فورد فوكس 2016 titanium ولا مازدا 3 2016 highline

[Dr.a.osman]

الأخوة الأفاضل
الرجاء مشورتكم، فورد فوكس 2016 titanium ولا مازدا 3 2016 highline؟؟؟؟ أنا عايز عربية مشاكلها قليلة و ممتعة فى قيادتها. تنصحوني بايه؟؟
شكرا

[volociximab]

....................

[scientist9508]

لو الفورد فوكس من غير الفيتيس dsg إشتريها فهى أفضل من المازدا . . . أما إن كان الفيتيس dsg فإبتعد عنها مهما كانت مميزاتها

[Fawzy.Abdelnour]

اعطال و مشاكل اقل تبقي المازدا.
الياباني افضل بكتير فالاعطال، حتي عن الالماني، و عن تجربه.

[volociximab]

انا انقل لك ما سمعته عنهما
الفوكس غير اعتمادية كثيرة الاعطال نادرة القطع لكنها جميلة و ثابته
المازدا 3 صيانتها اصعب من مازدا 6

[shifoo68]

الأخوة الأفاضل
الرجاء مشورتكم، فورد فوكس 2016 titanium ولا مازدا 3 2016 highline؟؟؟؟ أنا عايز عربية مشاكلها قليلة و ممتعة فى قيادتها. تنصحوني بايه؟؟
شكرا

بص انا معجب قوى بالفورد وخصوصا الكوجا بتلعب فى دماغى عربية محترمة جدا والفوكاس برضه المانى ب الكامل فيها صاج هايل وثبات انسى وكمان الفئة اللى انت بتكلم عليها دى روعة موتور تربو جبار يمسح المازدا من الطريق اللى قلقينى قطع غيارها فى التوكيل فقط وإعادة البيع سيئة لكنها عربية حكاية ولالالالالا تقارن بالمازدا نهائى لو ما يفرقش معاك الكلام دة من غير نقاش أو تفكير اتكل على اللة وهاتيها على طول

[Dr.a.osman]

والله يا جماعة أنا معايا سيراتو 2014 توب لاين و ميزتها قطع الغيار متوفرة و صيانة سهلة بس متعة قيادة صفر و ثباتها صفر. فأنا بدور على حاجة تكون بتجمع معظم الحاجات دى. الماذدا مشكلتها الأساسية الموتور و الفتيس القديم. الفورد معرفش عنها حاجة غير أن مشكلة الفتيس القديم اتحلت فى موديل 2016 بس انتشارها قليل حتى لو قورنت بانتشار الماذدا. فكرت برضه فى الأسترا بس توكيلها غاية فى السوء على حسب كلام ملاكها. مش عارف اخد قرار

[banzai]

خلاص يا بيه الدنيا بتتقدم و مطالب الاتحاد الاوروبى و الامريكان فى تقليل انبعاثات الكربون اجبرت الناس كلها تتجه للتيربو مع محرك صغير , كمان اللى اعرفه ان المازدا 3 اللى بتنزل هنا بالمحرك و الفتيس القديم و التوكيل بيبعهم بنفس تمن المحرك الجديد اعتقد اسمه سكاى لاين او حاجه كده و على العموم ملوش لازمه لان الدنيا كلها اتجهت للتيربو مع الحقن المباشر , اعتقد
هوندا هى الشركه اليابانيه الوحيده اللى اتجهت لنفس الاتجاه العالمى الجديد زى فولكس جروب بشتى اقسام سياراتها و ديملر مرسيدس و بى ام دبليو و فورد
الفورد بتديك دلوقتى 148 حصان و 240 نيوتن عزم هتقارنها ازاى بعربيه بتديك 160 نيوتن عزم و 110 حصان و العربيتين محركاتهم صغيره 1.5 و 1.6 لتر و فرق السعر مش كبير
و كمان التيربو فى الحاله دى هو مش اكتر من عامل مساعد لاعطاء بعض القوه للسياره نتيجة تقليل حجم المحرك للحفاظ على انبعاثات كربونيه قليله , يعنى مفيش خوف منه من ناحية الاعتماديه لانه مش بيضخ قوه كبيره زى اللى بنشوفه فى المحركات الرياضيه ده بيعطى العربيه حوالى 30 حصان زياده شىء بسيط جدا تعويضا عن تقليل حجم المحرك و تقليل عدد لفات المحرك لمقابلة المقاييس العالميه الجديده لانبعاثات الكربون

[mariachi]

Focus for sure

[Fawzy.Abdelnour]

