حد يفيدني ويساعدني ياجماعة لو سمحتم ... انا محتار جداااا

[Ahmed menam]

السلام عليكم ,,

لو سمحتم ياجماعة افيدوني ,, انا محتار اشد الحيرة مابين نيو أوبترا 2018 وصني سوبر صالون 2018 ولوجان 2018 واكسنت ار بي 2018 والنترا اتش دي 2018 ..

انا كل الي يهمني في العربية الثبات والاعتمادية وقوة التكييف ليس أكثر ...

أرجو الإفادة لو سمحتم ياجماعة بكل حيادية ..

[salam100100]

الثبات مش هتلاقيه فيهم كلهم- اه كلهم بيجروا (كورى طبعا) لكن الثبات هتكون نقطه الضعف فيهم.
الاعتماديه كلهم متقاربين واعتقد النيسان هتكون اكثرهم
قوه التكييف الكورى يكسب تم النيسان ثم اللوجان

احييك على المقارنه الحياديه بين العربيات- حضرتك مختار مجموعه عربيات فعلا الاختيار مش سهل

[Ahmed menam]

الثبات مش هتلاقيه فيهم كلهم- اه كلهم بيجروا (كورى طبعا) لكن الثبات هتكون نقطه الضعف فيهم.
الاعتماديه كلهم متقاربين واعتقد النيسان هتكون اكثرهم
قوه التكييف الكورى يكسب تم النيسان ثم اللوجان

احييك على المقارنه الحياديه بين العربيات- حضرتك مختار مجموعه عربيات فعلا الاختيار مش سهل

شكرا جدا ليك يافندم .. بس ممكن اسئل حضرتك طيب مين في دول احسن الوحشين ؟ لانو فعلا الفئات دي قريبة من بعض جدا ...

[borio1704]

في رأيي أفضلهم هي الإيلانترا hd

العربيات التانية كلها من فئة سيارات المدينة.. حجمها صغير نسبيا.. ومش مطلوب منها ثبات لإن سرعتك جوه المدينة غالبا مش هتتعدى الـ100 كم/س.

الإيلانترا عموما من فئة السيارات المدمجة.. ودي فئة أكبر من فئة سيارات المدينة...
ميزة الإيلانترا hd إن نظام التعليق الخلفي مستقل متعدد الوصلات (ملتي لينك)... وده المفروض يدي ثبات أعلى من نظام عمود الالتواء (تورشن بيم)
كمان الإيلانترا عربية اعتمادية وأثبتت كفاءة خلال السنين اللي فاتت.. والناس عارفاها كويس.

في رأيي الإيلانترا عيبها حاجتين:

1- موديل قديم وقف إنتاجه في كوريا من سنة 2012.. وبالتالي انت سايق حاجة نزل بعدها جيلين من نفس العربية.. بس نفس الكلام وأكتر يتقال على الفيرنا (وقف إنتاجها في كوريا من سنة 2005 ونزل بعدها جيلين والتالت نزل السنة دي).

2- العربية متجمعة في مصر.. وده أحيانا بيكون مصدر قلق من ناحية الجودة والتقفيل.. بس نفس الكلام يتقال على النيسان صني.. واللوجان أتوقع إنها تقفيل مغربي.

لو مش فارق معاك النقطتين دول يبقى توكل على الله.

ما أنصحكش بالنيو أوبترا ولا اللوجان

...

[ahmed_wagih]

شكرا جدا ليك يافندم .. بس ممكن اسئل حضرتك طيب مين في دول احسن الوحشين ؟ لانو فعلا الفئات دي قريبة من بعض جدا ...

يهمنى اعرف لية حضرتك مش بتفضل لوجان
انا معايا لانوس وان شاء الله ابيع واجيب لوجان عايز رايك حضرتك لانى بثق فية جدااا يا بوريو
جربتك قبل كدة فى الزيوت وواضح انك فاهم

[Ahmed menam]

في رأيي أفضلهم هي الإيلانترا hd

العربيات التانية كلها من فئة سيارات المدينة.. حجمها صغير نسبيا.. ومش مطلوب منها ثبات لإن سرعتك جوه المدينة غالبا مش هتتعدى الـ100 كم/س.

