عربية في حدود 170 - 180 الف

[PORSCHE-Z]

معلش يا رجاله عارف اني تعبتكم بس آخر كلام الشارك ولا الميجان بلاي ؟

[Adnfalcon]

معلش يا رجاله عارف اني تعبتكم بس آخر كلام الشارك ولا الميجان بلاي ؟

اركب ال 2 واللي تعجبك اشتريها

[PORSCHE-Z]

أوك

[meka1990]

ثباتها ممتاز بحكم سواقتي للفلوانس اللي الميجان المفروض تبقي اثبت منها كمان عشان هاتشباك لحد 170 مفيش اي مشاكل و المشكله في التسارع لحد 60 دي ناس شايفاها مشله لكن بعد كده بتفتح جامد اوي وابشنز تمام و الوسع من جوه و التقفيل و توكيل محترم و فرامل خرافيه يعني من الاخر كل اللي انت طالبوا معادا التسارع علي سرعات قليله

[PORSCHE-Z]

ثباتها ممتاز بحكم سواقتي للفلوانس اللي الميجان المفروض تبقي اثبت منها كمان عشان هاتشباك لحد 170 مفيش اي مشاكل و المشكله في التسارع لحد 60 دي ناس شايفاها مشله لكن بعد كده بتفتح جامد اوي وابشنز تمام و الوسع من جوه و التقفيل و توكيل محترم و فرامل خرافيه يعني من الاخر كل اللي انت طالبوا معادا التسارع علي سرعات قليله

كده تمام أوي توكلنا على الله
ألف شكر يا باشا

[tarek zedan]

راى مختلف عنك وعن كل الناس بس صدقنى
اركب تويوتا كرورلا وهتدعيلى
اخوك طارق علفكرة انا راكب bmw
وبقولك اركب تويوتا اقسملك هتدعيلى على اختيارى طول مانت ركبها
مميزات
شكل حديث شيك جدا
١٦٠٠ سى سى
اعادة بيع محترمه جدا
شكل خارجى وداخى ممتاز
توكيل تويوتا محترم فى اى مكان
قطع غيار متوفرة اقسملك هتدعيلى

[PORSCHE-Z]

طيب أنا عايز أعرف ثباتها عامل ايه

[meka1990]

الكورولا ممتازه مفيش كلام بس عشان تاخد شويه كماليات هيبقي سعرها 200 الف البلاي ارخص باكثر من 30 الف و فيها كماليات اعلي و شبابي اكثر

[PORSCHE-Z]

إنها الحيرة الفشيخة
كده لازم أركب الاتنين

[M_HaFeZ]

ابعد عن الليون والفيستا عشان الفتيس

استبعد الشارك ، بقيت مشمومه الصراحه و ١٥٠ فئه والمعارض بتلعب فيها

قدامك الميجان والتيدا والمازدا اول فئه

التيدا حرام والله تتقارن مع العربيات دى .... عربية اقل منهم كتير
المازدا 3 كل اللى جربها انبهر بيها

[can_be]

بوص يا باش على بيجو 2008

على فكره انا فى نفس الحيره بتاعتك تقريبا

انا نفسى فى فتحه سقف جدا فا الشارك هاى لاين فيها ولما شوفت 2008 اول فئه عجبتنى جدا ومفهاش فتحه ومن يومها وانا مش عارف اخد قرار عقلى مختار الشارك وقلبى نفسو فى 2008

[PORSCHE-Z]

فعلا ال 2008 عاجباني بس قلقان من قلة انتشارها في الشوارع

[can_be]

على فكره ابتديت تنتشر كتير وبعدين قطع غيارها اسعارها عاديه مش غاليه انا روحت التوكيل وخد ورقه باسعار قطع الغيار انا عايز اقولك انا معايا بوما البوجيهات والفلاتر عندى اغلى منها بى 20 جنيه تقريبا

[can_be]

انا بس الى موقفنى عنها انها من غير فتحه والى موقفنى عن الشارك ان انا معايا بوما فمش عارف ححس بتغير ولا لا

[PORSCHE-Z]

طيب ثباتها عامل ايه و سحبها كمان