محتااار بين سنترا وكروز وشارك خليجي وتوليدو

[Dr.Sherif Omar]

النهارده تشترك فى جروبات العربيات ديى و تقرى معظم البوستات

مشترك في السنترا والكروز من فتره
كل جروب شايف ان عربيته مفيش زيها طبعا

ولذلك قلت اروح لناس محايده
فقلتلكم

[AhmedATeek]

شوف يابرنس انا كنت في نفس حيرتك دي بس في الاخر فضلت الياباني الي هي السنترا واشتريتها فعلا عربية حلوة وثابتة عالطريق وفيها فخامة لدرجة ان واحد معاة c180 مرسيدس وقفني عشان يسالني عليها بس انا جبتها تقفيل تايلاندي اول مانزلت وماخفتش منها ابدا عندي جريدة المطر وقعت ولا اتشالت سالت عليها في التوكيل قالوا لي موجودة ب ١٥٠ جنية ودي رفايع ممكن ماتلاقيهاش بس لقيتها اتوكل علي الله في السنترا ومش هتندم ابدا

[katoba]

ممكن توضيح ؟

و فى اعتقادى ستكون ارخصهم فى قطع الغيار .. و يمكن تكون بنصف الثمن كمان .. خصوصا بعد تصنيعها فى مصر

اتمنى ذلك لانها تعتبر افضل الخيارات لكن تظل غامضة زى السيات توليدو

[د.هشام]

التوليدو معرفش عنها حاجة. الكروز فيها كلام وإن كان مش مؤكد على مشاكل في الفتيس.
العربيات التانية سواء الشارك او السنترا أو الفلوانس كلها عربيات كويسة، وكلها متجربة ومفيهاش مقالب.
العربيات قريبة من بعض وكل واحدة فيها مميزات عن التانية. نصيحتي لك تجيب العربية اللي انت حابب تشتريها وحتبقى مبسوط وانت سايقها. يعني بإختصار تجيب العربية اللي شكلها عجباك وفيها المتطلبات اللي انت عايزها.
وبالتوفيق للأصلح

[volociximab]

لو مكانك شارك
سمعة النيسان الجديد سيئة و الكروز سمعته سيئة ايضا
خيارك بين الشارك و التوليدو

[وحيد غالى]

السنترا عربية حلوة كقيمة مقابل السعر فتروح تسأل عليها فى نيسان يقولك عليها حجز 6 شهور وفى المعارض تلاقى عليها عليها اوفر برايس خرافى فالشركة اللى تعطش السوق بالطريقة دى تبقى مش محترمة و ماتتضمنش خصوصا انها المفروض تكون متوفرة عشان التجميع المصرى
الشارك قديمة جدا جدا و عزلها مش كويس
التوليدو فيها نفس مشكلة الحجز بس كعوامل امان تكسب هي و الكروز

[tasaka]

السنترا عربية حلوة كقيمة مقابل السعر فتروح تسأل عليها فى نيسان يقولك عليها حجز 6 شهور وفى المعارض تلاقى عليها عليها اوفر برايس خرافى فالشركة اللى تعطش السوق بالطريقة دى تبقى مش محترمة و ماتتضمنش خصوصا انها المفروض تكون متوفرة عشان التجميع المصرى
الشارك قديمة جدا جدا و عزلها مش كويس
التوليدو فيها نفس مشكلة الحجز بس كعوامل امان تكسب هي و الكروز

تقصد الموديل اللى ب 165 الف .. ده موديل مختلف به اوبشن اكثر .. موش اوقر برايس