عربية في حدود 170 - 180 الف

[PORSCHE-Z]

السلام عليكم و رحمة الله و بركاته

كنت عايز يا جماعه مساعدتكم في اختيار سيارة تنفع لشاب
و محتار بين سيات ليون و فورد فيستا و ميجان بلاي و شارك أو استنى الكروز الجديده
المطلوب من العربيه تكون تسارع ممتاز و ثبات ممتاز كماليات تكون حلوه و تقفيل نضيف و يكون وسعها معقول و الأهم هي وسائل الأمان فياريت تساعدوني في الموضوع ده :d

[scientist9508]

كل ما تطلبه متوافر فى السوبارو امبريزا

[PORSCHE-Z]

ﻷ بلاش السوبارو لأن شكلها مش عاجبني ده غير أن تشكيلها نايم على نفسه

[PORSCHE-Z]

كمان يا جماعه ياريت حجم العربيه من بره يكون صغير شويه لأنكم عارفين غباء الساقين بتوع التاكسي

[Adnfalcon]

أحلاهم البلاي .. جميله ما شاء الله

[M!SHO]

ابعد عن الليون والفيستا عشان الفتيس

استبعد الشارك ، بقيت مشمومه الصراحه و ١٥٠ فئه والمعارض بتلعب فيها

قدامك الميجان والتيدا والمازدا اول فئه

[Omar Mahmoud]

ميجان

[ENG.MaRk]

ميجان بلاي

[PORSCHE-Z]

طيب الميجان ثباتها عامل ايه و تسارعها

[mario maged]

ميجان بلاي

[PORSCHE-Z]

طيب يا جماعه هل الميجان أفضل من الليون و ال فييستا في حاجه غير الفتيس ؟

[PORSCHE-Z]

Up up up up

[mhmdabdo]

السلام عليكم
لازم حضرتك تحدد ايه المقصود بالتسارع وغالبا بيكون عربيات مش منتشره وقطع غيارها غاليه
مثلا 320 بي ام -280 مرسيدس- جولف -308 بيجو دي عربيات تسارع ممتاز بس حضرتك خايف من التاكسي يعني حضرتك بتسوق في الزحمه يبقا كل العربيات بعد كده معقوله سواء سيفيك او الشارك او سيراتو او كورولا او ميجان اللي حيفرق هو راحتك للعربيه ولو عاوز اعاده بيع جيده وانتشارك اكتر

[PORSCHE-Z]

يا باشا احنا عندنا سيراتو 2015 وكان ممكن اني اخدها بس هي مش عاجباني ف والدي أن شاء الله مع إجازة العيد هيجيبلي عربية.
بس فعلا انت عندك حق ﻷن غالبا مش هحتاج التسارع في المدينه بسبب الزحمه بس معلش ياريت تقولي ايه أثبت عربية في الفئه دي و ايه احسن عربية من ناحية الكماليات و ايه انشف عربيه في الصاج و أخيرا تكون شبابي

[PORSCHE-Z]

مع العلم اني احتمال أسافر كتير الفتره الجايه