سوزوكي سياز ولا جين 2 ولا ستروين سي اليزيه

[eng.m7md.ali]

طيب ما تتوكل علي الله وهات اكسنت ار بي
شكلها حلو ودي ازواق قطع غيار متوفره ومش غاليه توكيل يعني كويس
اوبشن كتير ورفاهيه وعربيه كوري تقفيل بره وعن تجربه زي الفل
التلاته اللي قلت عليهم عيوبهم في قطع الغيار وعدم الانتشار وتوكيل اي كلام يبقي بلاش مغامره
وربنا يوفقك لما فيه الخير

احنا عندنا اعتقاد خاطئ كمصريين ... اي عربية كوري يعني حاجتها وقطع غيارها رخصية ومتوفرة هيا فعلاً متوفرة بس مش رخيصة خالص بالنسبة للفيرنا والنوبيرا .. مثال البيكانتو .. حاجتها غالية جداً معرفش ليه مابالك بالاكسنت .. مابالك بالالنترا والسيراتو وهكذا

[sonah4ever]

توكيل الجين ٢ و السترون عز العرب افشل توكيل فى مصر و ينافسه فى السوء توكيل السوزوكى
يبقى الفيصل المقارنة بين السيارتين و استبعد السيتروين لندرتها
الافضل دون شك السياز فى الشكل الجديد وفى عدة مميزات
١- وسع الصالون و خاماته الافضل بكثير من الجين ٢
و٢- شنطة اكبر
٣- تكييف اوتو و فتحات خلفية
٤- تدوير السيارة بدون مفتاح
٥- جنوط سبور
٦- نظام ايموبليزر و بصمة
٧- عوامل امان ٢ايرباج و فرامل ايه بى اس و ايه بى دى
٨- اشارات بالمرايات و ضم
٩ -موتور افضل ١٤٠٠ موفر للبنزين و قوته٩٦ حصان بتكنولوجيا يابانى ، موتور الجين ٢ ماليزى صوته عالى جدا و غير معمر

[Curva Nord]

بص انا كنت محتار وكنت هجيب التوليدو وعملت طلب تيست دريف بس ملقيتهاش والحمدلله ..
رحت للتلاتة دول وكان معايا اوبشنز زيادة..
منهم السيتروين سى اليزيه الافضل واشتريتها ومفيهاش اى مشاكل..
عفشة ممتازة وكان معايا سبورتاج قبلها واقول عفشتها تضربها بالجزمة..
تكييف محترم تسارع ممتاز قطع غيارها ارخص من الشارك ..
الوكيل السىء سمة فى كله مع كده فيه مركز امير وجوزيف متخصص للسيتروين معتمد من الوكيل ..
تكييف ممتاز هو تكييف يابانى نوعه denso..
abs و ebd ولو كان فيها esp كانت بقت عربية متكاملة ..
اشهر مشكلة هى تاخر لحظى للسحب مع تشغيل التكييف باقصى قوة ..
لكن هتتحل وغالبا مش هتفرق قوى ..
العيب التانى هو فتيس 4 غيارات بس موفر اكتر فى البنزين ..

السياز طلعتها من الحسبة مع انها خيار جيد لكن 1400 موتور اقل من الاليزيه كثيرا" وتقفيل هندى اقل جودة من الاسبانى ..
وفى الامان الاوربى يكسب حتى فى اختبارات الامان..

جين 2 موتور مميز لكن شكل ورفاهية اقل من الاليزيه وايضا فقيرة من الداخل ..

بالنسبة لى اليزيه جودة مقابل سعر فوق المناسب ..