فيات بونتو ولا هيونداى ماتريكس

[mecho_392]

مع احترامي لعربيتك و الهيونداي عموما
انا مش هتكلم عن الهيونداي
انا هتكلم عن التويوتا كورولا 1300 موديل 2007 البونتو كلاسيك اللى معايا الـ 60 حصان طلعت منها من 0 - 100 اساسا و بعد الـ 140 بدات الكورولا تطلع مني
و طلعت ببساطة من اللانسر 1300 و الياريس طبعا
ده بالنسبة للياباني
انما للكوري
انا مش هقول (I10)
لا انا هقول جيتز 1600 الـ 106 حصان انا شديت مع جيتز بستثناء الغرز لما شدينا مواتير مع بعض لقيته معايا من 0 - 100 و مش عارف يطلع مني مع ان اول مرة اشد مع جيتز و اول ما جت اللحظة دي توقعت بنسبة 100% انه يطحني بس حقيقيي معرفش انا بجد معرفش ازاي

الهيونداي عربياتها محترمة و انا مش بقلل منها بس ممكن يكون مواتيرها اكبر لكن عزمها ولا حاجة جمب عزم البونتو او الفيات عموما
و متسألنيش ازاي الـ 60 حصان عملو كل ده لاني معرفش بس اللى اقدر اقولهولك ان عزمها فوق الجبار فا مابالك بالجراند الـ 1400 سي سي 77 حصان اللى انا متـاكد ان طالما البونتو كلاسيك كده يبقى الجراند تطلع من الماتريكس وما شابهها و شكرا

كورولا 1300 سى سى ((اتوماتيك)) كانت مع صاحبى (و معاه مازدا 3 و عربيات لا حصر لها).. العربية دى بيركب فيها 6 و سحبها زى لانوس 1500 فاضيه... تقولى عديت منها ب (((بونتو)))...

ده احنا عدينا بيها من نوبيرا و دى 1600 سى سى و كنا راكبين 3 فى الكورولا بس مش سرعات عاليه.

ولا سيبك من الكورولا..

جيتز مييييييين يا كابتن...... العربية دى ممكن كل فئة ال 1600 سى سى متقدرش تطلع منها الا civic ال 130hp هى اللى ممكن تكون معاها فى الشد.
و ده معناه انك شديت مع واحد بيتعلم سواقة او بنت و اكيد العربية اوتوماتيك او مش بيشدوا اصلا و انت افتكرته شد لان دى طياااااااااااااااااااااااااره ((مش عربية)).

انا لو بالماتريكس ((((((استحالة)))))) تطلع منى و حط تحتها مليون خط,, و لو ال i10 كمان, بس مبحبش اقرص عليها.

اخيرا بقى تصحيح ليك

الشد يعنى قدرة power مش عزم (لانها على سرعات دوران عالية) 6000 و 5500 rpm مش هتفهمها غير لما تعرف ال engine performance curve.

و بالنسبة للماتريكس عزمها لحد 4500 لفه يعنى شيل البونتو من قدمها.

و عزم ال i10 يدى معظم العربيات بالجزمة (مش كقيمة) لكن كعزم على سرعات دوران منخفضة ((2800 لفه)). فى ناس هتفهمنى.

[mecho_392]

يعني أنت عايز تفهمنا أن البونتو ال-١٢٠٠ بتسحب عن الجتز !!!!!!!!! دة مستحيل عامتاً
و مستحيل تطلع من كورلا ١٣٠٠ حتى دة الكلام
دة لو العربيات دي كلها مانوال

الله ينور عليك يا باشا و على فكره حتى الجراند استحاله تطلع من الجيتز.
الجيتز دى بيتقال عليها عربية لكنها طياره

[ahmad--ezzat]

ده احنا عدينا بيها من نوبيرا و دى 1600 سى سى و كنا راكبين 3 فى الكورولا بس مش سرعات عاليه.

انت حضرتك شكلك معجب بالكرولا جدا ال 1300...لدرجة ان الاتوماتيك بتاعها يطلع من نوبيرا 1600 سى سى 2 كامة علوية 106 حصان..

[mecho_392]

no comment ....
إيه جاب هيونداى لفيات ..
جراند بونتو أنضف من 20 ماتريكس طبعا ..
كجودة و تقفيل و كأداء .... و كأمان ..
و كعمر إفتراضى ..
و كاخامات ...

شكل إنت واحد بتاع بونتو بهدلك بعربيته و إنت عايز تتنتقم هههه
بهزر

بص ممكن نفتى و نقول فيات احسن من بى ام مش هيونداى
بس (بص على هيونداى دلوقتى) فى عربيات ممكن تكون مش سيئه زى ال i30 ((بتتقارن بالجولف)) لو حضرتك عندك خلفية مش بتتكلم من عصر ال 131.

و الاداء ده ملوش علاقة ببلد الصنع.. شوف الجيتز و البى ام 116 ((من ناحية الموتور مش الثبات و اللف و الدوران)

انا الحمد لله عارف نفسى كويس فى الشد و السواقة و مش بتاع لعب طفولى.. و رحم الله امرء عرف قدر نفسه.

[mecho_392]

انت حضرتك شكلك معجب بالكرولا جدا ال 1300...لدرجة ان الاتوماتيك بتاعها يطلع من نوبيرا 1600 سى سى 2 كامة علوية 106 حصان..

نوبيرا ميييييين هى دى عربية.. انا مكنتش بطيق الكورولا لكن لما ركبتها عرفت قيمتها مش بس تطلع من 106 حصان و 2 كامه.

الكورولا 2 كامه و ((((تكنولوجيا)))) بتفتقدها حضرتك فى النوبيرا ال 106 حصان.

