نيو أكسنت - كيا ريو - بروتون جين 2

[Ahmed Samy]

من عرض حضرتك للموضوع يبق كيا ريو
سواقة داخل المدينة يبقى 1400 كفاية قوي قوي
+ توكيل مريح
+مافيش حوار ظهر عن اعطال
+سعر مناسب للميزانية المطروحة

و ربنا يوفقك للخير

[dodi2]

كيا ريو و متهيالى حتى لو الوالد سقها مافيش مشكلة و تنفع عائلية و موفرة و توكيل نضيف, و ربنا يوفقك.

[buzzy]

رأيى ان اضمن عربيه فيهم واقوى موتور وأرخص قطع غيار واحسن اعادة بيع + للاسف اسوأ توكيل هى النيو اكسنت
والميزه انك لو جبتى من التوكيل نفسه او موزع معتمد هى ان العربيه مبتتبهدلش وبتيجى من المينا على حمالات اللى هى العربيات الكبيره دى فكدا بتبقى اضمن
انما المعارض بيجيبوها من المينا بسواقين عشان يوفروا وده طبعا بيعرض العربيه للبهدله غير احتمال انها تتخبط فيقوموا مصلحينها وبايعينها على انها جديده او يلعبوا فى العداد
رأيى خليكى فى التوكيل اضمن واحسن بس عيبه انك بتحجزى فتره على ماتاخدى العربيه مش استلام فورى
وزى ماقولتلك فى الاول النيو اكسنت انسب اختيار ليكى

من عرض حضرتك للموضوع يبق كيا ريو
سواقة داخل المدينة يبقى 1400 كفاية قوي قوي
+ توكيل مريح
+مافيش حوار ظهر عن اعطال
+سعر مناسب للميزانية المطروحة

و ربنا يوفقك للخير

كيا ريو و متهيالى حتى لو الوالد سقها مافيش مشكلة و تنفع عائلية و موفرة و توكيل نضيف, و ربنا يوفقك.

يا سلام عليكوا ,, بجد ريحتوني شوية
يعني كدة يا أكسنت يا ريو
و شكراً جدا على معلومة التوكيل او المعرض
--------------------------------------------------
بس اخر طلب أو استفسار و بليز متزهقوش مني
1. هل الموزع المعتمد = التوكيل ولا برضة مش مضمون؟
2. ايه الفرق بين الأكسنت و الريو في :
-اسعار قطع الغيار
-اعادة البيع
-الكماليات
(يعني عجلة القيادة بتطظبط و الحزام و كرسي السواق بيعلى ويوطى و في سي دي ولا لاء في الريو )
يا ريت لو حد عندة المواصفات كاملة للريو يقولي عليها عشان احنا عارفين ان الى على سايت كيا عقبال ماينزل مصر بتكون الكماليات نقصت النص

3. هل فعلاً عفشة الأكسنت نشفة و سيئة وتضايق الى راكب؟

وشكراً جداً ليكوا على المساعدة

[Dream286]

نفس الحيرة بالظبط والله اللي انا فيها وكنت طرحت موضوع عن الريو والاكسنت وكنت اضفت ليهم الرينو اللوجان نظرا لسعرها المنافس والامكانيات

النيو اكسنت موتور 1600 ميزة مهمة جدا بالاضافة انها ارخص من الكياريو
ومتوفرة دلوقتي في مصر
الكياريو 1400 بس شكل اجمل في وجهة نظري الشخصية وكمان توكيل محترم وافضل بشهادة الجميع
الاهم من التوكيل والشكل انها فيها ايرباج ودي حاجة مهمة جدا جدا على الطريق لأن انا بنفسي اعرف واحد عمل حادثة واقسم انه لولا ستر ربنا ان العربية فيها ايرباج كان ممكن الامور تبقي اصعب من كدة بكتير
العربيتين كمان نفس الموتور تقريبا لأن الشركة الأم واحدة
النيو اكسنت على فكرة مش تقيلة ولا حااجةبالعكس عربية ناعمة جدا جدا انا تقريبا بركبها كل يومين مع واحد زميل ليا وفعلا عربية ممتازة
لكن خلاصة القول انا عن نفسي لحد اللحظة دي ناوي ان شاء الله اجيب الكياريو لكن الله اعلم لأن لسة ادامي شهرين جايز الاقي حاجة افضل
وعموما اعتقد انك مش هتندمي لو اخترتي اي عربية من الاتنين لانهم فعلا كويسين