الإيلانترا عموما من فئة السيارات المدمجة.. ودي فئة أكبر من فئة سيارات المدينة...
ميزة الإيلانترا hd إن نظام التعليق الخلفي مستقل متعدد الوصلات (ملتي لينك)... وده المفروض يدي ثبات أعلى من نظام عمود الالتواء (تورشن بيم)
كمان الإيلانترا عربية اعتمادية وأثبتت كفاءة خلال السنين اللي فاتت.. والناس عارفاها كويس.

في رأيي الإيلانترا عيبها حاجتين:

1- موديل قديم وقف إنتاجه في كوريا من سنة 2012.. وبالتالي انت سايق حاجة نزل بعدها جيلين من نفس العربية.. بس نفس الكلام وأكتر يتقال على الفيرنا (وقف إنتاجها في كوريا من سنة 2005 ونزل بعدها جيلين والتالت نزل السنة دي).

2- العربية متجمعة في مصر.. وده أحيانا بيكون مصدر قلق من ناحية الجودة والتقفيل.. بس نفس الكلام يتقال على النيسان صني.. واللوجان أتوقع إنها تقفيل مغربي.

لو مش فارق معاك النقطتين دول يبقى توكل على الله.

ما أنصحكش بالنيو أوبترا ولا اللوجان

...

انا بشكرك جدا بجد يافندم علي النصيحة هوا انا بالفعل كان بالنسبالي احسن الوحشين هي كانت الانترا hd .... وفعلا كنت خايف من التقفيل المصري زي ماحضرتك قولت .... بس انا الي كنت عايز اعرفو حاجة واحدة من ناحية الموضوع دا انا ميهمنيش مستوي تقفيل خامات التابلوة والابواب وكدا انا كل الي يهمني تقفيل العربية نفسها من عفشة وميكانيكا وكهربا وبس كدا .. هل التقفيل المصري دا بيأثر بالسلب علي تقفيل الموتور والعفشة والكهربا وكدا ولا التقفيل المصري جودتو بتبان في الخامات الداخلية لصالون السيارة ؟؟ وشكرا لك واسف علي اسئلتي الكتيرة دي بس فعلا انا محتار جدا .

[Ahmed menam]

ومعلش يافندم انا عندي سؤال تاني هو العفشة الخلفية للنيسان صني مالتي لينك ولا تورشن بيم ؟؟ يعني التورشن بيم في النيسان مقلل ثباتها اوي كدا للدرجة دي ؟؟ عشان مجربتهاش قبل كدا الصراحة

[scientist9508]

أفضلهم إلانترا hd لكن تعايش مع التقفيل السىء و لكنها أفضل آداء و إعتماديه منهم كلهم

[Ahmed menam]

أفضلهم إلانترا hd لكن تعايش مع التقفيل السىء و لكنها أفضل آداء و إعتماديه منهم كلهم

تمام يافندم بس انا عايز حد يقولي هل التقفيل السيء في العربية دي يخص تقفيل خامات الصالون الداخلية ولا التقفيل السيء دا شامل تقفيل الميكانيكا والكهربا والعفشة ؟؟ لانو تقفيل الصالون مش هيهمني اكتر من تقفيل الاساسيات اكيد .... ياريت تفيدني لو سمحت

[borio1704]

تمام يافندم بس انا عايز حد يقولي هل التقفيل السيء في العربية دي يخص تقفيل خامات الصالون الداخلية ولا التقفيل السيء دا شامل تقفيل الميكانيكا والكهربا والعفشة ؟؟ لانو تقفيل الصالون مش هيهمني اكتر من تقفيل الاساسيات اكيد .... ياريت تفيدني لو سمحت

االأول لازم نعرف إبه هو التقفيل....

"التقفيل" مصطلح المقصود بيه تركيب أو تجميع الأجزاء مع بعض، واللي غالبا بتبقى محتاجة دقة علشان الأجزاء دي تركب مع بعض وهي مرتاحة وما تسببش مشاكل أثناء الحركة أو الاستعمال فيما بعد...

مشاكل التقفيل غالبا بتبقى في الصالون والفرش الداخلي بس... لإن أغلب الأجزاء دي بتبقى بلاستيك وببتركب مع بعض بالضغط أو بالربط.. والأجزاء البلاستيكية دي فيه بعضها بيتعمل في مصر واحتمال نلاقي فيها بعض العيوب.


بالنسبة للميكانيكا والعفشة والكهربا.. نادر جدا لو حصل فيهم حاجة...