[johnnagy]

انت حضرتك شكلك معجب بالكرولا جدا ال 1300...لدرجة ان الاتوماتيك بتاعها يطلع من نوبيرا 1600 سى سى 2 كامة علوية 106 حصان..

و مييين ميعجبش بالكورولا دى على الاقل ضامن انها يابانى 100%
انت بس مخدوع فى النوبيرا و فاكر انها Bugatti عشان طبعا ال 106 حمار اللى فيها
بس انا بعذرك بردوا لان كل من لدية عربية معتقد انها احسن عربية



وعلى رأيك الا الفورد اسألنى انا (اخبار صوت الموتور اية) :k48:

[ahmad--ezzat]

نوبيرا ميييييين هى دى عربية.. انا مكنتش بطيق الكورولا لكن لما ركبتها عرفت قيمتها مش بس تطلع من 106 حصان و 2 كامه.

الكورولا 2 كامه و ((((تكنولوجيا)))) بتفتقدها حضرتك فى النوبيرا ال 106 حصان.

اول حاجة:

هو واضح انك متنرفز..مش عارف لية...يارجل دول عربيات يعنى متستاهلش النرفزة دى كلها...صحتك بالدنيا..

تانى حاجة...احترم رايك بشدة..على قولك ان النوبيرا مش عربية..ممكن تكون فنظرك مش عربية..لكنها فى نظر الناس عربية محترمة واثبتت كفائتها وثباتها فى السرعات + عربية عائلية من الدرجة الاولى

تالت حاجة..ما هى التكنولوجيا اللى بتتكلم عنها اللى هيا مش فى النوبيرا؟..ياريت توضحلى.؟..وياريت توضحلى كمان موتور الكرولا ال 1300 الاتوماتيك يفرق اية عن المانيول.. ومواصفاتة وعزمة.. بالتفصيل ياريت عشان نتكلم كلام علمى ..وما هيا السرعة القصوى للعربية سواء المانيول او الاتوماتيك وياريت تكلمنا على ثبات السيارة بعد ال 100 :10D5C8~1107:

رابع حاجة..اذا كان الاتوماتيك كدة..فى الكرولا ال 1300..امال المانيول بقا اية ياراجل..

خامس حاجة..البونتو اللى حضرتك مستقلة دى ..عربية مدن..يعنى استهلاك بنزين +تسارع من 0 ل 100 اكثر من ممتاز..

[johnnagy]

دة لينك للبونتو 1200 و 60 حصان من 0-100 فى 16 ثانية, تسارع عليييييييييييييييييييييييييييييييييييييييييييييييي يييييل

http://www.youtube.com/watch?v=_Btg83N9NpQ

[ahmad--ezzat]

و مييين ميعجبش بالكورولا دى على الاقل ضامن انها يابانى 100%
انت بس مخدوع فى النوبيرا و فاكر انها Bugatti عشان طبعا ال 106 حمار اللى فيها
بس انا بعذرك بردوا لان كل من لدية عربية معتقد انها احسن عربية



وعلى رأيك الا الفورد اسألنى انا (اخبار صوت الموتور اية) :k48:

النوبيرا..لا طبعا مش مخدوع فيها..العربية زى الفل

بس بردو اخبار صوت الموتور اية..

حاول تظبط التاكيهات بقا..

(متفكرش تبيعها عشان سوقها سىء جدا وممكن تجيبلك 28 30 بالكتير)

[ahmad--ezzat]

و مييين ميعجبش بالكورولا دى على الاقل ضامن انها يابانى 100%
انت بس مخدوع فى النوبيرا و فاكر انها Bugatti عشان طبعا ال 106 حمار اللى فيها
بس انا بعذرك بردوا لان كل من لدية عربية معتقد انها احسن عربية
:k48:

خليك بس فى 64 حمار اللى فى الاسكورت...

وصدقنى مفيش احسن من انك تكون محايد

[johnnagy]

خليك بس فى 64 حمار اللى فى الاسكورت...

وصدقنى مفيش احسن من انك تكون محايد

انا بيعجبنى فردك انك مابتغلطش فى حد و دائما محايد
بس معلومة لحضرتك الاسكورت 1.6 بتخرج 90 حصان دة مفهوش فصال

[ahmad--ezzat]

انا بيعجبنى فردك انك مابتغلطش فى حد و دائما محايد
بس معلومة لحضرتك الاسكورت 1.6 بتخرج 90 حصان دة مفهوش فصال

اية دة ياباشا هو انت معاك 1600 سى سى..

يبقى نزود بقا سعر اعادة البيع شوية..نخليهم 35 اللف جنية..

بس برضو يابية..90 حصان مش قد كدة على جسم السيارة..(دى مش بتتحرك ياراجل)

[johnnagy]

تسارع من 0 ل 100 اكثر من ممتاز..

حضرتك مرديتش على اللينك اللى انا بعتة يعنى

[ahmad--ezzat]

حضرتك مرديتش على اللينك اللى انا بعتة يعنى

لا اللينك دة انا مدخلتش علية الحقيقة لانى مليش دعوة بالبونتو ال 1200 سى سى
انا بتكلم على الفيات بونتو ال 1300 سى سى الايطالى التقفيل ايطالى الموتور الانجكشن..
لكن البونتو ال 1200 سى سى انا معرفهاش..

[johnnagy]

اية دة ياباشا هو انت معاك 1600 سى سى..

يبقى نزود بقا سعر اعادة البيع شوية..نخليهم 35 اللف جنية..

بس برضو يابية..90 حصان مش قد كدة على جسم السيارة..(دى مش بتتحرك ياراجل)

((( مش بتتحرك ))) دة على اساس انها اتقل من الماتركس يا راجل حرام عليك,
اللى حضرتك متعرفهوش ان وزن العربية 1145 كيلو