بقطع 126 كيلو في اليوم.. إنصحوني بنوع سيارة جديدة

[sfahmy6]

المستعمل على فكرة يا جماعة مش مضمون نهااااااااااااااءى .......دى أرزاق حاجة كده بتاعه ربنا


لسه واحد بيحكيلى يقولى هبيع عربيتى لتاجر هياخدها بسعر انا ما إرضاش ادفعه فيها وهيشدها وهينزل العداد اللى ماشي فوق ال200 الف
ويبيعها على أنها كسر زيرو بأزيد ما اشتراها ب 15 20 الف

وربنا يهدى الحال

[n-box]

نصيحه منى انت عل طريق سريع فلا تتهاون مع امكانيات السلامه وركز ف دى ف العربيه اللى هتجيبها اقرب حاجه ليك لانسر شارك كامله abs تكون مش موديل السنه ومتنساش سلامتك اولا بغض النظر عن طول طريقك

[Omar Sarray]

خليك مع نيسان صنى شكل جديد اوفرلك واحسلك انت لان انت مشوارك 126 كيلو يعنى مش عاوز كلام كماليات ودلع وكده وله ايه نظامك

[hesham fawzy h]

اولا الاوتو بتاعها سعره 120 ألف

ثانيا هو اسمه دول لوجيك فيه دسك واسطوانه وكنترول هو اللي بيغير النقلات

لو سكتك مش زحمه عموما حيطون سهل انك تتعود عليه وعمره يطول

ثانيا هو اسمه دول لوجيك فيه دسك واسطوانه وكنترول هو اللي بيغير النقلات

مش فاهم الحتة دى :)

ممكن توضح اكتر ؟

وفيها مشاكل ولا مفهاش؟

[abou-yahia]

ثانيا هو اسمه دول لوجيك فيه دسك واسطوانه وكنترول هو اللي بيغير النقلات

مش فاهم الحتة دى :)

ممكن توضح اكتر ؟

وفيها مشاكل ولا مفهاش؟

عامل ذي الفتيس mmt بتاع تيوتا او easy tronic بتاع الاوبل

وفيه مشاكل

[Mazen_Yassien]

السلام عليكم , والله انا تقريبا ظروفى زى حضرتك , ساكن فى الشروق و بنزل وسط البلد كتير وبعمل مسافات , انا لما قررت اشترى عربيه حطيت شويه مواصفات اهمها الأعتماديه وتوفير البنزين والصيانه , وبعد البحث المضنى استقريت على سوزوكى سويفت الشكل الجديد الهاتش باك عربيه يابانى سعرها فى حدود ال100 الف جنيه اعتماديه جدا وموفره جدا فى البنزين 1200 سى سى 4 سلندر مش 3 زى الميتسوبيشى الاتراج , اوتوماتيك وفيها تقريبا كل الأوبشنز اللى ممكن تحتاجه من رفاهيه وامان وتكنولوجيا غير معقده وكمان سير الكاتينه فيها جنزير بالأضافه لشكلها الرائع , العيب الرئيسى فيها هو صغر حجم الشنطه وده لو يفرق معاك قوى فى منها اصدار السيدان السوزوكى ديزاير ودى اغلى منها تقريبا ب7 الاف جنيه , ولو حضرتك محتاج تعرف اكتر عن العربيه دى فى قسم السوزوكى شارحين كل حاجه بالتفصيل, انا مع الاسف مكانش ليا نصيب فى العربيه دى لأنى بعد ما حجزت فى التوكيل وكنت مستعد استنى ال6 شهور لأنى مش بحب الاوفر برايس واستغلال التجار وفعلا اكتر عربيه كنت مقتنع بيها , كان ليا نصيب اشترى سياره من احد اصدقائى المقربين لظروف سفر مفاجأه وهى السكودا الرومستر اللى انا كنت بتريق عليه كل ما اركبها معاه بس لما ركبتها منه بعد ما سافر عرفت اد ايه ثقافة السوق المصرى فى السيارات , بالنسبه لى انا كنت مستحيل اشترى سكودا رومستر وكنت ممكن اشترى ماتريكس بس فعلا هى عربيه رائعه بكل المقاييس وفيها كل ما تشتهى الأنفس من الأوبشنز رفاهيه وامان وهى المعنى الحقيقى للسياره العمليه , بس اعتقد صعب انى ارشحها لك لأنها زيرو تقريبا ب 154 الف ومستعمل هتلاقيها نادره شويه , اسف على الأطاله بس حبيت انقل لحضرتك تجربتى عند اختيار سياره وعارف يعنى ايه انك تسكن فى الشروق وانك مضطر تمشى على طريق السويس يوميا وربنا يوفقك فى الاختيار ان شاء الله

[4fun14]

Verna

[هشام1984]

أشكركم جميعاً على مشاركتكم ... كل واحد قال رأيه على راسي من فوق وألف شكر على الإقتراحات ... أنا قاعد بدور دلوقتي وباخد من اقتراحتكم وبشوف أرض الواقع هتزقني لفين ...

بس عندي سؤال بعد إذنكم ... ليه محدش جاب سيرة العربية الـ byd ؟؟
أنا بخاف من الصيني بصراحة بس مش عارف وضعها إيه يعني بما إنها تقريباً من نفس الشريحة المالية اللي بنتكلم عليها وكمان بتشتغل تاكس كتير يعني ممكن تكون حمالة أسية وبتاعت شغل وهلك ...

إيه رأيكم في النوع ده ... ؟؟؟

[ahmedalaahosny]

أشكركم جميعاً على مشاركتكم ... كل واحد قال رأيه على راسي من فوق وألف شكر على الإقتراحات ... أنا قاعد بدور دلوقتي وباخد من اقتراحتكم وبشوف أرض الواقع هتزقني لفين ...

بس عندي سؤال بعد إذنكم ... ليه محدش جاب سيرة العربية الـ byd ؟؟
أنا بخاف من الصيني بصراحة بس مش عارف وضعها إيه يعني بما إنها تقريباً من نفس الشريحة المالية اللي بنتكلم عليها وكمان بتشتغل تاكس كتير يعني ممكن تكون حمالة أسية وبتاعت شغل وهلك ...

إيه رأيكم في النوع ده ... ؟؟؟

عربيه تحفه بكل المقاييس بس ايام ماكانت موتور وفتيس لانسر 1600 سى سى انما دلواتى بقيت 1500 هوندا بتاع الهوندا سيتى ف محدش عارف ايه نظام الموتور ده حاجته موجوده ولا لا خاصه بره التوكيل لان التوكيل اصلا مش اد كدا وتانى حاجه فى شكاوى من صوت كركره رخم ف الاوتوماتيك والتوكيل مش عارف يتصرف

[hesham fawzy h]

أشكركم جميعاً على مشاركتكم ... كل واحد قال رأيه على راسي من فوق وألف شكر على الإقتراحات ... أنا قاعد بدور دلوقتي وباخد من اقتراحتكم وبشوف أرض الواقع هتزقني لفين ...

بس عندي سؤال بعد إذنكم ... ليه محدش جاب سيرة العربية الـ byd ؟؟
أنا بخاف من الصيني بصراحة بس مش عارف وضعها إيه يعني بما إنها تقريباً من نفس الشريحة المالية اللي بنتكلم عليها وكمان بتشتغل تاكس كتير يعني ممكن تكون حمالة أسية وبتاعت شغل وهلك ...

إيه رأيكم في النوع ده ... ؟؟؟

و تجيب صينى اييية