استطلاع: سيريون 1.0 أم بونتو كلاسيك أم جيتز

[Ahmed Hamdy]

السريون حلوة جدا .. صالون محترم ومريح جدا وواسع من جوه .. شنطة معقولة بالنسبة لعربية هاتشباك .. يعنى هى أفضل شوية من البونتو .. بس قطع غيارها غالية ..
ده موضوع كان عن قطع غيار دابهاتسو ..

http://www.nilemotors.net/Nile/showthread.php?t=7041&page=6

البونتو كانت الناس بتقول عنها ان قطع غيارها أسعارها معقولة وبرضه معمرة ..

الجيتز حلوة برضه .. بس بصراحة موتور قوى على عربية صغيرة بدون عوامل أمان = خطر كبير ..

أنا محتار ما بين السريون والبونتو ..

[kliken]

جيتز افضل و الله اعلم قطع غيار و صيانه اسها

[Samah AbdAllah]

بونتو اكيد

[Fadi Ezzat]

انت الاحسن ليك سيريون
شكلها تحفة بجد وتحث ان فيها انسيابية عالية
وكمان استهلاكها للبنزين احسن من العربيتين الى انت كاتبهم دول
متوسط استهلاكها 416 كيلو فى الصفيحة
وعمرك ما هتلاقى الاستهلاك دة فى عربية تانية

[Fadi Ezzat]

اة وكمان فيها امكانيات مش موجودة فى العربيتين التانيين
زى abs . 2airbag
يعنى كمان اكثر امانا منهم

[mecho_392]

اة وكمان فيها امكانيات مش موجودة فى العربيتين التانيين
زى abs . 2airbag
يعنى كمان اكثر امانا منهم

اعتقد يا باشا هى مفيهاش abs لكن فى 2 ايرباج فعلا لانى اتأكدت من الاعلان اكتر من مرة ملقتهاش موجودة.

الكماليات
4 زجاج كهرباء
مرايات كهرباء
2 ايرباج
باور
تكييف
سنتر... و الكلام اللى ملوش لزمة

[Fadi Ezzat]

اعتقد يا باشا هى مفيهاش abs لكن فى 2 ايرباج فعلا لانى اتأكدت من الاعلان اكتر من مرة ملقتهاش موجودة.

الكماليات
4 زجاج كهرباء
مرايات كهرباء
2 ايرباج
باور
تكييف
سنتر... و الكلام اللى ملوش لزمة

لأ ياباشا فيها abs

[YoussefMostafa]

لأ ياباشا فيها abs

فادي باشا مين بس قالك ان سيريون وان فيها abs ؟؟

موديلات glx بس هي اللي فيها

[chmohamed]

السريون وان 1000سى سى باور 70 التانك بتاعها بتملاه بخمسين جنيه يمشبك 600 كم واسعه موت من جموه شنطتها بتشيل مشكلتها أن التوكيل بيتعامل مع المصريين على أننا .... شايل الكاسيت و الفرامل Abs مع لنهم موجديين فى كل العالم وبنفس السعر تقريبا أنا حجزت واحده على فكره وقطع الغيار أرخص قطع غيار يابانى ( العربيه يابانى 100%)
البونتو بقى كمين 1300 سى سى و الباور 60 هورس باور يعنى المحرك 1300 سى سى أقل من 1000 سى سى اليابانى ب 18 % تقريبا ده رأيى لأنى لفيت كتير على عربيات فى الرانج ده
ااا صحيح الهيونداى (أقلب)

[YoussefMostafa]

السريون وان 1000سى سى باور 70 التانك بتاعها بتملاه بخمسين جنيه يمشبك 600 كم واسعه موت من جموه شنطتها بتشيل مشكلتها أن التوكيل بيتعامل مع المصريين على أننا .... شايل الكاسيت و الفرامل Abs مع لنهم موجديين فى كل العالم وبنفس السعر تقريبا أنا حجزت واحده على فكره وقطع الغيار أرخص قطع غيار يابانى ( العربيه يابانى 100%)
البونتو بقى كمين 1300 سى سى و الباور 60 هورس باور يعنى المحرك 1300 سى سى أقل من 1000 سى سى اليابانى ب 18 % تقريبا ده رأيى لأنى لفيت كتير على عربيات فى الرانج ده
ااا صحيح الهيونداى (أقلب)

مين بس قال ان التانك بيتملي بخمسين جنية

التانك 40 لتر وهتمون بنزين 92 (1.85) =74 جنية

[mecho_392]

مين بس قال ان التانك بيتملي بخمسين جنية

التانك 40 لتر وهتمون بنزين 92 (1.85) =74 جنية

انا اقل حاجه دفعتها فى ال i10 كانت 58 جنيه (بدون البقشيش )

