يابانى ولا أمريكى ولا فرنسى ولا كورى

[AnaEngHamaada]

مساء الخير عليكم جميعاً أعضاء و خبراء الموقع المميز

عايز رأيكم و خبرتكم فى إختيار عربية واحدة أو إتنين من اللى سوف أعرضهم عليكم دلوقتى .. المهم أنا عايز عربية عالية عن الأرض تناسب الشوارع فى مصر و تكون أقل من نص مليون كاش .. تعيش كتير و ماتتعبنيش و مشاكلها قليلة و مريحة فى القيادة و آمنة و مراكز الخدمة منتشرة و قطع غيارها الأصلية موجودة و مش كل فترة أفكر فى بيعها ..
أنا جربت اليابانى و الفرنسى بس الصالون مش العالى .. على فكرة أنا سواقتى هادية و معقولة و مش بتاع غرز و تنطيط ..

الماركات فى حدود المبلغ المطلوب هى :

جيب رينيجيد

رينو كادجار

سوبارو xv

نيسان قشقاى

هيونداى كريتا

كيا سبورتاج lx

عايز إختياركم أو ترتيبكم من حيث النواحى الفنية .. الشكل و الخامات و الفرش و التابلوه و توزيع الأزرار و الفرامل و الأصوات و السحب و التعليق و كل حاجة تكون محتاجة خبرة من حضراتكم أكون عاجز عن الشكر لو تقولوها ليا ..

محتار بين العربيات العالية فى حدود السعر ده .. ناس تقولى سوبارو و ناس يقولولى الكادجار .. و ناس تانية تقول كريتا عملية و أريح .. مش عارف

عايز أشترى مرة واحدة و بس و من غير تردد و عن ثقة ..

أفيدونى أرجوكم يا خبراء الموقع


تقبلوا تحياتى
مهندس أحمد رأفت

[borio1704]

مساء الخير عليكم جميعاً أعضاء و خبراء الموقع المميز

عايز رأيكم و خبرتكم فى إختيار عربية واحدة أو إتنين من اللى سوف أعرضهم عليكم دلوقتى .. المهم أنا عايز عربية عالية عن الأرض تناسب الشوارع فى مصر و تكون أقل من نص مليون كاش .. تعيش كتير و ماتتعبنيش و مشاكلها قليلة و مريحة فى القيادة وآمنة و مراكز الخدمة منتشرة و قطع غيارها الأصلية موجودة و مش كل فترة أفكر فى بيعها ..
أنا جربت اليابانى و الفرنسى بس الصالون مش العالى .. على فكرة أنا سواقتى هادية و معقولة و مش بتاع غرز و تنطيط ..

كويس جدا إن حضرتك محدد عايز إيه... دي حاجات نادر لما حد بيعملها في مصر وهو بيشتري عربية.

تعالى نحلل طلبات حضرتك..

عالية عن الأرض : يعني حضرتك عايز عربية SUV... واختيارات حضرتك محققة الكلام ده.
أقل من نص مليون كاش: كلهم فيهم فئات تحت النص مليون

مريحة فى القيادة: في الغالب مش هتلاقي عربيات مريحة قوي في الفئات دي.. لإن طبيعتها قاسية شوية.. والراحة هنا نسبية وتختلف من واحد للتاني... والفرش الداخلي عليه عامل بردو. آمنة: ممكن تاخد فكرة من موقع euroncap.com.. بس الواقع في مصر يختلف لإن أوروبا ليها طلبات إلزامية للأمان مش مطلوبة في أي حتة في العالم.
اتأكد بس إن العربية فيها أنظمة سلامة خاملة ونشطة بما فيه الكفاية (النشطة اللي بتشتغل طول ما العربية ماشية زي الـABS والـESP وخلافه.... والخاملة اللي بتشتغل مع وقوع الحوادث فقط لا قدر الله، زي أحزمة الأمان والإيرباجات وقوة المقصورة).

مراكز الخدمة منتشرة و قطع غيارها الأصلية موجودة: الكلام ده يعتمد بشكل كبير على التوكيل... وفيه توكيلات قوية ومعروفة في مصر (مثلا: كيا - رينو - تويوتا) .. وتوكيلات تانية معقولة بس ممكن تلاقي عندهم قصور في جودة الخدمة أو قطع الغيار (مثلا: هيونداي - سوبارو - نيسان).. وتوكيلات تانية ما تتعاملش معاها.
سواقتى هادية و معقولة و مش بتاع غرز و تنطيط: يعني الثبات مش أولوية.. بس خد بالك إن طبيعة عربيات الـSUV إن ثباتها ضعيف في الملفات بالذات لإنها عالية عن الأرض... بس لو سواقتك هادية زي ما حضرتك بتقول يبقى ما عندكش مشاكل.

