محتااار بين سنترا وكروز وشارك خليجي وتوليدو

[Dr.Sherif Omar]

السلام عليكم

يا جماعه ساعدوني بالله عليكو
سنترا طالعه من عيني
بس خايف عشان لسه مش معروف هاتنجح ولا لأ

عجباني من جوا جددددا

الكروز مش مريحاني من جوا بس احلى من السنترا في الشكل الخارجي طبعا

يعني السنترا تكسب جوا
الكروز تكسب بره

الشارك جوا بالنسبالي وحش جدا
لكن مقبول نوعا ما بره

التوليدو شفتها من بره وعجبتني بس مشفتهاش من جوه غير صور
بس معرفش واسعه زي السنترا ولا اديق زي الكروز



لازم اختار اليومين دول
موافقة البنك هتطلع
وانا كنت مستقر تمااااما على السنترا وبعدين الكروز رجحت شويا عشان شكلها من بره وعشان اتعرفت في السوق ونجحت خلاص لكن السنترا لسه مش عارفين هيحصل فيها ايه


الكروز طبعا الي مخوفني منها ان اتلزق فيها تهمة الناتور والفتيس القديم وعلى الرغم ان ماتورها بتاع اوبل استرا الا ان الناس خلاص واخده عنها فكره زفت وخلاص مع اني شايفها مش كده والي جربها قال انها كويسه جدا


يا جمااااعه انا مش عارف اختااار. لاني محتااار

والتوليدو خوفوني من قطع غيارها انها غاليه
قولولي اعمل ايه بالله عليكو

[Mo Dayem]

طب وايه اخبار تويوتا يارس

[katoba]

على حد علمى ان قطع غيار السنترا كمان غالية ومش متوفرة

[shake]

شارك

[khalid tours]

كروز عربية كورية بطعم ألمانى

[tasaka]

على حد علمى ان قطع غيار السنترا كمان غالية ومش متوفرة

ممكن توضيح ؟

و فى اعتقادى ستكون ارخصهم فى قطع الغيار .. و يمكن تكون بنصف الثمن كمان .. خصوصا بعد تصنيعها فى مصر

[Ahmed Mekawy]

أنا كنت محتار برضه بين السنترا و الفلوانس و الكروز، عيوب السنترا التقفيل المحلى و فى ناس بتشتكى من خدمة ما بعد العيب ، بس الحقيقة ماعنديش معلومات تأكد الكلام دا
الشارك: تقريبا نفس الشكل من 2008 ، بصراحة انا شخصيا مش من انصار ان الواحد يشترى موديل السنة و نفس الشكل موجود من سنين.
ربنا يوفقك لما فيه الخير.

[Dr.Sherif Omar]

طب وايه اخبار تويوتا يارس

اليارس صغيره عن الاربعه دول والفئة السعريه الي زيها زي دول قرعه خالص مفيهاش اوبشنز تقريبا
مع انها عربيه حلوه فعلا بس فقيره فالاوبشنز للأسف

[Dr.Sherif Omar]

على حد علمى ان قطع غيار السنترا كمان غالية ومش متوفرة

الي مطمني ان السنترا فقطع غيارها هتبقى ارخص واحده فيهم لانها بقت بتتقفل هنا يعني خط الانتاج المحلي هيجبرها تكون قطعها متوفره ورخيصه نوعا ما

لكن الي مزعلني هو الاوفر برايس بتاعها فوق الوصف
وصلت ان معارض زودتها عن سعرها ٢٠ الف جنيه
والاغلب على ١٦٥٠٠٠ يعني زياده ١٥ الف

علامات استفهام كتيره هنا بقى
هل التقفيل المصري يستاهل ادفع فيه ١٦٥٠٠٠
طب لو غضينا الطرف عن التقفيل

هل العربيه على المدى بعيد تستاهل نجيبها دلوقتي بالسعر ده
يعني هل هتغلى عن كده فالواحد يلحق يجيبها دلوقتي
؟؟؟؟
خايف

[Dr.Sherif Omar]

كروز عربية كورية بطعم ألمانى

مش مخوفني من الكروز الا سمعتها الي لزقت فيها مع اني معجب بيها من بره بنسبة ٩٥٪ ومن جوه بنسبة ٦٠٪

حاسس من جوه انها ديقه شويا
هل احساسي ده صحيح ولا غلط

وحاسس انهم صغروا عرضها بقت كنزه شويا عن قبل كده

احساسي صح ولا غلط ؟؟ مش عارف

[Dr.Sherif Omar]

أنا كنت محتار برضه بين السنترا و الفلوانس و الكروز، عيوب السنترا التقفيل المحلى و فى ناس بتشتكى من خدمة ما بعد العيب ، بس الحقيقة ماعنديش معلومات تأكد الكلام دا
الشارك: تقريبا نفس الشكل من 2008 ، بصراحة انا شخصيا مش من انصار ان الواحد يشترى موديل السنة و نفس الشكل موجود من سنين.
ربنا يوفقك لما فيه الخير.