الموتور بييجي متقفل من بلده... والعفشة مفيهاش حاجة نقدر نعتبرها مشكلة في التقفيل...
والكهرباء مشاكلها غالبا بتكون في الأسلاك والترامل بتاعتها (ترامل جمع ترمنال أو الفيشة بتاعت السلك) والسلك أتوقع يكون جاي بردو من بلده أو يبقى جاي من شركة "ليوني" المتخصصة في ضفاير الكهربا في مصر.. ودي ما أتوقعش منها مشاكل لإنها بتصدر إنتاجها لأوروبا (ده لو كانوا بينزلوا إنتاج في مصر أصلا.)

بس مهم بردو حضرتك تعرف إن الهيونداي HD المجمعة في مصر بتنتج أساسا في الصين وقطعها كلها صينية بما فيها الموتور... بس ما تنساش بردو إن ده بيتم تحت إدارة هيونداي... وزي ما الصين بتعمل الآيفون في الصين بجودة عالية فنفس الكلام يتقال هنا بردو (ده المتوقع).



بالنسبة لسؤالك عن عفشة الصني.... كل العربيات اللي حضرتك ذكرتها عفشتها تورشن بيم... ما عدا الإيلانترا HD

بس حضرتك لازم تعرف حاجة مهمة جدا جدا...

الصني الجديدة لا تقارن بالإيلانترا نهائيا.. لإن نيسان عملت حاجة غريبة علينا في الشرق الأوسط...

الصني القديمة كانت تصنف في فئة السيارات المدمجة.. والفئة دي كبيرة والمنافسة فيها عالية جدا... وفيها أسماء مشهورة زي: تويوتا كورولا ، هوندا سيفيك ، فولزفاجن جيتا ، أوبل آسترا ، هيونداي إيلانترا ، كيا سيراتو...

في العادة .. كل جيل من العربيات بيبقى أكبر من اللي قبله... بس الصني الجديدة قلبت الآية...

حاليا الصني نزلت إلى فئة أقل.. وبقت بتنافس في فئة سيارات المدينة... والفئة دي بردو معروفة جدا بعربيات مشهورة زي: تويوتا يارس ، هوندا سيتي ، فولزفاجن بولو ، أوبل كورسا ، هيونداي آكسنت ، كيا ريو...

ودلوقتي اللي بقى بينافس في فئة العربيات المدمجة (بدال الصني القديمة) هي نيسان سنترا.


علشان كده مسألة الثبات في الصني مهياش حاجة كويسة.. ومش هي لوحدها على فكرة لإن الفئة دي من العربيات أساسا ثباتها وحش... لإن الثبات مهواش أولوية بالنسابالها.


...

[cahmeda911]

السلام عليكم
انا واقع في نفس الحيرة انا بقالي سنة ونص بايع العربيه ولما قررت اشترى محتار والله في نفس اختياراتك بخلاف اني شايل الاوبترا من الاختيارات وبعد بحث قررت الالنترا الاتش دى تاني فئة ٢٣٧ الف بس للاسف عرفت ان مش بينزل فيها اي عوامل امان ولا abs ,ebd ,airbag هي بتنزل بس بفتحة سقف وللاسف مش بينزلو الا في اعلي فئة(عوامل الامان ) وبالنسبة للهيونداي rb نفس الشئ اول فئه ٢٤٧ الف مفيش اي عامل امان وفي اختها السولاريس تقفيل روسي ٢٤٧ الف لا تختلف عنها في شئ الا انها بتنزل ب abs,ebd,airbag حتي انا مش متأكد من ebd بس بتنزل بمتور ١٤٠٠ سي سي وانا الصراحة استحالة اشترى عربيه ١٤٠٠ سي سي بعد تجربتي مع الريو ١٤٠٠ سي سي
اخيرا مفيش غير الصني واللوجان الفئة التانية والاتنين فيهم abs, ebd , 2airbag, ايموبليزر
وانا الصراحة محتار لان الصنى ١٥٠٠ سي سي (224 الف)واستهلاك بنزين اقل نسبيا مع صاج خفيف واطارات المونيوم بخلاف اللوجان ١٦٠٠ سي سي(210 الف) مع استهلاك اعلي للبنزين صاج افضل من الصني واطارات بغطاء بلاستيك مع بلوتوث و فتحة usb
وعلي فكرة انا فكرت في اللانسر شارك بس للاسف اول فئة هتكون غالية بالنسبه لي ٢٦٤ الف ومش بتنزل الا ب airbag واحدة فقط للسائق
عالعموم يا استاذ احمد لو توصلت لشئ ارجو منك الافادة .