الماركات فى حدود المبلغ المطلوب هى :

جيب رينيجيد

رينو كادجار

سوبارو xv

نيسان قشقاى

هيونداى كريتا

كيا سبورتاج lx

من وسط الماركات دي كلها استبعد الجيب بدون تفكير...
للأسف.. جيب دلوقتي بقت من أكتر العربيات اللي فيها مشاكل خصوصا بعد ما بقت ضمن مجموعة فيات كرايسلر.. وعربيات المجموعة دي هي أكتر عربيات فيها مشاكل ومتعبة لأصحابها على مستوى العالم.

ممكن كمان تستبعد الهيونداي كريتا على أساس إنها من فئة أصغر في الحجم (نفس فئة الجيب رينيجيد)
ومتهيألي ممكن تحط الهيونداي توسان بدالها.

أنصحك تدخل هنا وتاخد فكرة أكبر عن الأسعار، والموقع بيديك معلومات كمان عن أقل مقدم وأقل قسط.

https://eg.hatla2ee.com/en/car/all-prices

عايز إختياركم أو ترتيبكم من حيث النواحى الفنية .. الشكل و الخامات و الفرش و التابلوه و توزيع الأزرار و الفرامل و الأصوات و السحب و التعليق و كل حاجة تكون محتاجة خبرة من حضراتكم أكون عاجز عن الشكر لو تقولوها ليا ..

ترتيب العربيات بالنسبالي شخصيا كالتالي:

كيا سبورتاج
قوة الموتور أعلى باقي المنافسين (140 حصان) مع فتيس 6 سرعات أثبت كفاءة خلال الفترة الماضية.. وأناقة داخلية بتصميم ألماني + كماليات وراحة ومساحات داخلية جيدة جدا... والأهم من ده كله.. اعتمادية وقلة أعطال تقارب الياباني جدا (وتتجاوز ماركات يابانية كتير بناء على التقارير الدولية) وكمان توكيل محترم وانتشار معقول للموديل السابق في السوق.
Kia Sportage | Kia Motors Egypt Official Website


سوبارو XV
عبارة عن سوبارو إمبريزا عالية شوية عن الأرض (يعني عربية Crossover مش SUV).. موتورها 1600 Boxer مميز جدا جدا بس قوته ضعيفة شوية (114 حصان) بس أداؤه متوازن مع الفتيس الـCVT.. ونظام الـ4X4 بتاع سوبارو هو الأفضل في العالم... ممكن تكون مملة شوية من جوه.. بس العربية عملية جدا وسمعتها معروفة في كل حتة...
عيبها عدم انتشارها وبالتالي قطع غيارها مش موجودة إلا في التوكيل (مش هنتكلم في إعادة البيع ما دامت مش من ضمن أولوياتك).
Subaru Global | Cover

نيسان قشقاي
موتورها 1600 ضعيف نسبيا (117 حصان) مع فتيس CVT.. بس كونها سيارة يابانية يديها ثقل في السوق... بس يعيبها قطع غيارها الغالية نسبيا.

https://www.nissan-cdn.net/content/dam/Nissan/eg/brochures/Qashqai.pdf

رينو كادجار
هي نفسها النيسان قشقاي وممكن تكون مفضلة عنها بسبب التوكيل القوي بتاعها.. موتورها أقوى 1200 تربو (130 حصان) بس يعيبها الفتيس 7 سرعات الديوال كلتش (زي فتيس الـDSG بتاع فولزفاجن) أداؤه عالي صحيح بس صيانته مكلفة جدا (ثُمن سعر العربية تقريبا)

http://www.renault.com.eg/CountriesData/Egypt/images/pdf/files1/Kadjar_A4_Folded_Flyer_Mar-2017.pdf

هيونداي كريتا
عربية كويسة بس صغيرة في الحجم بالمقارنة مع اخواتها... ويفضل تستبدلها بهيونداي توسان.
دي صفحة الكريتا: Creta
دي صفحة التوسان: Tucson

جيب رينيجيد
في الأصل هي فيات 500X... ودي أفشل سيارة عملتها فيات حاليا.. اللي هي أصلا شركة فاشلة بكل المقاييس.
ضمانها 3 سنين أو 60 ألف كيلومتر بس!!!.. ودي فترة ضمان قليلة جدا (ممكن تزود الضمان إلى 6 سنوات أو 200 ألف كيلومتر بعد دفع فرق الضمان... بس أخاف عليك من إنك ما تستفيدش بعربيتك)..
مش محتاجة كلام.
Jeep Renegade Brochure



على فكرة... مسألة الشكل و الخامات و الفرش و التابلوه دي مسألة شخصية تماما.. تختلف من واحد للتاني.. فلازم حضرتك تشوف بنفسك.

