سوزوكي سياز ولا جين 2 ولا ستروين سي اليزيه

[شادي بدر]

دلوقتي حيرتي قلت شوية من 4 عربيات بقوا 3 :d
سوزوكي سياز
ستروين سي اليزيه
جين2

مين أفضل من حيث قطع الغيار والتوكيييييييييييل
اكتر واحده مايل ليها السياز ... بس خايف من انها لسه اول سنة

ياريت الناس تشاكني رأيها ولو حد يقدر يفيدني عن تجربة ياريت يفيدني ويوضحلي وجهة نظرة

[شادي بدر]

الناس فين يا جماعة ... هي المقارنة غريبة أوي للدرجة :d

[hanyyacot]

غالبا محدش جرب التلاتة لسه , اللى متجربة اكتر ومعروفة وانتشارها كويس هى الجين 2 , عربية ثباتها وسحبها ممتازين , عفشة محترمة اوى وتكييف كويس وحجم معقول , اعتقد شيل السيتروين من الموضوع لقلة انتشارها اللى هايخليك تتعب فى قطع الغيار كمان توكيل ضعيف او مش مهتم بيها ( عز العرب هو نفس توكيل بروتون ولكن البروتون منتشر كتير من فترة كبيرة ف هتلاقى مراكز صيانه معتمدة وناس كتير شغالين فى قطع غيارها عكس السيتروين ) , السياز عربية شكله كويس ونظريا امكانيات كويسة , ولكن لسه ماتجربتش و الخوف انها تكرر نفس تجربة ال بيجو 301 اللى اول ما ظهرت اتقال فيها شعر بس بعد كده ابتدت تظهر عيوبها , اعتقد الاختيار قدامك دلوقتى لو عندك استعداد تغامر شوية يبقى هات السياز , لو عايز تدخل فى حاجة مضمونة ومعروف اولها من اخرها وادائها كويس جدا يبقى هات الجين 2 . دى وجهة نظرى الشخصية و ربنا يوفقك

[salam100100]

دلوقتي حيرتي قلت شوية من 4 عربيات بقوا 3 :d
سوزوكي سياز
ستروين سي اليزيه
جين2

مين أفضل من حيث قطع الغيار والتوكيييييييييييل
اكتر واحده مايل ليها السياز ... بس خايف من انها لسه اول سنة

ياريت الناس تشاكني رأيها ولو حد يقدر يفيدني عن تجربة ياريت يفيدني ويوضحلي وجهة نظرة

فعلا حيره
انا معنديش خلفيه عن ال3 عربيات دول
لكن لو جينا لاعاده البيع ما بين (اليبانى- الفرنساوى- الماليزى)
اليبانى يكسب (دا توقعى بخبرتى المحدوده مع العلم السياز زى محضرتك قلت لسه متجربتش)

حاجه على جمب: ال 301 هيا هيا ستروين سي اليزيه ولو خيرونى بينهم هجيب الاكثر انتشارا اى ال 301

بالتوفيق

[amr011111]

بالنسبه للتلات عربيات فشيل السيتروين من المقارنه لانها نادرة الوجود رغم انها سياره كويسه
بالنسبه للسياز والجين تو فالسياز اوسع

[ENG.MaRk]

ciaz is better

[mif]

بص السيتروين بشهادة الاوروبيين ان الفرنساوى كله هو الاقل في الاعتمادية و الاكثر في ظهور الاعطال مع الاستهلاك البسيط ..... سيارة اكثر من رائعة لكن مش لمصر

اما جين2 لو انت حاببها اتكل على الله رغم ان التوكيل بتاعها عمل مشاكل كتير جدا مع ملاكها غير ان سوقها سيئ و بتخسر فى اعادة البيع و من وجهة نظري انها غير عملية .... توكيل حبيع و يشتري فيك من هنا للسنة اللى جاية

سياز مازالت جديدة بالسوق و مش يابانى و لكنها هندى 100% و دا لا يعيبها و لكن اعتقد ان الفتيس ال cvt بتاعها بيشتكي منه ملاكها من الهنود نفسهم وللاسف توكيلها (مودرن موتوورز ) صاحب اشهر قضية استخدام قطع غيار مضروبة على اساس انها اصلي .... هو نفسه توكيل نيسان صني اللى باع الاف من السيارات التى يعيبها الفرامل تخيل ....توكيل نصاب طبعا


