع هناك بس احنا هنا فى مصر لنا مقاييس تانية غير الى العالم ماشى بيها ولك حرية اﻻختيار بينن ما اقتنع بة غالبية المصريين وما اقتنع بة غالبية اﻻوروبيين..بقى نقطة اخيرة وهى ان الباسات الموجودة فى مصر جاية من مصنع المانيا وضمانها 3 سنوات او 100 الف كم بينما الموجودة فى دول الخليج جاية من مصنع امريكا فوانيسها الخلفية شكلها مش جذاب زى مصنع المانيا كما انها اقل فى بعض التجهيزات التكنولوجية زى الريموت الذكى وفرامل اليد اﻻلكترونية وضمانها 3 سنوات او 35 الف كم فقط

أنا عايش معظم حياتي برة مصر و مش بأنزل مصر كتير غير لظروف خارجة عن إرادتي و عارف كل الكلام ده بس أنا حبيت أبقي في الsafe side لأن المبلغ اللي هيتغير بيه وحدة الميكاترونيك مش قليل و كمان لقيت كل ملاك ال508 بيشكروا فيها و مع ذلك أنا مقتنع اقتناع تام إن ال508 تتميز عن الباسات في مصر و أضف لمعلوماتك إن الdominant في فرنسا هو رينو و سيتروين ... عموماً أحييك علي اختيارك و ربنا يديك خيرها و يكفيك شرها ... الطريقة اللي انت بتسوق بيها الDSG هي الأنسب و أنا كنت كاتب في موضوع قبل كدة تركيبه و أحسن طريقة يتساق بيها لو حابب تزود معلوماتك عن الفتيس الجبار ده دوَر في المواضيع الrelated للDSG ... تحياتي :)

[Fawzy.Abdelnour]

هل عند حضرتك فكرة فى المازدا خلوص ارتفاعها عن الارض كام تقريبا, الكورولا ممتازة بس ارتفاعها قليل و بتحك , ثانيا مازدا اعتقد يابانى 100% و التيوتوتا تركى و جنوب افريقى فعلا قد تكون خيار جيد

المازدا ياباني ياباني
ارتفاعها 16.5 سم.

[Mecha]

هشتري ياباني حتي لو معايا مليارات,اي ياباني ,راحة بال واعتماديه ومش هتغدر بيك .ومصاريفها معقوله فلاتر وزيت وتيل ودمتم ,حساسات وكهارب توب التوب .بعد الياباني اركب مريكاني شديد ومتين واعتمادي , الاوروبي زبله ملوش عهد ,كهارب وحساسات عره ,اعطال بالجمله مصممينها شوية عيال هُطل بتوع فساتين,عاوزه متخصص يشتغل فيها وتجر الوكيل وراك لو عبرك اصلا .الاوروبي عربيات للفشخره والمنجهة لكن تحميل يومي ولا تسوي قشرة ياباني .الفيصل الطريق واسواق العالم

[MaZaGAngeE]

بصفة عامة…
الاوروبي عيوبه… صيانه مكلفة ، تكنولوجيا معقدة ، مفيش صنايعية يفهموا فيه ..
مميزاته ، مواصفات قياسية عالية ، تغيير ابموديلات بيكون علي فترة من 7 الي 10 سنوات..

الامريكي عيوبه حجم ضخم ، استهلاك بنزين عالي جدا ..
مميزاته ، فخامه ، الصيانة متوسطة التكاليف .. عملي .
الياباني عيوبه حجم متوسط الي صغير ، الشكل بيتغير كل 4 سنوات في الغالب ..
مميزاته ،الصيانه رخيصة ، الورش كتير بتشتغل فيه ، عملي جدا ..


لو معايا فلوس كويسة هشتري امريكي جي ام سي او دودج .. او هروح للياباني و مازدا 6 او سي اكس 9 بالتحديد .. لكن اوروبي مش وارد ابدا ليا ..

[Mecha]

بصفة عامة…
الاوروبي عيوبه… صيانه مكلفة ، تكنولوجيا معقدة ، مفيش صنايعية يفهموا فيه ..
مميزاته ، مواصفات قياسية عالية ، تغيير ابموديلات بيكون علي فترة من 7 الي 10 سنوات..