محتار بين العربيات العالية فى حدود السعر ده .. ناس تقولى سوبارو و ناس يقولولى الكادجار .. و ناس تانية تقول كريتا عملية و أريح .. مش عارف

عايز أشترى مرة واحدة و بس و من غير تردد و عن ثقة ..

أفيدونى أرجوكم يا خبراء الموقع


تقبلوا تحياتى
مهندس أحمد رأفت

أنصحك تدخل على الموضوع ده.. ممكن يساعدك:

https://www.nilemotors.net/Nile/329150-a.html

وإن شاء الله الزملاء هنا يدونا رأيهم.


...

[akmm]

راى شخصى سوبارو xv

[AnaEngHamaada]

شكراً جزيلاً للأخ المحترم akmm على إختياره المباشر للسوبارو xv

و الشكر الخاص جداً و الله للزميل الإسكندرانى برضو المهندس أحمد نبيل البرعى borio1704 للرد المفصل و المفيد فعلاً و هو كمان صاحب الموضوع المثبت الهام جداً بعنوان :

*** عايز تشترى عربية و محتار ؟؟؟؟ تعالى أقولك إزاى تختار ***

و هو موضوع ضخم من حيث المشاهدات و المشاركات

و أنا بأعتذر ليك يا باشمهندس و للسادة المشرفين الأفاضل هنا عن إغفالى لهذا الموضوع الهام و عدم دخولى عليه من البداية للمناقشة بالتفصيل و لكنى فضلت أن أطرحه لوحده على العام يمكن ألاقى مشاركات أوسع من الخبراء اللى زى حضرتك هنا .. فأرجوك أعذرنى لهذا السبب ..

على العموم سيادتك بتفضل الكيا سبورتاج lx و السوبارو xv زى الأخ akmm
و لكن السبورتاج lx قليلة الإمكانيات من باقى فئة السبورتاج زى ex و الهاى لاين و الـ GT 4WD اللى طبعاً تمنهم بيعدى المبلغ المتاح و أنا عايز أجيب حاجة مرة واحدة و من الآخر و من غير ندم أو حسرة بعد كده و أقعد أقول ياريتنى كنت جبت دى أو دى و ماستعجلتش ...

أنا عايز أفضل حاجة فى حدود المبلغ ده .. تُوازِن بين الماركة و الناحية العملية .. بين الإمكانيات الشبه كاملة من الداخل و الشكل الخارجى .. بين نوعية الخامات و الخدمة و القدرات التكنولوجية و المشاكل القليلة و الحياة الأطول و التحمل ...

واضح إن السوبارو xv متقدمة نوعاً ما حسب تصنيف حضراتكم .. خصوصاُ و إنها الأعلى فئة فى نوعها يعنى إمكانيات و خامات لكن واضح كمان إنها حراقة شوية و متعبة من الناحية المادية و الصيانة .. بس عربية cross-over حكااااية و ثابتة و محتاجة تعامل خااااص جداً زى العروسة الجديدة كده .!!!

مزيد من الآراء أرجوكم يا أساتذه .. محتاج خبرتكم و نصايحكم ربنا يبارك فيكم

[AnaEngHamaada]

ممكن نضم كمان سوزوكى فيتارا مع باقى العربيات فى قائمة المقارنة و الإختيارات على أساس إنها من نفس الفئة و الشكل و الإمكانيات .. الموقع الإلكترونى بتاعهم لسه تحت الإنشاء و لهم صفحة على الفيس .. العربية يابانى طبعاً و ليها تاريخ طويل فى مصر و فى بلاد تانية كتير و سعرها مقارب للعربيات اللى فى القائمة لكن مش قادر أعرف إمكانياتها بدقة علشان أقدر أحكم .. ممكن حضراتكم تفيدونا للى منكم يعرف مواصفاتها بالتفصيل مشكوراً ...

بس أنا يمكن ميال شوية ناحية حصر المقارنة ما بين إتنين ولاد عم من ناحية التحالف -- نيسان و رينو ...