[Ahmed menam]

االأول لازم نعرف إبه هو التقفيل....

"التقفيل" مصطلح المقصود بيه تركيب أو تجميع الأجزاء مع بعض، واللي غالبا بتبقى محتاجة دقة علشان الأجزاء دي تركب مع بعض وهي مرتاحة وما تسببش مشاكل أثناء الحركة أو الاستعمال فيما بعد...

مشاكل التقفيل غالبا بتبقى في الصالون والفرش الداخلي بس... لإن أغلب الأجزاء دي بتبقى بلاستيك وببتركب مع بعض بالضغط أو بالربط.. والأجزاء البلاستيكية دي فيه بعضها بيتعمل في مصر واحتمال نلاقي فيها بعض العيوب.


بالنسبة للميكانيكا والعفشة والكهربا.. نادر جدا لو حصل فيهم حاجة...

الموتور بييجي متقفل من بلده... والعفشة مفيهاش حاجة نقدر نعتبرها مشكلة في التقفيل...
والكهرباء مشاكلها غالبا بتكون في الأسلاك والترامل بتاعتها (ترامل جمع ترمنال أو الفيشة بتاعت السلك) والسلك أتوقع يكون جاي بردو من بلده أو يبقى جاي من شركة "ليوني" المتخصصة في ضفاير الكهربا في مصر.. ودي ما أتوقعش منها مشاكل لإنها بتصدر إنتاجها لأوروبا (ده لو كانوا بينزلوا إنتاج في مصر أصلا.)

بس مهم بردو حضرتك تعرف إن الهيونداي HD المجمعة في مصر بتنتج أساسا في الصين وقطعها كلها صينية بما فيها الموتور... بس ما تنساش بردو إن ده بيتم تحت إدارة هيونداي... وزي ما الصين بتعمل الآيفون في الصين بجودة عالية فنفس الكلام يتقال هنا بردو (ده المتوقع).



بالنسبة لسؤالك عن عفشة الصني.... كل العربيات اللي حضرتك ذكرتها عفشتها تورشن بيم... ما عدا الإيلانترا HD

بس حضرتك لازم تعرف حاجة مهمة جدا جدا...

الصني الجديدة لا تقارن بالإيلانترا نهائيا.. لإن نيسان عملت حاجة غريبة علينا في الشرق الأوسط...

الصني القديمة كانت تصنف في فئة السيارات المدمجة.. والفئة دي كبيرة والمنافسة فيها عالية جدا... وفيها أسماء مشهورة زي: تويوتا كورولا ، هوندا سيفيك ، فولزفاجن جيتا ، أوبل آسترا ، هيونداي إيلانترا ، كيا سيراتو...

في العادة .. كل جيل من العربيات بيبقى أكبر من اللي قبله... بس الصني الجديدة قلبت الآية...

حاليا الصني نزلت إلى فئة أقل.. وبقت بتنافس في فئة سيارات المدينة... والفئة دي بردو معروفة جدا بعربيات مشهورة زي: تويوتا يارس ، هوندا سيتي ، فولزفاجن بولو ، أوبل كورسا ، هيونداي آكسنت ، كيا ريو...

ودلوقتي اللي بقى بينافس في فئة العربيات المدمجة (بدال الصني القديمة) هي نيسان سنترا.


علشان كده مسألة الثبات في الصني مهياش حاجة كويسة.. ومش هي لوحدها على فكرة لإن الفئة دي من العربيات أساسا ثباتها وحش... لإن الثبات مهواش أولوية بالنسابالها.


...

