نيو أكسنت - كيا ريو - بروتون جين 2

[hani945]

ده موقع شركة كيا على الانترنت وفيه صفحة السيارة كيا ريو

http://www.kiamotors.com/Inter_Show/P_Car/Rio/Inter_Rio.htm

وعلى يسار الصفحة توجد قائمة يمكن اختيار منها ( مواصفات المحرك - والكماليات - والأمان - وشكل السيارة من الداخل - والخارج )

[د./اليشع ثابت]

جين 2 الافضل

[moudy88]

بجد مش عارفة اقولك ايه ,, بجد ربنا يخليك

وحلوة اوي الحتة بتاعت كبار السن والحوامل دي

معا انك خوفتني شوية من موضوع العفشة دا بس برضة

كتر خيرك... و ربنا يبركلك فيها

بس مش كتير 600 في صيانة؟!!!

-------------------------

نفسي حد يعمل كدا بقى على الريو و ياريت تبقى 2009

العفو ياbuzzy انا بس عايز اعرفك كل حاجه عن الاكسنت ...وبالنسبه للصيانه اللي ب600 جنيه... اسالي عمو غبور اللي غلاها بعد لما كانت ب350 ...وانا مقدرتش اقارنهالك بالجين2 ولا الكيا علشان انا ماركبتهمش قبل كده ... وربنا يوفقك إن شاء الله

[buzzy]

االايرباج فعلا موجودة على حسب كلام المعارض وهي ايرباج واحدة للسائق

سعر الريو بالاضافات على اخر كلام وصلني 81000 جنيه والاتوماتيك 86000 جنيه
بالمناسبة لو امكن
ياريت تجيبي اوتوماتيك
بجد اللي يسوق اوتوماتك خصوصا في مصر عمره ما يرجع للمانيوال تاني ابدا

تسلم إيدك بجد.. بالنسبة للأتوماتيك معتقدش ان والدي هيرضا ب6000 فرق

GEN 2 for sure

شكراً ليك

لو زى مابتقولى انتى عاوزة 1600 سىسى ووالدك هايركبها وبتقولى انك مش بتفكرى تغيرى العربية لمدة 6 او 7 سنين
يبقا عندك النيو اكسنت والجين 2
بس طبعا السيارتين اداءهم رياضى شوية -ممكن الوالد مايكنش النوعية هاتكون مناسبة ليه من حيث الشكل الشبابى والاداء الرياضى
عربية مناسبة ليكى ولوالدك+ مش ناوية تغيرى+اداء كويس=كيا ريو
وربنا يوفقك فى اختيار اى سيارة منهم لانهم كلهم كويسين
وعشان نباركلك عليها إن شاء الله

الله يبارك فيك مقدماً.. و شكراً على رأيك المهم

بالنسبة للشكل الرياضي فهى هتبقى بتاعتي اصلاً:10D5C8~1107:

يعني هيركبها كرم اخلاق مني

ده موقع شركة كيا على الانترنت وفيه صفحة السيارة كيا ريو

http://www.kiamotors.com/Inter_Show/P_Car/Rio/Inter_Rio.htm

وعلى يسار الصفحة توجد قائمة يمكن اختيار منها ( مواصفات المحرك - والكماليات - والأمان - وشكل السيارة من الداخل - والخارج )

انا عرفة و دخلت عليه.. وشكراً لتعبك

بس زي محضرتك عارف ان العربية عقبال متنزل مصر ام الدنيا

بتكون الكماليات نزلت النص

جين 2 الافضل

شكراً ليك

العفو ياbuzzy انا بس عايز اعرفك كل حاجه عن الاكسنت ...وبالنسبه للصيانه اللي ب600 جنيه... اسالي عمو غبور اللي غلاها بعد لما كانت ب350 ...وانا مقدرتش اقارنهالك بالجين2 ولا الكيا علشان انا ماركبتهمش قبل كده ... وربنا يوفقك إن شاء الله

بشكرك على ردك تاني..