على ما أتذكر كان فيه مشكلة مالية بتهدد واحدة منهم فى بداية الألفية الجديدة و حصل التحالف لفتح أسواق أكبر للإتنين و تم تعيين مدير من أصول عربية للشركة اللى كانت بتمر بالأزمة و عمل فيها إنقلاب إدارى أدى إلى تحقيق مكاسب و أرباح هائلة نتيجة التسويق الجيد و التصميمات الجديدة و بالتالى تحسين صورة و سمعة الشركة فى أوساط هذه الصناعة الكبيرة ...

العربيتين هما :

الرينو الكادجار -- و النيسان قشقاى .. و هما شبه بعض أوى ماعدا بعض الإختلافات اللى حأقول عليها دلوقتى ...

اللى خلانى أستبعد السوبارو xv الرهيبة من المقارنة النهائية هو سبب واحد بس و هو إن مراكز الصيانة بتاعتها فى إسكندرية مش موجودة و قطع الغيار نادراً ما بتكون متاحة و سأضطر إلى أن أسافر للقاهرة علشان أعمل لها الصيانة بتاعتها كل مرة و دى مشكلة فى حد ذاتها كان لازم الشركة اليابانية الكبيرة دى تاخد بالها منها و تفتح فروع أكتر فى المحافظات .. الظاهر كده إن سوبارو فاكرة إننا سوق صغير و عدد سكاننا قليل أو شعب فقير مابيركبش عربيات أو إن البلد دى عبارة عن القاهرة و بس ...!!!

تعالوا بقى نشوف الحال مع الرينو المحترمة جداً و النيسان المحترمة برضو ..

الرينو لها فروع موزعين معتمدين للبيع و الصيانة و قطع الغيار و سحب السيارة من أى مكان فى حوالى 64 فرع فى مصر كلها .. من مرسى مطروح غرباً إلى سيناء و البحر الأحمر شرقاً و من إسكندرية شمالاً و حتى الأقصر و أسوان جنوباً ..!!!!!

مش كده و بس .. ده الرينو كمان عنها خدمات تجربة العربية قبل الشراء و خدمات توصيل العربية لحد عندك و كمان خدمات ما بعد الشراء أو ما بعد البيع للإطمئنان على إنك مبسوط من العربية و ماعندكش أى مشاكل معاها .. ده غير إنك ممكن تقول ملاحظاتك لواحد عندهم مختص لكى ينفذوها فوراً علشان تكون سيادتك راضى عن خدماتهم و العربية حتى بعد شرائك ليها ..!!!!!

توكيل الرينو حقيقى لا يُعلى عليه .. و أنا علشان كده ميال شوية للكادجار سيجنيتشر بلس اللى فيها نظام إسمه الركن الذاتى مع كشف المنطقة المعتمة Hands-Free Parking ( Auto Park )

ده غير المساحة الداخلية و خصوصاً الكنبة الواسعة اللى ورا و الشنطة اللى تشيل أكتر من شنطة القاشقاى .. أما الكنبة اللى ورا فى القشقاى تحس إنها أضيق و مش مريحة نوعاً ما و معمولة لقصار القامة النحاف اليابانيين .. و طبعاً نظام Blind Spot Detector بتاع الرينو كادجار سيجنيتشر بلس يخلى العربية و هى ماشية حاسة بكل حاجة حواليها 360 درجة ..!!! .. ده غير الموتور التربو القوى و العزم اللى أقوى شوية من موتور القاشقاى .. ده غير شكل الكادجار الخارجى اللى يجنن .. ستايل فعلاُ .. هى دى العربيات و هو ده التوكيل ولا بلاش ...

تعالوا بقى للمنافس و هى نيسان قشقاى اليابانية المشهورة و اللى هى تقفيل إنجليزى على ما أظن و مازالت مطلوبة فى بريطانيا مثلاً و هى من ضمن أكتر عشر عربيات بتتباع هناك ..

منتشرة فى مصر علشان ليها 40 فرع موزع معتمد فى الجمهورية بس مش بنفس إنتشار فروع الرينو الرهيبة اللى مغطية كل حتة و زبونها لا يمكن يدوخ أبداً بعربيته .. كمان قطع غيار القاشقاى ممكن ماتكونش متوفرة دايماً بس غالباُ موجودة و غالية حبتين .. ده بعد ما أنا سألت فى السوق إمبارح .. كمان أماكن الصيانة فى إسكندرية عددها و أماكنها أبعد و أقل شوية من أماكن الرينو .. بس أهى أحسن من غيرها .. و أنا سمعت إنه فى معرض أوتوميك الشهر ده نزلوا موديل جديد من القاشقاى فى مصر أفضل شوية من القديم و دى حاجة كويسة طبعاً و حنشوفها ..