ا / بوريو

انا ممنون ليك جدا علي شرحك الوافي الصريح بكل التفاصيل الي محدش قالهالي قبل كدا دي .. انا بجد بشكرك جدااا جداااا
انا فعلا ثبتت اختياري علي الالنترا ال HD اعلي فئة عشان عوامل الامان ال ABS و EBD وال Airbags
وبجد انا مشكور جدا لنصيحتك الوافية بتفاصيلها
وعندي سؤال بجد محيرني من بتوع غبور محدش فيهم افادني فيه ... هي العربية دي واخدة كام نجمة في اختبارات الامان ؟؟ قعدو يقولولي هي واخدة 4 نجوم في اختبارات 2008 قولتلهم انا ليا الي موجودة دلوقتي موديل 2018 التقفيل المصري مش التانية الكوري .. محدش فيهم رد عليا للاسف ولا فهمو حاجة .. ممكن حضرتك تفيدني اية قصتها في درجة امانها ؟؟؟
وممكن حضرتك تقولي لو حد معاه العربية تعرفو يقولي بس هي ثابتة علي طرق السفر لحد كام كيلو ؟؟ ومطمئنة في طرق السفر ولا لا ؟

[Ahmed menam]

السلام عليكم
انا واقع في نفس الحيرة انا بقالي سنة ونص بايع العربيه ولما قررت اشترى محتار والله في نفس اختياراتك بخلاف اني شايل الاوبترا من الاختيارات وبعد بحث قررت الالنترا الاتش دى تاني فئة ٢٣٧ الف بس للاسف عرفت ان مش بينزل فيها اي عوامل امان ولا abs ,ebd ,airbag هي بتنزل بس بفتحة سقف وللاسف مش بينزلو الا في اعلي فئة(عوامل الامان ) وبالنسبة للهيونداي rb نفس الشئ اول فئه ٢٤٧ الف مفيش اي عامل امان وفي اختها السولاريس تقفيل روسي ٢٤٧ الف لا تختلف عنها في شئ الا انها بتنزل ب abs,ebd,airbag حتي انا مش متأكد من ebd بس بتنزل بمتور ١٤٠٠ سي سي وانا الصراحة استحالة اشترى عربيه ١٤٠٠ سي سي بعد تجربتي مع الريو ١٤٠٠ سي سي
اخيرا مفيش غير الصني واللوجان الفئة التانية والاتنين فيهم abs, ebd , 2airbag, ايموبليزر
وانا الصراحة محتار لان الصنى ١٥٠٠ سي سي (224 الف)واستهلاك بنزين اقل نسبيا مع صاج خفيف واطارات المونيوم بخلاف اللوجان ١٦٠٠ سي سي(210 الف) مع استهلاك اعلي للبنزين صاج افضل من الصني واطارات بغطاء بلاستيك مع بلوتوث و فتحة usb
وعلي فكرة انا فكرت في اللانسر شارك بس للاسف اول فئة هتكون غالية بالنسبه لي ٢٦٤ الف ومش بتنزل الا ب airbag واحدة فقط للسائق
عالعموم يا استاذ احمد لو توصلت لشئ ارجو منك الافادة .

انا بالفعل كنت محتار نفس حيرتك بس ثبتت تفكيري علي الاتش دي اعلي فئة عشان عوامل الامان الي حضرتك ذكرتها ال abs و ebd والايرباجز
اللوجان حلوة جداااا علي فكرة بس انا مش عاجبني شكلها هي اذواق مش اكتر .. بس سعرها حلو علي امكانيتها كدا . ومع ناس كتير بتشكر فيها
ولو في اي سؤال انا معاك

[borio1704]

ا / بوريو

انا ممنون ليك جدا علي شرحك الوافي الصريح بكل التفاصيل الي محدش قالهالي قبل كدا دي .. انا بجد بشكرك جدااا جداااا
انا فعلا ثبتت اختياري علي الالنترا ال HD اعلي فئة عشان عوامل الامان ال ABS و EBD وال Airbags
وبجد انا مشكور جدا لنصيحتك الوافية بتفاصيلها
وعندي سؤال بجد محيرني من بتوع غبور محدش فيهم افادني فيه ... هي العربية دي واخدة كام نجمة في اختبارات الامان ؟؟ قعدو يقولولي هي واخدة 4 نجوم في اختبارات 2008 قولتلهم انا ليا الي موجودة دلوقتي موديل 2018 التقفيل المصري مش التانية الكوري .. محدش فيهم رد عليا للاسف ولا فهمو حاجة .. ممكن حضرتك تفيدني اية قصتها في درجة امانها ؟؟؟
وممكن حضرتك تقولي لو حد معاه العربية تعرفو يقولي بس هي ثابتة علي طرق السفر لحد كام كيلو ؟؟ ومطمئنة في طرق السفر ولا لا ؟

محدش هيفيدك في موضوع الأمان ده خالص لسبب بسيط.... إن العربية إنتاجها وقف رسميا في كوريا من 2010... والموديل ده حاليا مش بينتج في حتة تانية في العالم إلا في الصين ومصر.