الافضل فى الثلاثة هى السياز

[scientist9508]

بسم الله الرحمن الرحيم

اخى الفاضل

الاقوى محرك الجين 2 و كذلك هى اقوى صاج

الاجمل و الافخم و الاكثر رفاهية و امتاع فى استخدامها داخل و خارج المدينه هى السياز و هى كذلك الاوفر فى استهلاك الوقود

تببى نقطه وحيده لو ثبتت و تاكد الجميع من وجودها لفازت السياز بجداره. . . . . . . . وهى الثبات هى السرعات العاليه. . . . . وعلى الرغم من انتشارها الا انه حتى الان لم يثبت هذه الفرضيه اى من مستخدميها.

لا اكذبك حديثاً فان الامر جد محير. . . . . . . انا تفسى واقع فى هذه الحيره منذ وقت طويل و حتى هذه اللحظه غير قادر على تنفيذ قرار الشرا. . . . . . .. .وخاصة ان وكيلين السيارتين (السياز و الجين 2) يتنافسان فى الفشل و السمعه الغير طيىه. كلاهما يتساوى عند مقارنة الوكلا.

استخر الله و دعه يتولى امرك

هداك الله لارشد امرك و اقومه

السلام عليكم و رحمة الله و بركاته

[scientist9508]

بسم الله الرحمن الرحيم

اخى الفاضل

1 - الاقوى محرك الجين 2 و كذلك هى اقوى صاج

2 - الاجمل و الافخم و الاكثر رفاهية و امتاع فى استخدامها داخل و خارج المدينه هى السياز و هى كذلك الاوفر فى استهلاك الوقود

3 - تبقى نقطه وحيده لو ثبتت و تاكد الجميع من وجودها لفازت السياز بجداره. . . . . . . . وهى الثبات هى السرعات العاليه. . . . . وعلى الرغم من انتشارها الا انه حتى الان لم يثبت هذه الفرضيه اى من مستخدميها.

4 - لا اكذبك حديثاً فان الامر جد محير. . . . . . . انا تفسى واقع فى هذه الحيره منذ وقت طويل و حتى هذه اللحظه غير قادر على تنفيذ قرار الشرا. . . . . . .. .وخاصة ان وكيلين السيارتين (السياز و الجين 2) يتنافسان فى الفشل و السمعه الغير طيىه. كلاهما يتساوى عند مقارنة الوكلا.

استخر الله و دعه يتولى امرك

هداك الله لارشد امرك و اقومه

السلام عليكم و رحمة الله و بركاته

[skoda1996]

ciaz

[شادي بدر]

طيب لو بقارن بين سوزوكي سياز و رينو لوجان

[amr011111]

طيب لو بقارن بين سوزوكي سياز و رينو لوجان

السياز فئه اعلى من اللوجان. اللوجان ان معليهاش جمارك فيبقى سعرها اقل من كده وهى عربيه محترمه جداً وواسعه بس السياز فئه واللوجان فئه

السياز تقدر تحطها فى فئه السيراتو الشكل القديم والتيدا الشكل القديم والاوبترا الشكل القديم

[swimmer25]

رأيي الأفضل الجين 2 بس أكيد إستهلاك بنزين أعلى شوية... لو أهم ليك إستهلاك البنزين يبقى خليك في السياز
وممكن تقارن باللوجان أو السانديرو كمان موتورهم أقوى من السياز وأسمع إن توكيلهم كويس وأعتقد إستهلاك كويس للبنزين

[rehab ateia]

السلام عليكم استاذ شادي
ممكن حضرتك تفيدني انت اشتريت ايه جين 2 ولا سياز ؟
وايه رأيك في العربيه اللي اشتريتها ؟
عشان انا دلوقتي واقعه في نفس الحيره ومش عارفه اشتري ايه
وشكرا ليك

[emadharon]

طيب ما تتوكل علي الله وهات اكسنت ار بي
شكلها حلو ودي ازواق قطع غيار متوفره ومش غاليه توكيل يعني كويس
اوبشن كتير ورفاهيه وعربيه كوري تقفيل بره وعن تجربه زي الفل
التلاته اللي قلت عليهم عيوبهم في قطع الغيار وعدم الانتشار وتوكيل اي كلام يبقي بلاش مغامره
وربنا يوفقك لما فيه الخير