أنا مع حضرتك جدا في رأيك ده
وده فعلا من الحاجات الي مخلياني مش ميال للشاؤك قوي

لاني بقيت حاسس انه انتشار الشارك اصبح كتير جدا
لدرجة اني حسيت انه شويا وهيبقى انتشارها زي الانوس والدايو كده وعادي انها تكون عند ناس كتير


المفاضله في نقطة التميز بالزات في التلات انواع التانيين

السنترا والكروز والتوليدو قليلين فالشارع

[khalid tours]

مش مخوفني من الكروز الا سمعتها الي لزقت فيها مع اني معجب بيها من بره بنسبة ٩٥٪ ومن جوه بنسبة ٦٠٪

حاسس من جوه انها ديقه شويا
هل احساسي ده صحيح ولا غلط

وحاسس انهم صغروا عرضها بقت كنزه شويا عن قبل كده

احساسي صح ولا غلط ؟؟ مش عارف

من 2013 مفيش مشاكل من الفتيس لانهم غيروه بفتيس وموتور الاسترا علشان كده بقولك عربية كورى بطعم المانى
انا معاك انها ديقة بس فى الكنبة الخلفية يعنى اللى هيقعد ورا مش هيبقى مرتاح اوى خاصا لو فى سفر
من حيث الشكل انا حابب الشكل القديم اكتر من 2016 حاسس ان القديم اكثر فخامة بس دى طبعا اذواق
طبعا فيه خيارات تانية افضل من الكروز بس انا بعتبر انها من افضل السيارات فى الفئة السعرية دى من حيث مواصفات الامان خاصا ان فيها esp وثبات عالى ما شاء الله . فيه عربيات معدية 200 الف ومفهاش esp .نصحية منى خلى عناصر الامان فى العربية هو الفيصل فى اختيارك للعربية لان حياتك وحياة اسرتك اهم من اى شيىء اخر . وربنا يستر طريقنا جميعا

[Dr.Sherif Omar]

من 2013 مفيش مشاكل من الفتيس لانهم غيروه بفتيس وموتور الاسترا علشان كده بقولك عربية كورى بطعم المانى
انا معاك انها ديقة بس فى الكنبة الخلفية يعنى اللى هيقعد ورا مش هيبقى مرتاح اوى خاصا لو فى سفر
من حيث الشكل انا حابب الشكل القديم اكتر من 2016 حاسس ان القديم اكثر فخامة بس دى طبعا اذواق
طبعا فيه خيارات تانية افضل من الكروز بس انا بعتبر انها من افضل السيارات فى الفئة السعرية دى من حيث مواصفات الامان خاصا ان فيها esp وثبات عالى ما شاء الله . فيه عربيات معدية 200 الف ومفهاش esp .نصحية منى خلى عناصر الامان فى العربية هو الفيصل فى اختيارك للعربية لان حياتك وحياة اسرتك اهم من اى شيىء اخر . وربنا يستر طريقنا جميعا

انا أتفق مع حضرتك جدا في كل كلمة قلتها
بس حضرتك عوامل الأمان أظنها متوفره في الاربع أنواع الي بفاضل بينهم
مع تفاوت بسيط بينهم نوعا ما

هل معنى كلام حضرتك ان لو فاضلنا بين الاربع انواع دول على اساس عوامل الامان فيها
هل الكروز هتكسب بردو ؟

[khalid tours]

انا أتفق مع حضرتك جدا في كل كلمة قلتها
بس حضرتك عوامل الأمان أظنها متوفره في الاربع أنواع الي بفاضل بينهم
مع تفاوت بسيط بينهم نوعا ما

هل معنى كلام حضرتك ان لو فاضلنا بين الاربع انواع دول على اساس عوامل الامان فيها
هل الكروز هتكسب بردو ؟

الكروز افضلهم فى عوامل الامان بفضل وجود esp اللى هو برنامج التبات الالكترونى . البرنامح ده مش موجود فى الاربع عربيات دول غير فى الكروز ومش متاكد هل موجود فى التوليدو ولا لا . وربنا يكرمك بالافضل ان شاء الله

[AHMADALY1999]

النهارده تشترك فى جروبات العربيات ديى و تقرى معظم البوستات