خلاص يا بيه الدنيا بتتقدم و مطالب الاتحاد الاوروبى و الامريكان فى تقليل انبعاثات الكربون اجبرت الناس كلها تتجه للتيربو مع محرك صغير , كمان اللى اعرفه ان المازدا 3 اللى بتنزل هنا بالمحرك و الفتيس القديم و التوكيل بيبعهم بنفس تمن المحرك الجديد اعتقد اسمه سكاى لاين او حاجه كده و على العموم ملوش لازمه لان الدنيا كلها اتجهت للتيربو مع الحقن المباشر , اعتقد
هوندا هى الشركه اليابانيه الوحيده اللى اتجهت لنفس الاتجاه العالمى الجديد زى فولكس جروب بشتى اقسام سياراتها و ديملر مرسيدس و بى ام دبليو و فورد
الفورد بتديك دلوقتى 148 حصان و 240 نيوتن عزم هتقارنها ازاى بعربيه بتديك 160 نيوتن عزم و 110 حصان و العربيتين محركاتهم صغيره 1.5 و 1.6 لتر و فرق السعر مش كبير
و كمان التيربو فى الحاله دى هو مش اكتر من عامل مساعد لاعطاء بعض القوه للسياره نتيجة تقليل حجم المحرك للحفاظ على انبعاثات كربونيه قليله , يعنى مفيش خوف منه من ناحية الاعتماديه لانه مش بيضخ قوه كبيره زى اللى بنشوفه فى المحركات الرياضيه ده بيعطى العربيه حوالى 30 حصان زياده شىء بسيط جدا تعويضا عن تقليل حجم المحرك و تقليل عدد لفات المحرك لمقابلة المقاييس العالميه الجديده لانبعاثات الكربون

يا باشا مافيش اصلاً موتور 1600cc SKYACTIV .
بينزل 2000cc بس، لو هتضرب تمن العربيه قي 3 عشان الجمرك.
و الراجل بيقول عايز عربيه مشاكلها قليله، عن تجربه اليابني الياباني اقل مشاكل، حتي عن الالماني و عن تجربه.

[banzai]

يا باشا مافيش اصلاً موتور 1600cc SKYACTIV .
بينزل 2000cc بس، لو هتضرب تمن العربيه قي 3 عشان الجمرك.
و الراجل بيقول عايز عربيه مشاكلها قليله، عن تجربه اليابني الياباني اقل مشاكل، حتي عن الالماني و عن تجربه.

ماشى يا زعيم مفيش سكاى اكتيف 1.6 لتر اللى هو اكثر تقدما من المحرك الموجود فى العربيه دلوقتى لانه حقن مباشر و رافعين فيه معدل الانضغاط ل 13:1 اكيد هيحتاج بنزين فيه درجة اوكتان اعلى و على العموم هو مش موجود فى مصر بسبب القوانين المتخلفه و الموميات الحجريه اللى مصممه تعيش مصر فى العصور الوسطى
يبقى لا وجه للمقارنه بين المحرك الجديد من فورد بتقنيه الحجم الصغير و التيربو و الحقن المباشر و حتى غيرو فيه الفتيس مزدوج التعشيق لصالح اوتوماتيك تقليدى 6 نقلات لقلة مشاكله و مظبطينه انه يشتغل مع اوكتان 87
مع المحرك القديم اللى بينزل فى المازدا 3 حاليا
كل شىء بيتقدم حتى تكنولوجيا خلط المعادن اتغيرت و لسه قارى خبر امبارح عن جامعة كاليفورنيا uclu
انهم نجحوا فى انتاج خليط معدنى جديد عن طريق خلط خلايا النانو من السليكون مع الماجنيزيوم و الزنك لانتاج معدن قوى جدا و خفيف لاستعماله لاحقا فى جسم السيارات و الظائرات
Nanoparticle-enhanced metals could radically change cars

الفكره ان الدنيا بتتقدم و المقارنه بين الفورد فوكاس الجديده و المازدا 3 اللى بتنزل مصر سواء تكنولوجى او سعر فى صالح الفورد فوكاس قلبا و قالبا

[K.Ossama]

يا باشا مافيش اصلاً موتور 1600cc SKYACTIV .
بينزل 2000cc بس، لو هتضرب تمن العربيه قي 3 عشان الجمرك.
و الراجل بيقول عايز عربيه مشاكلها قليله، عن تجربه اليابني الياباني اقل مشاكل، حتي عن الالماني و عن تجربه.

Skyactiv فيه منه 1.5 على فكرة، لكن نسبة الانضغاط تصل الى 14.0:1 وده مستحيل يعيش فى مصر مع البنزين السئ بتاعنا.