و الطبيعى 63-62 جم و تنكها اصغر من السيريون.. و التفويلة دى بتمشينى 540-550 كم بالعافيه (فى المدينة)

[chmohamed]

التانك بتاع السريون 1000 اللى أعرفو أنه 29 لتر بس زى الشاريد 1000 وحتى لو مش كده لو مونت 29 لتر ب 92 هيبقى حوالى 54 جنيه وحتى لو كده 29 لتر يمشيك حوالى 600 كم

[YoussefMostafa]

التانك بتاع السريون 1000 اللى أعرفو أنه 29 لتر بس زى الشاريد 1000 وحتى لو مش كده لو مونت 29 لتر ب 92 هيبقى حوالى 54 جنيه وحتى لو كده 29 لتر يمشيك حوالى 600 كم

لا يا باشا التانك 40 مش 29

وبعدين 600 كيلو رقم كبير اوي حضرتك حسبتها علي اساس ان الصفيحة بتمشي 416 كيلو؟

صح ولا ايه؟

[tutankhamoun]

أنت بتتكلم فب توفير البنزين ...... يبقى الجيتز ملهاش لزمة بما أنك أستخدامك كله داخل البلد .

الأفضل هنا في أستخدام البنزين هي السيريون ذات الثلاثة سلندرات .
و لكن يعيبها عيب فظيع .
لو مركب ناس معاك في العربية ..... السحب هايموت .

و البونتو هنا أفضل كثير لأنها موفرة بطريقة بشعة في البنزين و أقوى قليلا من السيريون
يبقى أنت مشكت العصايا من النص
بونتو اللي ممكن تصلحها عند أي ميكانيكي و قطع غيارها ببلاش .
و على فكرة العربية مش جديدة و مين اللي بيقول أن العربية مش منتشرة ؟؟؟؟؟؟؟؟
العربية دي موجودة من التسعينيات و لكن الشكل الجديد أبتدى يتغير مع الموتور من سنة 2000 و سنة 2007
إنما الموتور واحد
لذلك هاتركب عربية موتورها موجود من زمان و بالتالي قطع غيارها مرطرطة في السوق .
العربية لهواة أسماء بلاد المنشأ ....... أيطالي و لا يتم تجميع البونتو في أيد بلد خاج أيطاليا و لو أن أنا شايف أن دي مش ميزة أو عيب أن العربية تطلع أيطالي أو ياباني !!!!!!!!!!!!!!!!!!!!

هو أنا بشتري عربية ........ و لا بلد منشأ ؟؟؟؟

المهم البونتو هي الخيار الوسط .
قوة متوسطة ما بين الجيتز و السيريون .
توفير بنزين يكاد يصل لتوفير السيريون و بتعمل فوق 17 كم لكل لتر بنزين .
توفر قطع غيار ........ و رخيصة
أمثلة :
تيل فرامل 60 جنيه ..... طقم أسطوانة الدبرياج 450 أو 500 جنيه .
سير الكاتينة ب 60 جنيه لو أشتريت من خارج التوكيل أو المراكز المعتمدة
.... و الطقم كله بيتغير في مركز صيانة النيل الهندسية ب 170 جنيه
الحاجة الوحيدة فيها اللي غالية هي الكمبيوتر أو ECU
و ده ثمنه حوالي 1700 جنيه ......... و ده مش من الحاجات اللي بتبوظ ........ بس برضه أنا قلت أقول على ثمنه علشان أنقل الصورة مظبوط .
فانوس أمامي للشكل لغاية 2006 بيعمل 200 خارج التوكيل و صناعة تايواني و في منه تركي بيعمل 250 و الأيطالي الأصلي بيعمل 700 جنيه .
العربية ثابتة جدا لغاية 130 كم -س ما تشعرش بأي حاجة . و أثبت من الجيتز .

طبقا لكلامك يعني أستخدام داخل البلد .... في زحام مستمر .
لا يمكن تضع سيارة 1600 في المقارنة .... و الجيتز ملهاش رجل في المقارنة دي للسبب ده .

يبقى تفكر جديا في حاجة من الموفرين للبنزين
و البونتو في نص الأختيار علشان المميزات اللي أنا شرحتها عليها .
و الله الموفق إن شاء الله .

[tutankhamoun]

البونتو صحيح بتشتغل ببنزين 90 و مش بتسقف ......... و المفضل بنزين 92

السيريون نسبة أنضغاطها أعلى و الكتالوج بتاعها بيقول محتاجه بنزين 95 .
و بالتالي لو مش بتستخدم بنزين 95 ....... عمر الموتور هايقل ....... و التسقيف هايزيد ..... و السحب طبعا هايقل و أحتمال يزيد إستهلاك البنزين قليلا .

و دي نقطة تاني لصلح البونتو .

اعادة البيع
أفضل كثيرا من السيريون .

أنا آسف أفتكرتها بعد ما أرسلت الرد الأول