برضة 600 دا كتير اوي ..انا كدة شكلي هبعد عن غبور:k26:

[buzzy]

ايه يا جماعة... روحتوا فين

الريو ولا الأكسنت

و يا ريت لو حد يعرف مواصفات الريو 2009

زي مابتنزل مصر ؟؟

شكراً ليكوا في كل الأحوال

[Hesham_91]

نــيـو أكسنــت و سيبك من الريـو .... بس لو تعرفي تأجلي الشراء شهرين أو 3 يكون أحسن

[histfox_2]

بالنسبة لمواصفات الريو 2009

4 زجاج كهرباء + باور + سنت لوك

الكاسيت الأصلى المدمج فى التابلوه (مش موجود فى الأكسنت)

أير باج واحدة للسائق(مش موجود فى الأكسنت)

والمواصفات دى كانت بتنزل only for high line @ 2008
لكن أصبحت أساسية فى 2009 سواء للمانيوال أو للأوتوماتيك

والسعر 81 أو 82 للمانيوال و87 للأوتوماتيك.

وممكن تتصلى بالدليل 140
وتاخدى رقم توكيل كيا ، وتستفسرى على أى حاجة محتاجاها

[ahmed_bq]

وجهة نظري خليكي في الجين2 نمرة 1
يأما نيو اكسنت

ايه ظروفك في المستعمل؟

[buzzy]

نــيـو أكسنــت و سيبك من الريـو .... بس لو تعرفي تأجلي الشراء شهرين أو 3 يكون أحسن

انا فعلاً أجلت الشراء شوية.. و يا رب الأسعار تنزل

شكراً ليك

بالنسبة لمواصفات الريو 2009

4 زجاج كهرباء + باور + سنت لوك

الكاسيت الأصلى المدمج فى التابلوه (مش موجود فى الأكسنت)

أير باج واحدة للسائق(مش موجود فى الأكسنت)

والمواصفات دى كانت بتنزل only for high line @ 2008
لكن أصبحت أساسية فى 2009 سواء للمانيوال أو للأوتوماتيك

والسعر 81 أو 82 للمانيوال و87 للأوتوماتيك.

وممكن تتصلى بالدليل 140
وتاخدى رقم توكيل كيا ، وتستفسرى على أى حاجة محتاجاها

شكراً ليك جداً بجد انا من أول التوبيك عايزة حد يقولي الكلام دا
للأسف انا حالياً مش في مصر..بس نزلة خلال 20 يوم
وان شاء الله ناويه أروح أتفرج بنفسي و أقارن
والى هرتحلها أكتر بقى هجيبها ان شاء الله

معلش أخر حاجة..

حضرتك شايف اني أحسن أضحي بموتور الأكسنت عشان مزايا التوكيل و ال air bags الى فالريو
ولا أخليني في الأكسنت أحسن؟؟

وجهة نظري خليكي في الجين2 نمرة 1
يأما نيو اكسنت

ايه ظروفك في المستعمل؟

انا فعلاً كانت عجباني الجين..

بس هي أغلى و بصراحة انا مش بحب اغامر بالأسم

دانا هشتري كوري بالضرب

ومش معا المستعمل

[histfox_2]

العفو ، لا شكر على واجب ..

بالنسبة للتضحية بالموتور مقابل التوكيل والآيرباج ، أحب أن أضيف فوق التوكيل والآير باج أن الريو 2009 بالكاسيت الأصلى المدمج فى التابلوه (جايه كده من بلدها) والكاسيت مش متركب هنا فى مصر زى الأكسنت ودى حاجة شكلاً أجمل ..

أنا عن نفسى مش فارق معايا ال 200 سى سى دول ، خصوصاً إن موتور الريو ال1400 قوى وبيطلع 97 حصان ، ف ده جميل بالنسبالى. خصوصاً إنو موفر فى البنزين (بالنسبالى ساكن فى 6 أكتوبر وشغلى فى مدينة نصر)

دا غير إعتبارات التوكيل و الإيرباج زى ما حضرتك قلتى.

أنا كنت ناوى أجيب الريو اليومين دول ، بعد ما كنت فى نفس الحيرة بتاعتك ، أنا لسه متعلم سواقة ، بس عملت حادثة بعربية والدى ال 28 (الحمدلله إنها 28) وبهدلتها. (خبطت فى الرصيف .. وصلت للشاسيه وعورت مراتى وحاجة نيلة! مع إنى كنت سايق فى أكتوبر والشارع فاضى .. بس خدتنى الجلالة قدام مراتى وعملت فيها شوماخر ولبست!)

