بقطع 126 كيلو في اليوم.. إنصحوني بنوع سيارة جديدة

[هشام1984]

أنا عارف ان ناس كتير بتدخل تسأل نفس السؤال بس هحاول أكون دقيق في ذكر المعلومات الخاصة بظروفي للتسهيل والدقة .. أريد شراء سيارة جديدة في حدود ال 100 ألف جنيه ..

أنا أقطع كل يوم اكثر من 126 كيلو من وإلى العمل (من الشروق للمعادي)ومعرضة للزيادة في المستقبل القريب فمجموع ما أقطعة شهرياً = 3000 كيلومتر بجميع احتياجاتي ... يعني أي سيارة جديدة ستكمل معي 100 ألف كيلومتر في أقل من 3 سنوات بهذا المعدل وهذا سيأخذ من عمرها وسعرها ...

(لذا, فأنا أبحث عن الآتي بالتفصيل):

1- سيارة جديدة عالزيرو في حدود سعر ال100 ألف جنيه

2- قطع غيارها معقولة السعر لأنها ستهلك مني سريعاً بهذا المعدل اليومي

3- تكون مستقرة على الأرض ومش خفيفة لأن مشواري اليومي خطر وكله طرق سريعة ومفتوحة ومعرضة للمفاجآت ( مش مهم قوة السحب أوي طالما السيارة عفشتها راسية على الأرض وهذا مهم بالنسبة لتعرضي لحادث بسبب تعويم في السيارة من قبل على الطريق الدائري)

4- مش مهم أوتوماتيك أو نقل يدوي لأن طريقي مفتوح وساير ولا أشعر بمأساة الناقل اليدوي كمن يقود داخل المدنية في الزحام.

5- لها سوق جيد في المستعمل لأن بعد مرور 3 سنوات أو 5 بالكثير ستكون السيارة قد اهلكت على الطريق وقد أحتاج لتغييرها.

6- مش مهم الشكل المهم الإعتمادية.

7- بلاش مستعمل.


أفيدوني أفادكم الله .....

ملحوظة (كنت أخطط للسيارة الرينو لوجان ولكن العديد يحذرونني من ان اللوجان الجديدة ليست كالقديمة وكمان من انها سيارة تنفع أكثر لداخل المدن منها على الطرق الطويلة, لا أعلم مدى دقة هذه المعلومة لو تستطيعون تأكيدها)

[hesham fawzy h]

هتلك فيرنا و ريح نفسك

بس متمشيش بسرعة

او تجبلك برسونا او جين 2 و هتزود حوالى 12 الف فى مقابل الثبات .. و سعر اعادة بيع مش اوى

[abou-yahia]

لو مفيش اسره او الارسه صغيره

هيه عربيه واحده اللي من وجهه نظري تحقق لك اللي انت بتطلبه

فيات بونتو

مفيش عربيه بالسعر ده بالامكانيات ديه وعوامل الامان اللي فيها

موفره جدا في البنزين

ثبات محترم فرامل ممتازه تكييف مرضي

بالتوفيق في الاختيار

[ahmedalaahosny]

نيسان صنى الشكل القديم ممكن تجيبها كسر زيرو هتبقى ارخص من الزيرو ونفس الحاله لو مش حابب الفكره شوف معرض يكون لسا عنده الشكل القديم زيرو بس هتزيد حوالى 15 الف كمان
كمان ممكن اوبترا الشكل القديم كسر زيرو
لو حابب تبص على المستعمل شوف كدا كورولا بالتمن ده العربيه دى تقريبا مابتخسرش قرش ف البيع او لانسر

[hesham fawzy h]

لو مفيش اسره او الارسه صغيره

هيه عربيه واحده اللي من وجهه نظري تحقق لك اللي انت بتطلبه

فيات بونتو

مفيش عربيه بالسعر ده بالامكانيات ديه وعوامل الامان اللي فيها

موفره جدا في البنزين

ثبات محترم فرامل ممتازه تكييف مرضي

بالتوفيق في الاختيار

هل البونتو الاوتو فيها مشاكل فى الفتيس ؟

[hesham fawzy h]

نيسان صنى الشكل القديم ممكن تجيبها كسر زيرو هتبقى ارخص من الزيرو ونفس الحاله لو مش حابب الفكره شوف معرض يكون لسا عنده الشكل القديم زيرو بس هتزيد حوالى 15 الف كمان
كمان ممكن اوبترا الشكل القديم كسر زيرو
لو حابب تبص على المستعمل شوف كدا كورولا بالتمن ده العربيه دى تقريبا مابتخسرش قرش ف البيع او لانسر