الامريكي عيوبه حجم ضخم ، استهلاك بنزين عالي جدا ..
مميزاته ، فخامه ، الصيانة متوسطة التكاليف .. عملي .
الياباني عيوبه حجم متوسط الي صغير ، الشكل بيتغير كل 4 سنوات في الغالب ..
مميزاته ،الصيانه رخيصة ، الورش كتير بتشتغل فيه ، عملي جدا ..


لو معايا فلوس كويسة هشتري امريكي جي ام سي او دودج .. او هروح للياباني و مازدا 6 او سي اكس 9 بالتحديد .. لكن اوروبي مش وارد ابدا ليا ..

اباشا ,هو ليه مشاركتك دي ديما تبان انها حديثه كل يوم ,رغم انها اتكتبت 16/5 ,وشكرا

[M!SHO]

عشان ده استطلاع

[MaZaGAngeE]

اباشا ,هو ليه مشاركتك دي ديما تبان انها حديثه كل يوم ,رغم انها اتكتبت 16/5 ,وشكرا

معنديش فكرة الصراحه…
انت لاحظت كده معايا انا بس ولا مع اعضاء تانيين ?
هل السبب اني بفتح المنتدي من موبايل ?

[ahmed_eng2001]

معنديش فكرة الصراحه…
انت لاحظت كده معايا انا بس ولا مع اعضاء تانيين ?
هل السبب اني بفتح المنتدي من موبايل ?

على حسب علمى ..... لو احد الاعضاء اختار مشارك فى الموضوع او اختار احد اختيارات الاستطلاع ... بيبان و كأنه عمل مشاركة فى الموضوع

[Mecha]

على حسب علمى ..... لو احد الاعضاء اختار مشارك فى الموضوع او اختار احد اختيارات الاستطلاع ... بيبان و كأنه عمل مشاركة فى الموضوع

بردك المشاركه دي مسجله امس 12: 50 am داخل الموضوع ,لكن في قايمة مواضيع مشترك بها مسجله اليوم 12 : 43 am وهي اخر مشاركه ,كان حصل تحديث للمشاركة بدون اي اضافه وشكرا

[ahmed_eng2001]

فيه فى قائمة ادوات الموضوع .. اشتراك فى هذا الموضوع .. حيفتح لك قائمة تختار منها انك مشارك فى الموضوع ... ده بيعمل تحديث لأخر مشاركة بالرغم من انها مشاركة قديمة

[Mecha]

مشاهدة صفحة طباعة الموضوع مشاهدة صفحة طباعة الموضوع
أرسل هذا الموضوع إلى صديق أرسل هذا الموضوع إلى صديق
الاشتراك إلغاء اشتراكك من هذا الموضوع

دول اللي بيظهروا عندي لما افتح ادوات الموضوع ,مفهمش تحديث للاشتراك

[M!SHO]

يا جماعه اي حد بيشارك في اختيارات الاستطلاع بدون حتى ما يعمل مشاركه الموضوع بيترفع

معتقدش خالص لو اخترت مشاركه في الموضوع ممكن يترفع الا لو حصل مشاركه سواء ببوست او اختيار في الاستطلاع

[atshe]

برده ماهما قلت سؤالك عام انت تقصد اى امريكى الشيفروليه ولا الدودج لان فرق السما والارض
الاوروبى قصدك المانى ده فى جنب لوحده ولا فرنسى تختلف فرق السما والارض
اليابانى لا خلاف عليه اليابان مبتعملش حاجه وحشه

[arc_sherif_81]

الأوروبي

[MOMOOOOO9]

لو فى فلوس يبقى الامريكانى طبعا فكر كدة فى كاديلاك cts ولا انفنتى g37 ولا حتى فورد كراون فكتوريا ننزل بقى للواقع المصرى فى مصر يابانى رقم واحد معلش يعنى قطع غيار و اعتمادية و جرى برضة و حمالة اسية و متوقفكس على الطريق ان شاء الله اما بقى الالمانى مش كل الالمانى معلش يعنى يعنى مثلا حتة بورش كدة تضرب الى فات دة كلة حتة x6 يالطيف اللطف يارب .......... ياسلام بقى لو تكون من اصحاب الزوق العالى ولاد الناس volvo xc60 لا لا لا انا مش قادر اكمل .........