الخلاصة إن العربيتين ممكن ينافسوا بعض فى الآخر .. عاملين زى الأختين الحلوين هناء و شيرين .. ماركتين محترمين و إحتمال إن الكادجار ترخص شوية علشان جمارك الإتحاد الأوروبى حتتشال سنة 2019 .. توكيلين محترمين و بيحترموا الزباين بتوعهم و دى حاجة مهمة جداًاًاًاً .. و تحالف قوى بين الإتنين و بيقلدوا و بينافسوا بعض ...

مش عارف رأى حضراتكم إيه .. هل إنحصار المقارنة فى الإتنين دول لواحد ساكن فى إسكندرية مش فى القاهرة يكون أفضل من الناحية العملية ولا إنتوا شايفين إيه .. عايز أسمع نصايحكم و خبرتكم فى هذا المجال مع جزيل إحترامى لكم ...

مهندس أحمد رأفت

[borio1704]

ممكن نضم كمان سوزوكى فيتارا مع باقى العربيات فى قائمة المقارنة و الإختيارات على أساس إنها من نفس الفئة و الشكل و الإمكانيات .. الموقع الإلكترونى بتاعهم لسه تحت الإنشاء و لهم صفحة على الفيس .. العربية يابانى طبعاً و ليها تاريخ طويل فى مصر و فى بلاد تانية كتير و سعرها مقارب للعربيات اللى فى القائمة لكن مش قادر أعرف إمكانياتها بدقة علشان أقدر أحكم .. ممكن حضراتكم تفيدونا للى منكم يعرف مواصفاتها بالتفصيل مشكوراً ...

بس أنا يمكن ميال شوية ناحية حصر المقارنة ما بين إتنين ولاد عم من ناحية التحالف -- نيسان و رينو ...

على ما أتذكر كان فيه مشكلة مالية بتهدد واحدة منهم فى بداية الألفية الجديدة و حصل التحالف لفتح أسواق أكبر للإتنين و تم تعيين مدير من أصول عربية للشركة اللى كانت بتمر بالأزمة و عمل فيها إنقلاب إدارى أدى إلى تحقيق مكاسب و أرباح هائلة نتيجة التسويق الجيد و التصميمات الجديدة و بالتالى تحسين صورة و سمعة الشركة فى أوساط هذه الصناعة الكبيرة ...

العربيتين هما :

الرينو الكادجار -- و النيسان قشقاى .. و هما شبه بعض أوى ماعدا بعض الإختلافات اللى حأقول عليها دلوقتى ...

اللى خلانى أستبعد السوبارو xv الرهيبة من المقارنة النهائية هو سبب واحد بس و هو إن مراكز الصيانة بتاعتها فى إسكندرية مش موجودة و قطع الغيار نادراً ما بتكون متاحة و سأضطر إلى أن أسافر للقاهرة علشان أعمل لها الصيانة بتاعتها كل مرة و دى مشكلة فى حد ذاتها كان لازم الشركة اليابانية الكبيرة دى تاخد بالها منها و تفتح فروع أكتر فى المحافظات .. الظاهر كده إن سوبارو فاكرة إننا سوق صغير و عدد سكاننا قليل أو شعب فقير مابيركبش عربيات أو إن البلد دى عبارة عن القاهرة و بس ...!!!

تعالوا بقى نشوف الحال مع الرينو المحترمة جداً و النيسان المحترمة برضو ..

الرينو لها فروع موزعين معتمدين للبيع و الصيانة و قطع الغيار و سحب السيارة من أى مكان فى حوالى 64 فرع فى مصر كلها .. من مرسى مطروح غرباً إلى سيناء و البحر الأحمر شرقاً و من إسكندرية شمالاً و حتى الأقصر و أسوان جنوباً ..!!!!!

مش كده و بس .. ده الرينو كمان عنها خدمات تجربة العربية قبل الشراء و خدمات توصيل العربية لحد عندك و كمان خدمات ما بعد الشراء أو ما بعد البيع للإطمئنان على إنك مبسوط من العربية و ماعندكش أى مشاكل معاها .. ده غير إنك ممكن تقول ملاحظاتك لواحد عندهم مختص لكى ينفذوها فوراً علشان تكون سيادتك راضى عن خدماتهم و العربية حتى بعد شرائك ليها ..!!!!!