جريت فى وقت غير مناسب .. فى مكان غير مناسب .. بعربية غير مناسبة .. مع شخص غير مناسب .. فى ظروف غير مناسبة! الحمد لله على كل حال.

المهم جالى عقدة .. ونويت أجيب فيورا وللا 127 عادة!!!!

كذا شهر كده وبعدين أجيب ريو على آخر 2009 بأمر الله.

المهم بالنسبة لموضوعنا الأصلى أنا أرشحلك ريو إن شاء الله بناءً على ما سبق

(طبعاً مش هاتاخدى بالنصيحة بعد ما اتعرفتى على خبرتى العميقة فى عالم السيارات .. :))

[buzzy]

العفو ، لا شكر على واجب ..

بالنسبة للتضحية بالموتور مقابل التوكيل والآيرباج ، أحب أن أضيف فوق التوكيل والآير باج أن الريو 2009 بالكاسيت الأصلى المدمج فى التابلوه (جايه كده من بلدها) والكاسيت مش متركب هنا فى مصر زى الأكسنت ودى حاجة شكلاً أجمل ..

أنا عن نفسى مش فارق معايا ال 200 سى سى دول ، خصوصاً إن موتور الريو ال1400 قوى وبيطلع 97 حصان ، ف ده جميل بالنسبالى. خصوصاً إنو موفر فى البنزين (بالنسبالى ساكن فى 6 أكتوبر وشغلى فى مدينة نصر)

دا غير إعتبارات التوكيل و الإيرباج زى ما حضرتك قلتى.

أنا كنت ناوى أجيب الريو اليومين دول ، بعد ما كنت فى نفس الحيرة بتاعتك ، أنا لسه متعلم سواقة ، بس عملت حادثة بعربية والدى ال 28 (الحمدلله إنها 28) وبهدلتها. (خبطت فى الرصيف .. وصلت للشاسيه وعورت مراتى وحاجة نيلة! مع إنى كنت سايق فى أكتوبر والشارع فاضى .. بس خدتنى الجلالة قدام مراتى وعملت فيها شوماخر ولبست!)

جريت فى وقت غير مناسب .. فى مكان غير مناسب .. بعربية غير مناسبة .. مع شخص غير مناسب .. فى ظروف غير مناسبة! الحمد لله على كل حال.

المهم جالى عقدة .. ونويت أجيب فيورا وللا 127 عادة!!!!

كذا شهر كده وبعدين أجيب ريو على آخر 2009 بأمر الله.

المهم بالنسبة لموضوعنا الأصلى أنا أرشحلك ريو إن شاء الله بناءً على ما سبق

(طبعاً مش هاتاخدى بالنصيحة بعد ما اتعرفتى على خبرتى العميقة فى عالم السيارات .. :))

معلش انها جت على قد كدة.. قدر الله و ما شاء فعل

على فكرة انا برضه لسة جديدة في السواقة

وسوقت عربية والدي (لادا الكو) لو تعرفها

عربية تقيلة و كبيرة بس الحمد الله حتى الأن مافيش خسائر



انا بس محتارة بين دول ومش عايزة مستعمل بصراحة

انا مصدقت انه رضي يجيبها :)

انا حتى كنت فاكرة ان قطع غيار الأكسنت ارخص طلع العكس

انا ان شاء الله هنزل اتفرج على الاتنين و أشوف بقى..

شكراً ليك وخلي بالك بعد كدة:k36:

[mimo3000]

بصى انا معلش هزودلك حيرتك شويه بس حجات خليها فدماغك عشان يوم متنوى تشترى متقوليش هو انا ليه مفكرتش فكذا او كذا

انا من وجهه نظرى شايف انسب حاجه ليكى السيريون دى دايهاتسو اسم كبير وتوكيل كويس وقطع غيار معقوله
السيريون مانيوال ب 80.500 واتوماتيك 85.000 هى 1300 هتوفر معاكى فالبنزين جداااا وهى عربيه بناتى وكويسه وشكلها حلو
وخلى بالك انها 1300 على بودى صغير فهتبقى قوتها عاليه والعربيه سحبها كويس جداااا وثباتها عالى على الطريق
وفى منها 1500 اتوماتيك ب 91.000