التويوتا قطع غيارها مولعة

[ahmedalaahosny]

التويوتا قطع غيارها مولعة

بس ف مصر صفقه رابحه جدا ف اعاده البيع حتى بعد الكيلو متر العالى
وبعدين كعربيه يابانى مع شويه اهتمام مش هبيان علىيها التعب اللى ممكن يظهر على الكورى بعد سنتين تلاته
اه قطع غيارها غاليه شويه بس اكيد معمره اكتر فيما عدا القطع الاستهلاكيه من سيور وخلافه

[sfahmy6]

لا اجروء أن أنصح حضرتك بشئ لم اجربه من قبل ......من قال لا أعلم فقد أفتى
ولكن اعرض على حضرتك اقتراح


السوزوكى السياز. .....124.400 جندى حجز واستلام المفروض بعدها ب 3 4 شهور ولكن اللى بيحصل ايه الله أعلم
والاوفر برايس بتاعها وصل لارقام كبيرة. ....بس انا ضد الاوفر برايس تماما

2- قطع غيارها معقولة السعر لأنها ستهلك مني سريعاً بهذا المعدل اليومي

عربية لسه جديدة مش مجربة بس ممكن تدخل على الجروب بتاعهم وتأخذ فكرة



3- تكون مستقرة على الأرض ومش خفيفة لأن مشواري اليومي خطر وكله طرق سريعة ومفتوحة ومعرضة للمفاجآت ( مش مهم قوة السحب أوي طالما السيارة عفشتها راسية على الأرض وهذا مهم بالنسبة لتعرضي لحادث بسبب تعويم في السيارة من قبل على الطريق الدائري)

كنت هكلمك على الفيرنا. .....بس النقطة دى ضدها تماما

4- مش مهم أوتوماتيك أو نقل يدوي لأن طريقي مفتوح وساير ولا أشعر بمأساة الناقل اليدوي كمن يقود داخل المدنية في الزحام.

هيا أوتوماتيك .......وشكلك كده بتحب السحب والغرز


5- لها سوق جيد في المستعمل لأن بعد مرور 3 سنوات أو 5 بالكثير ستكون السيارة قد اهلكت على الطريق وقد أحتاج لتغييرها.


الله أعلم انت وحظك ممكن تبقى عربية لقطه فعلا وتنجح في السوق. .....بس الفيرنا سوقها حلو فعلا

أفيدوني أفادكم الله .....

ملحوظة (كنت أخطط للسيارة الرينو لوجان ولكن العديد يحذرونني من ان اللوجان الجديدة ليست كالقديمة وكمان من انها سيارة تنفع أكثر لداخل المدن منها على الطرق الطويلة, لا أعلم مدى دقة هذه المعلومة لو تستطيعون تأكيدها)

الرينو لوجان حلوه برضه مش وحشه


وأهم حاجة الاستخارة. ....وربنا يوفقك للخير

[ahmedalaahosny]

لا اجروء أن أنصح حضرتك بشئ لم اجربه من قبل ......من قال لا أعلم فقد أفتى
ولكن اعرض على حضرتك اقتراح


السوزوكى السياز. .....124.400 جندى حجز واستلام المفروض بعدها ب 3 4 شهور ولكن اللى بيحصل ايه الله أعلم
والاوفر برايس بتاعها وصل لارقام كبيرة. ....بس انا ضد الاوفر برايس تماما






الرينو لوجان حلوه برضه مش وحشه


وأهم حاجة الاستخارة. ....وربنا يوفقك للخير

بصراحه احييك فعلا على الاختيار ده بجد السياز عربيه فوق الممتاز كشكل ومضمون لكن يعيبها فقط قطع الغيار انك كده هتفضل مرتبط مع التوكيل فتره طويله لغايه ماربنا يفرجها وقطع غيارها نتنشر بره
وطبعا مع معدل الاهلاك العالى ده هيبقي خراب ديار
وبرده نقطه اعاده البيع لسا الله اعلم محدش عارف
اللوجان بس انا شايف ان ارتفاعها عن الارض وقاعده العجلات مش عريضه زى الصنى والاوبترا اعتقد ان ثباتها مش هيبقي مناسب لمشوار زى ده والله اعلم

[miam0502788391]

هو اقرب عربية زيرو للشروط اللى حضرتك ذكرتها الانسر الشارك
ثابته واعتمادية وسعر اعادة بيع جيد
لكن فى فارق كبير فى السعر يعنى تقريبا اول فئة ب 135 الف على ما أذكر
لو ممكن تزود اشترى وتوكل على الله
او تشوف منها كسر زيرو تنزل 10-15 الف
تقبل مرورى