توكيل الرينو حقيقى لا يُعلى عليه .. و أنا علشان كده ميال شوية للكادجار سيجنيتشر بلس اللى فيها نظام إسمه الركن الذاتى مع كشف المنطقة المعتمة Hands-Free Parking ( Auto Park )

ده غير المساحة الداخلية و خصوصاً الكنبة الواسعة اللى ورا و الشنطة اللى تشيل أكتر من شنطة القاشقاى .. أما الكنبة اللى ورا فى القشقاى تحس إنها أضيق و مش مريحة نوعاً ما و معمولة لقصار القامة النحاف اليابانيين .. و طبعاً نظام Blind Spot Detector بتاع الرينو كادجار سيجنيتشر بلس يخلى العربية و هى ماشية حاسة بكل حاجة حواليها 360 درجة ..!!! .. ده غير الموتور التربو القوى و العزم اللى أقوى شوية من موتور القاشقاى .. ده غير شكل الكادجار الخارجى اللى يجنن .. ستايل فعلاُ .. هى دى العربيات و هو ده التوكيل ولا بلاش ...

تعالوا بقى للمنافس و هى نيسان قشقاى اليابانية المشهورة و اللى هى تقفيل إنجليزى على ما أظن و مازالت مطلوبة فى بريطانيا مثلاً و هى من ضمن أكتر عشر عربيات بتتباع هناك ..

منتشرة فى مصر علشان ليها 40 فرع موزع معتمد فى الجمهورية بس مش بنفس إنتشار فروع الرينو الرهيبة اللى مغطية كل حتة و زبونها لا يمكن يدوخ أبداً بعربيته .. كمان قطع غيار القاشقاى ممكن ماتكونش متوفرة دايماً بس غالباُ موجودة و غالية حبتين .. ده بعد ما أنا سألت فى السوق إمبارح .. كمان أماكن الصيانة فى إسكندرية عددها و أماكنها أبعد و أقل شوية من أماكن الرينو .. بس أهى أحسن من غيرها .. و أنا سمعت إنه فى معرض أوتوميك الشهر ده نزلوا موديل جديد من القاشقاى فى مصر أفضل شوية من القديم و دى حاجة كويسة طبعاً و حنشوفها ..

الخلاصة إن العربيتين ممكن ينافسوا بعض فى الآخر .. عاملين زى الأختين الحلوين هناء و شيرين .. ماركتين محترمين و إحتمال إن الكادجار ترخص شوية علشان جمارك الإتحاد الأوروبى حتتشال سنة 2019 .. توكيلين محترمين و بيحترموا الزباين بتوعهم و دى حاجة مهمة جداًاًاًاً .. و تحالف قوى بين الإتنين و بيقلدوا و بينافسوا بعض ...

مش عارف رأى حضراتكم إيه .. هل إنحصار المقارنة فى الإتنين دول لواحد ساكن فى إسكندرية مش فى القاهرة يكون أفضل من الناحية العملية ولا إنتوا شايفين إيه .. عايز أسمع نصايحكم و خبرتكم فى هذا المجال مع جزيل إحترامى لكم ...

مهندس أحمد رأفت

من وجهة نظري... كلام حضرتك عن توكيل الرينو ينطبق على توكيل كيا... هما الاتنين نفس الشركة..
علشان كده رشحتلك الكيا في الأول...

وتفضيلي لكيا جاي من ناحية إن اعتمادية كيا حاليا أفضل من اعتمادية رينو ونيسان (بالأرقام من تقارير عالمية.. مش آراء)..
ده غير إن رينو فيها فتيس ديوال كلتش (Dual Clutch Transission) أو DCT...

الفتيس الديوال كلتش حلو جدا جدا جدا في أداؤه.. سحب أحسن.. استجابة أسرع .. توفير في البنزين ..
ولكن عيبه القاتل إنك هتضطر تغيره على مسافات قصيرة بالمقارنة مع الفتيس اليدوي العادي..

في المتوسط.. عمر أسطوانة الدبرياج العادية حوالي 100-200 ألف كيلومتر.. وتكلفة تغيير الأسطوانة والديسك بسيطة جدا... إنما عمر مجموعة الكلتشات في الديوال كلتش لا يتجاوز 50 ألف كيلومتر بأي حال من الأحوال... وأغلب الناس بـ"تضطر" تغيره على 20-40 ألف كيلومتر... وتكلفة تغييره عالية جدا.

اسأل في توكيل رينو على سعر مجموعة الكلتشات بتاعت الكادجار ومواعيد تغييرها... قبل ما تشتري وتدبس.

...