[crazylambada]

انا مع كيا ريو

[buzzy]

انا مع كيا ريو

شكراً لاهتمامك .. وشكلها كدة ريو

نفس الحيرة بالظبط والله اللي انا فيها وكنت طرحت موضوع عن الريو والاكسنت وكنت اضفت ليهم الرينو اللوجان نظرا لسعرها المنافس والامكانيات

النيو اكسنت موتور 1600 ميزة مهمة جدا بالاضافة انها ارخص من الكياريو
ومتوفرة دلوقتي في مصر
الكياريو 1400 بس شكل اجمل في وجهة نظري الشخصية وكمان توكيل محترم وافضل بشهادة الجميع
الاهم من التوكيل والشكل انها فيها ايرباج ودي حاجة مهمة جدا جدا على الطريق لأن انا بنفسي اعرف واحد عمل حادثة واقسم انه لولا ستر ربنا ان العربية فيها ايرباج كان ممكن الامور تبقي اصعب من كدة بكتير
العربيتين كمان نفس الموتور تقريبا لأن الشركة الأم واحدة
النيو اكسنت على فكرة مش تقيلة ولا حااجةبالعكس عربية ناعمة جدا جدا انا تقريبا بركبها كل يومين مع واحد زميل ليا وفعلا عربية ممتازة
لكن خلاصة القول انا عن نفسي لحد اللحظة دي ناوي ان شاء الله اجيب الكياريو لكن الله اعلم لأن لسة ادامي شهرين جايز الاقي حاجة افضل
وعموما اعتقد انك مش هتندمي لو اخترتي اي عربية من الاتنين لانهم فعلا كويسين

انا معاك طبعاً..

بس حضرتك متأكد ان الريو فيها AIR BAGS

و يا ريت لو تعرف مواصفاتها الى بتنزل مصر ممكن تقولي عليها موديل 2009 طبعاً

اصل كدة يبقى الريو اكيد احسن...

بشكرك جداً ويا ريت ترد عليا تاني ..

[Hosam_Optrawy]

لا اعتقد ان الريو فيها اير باجز
ده السيراتو مفيهاش
ياريت حد يأكدلنا المعلومه دى

[moudy88]

بصي ياbuzzy انا هقولك على قد ماقدر كل حاجه عن النيو اكسنت علشان هيا معانا بقالها سنه وهي مانيوال موديل 2006