[K.Ossama]

يبقى لا وجه للمقارنه بين المحرك الجديد من فورد بتقنيه الحجم الصغير و التيربو و الحقن المباشر و حتى غيرو فيه الفتيس مزدوج التعشيق لصالح اوتوماتيك تقليدى 6 نقلات لقلة مشاكله و مظبطينه انه يشتغل مع اوكتان 87

الفكره ان الدنيا بتتقدم و المقارنه بين الفورد فوكاس الجديده و المازدا 3 اللى بتنزل مصر سواء تكنولوجى او سعر فى صالح الفورد فوكاس قلبا و قالبا

متفق معاك تماما.
بس فى نقطة واحدة. مواتير فورد ال ecoboost كلها محتاجة 95 حسب الكتالوج. عبد اللطيف جميل طلع رسمى من طرفه إنها تمشى 92.
انما موضوع 87 ده AKI بتاع أمريكا مش اوكتين بتاعنا. تضيف عليه 6 يبقى بتاعنا يعنى 93.

[banzai]

متفق معاك تماما.
بس فى نقطة واحدة. مواتير فورد ال ecoboost كلها محتاجة 95 حسب الكتالوج. عبد اللطيف جميل طلع رسمى من طرفه إنها تمشى 92.
انما موضوع 87 ده aki بتاع أمريكا مش اوكتين بتاعنا. تضيف عليه 6 يبقى بتاعنا يعنى 93.

شوف يا باشا الموضوع ده فيه نظر
كان فيه عضو عنده مشكله مع مرسيدس و عملوا تحليل رسمى لبنزين 92 بتاع مصر طلع 87 و ده طبعا لمستنقع الحراميه الغشاشين اللى احنا عايشين فيه
لكن هل يختلف عن بتاع امريكا ؟ معتقدش الاختلاف هيبقى كبير
لان على حسب معلوماتى ان بنزين امريكا اصلا اقل فى الجوده من البنزين بتاع اليابان لان البنزين المستعمل فى اليابان نسبة الكبريت فيه قليله لكن بتاع امريكا نسبة الكبريت فيه اكبر
ده غير ان فيه نوع بنزين بينضاف له ايثانول بنسبة 85% - e85 , و الطلب عليه كبير هناك
علشان كده الاحتمال الاكبر اعتقد ان لو العربيه طالعه من المصنع مهيئه للعمل مع اوكتان 87 هتكون مهيئه للعمل مع بنزين 92 المغشوش بتاعنا , و طبعا معروف ان اكتر من 90% من شركات العربيات تهتم بالعامه من الشعب لتحقيق مبيعات كبيره فموضوع اوكتان 87 مستمر فى العالم كله و مش هيتغير محدش يقدر على الاوكتان العالى فى الدنيا كلها الا الاثرياء و اصحاب الدخل المرتفع و هم من يمثلون النسبه الضئيله.

[K.Ossama]

شوف يا باشا الموضوع ده فيه نظر
كان فيه عضو عنده مشكله مع مرسيدس و عملوا تحليل رسمى لبنزين 92 بتاع مصر طلع 87 و ده طبعا لمستنقع الحراميه الغشاشين اللى احنا عايشين فيه
لكن هل يختلف عن بتاع امريكا ؟ معتقدش الاختلاف هيبقى كبير
لان على حسب معلوماتى ان بنزين امريكا اصلا اقل فى الجوده من البنزين بتاع اليابان لان البنزين المستعمل فى اليابان نسبة الكبريت فيه قليله لكن بتاع امريكا نسبة الكبريت فيه اكبر
ده غير ان فيه نوع بنزين بينضاف له ايثانول بنسبة 85% - e85 , و الطلب عليه كبير هناك
علشان كده الاحتمال الاكبر اعتقد ان لو العربيه طالعه من المصنع مهيئه للعمل مع اوكتان 87 هتكون مهيئه للعمل مع بنزين 92 المغشوش بتاعنا , و طبعا معروف ان اكتر من 90% من شركات العربيات تهتم بالعامه من الشعب لتحقيق مبيعات كبيره فموضوع اوكتان 87 مستمر فى العالم كله و مش هيتغير محدش يقدر على الاوكتان العالى فى الدنيا كلها الا الاثرياء و اصحاب الدخل المرتفع و هم من يمثلون النسبه الضئيله.

انا أقصد كتالوج امريكا كاتب 87 وده AKI مش اوكتين. دى وحدة قياس مختلفة.
Octane (RON) = AKI + 6
امريكا بيستخدموا AKI
عندنا وفى أوروبا RON Octane
مافيش RON أقل من 90 إلا فى البلاد الفقيرة. باقى الدول المحترمة فوق 90 اما متقدمة فوق 95
بالنسبة ل e85 ده بقى 102 اوكتين على الأقل. بس مش لأى عربية، لازم المحرك يبقى مجهز يستخدمه.