بالنسبه للنيو اكسنت فانا مش من انصارها بالمقارنه مع الجين 2 والسيريون
الكيا ريو انا ركبتها هى مريحه بس انا محبتهاش يعنى رايي البيكانتوا بالنسبالك احلى منها (كبنت يعنى)

نيجى بقى للجين 2 دى حبيبتى بجد وانا انشاء الله هجيبها قريب عربيه ثابته جداااااا وموتورها قوى وشكلها حلو وفيها كماليات كتيره جدااااااااااا تمنها فيها يعنى والعربيه اسمها بدأ يبقى ليه وزنه فالسوق وانا شايفها بتشق طريقها كويس وبمجهود العربيه مش اعلانات وكده وكله بيشكر فيها

بس لو جينا نقارن بينهم ليكى كبنت ووفقا لاحتياجاتك للعربيه فانا رايي السيريون هتبقى انسبلك
هتوفرلك بنزين وبناتى وسحبها حلو وثباتها حلو وواسعه من جوه مش ضيقه وتوكيلها كويس وماركه تجاريه كويسه وعزمها كويس بالنسبه لحجمها الصغير ده هتديكى قوه جمده للعربيه لو عملتيها بالنسبه والتناسب مع عربيه 1600 وحجمها كبير هتلاقى الفرق بسيط

معلش طولت عليكى ..

انا رايي (من وجهه نظرى انا الشخصيه يعنى) ترتيب العربيات كالاتى :
1-سيريون
2-جين2
3-ريو
4-نيو اكسنت

وربنا يوفقك للى فيه الخير يارب
واسف للاطاله

[akram2010]

السلام عليكم اختنا الكريمه
طبعآ النيو اكسنت حسب اختيارتك...
ماكينه 1600 سى سى واعلى قدرة حصان 112 ودة اهم حاجه . دة غير قوة تكييف الهيونداى وشكلها حلو وشيك جدآ وعربيه كوريه 100% . عربيه مكتسحه شوارع السعوديه ولو ما كانت سيارة تستاهل كان مثلها مثل السيارات الموضوعه فى المقارنه . اتوكلى على الله وافضل مكان من توكيل بلدك ممكن تلاقيها زيادة 1000 ج او لا . بصراحه لا ادرى ولكن بتكون سيارات مضمونه 100% من اى عيوب وابعدى من غش تجار المكاتب والمستوردين لآن كلهم فى الاخريقولوا لك على التوكيل. اذن من الاول خذى منهم افضل

[akram2010]

اخى الكريم اختى الكريمه
ان اردت شراء سيارة :-
1-افضل تكييف فى عز الحر
2-افضل تصميم ورحابه فى الداخل وتابلوة قيادة شيك ومتسع لكل اغراضك من غير ماتشعر بالضيق
3--افضل واعلى قدرات حصان تشعر بيها فى السحب والسرعه عند تحميل سيارتك بافراد واغراض
4-افضل سعر فى البيع بدون خسائر مثل الماركات الاخرى
5-اسم وجودة سيارات مكتسحه فى الخليج والسوق الامريكى والكندى
6-قطع غيار رخيصه ومتوفرة واصلاحها لايشترط خبرات عاليه واجهزة كشف ترهقك فى المصاريف
7-خدمات مابعد البيع بضمان هيونداى الشركه الام بمعايير عالميه منافسه

مافيش الا هيونداى العملاق الكورى فى القرن 21

[ya_broker]

اخى الكريم اختى الكريمه
ان اردت شراء سيارة :-
1-افضل تكييف فى عز الحر
2-افضل تصميم ورحابه فى الداخل وتابلوة قيادة شيك ومتسع لكل اغراضك من غير ماتشعر بالضيق
3--افضل واعلى قدرات حصان تشعر بيها فى السحب والسرعه عند تحميل سيارتك بافراد واغراض
4-افضل سعر فى البيع بدون خسائر مثل الماركات الاخرى
5-اسم وجودة سيارات مكتسحه فى الخليج والسوق الامريكى والكندى
6-قطع غيار رخيصه ومتوفرة واصلاحها لايشترط خبرات عاليه واجهزة كشف ترهقك فى المصاريف
7-خدمات مابعد البيع بضمان هيونداى الشركه الام بمعايير عالميه منافسه

مافيش الا هيونداى العملاق الكورى فى القرن 21

هوحضرتك اسمك اكرم ولا غبور