اولا.الماتور: 1600 سي سي بيدي 112 حصان بتكنولوجيا cvvt اللي هي موفره للبنزين (قوه جباره جدا بالنسبه للحجم) والعربيه في منتها النعومه وبتجمع في النقلات بسرعه والتسارع رهيب وصوت الماتور عالي شويه بس مازيكا والسرعه القصوى 210
2-العفشه : ناشفه قوي ودي طبعا بتدي اتزان عالي جدا على حساب الراحه
وبتأثر على اللي قاعد ورا وبتخليه بينط فوق وتحت وخاصه على مطبات مصر الحبيبه(مانصحكيش تركبي كبار السن والحوامل ومرضى القلب)
3-الاتزان: عالي جدا لحد 170 وبعد كده بيبقى عادي
ونظام التعليق جامد جدا بحيث انك ممكن تاخدي curve على 80
4-الصاج الخارجي متين وبيستحمل والشكل الخارجي جميل جدا وفيه انسيابيه(راي شخصي)
5-العزل جامد جدا واول لما تقفلي الزجاج هتنعزلي عن العالم الخارجي
6-التكييف: عالى النقاء (مافيش اي اثر لاي رائحه) ولكن قوته عاديه وبيحتاج تنضيف للفلتر في الشهر مرتين علشان بيتسد بسرعه .. ولا يؤثرعلى سحب الماتور
7-الباور: موديل عربيتي كان الباور كهرباء ولكن في الموديلات 2008 و2009 هيدروليك
9-الكماليات: 4 زجاج كهرباء وكاسيت cd وسنتر(سيء جدا وبيعلق عالطول) مع وجود مسند للذراع بجانب الشائق مع وجود كمبيوتر رحلات
المرايات الكهرباء موجوده في الموديل الاوتوماتيك فقط
10- التابلوه: شيك وبينتمي للتصميمات الحديثه لونين تحت بيج وفوق بني (على حسب لون عربيتك)
والعدادات ذات تصميم حديث وسبور والاضاءه ممتازه
ولكن فيه عيب انه مفيش امبير حراره وموجود بدل منه لمبه (لما اللمبه تنور ازرق تبقى العربيه بارده) (لما اللمبه تنور احمر تبقى العربيه هتولع وتسيبها وتجري)
ولكن ده في الموديل بتاعي 2006 ومش عارف اذا كان موجود في 2009 ولا لا
11 - الصالون: مريح وواسع بالنسبه لفئه العربيه ويتسع 3 علي الكنبه الورانيه مستريحين
والجلوس على كرسي السائق بيدي احساس انك مالك العربيه والطريق
الفرش الاصلي عندي بيج وبيبقى على حسب لون العربيه وبيتسخ بسرعه ويفضل تركيب كسوه
12-استهلاك البنزين: ممتاز بالمقارنه بفئه ال1600 يعني ال20 لتر بيعملوا 230 كم في وسط البلد بدون تكييف
مع اثر واضح لتشغيل التكييف 180كم لل20 لتر
13-الصيانه: من اول لما جبتها وبعملها صيانه في غبور كل 10000 كم وبادفع 600 جنيه شامله الزيت
والحمد لله عمرها ماعطلت مني عارغم من اني اشتريتا مستعمله
14-اعاده البيع: سعر اعاده البيع ممتاز جدا وخفيفه في البيع(لانها هيونداي) بعكس الكيا التقيله في البيع وسعر اعاده البيع واقع شويه
وراي العام في العربيه انها عربيه حديثه و رياضيه وبتاعت جري لكن ماتنفعش تبقى عائليه
واخيرا ارجو اني اكون افدتك بعد الرغي ده و ربنا يوفقك...............

[buzzy]

بصي ياbuzzy انا هقولك على قد ماقدر كل حاجه عن النيو اكسنت علشان هيا معانا بقالها سنه وهي مانيوال موديل 2006

اولا.الماتور: 1600 سي سي بيدي 112 حصان بتكنولوجيا cvvt اللي هي موفره للبنزين (قوه جباره جدا بالنسبه للحجم) والعربيه في منتها النعومه وبتجمع في النقلات بسرعه والتسارع رهيب وصوت الماتور عالي شويه بس مازيكا والسرعه القصوى 210
2-العفشه : ناشفه قوي ودي طبعا بتدي اتزان عالي جدا على حساب الراحه
وبتأثر على اللي قاعد ورا وبتخليه بينط فوق وتحت وخاصه على مطبات مصر الحبيبه(مانصحكيش تركبي كبار السن والحوامل ومرضى القلب)
3-الاتزان: عالي جدا لحد 170 وبعد كده بيبقى عادي
ونظام التعليق جامد جدا بحيث انك ممكن تاخدي curve على 80
4-الصاج الخارجي متين وبيستحمل والشكل الخارجي جميل جدا وفيه انسيابيه(راي شخصي)
5-العزل جامد جدا واول لما تقفلي الزجاج هتنعزلي عن العالم الخارجي
6-التكييف: عالى النقاء (مافيش اي اثر لاي رائحه) ولكن قوته عاديه وبيحتاج تنضيف للفلتر في الشهر مرتين علشان بيتسد بسرعه .. ولا يؤثرعلى سحب الماتور
7-الباور: موديل عربيتي كان الباور كهرباء ولكن في الموديلات 2008 و2009 هيدروليك
9-الكماليات: 4 زجاج كهرباء وكاسيت cd وسنتر(سيء جدا وبيعلق عالطول) مع وجود مسند للذراع بجانب الشائق مع وجود كمبيوتر رحلات
المرايات الكهرباء موجوده في الموديل الاوتوماتيك فقط
10- التابلوه: شيك وبينتمي للتصميمات الحديثه لونين تحت بيج وفوق بني (على حسب لون عربيتك)
والعدادات ذات تصميم حديث وسبور والاضاءه ممتازه
ولكن فيه عيب انه مفيش امبير حراره وموجود بدل منه لمبه (لما اللمبه تنور ازرق تبقى العربيه بارده) (لما اللمبه تنور احمر تبقى العربيه هتولع وتسيبها وتجري)
ولكن ده في الموديل بتاعي 2006 ومش عارف اذا كان موجود في 2009 ولا لا
11 - الصالون: مريح وواسع بالنسبه لفئه العربيه ويتسع 3 علي الكنبه الورانيه مستريحين
والجلوس على كرسي السائق بيدي احساس انك مالك العربيه والطريق
الفرش الاصلي عندي بيج وبيبقى على حسب لون العربيه وبيتسخ بسرعه ويفضل تركيب كسوه
12-استهلاك البنزين: ممتاز بالمقارنه بفئه ال1600 يعني ال20 لتر بيعملوا 230 كم في وسط البلد بدون تكييف
مع اثر واضح لتشغيل التكييف 180كم لل20 لتر
13-الصيانه: من اول لما جبتها وبعملها صيانه في غبور كل 10000 كم وبادفع 600 جنيه شامله الزيت
والحمد لله عمرها ماعطلت مني عارغم من اني اشتريتا مستعمله
14-اعاده البيع: سعر اعاده البيع ممتاز جدا وخفيفه في البيع(لانها هيونداي) بعكس الكيا التقيله في البيع وسعر اعاده البيع واقع شويه
وراي العام في العربيه انها عربيه حديثه و رياضيه وبتاعت جري لكن ماتنفعش تبقى عائليه
واخيرا ارجو اني اكون افدتك بعد الرغي ده و ربنا يوفقك...............