[ياسر شقو]

السلام عليكم
كنت عاوز اعرف افضل عربية في سعر 650 - 700 ألف جنية
ولكم جزيل الشكر والتقدير

[AnaEngHamaada]

شكراً ليك يا باشمهندس أحمد borio1704 على تنويرنا بمعلوماتك القيمة كل مرة تشارك فيها ..

أما بخصوص نصائحك عن الفتيس الـ DCT و عيوبه المتكررة أو القاتلة زى ما إنت وصفتها فده ناتج عن الإستخدام السىء للفتيس الأوتوماتيك و الجهل الكبير من السائقين فى كيفية التعامل مع الأوتوماتيك بصفة عامة و التبديل العنيف و الخاطىء بين الإختيارات P - D - N وخلافه و السرعات و عدم فهم آلية عمل الأوتوماتيك عموماً لإن غالبيتنا واخد على فتيس الـ CVT أو حتى الفتيس المنيوال و بيتعامل مع الأوتو زى المانيوال مما يؤثر بالسلب على الجيربوكس و الدوائر الإلكترونية الحساسة داخله بل و السوفت بتاعه كمان ...

أكتر من كده .. التعامل الخاطىء و غير الصحيح مع النقلات فى الفتيس و الإستخدام الغلط للزراير و المفاتيح بتاعته ممكن إنه يؤثر حتى على عمر الفتيس بالكامل و تضطر لتغييره و تتكلف كتير و تكره اليوم اللى سُقت فيه أوتوماتيك .. ده فيديو بسيط بالعربى عمله أحد الأشخاص على اليوتيوب عن الإستخدام الصحيح للفتيس الـ DCT :

https://www.youtube.com/watch?v=mw9e32yr-8A

و واحد كمان بالإنجليزى أهو :

https://www.youtube.com/watch?v=W42zsFYjZvM

و فيه كمان فيديوهات كتير بتبين لنا الطريقة الصحيحة لإستخدام هذا النوع من الجير أو الفتيس المتطور اللى إحنا يمكن مش واخدين عليه شويه هنا لإنه لسه جديد علينا و عايز فهم لطريقة إستخدامه الصحيحة علشان مايبوظش مننا ...

مش كده و بس .. ده فيه شركات كتير دلوقتى زى كيا و فولكس فاجن و فورد و كرايسلر و غيرهم بيعملوا الفتيس الأوتو الجديد ثنائى الإسطوانة DCT زى ما هو واضح من الفيديو الإنجليزى ده :

https://www.youtube.com/watch?v=V120PfzszL0

و إلا بقى نسأل نفسنا سؤال و هو : معقول يعنى الشركات الكبيرة دى هبلة للدرجادى علشان تعمل حاجات تِخسر بيها الزباين و تطفش منها الناس و تخسر سمعتها بالشكل ده ؟؟؟ .. أو إن العلماء اللى إخترعوا نظام ال DCT الجديد كانوا وقتها نايمين على ودانهم أو مش فاهمين إلكترونيكس أو حتى ميكانيكا ؟؟؟ .. معقول يعنى الكلام ده ؟ ...

على العموم أنا حأعمل بحث معمق و محايد عن أسباب المشكلة دى و حأشوف ما إذا كانت التكنولوجيا هى السبب ولا المستخدمين ليها أصلاً هما السبب ...

تقبلوا تحياتى
مهندس أحمد رأفت

[borio1704]

شكراً ليك يا باشمهندس أحمد borio1704 على تنويرنا بمعلوماتك القيمة كل مرة تشارك فيها ..

أما بخصوص نصائحك عن الفتيس الـ DCT و عيوبه المتكررة أو القاتلة زى ما إنت وصفتها فده ناتج عن الإستخدام السىء للفتيس الأوتوماتيك و الجهل الكبير من السائقين فى كيفية التعامل مع الأوتوماتيك بصفة عامة و التبديل العنيف و الخاطىء بين الإختيارات P - D - N وخلافه و السرعات و عدم فهم آلية عمل الأوتوماتيك عموماً لإن غالبيتنا واخد على فتيس الـ CVT أو حتى الفتيس المنيوال و بيتعامل مع الأوتو زى المانيوال مما يؤثر بالسلب على الجيربوكس و الدوائر الإلكترونية الحساسة داخله بل و السوفت بتاعه كمان ...