[ahmedalaahosny]

هو اقرب عربية زيرو للشروط اللى حضرتك ذكرتها الانسر الشارك
ثابته واعتمادية وسعر اعادة بيع جيد
لكن فى فارق كبير فى السعر يعنى تقريبا اول فئة ب 135 الف على ما أذكر
لو ممكن تزود اشترى وتوكل على الله
او تشوف منها كسر زيرو تنزل 10-15 الف
تقبل مرورى

الشارك لو زيرو هتبقى اول فئه ودى تعتبر شبه فاضيه جنوط طاسات ومن غير abs و ebd
وبرده ف كسر الزيرو اغلب اللى حاطط اعلان كسر زيرو او موديل 2014 طالب اسعار فلكيه

[أنصار السنة]

اولا حضرتك كاتب مواصفات من الصعب تلقيها في عربية واخص الشرط بتاع السعر
ثانيا عندي لك اقتراح هيكون قريب جدااااااااا من اللى حضرتك عيزة بس هتتعب شوية وتتأنا
حضرتك بالسعر اللى بتقول عليه دا ال 100 الف او 90 الف تجيب عربية لانسر بوما موديل 2007 او 2008 او 2009 بس الموديلات دي
وتكون فبريكا بالكامل وتكون عدد كليوات اقل من 80 الف وتكون خليجي خاصة السعودي ومتكونش اماراتي ، وعلي فكرة المواصفات دي موجودة وكتير وهتلقيها بسهولة
ولما تلاقي حاجة بالشكل دا وتكشف عليها في مكان محترم هيكون سعرها من 90 ل 95 الف وطبعا اوتوماتك وهتقل من 10 الي 15 الف لو مانيول
لما تلاقيها تروح رايح علي مركز محترم زي همام في المعادي او متخصصون الاميرية تعملها صيانه كاملة من فلاتر وسيور وزيوت وتيل فرامل واي حاجة محتجاها العربية
ساعتها انت معاك عربية لحد 400 الف كيلو متر زي الفل وفيها كل المواصفات اللى انت عيزها واعادة بيع زي الفل وثبات رائع وقطع غيار متاحة بكل الاسعار
بس مرة تانية بقول لحضرتك لانسر بوما وليس قرش
وبالتوفيق ان شاء الله

[egyptiandiver]

Lada Granta 2015 - 75,000 pounds / manual
Lada Granta ATM - full option abs ebd - 92,000 pounds

[abou-yahia]

هل البونتو الاوتو فيها مشاكل فى الفتيس ؟

اولا الاوتو بتاعها سعره 120 ألف

ثانيا هو اسمه دول لوجيك فيه دسك واسطوانه وكنترول هو اللي بيغير النقلات

لو سكتك مش زحمه عموما حيطون سهل انك تتعود عليه وعمره يطول

[AlphaCharlie]

معلش أنا رأيي تجيب عربية ياباني زي لانسر 2007/2008 بحالة جيدة وفعلا مش حتقل معاك. دي إعتماديتها أفضل بكثير من السيارات الجديدة إلي في مستوى 100:130 ألف.

أنا شخصيا عادتي إني بعمل تشيك علي أي عربية معايا كل 10000 كم مع تغيير الزيت وبغير عند مركز صيانة علشان يشيك علي العربية كلها.

وحصلتلي ظروف إنشغال وفضلت ماشي بالعربية لانسر 2008 لمدة 7 أشهر كاملين كل يوم مسافة لا تقل عن 130 كم بين طرق سريعة وزحمة وغرز ومطبات وأراضي زراعية وأوقات كتير كنت بحمل فيها أوزان في الشنطة حوالي 200 كجم وبدون صيانة إطلاقا..

لا ميكانيكي ولا كهربائي ولا عفشة اللهم إلا تغيير الزيت والفلتر في البنزينة. وعمرها معملت فيا موقف من أياهم وأثبتت كفائتها تماما. ولا أظن عربية أخرى في عمرها حتكمل البهدلة دي غيرها. أنا نفسي كنت مستغرب .. ,أنا من عادتي إني وداني مع العربية يعني لو في أي حاجة مش مظبوطة مبسكتش عليها.

بالمقارنة أصدقائي معاهم سيارات شبه زيرو مثل لوجان وصني وجين2 وأوبترا وبيحصل معاهم مواقف بايخة.

عموما فكر وربنا يوفقك.