بجد مش عارفة اقولك ايه ,, بجد ربنا يخليك

وحلوة اوي الحتة بتاعت كبار السن والحوامل دي

معا انك خوفتني شوية من موضوع العفشة دا بس برضة

كتر خيرك... و ربنا يبركلك فيها

بس مش كتير 600 في صيانة؟!!!

-------------------------

نفسي حد يعمل كدا بقى على الريو و ياريت تبقى 2009

[hani945]

هذا الموضوع عن السيارة كيا ريو من أحد الزملاء فى المنتدى

http://www.nilemotors.net/Nile/showthread.php?t=38785

[mga747]

سبيرانزا تيجو 2009
4x2
فول أوبشن
مانيوال
95000 جنيه

[buzzy]

هذا الموضوع عن السيارة كيا ريو من أحد الزملاء فى المنتدى
http://www.nilemotors.net/Nile/showthread.php?t=38785

شكراً ليك ..

انا دخلت على الموضوع دا قبل كدة بس برضة كنت عايزة اعرف المواصفات الى بتنزل مصر في الريو 2009

مانيوال - 1400CC

الكماليات بس المرايات, عجلة القيادة, الكرسي الامامي

كدة يعني

[Dream286]

شكراً لاهتمامك .. وشكلها كدة ريو



انا معاك طبعاً..

بس حضرتك متأكد ان الريو فيها AIR BAGS

و يا ريت لو تعرف مواصفاتها الى بتنزل مصر ممكن تقولي عليها موديل 2009 طبعاً

اصل كدة يبقى الريو اكيد احسن...

بشكرك جداً ويا ريت ترد عليا تاني ..

االايرباج فعلا موجودة على حسب كلام المعارض وهي ايرباج واحدة للسائق

سعر الريو بالاضافات على اخر كلام وصلني 81000 جنيه والاتوماتيك 86000 جنيه
بالمناسبة لو امكن
ياريت تجيبي اوتوماتيك
بجد اللي يسوق اوتوماتك خصوصا في مصر عمره ما يرجع للمانيوال تاني ابدا

[MoToRiZeR]

GEN 2 for sure

[creative]

لو زى مابتقولى انتى عاوزة 1600 سىسى ووالدك هايركبها وبتقولى انك مش بتفكرى تغيرى العربية لمدة 6 او 7 سنين
يبقا عندك النيو اكسنت والجين 2
بس طبعا السيارتين اداءهم رياضى شوية -ممكن الوالد مايكنش النوعية هاتكون مناسبة ليه من حيث الشكل الشبابى والاداء الرياضى
عربية مناسبة ليكى ولوالدك+ مش ناوية تغيرى+اداء كويس=كيا ريو
وربنا يوفقك فى اختيار اى سيارة منهم لانهم كلهم كويسين
وعشان نباركلك عليها إن شاء الله