فكل اللي تقدر تتحصل عليه هي معلومات قديمة عن أداء العربية أيام ما كانت الموديل الرسمي في الفترة من 2006-2010...

احتمال تعرف مستوى أمانها حاليا لو اتعمل لها اختبار في الصين...

ده موقع الهيئة الصينية لاختبارات التصادم في الصين: http://www.c-ncap.org/
للأسف مش بيفتح من عندي... بس جرب وشوف.

وما تنساش كمان إن تقييم الأمان بيختلف من بلد للتانية.. وبيختلف كمان حسب تجهيزات الأمان في العربية... فلو العربية مجهزة بنظام بـ6 إيرباجات مثلا فمؤكد هتاخد تقييم أعلى من العربية اللي مفيهاش غير 2 بس..


بالنسبة للثبات..

أنا سقت الكوري منها سنة 2009 على ما أذكر (كنت واخدها إيجار)... وسافرت بيها من اسكندرية للقاهرة وفضلت معايا حوالي 3 أيام لحد ما رجعت...

العربية بشكل عام ثباتها معقول... على الخط السريع أنا جبت بيها حوالي 160 وكنت مطمئن بشكل كبير ... بس على السرعة دي أي حركة مفاجئة معناها فقد السيطرة على العربية تماما...

ما أنصحكش تزود عن 120 مع معظم العربيات ... سواء دي أو غيرها.

عموما... ادخل على الفيديوهات دي.. أعتقد فيها كلام مفيد:

https://www.youtube.com/watch?v=oVxN5pu-CPw

https://www.youtube.com/watch?v=wwDJRgAdBoo

وما تنساش تشوف العربية بنفسك من قريب.

أنصحك بردو تقرا الموضوع ده.. يمكن يفرق معاك.

https://www.nilemotors.net/Nile/329150-a.html

...

[Ahmed menam]

محدش هيفيدك في موضوع الأمان ده خالص لسبب بسيط.... إن العربية إنتاجها وقف رسميا في كوريا من 2010... والموديل ده حاليا مش بينتج في حتة تانية في العالم إلا في الصين ومصر.

فكل اللي تقدر تتحصل عليه هي معلومات قديمة عن أداء العربية أيام ما كانت الموديل الرسمي في الفترة من 2006-2010...

احتمال تعرف مستوى أمانها حاليا لو اتعمل لها اختبار في الصين...

ده موقع الهيئة الصينية لاختبارات التصادم في الصين: http://www.c-ncap.org/
للأسف مش بيفتح من عندي... بس جرب وشوف.

وما تنساش كمان إن تقييم الأمان بيختلف من بلد للتانية.. وبيختلف كمان حسب تجهيزات الأمان في العربية... فلو العربية مجهزة بنظام بـ6 إيرباجات مثلا فمؤكد هتاخد تقييم أعلى من العربية اللي مفيهاش غير 2 بس..


بالنسبة للثبات..

أنا سقت الكوري منها سنة 2009 على ما أذكر (كنت واخدها إيجار)... وسافرت بيها من اسكندرية للقاهرة وفضلت معايا حوالي 3 أيام لحد ما رجعت...

العربية بشكل عام ثباتها معقول... على الخط السريع أنا جبت بيها حوالي 160 وكنت مطمئن بشكل كبير ... بس على السرعة دي أي حركة مفاجئة معناها فقد السيطرة على العربية تماما...

ما أنصحكش تزود عن 120 مع معظم العربيات ... سواء دي أو غيرها.

عموما... ادخل على الفيديوهات دي.. أعتقد فيها كلام مفيد:

https://www.youtube.com/watch?v=oVxN5pu-CPw

https://www.youtube.com/watch?v=wwDJRgAdBoo

وما تنساش تشوف العربية بنفسك من قريب.

أنصحك بردو تقرا الموضوع ده.. يمكن يفرق معاك.

https://www.nilemotors.net/Nile/329150-a.html

...

انا بجد مش عارف اقولك اية ... شرح وافي وكافي ومحايد .... انا اي حاجة بعد كدا هسئلك عنها والله ... انت شخص محترم جداااا ... شكرا لك جزيل الشكر يافندم