أكتر من كده .. التعامل الخاطىء و غير الصحيح مع النقلات فى الفتيس و الإستخدام الغلط للزراير و المفاتيح بتاعته ممكن إنه يؤثر حتى على عمر الفتيس بالكامل و تضطر لتغييره و تتكلف كتير و تكره اليوم اللى سُقت فيه أوتوماتيك .. ده فيديو بسيط بالعربى عمله أحد الأشخاص على اليوتيوب عن الإستخدام الصحيح للفتيس الـ DCT :

https://www.youtube.com/watch?v=mw9e32yr-8A

و واحد كمان بالإنجليزى أهو :

https://www.youtube.com/watch?v=W42zsFYjZvM

و فيه كمان فيديوهات كتير بتبين لنا الطريقة الصحيحة لإستخدام هذا النوع من الجير أو الفتيس المتطور اللى إحنا يمكن مش واخدين عليه شويه هنا لإنه لسه جديد علينا و عايز فهم لطريقة إستخدامه الصحيحة علشان مايبوظش مننا ...

مش كده و بس .. ده فيه شركات كتير دلوقتى زى كيا و فولكس فاجن و فورد و كرايسلر و غيرهم بيعملوا الفتيس الأوتو الجديد ثنائى الإسطوانة DCT زى ما هو واضح من الفيديو الإنجليزى ده :

https://www.youtube.com/watch?v=V120PfzszL0

و إلا بقى نسأل نفسنا سؤال و هو : معقول يعنى الشركات الكبيرة دى هبلة للدرجادى علشان تعمل حاجات تِخسر بيها الزباين و تطفش منها الناس و تخسر سمعتها بالشكل ده ؟؟؟ .. أو إن العلماء اللى إخترعوا نظام ال DCT الجديد كانوا وقتها نايمين على ودانهم أو مش فاهمين إلكترونيكس أو حتى ميكانيكا ؟؟؟ .. معقول يعنى الكلام ده ؟ ...

على العموم أنا حأعمل بحث معمق و محايد عن أسباب المشكلة دى و حأشوف ما إذا كانت التكنولوجيا هى السبب ولا المستخدمين ليها أصلاً هما السبب ...

تقبلوا تحياتى
مهندس أحمد رأفت

زي ما قلت لحضرتك قبل كده يا باشمهندس... الفتيس الـDCT بيدينا أداء عالي جدا ونسبة فقد الطاقة تعتبر هي الأقل في الوقت الحالي...

بس الكلام ده حلو جدا لو كان المطلوب من العربية هو الأداء أولا...

إنما لو بتدور على الاعتمادية وطول العمر... فلازم تتنازل شوية وتقبل بتكنولوجيا قديمة بعض الشيء... بمعنى إنها تكون حاجة أثبتت كفاءة ومشاكلها قليلة.. مش لسه حاجة الشركات بتتعلم علينا ازاي تعملها كويس.

ما تنساش إن طلبك الأساسي في عربية تشتريها بدون ندم .. وواضح إن حضرتك ناوي تخلي العربية عندك مدة طويلة شوية.. يعني حضرتك بتدور على الاعتمادية في المقام الأول.


فيه حاجة مهمة عايز ألفت نظر حضرتك ليها... إن الفتيس الـDCT تركيبه الداخلي يختلف تماما عن الفتيس الأوتوماتيك العادي...

أو بمعنى أصح... الفتيس الأوتوماتيك المعتاد يختلف تماما عن أي فتيس يدوي أو ثنائي الاسطوانة أو حتى يدوي بتحكم أوتوماتيكي.. لإن كل دول بيشتغلوا عن طريق تعشيق التروس (أو الـdogs علشان أبقى دقيق).. والفتيس اليدوي بتحكم أوتوماتيكي (AMT) (أحيانا بيسموه نصف أوتوماتيكي Semi-Automatic) ما هو إلا فتيس يدوي بس نقل الغيارات عن طريق وحدة تحكم آلية.

والفتيس الـDCT هو نفس فكرة الفتيس اليدوي ولكن مجموعات التروس راكبة على عمودين رئيسيين.. كل واحد ليها كلتش/دبرياج لوحده.. وده بيخلي التغيير بين الغيارات أسرع.. وطبعا التغيير بيبقى أوتوماتيك...

أما في الفتيس الأوتوماتيكي التقليدي فبيشتغل عن طريق كذا مجموعة من التروس الكوكبية (planetary gears) واللي بتعشق عن طريق تشغيل/فصل مجموعات من الكلتشات (Clutch pack)

ادخل على الموضوع ده لتوضيح الفروق:

https://www.nilemotors.net/Nile/479054-a.html

ويا ريت تفتحه من براوزر غير جوجل كروم أو فايرفوكس.. لإن أغلب الصور في المنتدي حاليا مش بتظهر فيهم
أفضل تستخدم مايكروسوفت إيدج أو أوبرا.

...